السلام عليكم ورحمة الله وبركاته
انا عندى 22 سنة بابا وماما متوفين واخواتى كل واحد فى حياته وعايشة لوحدى عندى احساس مبهم وحدة على ملل على اكتئاب رغم انى بدرس وكمان بحس انى ورايا حاجات كتير اعملها لكن فاقدة الشغف فى كل حاجة حواليا
وبما انى من الريف فكل الافكار والاعتقادات من حواليا انى استنى اتجوز عشان اقدر اعمل الى نفسى فيه وبسبب الفكرة دى ظهر عندى هاجس انى عنست وانى لازم ادور على الزوج بنفسى فغلطت واتعرفت على شاب من النت عن طريق آب متخلف كدا وبسبه حصلت مشاكل مع اخواتى واتعاقبت وتقريبا كدا بقت ثقتهم فيا صفر
ودا خلى فى ضغوط منهم اكتر واكتر خنقة انا مش ليماهم لكن تعبت من دورهم الى مجرد دور سجان بيضرب ويعاقب بس والاهم من كدا تعبت من فكرة انتظار فارس الاحلام اللي هيجى يصلح كل حاجة لانى مقتنعة انه مش هيكون ملاك يعنى بل الاسوء هو ممكن ميجيش اصلا ودا يكون نصيبى
فليه كل حاجة تبقى مرتبطة بيه تعبت من التفكير فيه ونفسى اطلع فكرة ان حياتى هتبدأ لما هو يجى تعبت من ضعفى وانا حاسة انى مربوطة ومستنيه يجى يفك قيودى وغير كدا مش هتتحل اعمل ايه حاسة ان بعذب نفسى وفي نفس الوقت حاسة انى محتاجاه معنويا جدا اعمل ايه؟
لو فى بالك ان فارس الاحلام هييجى يخلصك تبقى موهومه... ده مش صح وهيخليكى تقعى مع حد ممكن يبقى سبب فى مشاكل اكبر واصعب من اللى انتى بتتكلمى فيها دلوقت ... بلاش ندور على المشاكل ... انتى مسؤله عن اللحظه اللى عايشاها .. عيشيها صح واتمى كل واجباتك اللى انتى مكلفه انك تعمليها فى مرحلتك العمريه على اكمل وجه وسيبى كل حاجه تيجى فى وقتها ومتستعجليش حاجه ... ربنا يقدم ليكى الخير ويصلح حالك يارب 🌹
تم النشر الأحد، ١٤ ديسمبر ٢٠٢٥
الله يفرج همومنا جميعاً اللهم آمين 🤲🏼
تم النشر الجمعة، ١٢ ديسمبر ٢٠٢٥
لعرض السؤال في فدني اضغط هنا