ما الحل لمشكلتي وأثرها على وضع حياتي؟

Question

السلام عليكم ورحمة الله وبركاته انا عندى 22 سنة بابا وماما متوفين واخواتى كل واحد فى حياته وعايشة لوحدى عندى احساس مبهم وحدة على ملل على اكتئاب رغم انى بدرس وكمان بحس انى ورايا حاجات كتير اعملها لكن فاقدة الشغف فى كل حاجة حواليا وبما انى من الريف فكل الافكار والاعتقادات من حواليا انى استنى اتجوز عشان اقدر اعمل الى نفسى فيه وبسبب الفكرة دى ظهر عندى هاجس انى عنست وانى لازم ادور على الزوج بنفسى فغلطت واتعرفت على شاب من النت عن طريق آب متخلف كدا وبسبه حصلت مشاكل مع اخواتى واتعاقبت وتقريبا كدا بقت ثقتهم فيا صفر ودا خلى فى ضغوط منهم اكتر واكتر خنقة انا مش ليماهم لكن تعبت من دورهم الى مجرد دور سجان بيضرب ويعاقب بس والاهم من كدا تعبت من فكرة انتظار فارس الاحلام اللي هيجى يصلح كل حاجة لانى مقتنعة انه مش هيكون ملاك يعنى بل الاسوء هو ممكن ميجيش اصلا ودا يكون نصيبى فليه كل حاجة تبقى مرتبطة بيه تعبت من التفكير فيه ونفسى اطلع فكرة ان حياتى هتبدأ لما هو يجى تعبت من ضعفى وانا حاسة انى مربوطة ومستنيه يجى يفك قيودى وغير كدا مش هتتحل اعمل ايه حاسة ان بعذب نفسى وفي نفس الوقت حاسة انى محتاجاه معنويا جدا اعمل ايه؟

Accepted Answer

بصي اتجهى لنفسك يعنى نمى ذاتك وقوى شخصيتك. زى اتعلم مهارات جديدة. أو اهتمى ببشرتك وشكلك ولما تلاقى نفسك حلوه اتبسطى ولما تلاقى نفسك بتفكرى فى شريك حياتك روحى اعملى حاجه بتحبيها يعني اهم حاجه متسمحيش لنفسك انك توقعى فى مستنقع التفكير لانو في الاخر احنا اللى بنتأذي فا لما تلاقى نفسك بتفكرى زى ماقولتى حاولى في نفس اللحظه تغيري تفكيرك وتفكرى بأيجابيه وتابعي قنوات تطوير الذات والتنميه والثقه بالنفس كل ده هيفيدك جدا بس اهم حاجه الصبر لانو مش هتتغيري في يوم وليلة سورى لو طولت عليكي

Answer

ما شاء الله لسا سنك صغير والحياة بتبدأ معاكي لكن انتي شيفاها بتنتهي او انتهت بالقيود اللي مسجونة فيها لكن تلك القيود لو نظرنا لها هنلاقي انها طبيعية خصوصآ في حياة القرى والريف ودا بيكون دافع قوي للتشدد عليكي من اخوتك وهذا ليس تقصيرآ منهم لانه نابع عن حب وخوف ولكن بطريقة لا تناسب سنك الحالي لانهم يتعاملو معك وكأنك لا تزالين طفلة لا تعرف شيئ وقد يكون هذا صحيح انك ما زلتي بقلب ابيض مثل الاطفال وبعقل بريء لا يحمل كثير من خبرة الحياة ولذلك تعرضتي لخطأ التواصل مع شخص افتراضي من عالم التواصل ولكن هذه التجربة تعلمك ان فارس الاحلام هو من يأتيك دون ان تبحثي انتي عنه لأن الزواج رزق وكلما اتى بالصبر كان مثمرآ لان الاستعجال يسبب سوء الاختيار وانتي حاولي تشغلي وقتك بين ممارسة هواية او رياضة او استكمال تعليم شيئ تحبين مجاله أو التواصل مع صديقات او الاقارب واعرفي ان نعمة الوقت دي كبيرة ولازم نستثمرها وبلاش تزعلي من اخوتك وتقبلي خوفهم عليكي وانتي استمتعي بعمرك وصغر سنك وبلاش تعيشي في حزن ووحده ويارب يسعد قلبك ويرزقك الزوج الصالح ويبعد عنك كل شر

Answer

السلام عليكم خلينا نمسك نقطه نقطه ونفيد بعض فيها طبعا الملجأ الاول والاساسي في كل النقاط هو الرجوع الي الله فقدان الام والاب صعب ومفيش حاجه تعوض حنانهم وخصوصا لو الاخوات قاسيين الحل حاولي يكون عندك صاحبه سعات الصديقه بتكون احن من الاخ و الام والاب وده هيقلل الاكتئاب والوحده عندك جامد اوي بالنسبه ل اخواتك فا تقريبا انتي الاصغر فا حاولي تسايسيهم لانك في الارياف زي ما قلتي حاولي ع اد ما تقدري تسايسيهم لو حتي هتسمعي من هنا و تخرجي من هنا بالنسبه ل الجواز عبر الانترنت هو ناجح وفيه ناس بتكون بنت حلال ع المواقع ده وبتدخل البيت من بابه لكن سلبياته فيه ناس كتيره بتكون وحشه وايضا منتش ضامنه فيه ناس قريبه منك ام لا بالنسبه بقا للجواز طلعيه من دماغك ومتشغليش بالك بيه وربنا هيفرجها من عنده ولو طالبه الستر والعفه حاولي تكلمي حد من قرايبك تكون ست تشوفلك هي عريس من خلال خاطبه وكدا وده منتشر ف الارياف لو فيه اي حاجه قولي وكلنا بنفيد بعض

ما الحل لمشكلتي وأثرها على وضع حياتي؟

اجتماعية

نفسية

سؤال من احد أعضاء فدني

تم النشر الجمعة، ١٢ ديسمبر ٢٠٢٥

4 إجابة

4 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك