هو في أي طريقة الإنسان يثبت نفسه بيها و هو لسه متجوزش يعني يثبت نفسه من الانتظار و الزعل انه مش قادر يلاقي حد مناسب أنا عارفة ان كل ده قسمة ونصيب بس الموضوع ساعات بيكون صعب عليا جدا وأنا والله بحاول أصبر بس عايزة أحس اني مش عايشة مستنية الجواز بس طول الوقت
سلام عليكم ورحمة الله وبركاته. أنا مدرك تماما إن الخروج مع مأزق المشاعر الصعبة أمر مش سهل. لكن مدرك برضو إن أحد المخارج المهمة المثمرة هو تصحيح الأفكار. لو الأفكار اتصححت بشكل واضح وحاد ومقنع، ده بيساعد كتير في حلحلة المشاعر الصعبة مع الوقت. الفكرة اللي حابب أوضحها لحضرتك إن أول ما الإنسان يشعر إن فيه أمر معين ومحدد يكاد يكون هو طاقة النور الوحيدة في حياته اللي بيسعى ليها بكل جوارحه وحاسس إنه ده هيكون مصدر سعادته الوحيد، الهيئة دي أو هيئة قريبة منها، في رأيي المتواضع علامة واضحة جدا من علامات الخلل أو الاضطراب الذاتي اللي بيسبب آلام نفسية مصدرها الحقيقي هو الذات وليس الاحتياج الناقص، حتى لو كان الاحتياج ده طبيعي ومشروع. وده معناه إن الإنسان في الحالة دي لو مشتغلش عالسبب الحقيقي، فالالام النفسية عنده هتستمر حتى بعد تحقيق الاحتياج اللي كان متصور إنه هو سبب الامه النفسية. يعني كل إنسان عنده احتياجات كتيرة جدا فسيولوجية وعاطفية واجتماعية، وكلها احتياجات طبيعية ومشروعة، وافتقادها هيسبب ألم نفسي أو جسدي قطعا، لكن رغم كده كل إنسان قادر تماما على التعايش مع مقدار معين من الآلام دي، وتجاوزها بشكل لا يؤثر على حالته النفسية عموما وقدرته على إنجاز مسؤولياته اليومية. فأول ما يشعر الإنسان إن دنيته أصبحت شبه محصورة في موضوع واحد ومفيش حاجة قادرة تعوضه عنه، لابد يراجع نفسه ويتفهم إن ده نوع من الهوس بالموضوع. أنا شخصيا عرفت أمثلة كتير من رجال قبل الزواج مهووسين بموضوع الجنس وعايشين في كرب بسبب افتقاده، ونساء مهووسين بالعواطف والاحتواء وعايشين في كرب بسبب افتقاده، واللي بيحصل في الحالتين إن بعد الزواج الاتنين بيجيلهم صدمة إن الزواج مش زي ما كانوا متصورين، ويستمر الألم والفقد، ويبدأوا يوجدوا أي أسباب لتعليق المشكلة على الظروف أو على الطرف الآخر، بينما السبب الحقيقي هو مشكلة الهوس اللي بتخليهم يحطوا للأمر ده أكبر بكتير من حجمه كمصدر وحيد للسعادة. لذلك أنا بقترح إننا ندرب نفسنا على تقبل الأمر الواقع والتعايش معاه بظروفه وبنواقصه لأن هي دي طبيعة الحياة الدنيا. فلما نشعر بالنقص والاحتياج نتذكر انها فرصة جيدة للتدريب والتمرين على ملاحظة وإيجاد أمور أخرى موجودة فعليا بين إيدينا نتسند عليها وناخد منها الدعم زي الأهل أو الأصدقاء أو الشغل أو الدراسة أو الهواية أو الرياضة وغيرها من المساحات اللي لازم نتعلم نستخدمها علشان نساعد نفسنا في الأوقات الصعبة. المهارة دي هي اللي تضمن انه ان شاء الله بعد الزواج او بعد تحقيق اي احتياج بصفة عامة، هنقدر نكون ناضجين ونتعامل مع الأمور بشكل واقعي وصحي.
تم النشر الجمعة، ٥ ديسمبر ٢٠٢٥
احساسك طبيعي جدا واي بنت بتبقي بتحلم باليوم اللي هتتجوز فيه والامير اللي هيجي علي حصان والكلام دا كله بس مش دايما الواقع كدا يمكن لو بصيتي حواليكي هتشوفي انه صعب ومش كل الجوازات بتنجح -ف صبري نفسك ان انا نصيبي لسه مجاش ربنا شايلي الاحسن واشتغلي وخلي عندك طموح من الشغل لو انتي خريجة كليه معينة اشتغلي بشهادتك ولو معاكي دبلوم حاولي تعملي معادلة وتدخلي كليه من قسمك في الدبلوم حتي الدراسة هتشغل وقتك واشغلي واعملي لنفسك حتي لو النصيب جه انتي هتكوني انسانة كبيرة عندك شغل - بس بلاش لمجرد انك عايزة ترتبطي وتتجوزي تقبلي باي حد بلاش استني اللي يساهلك وربنا هيكرمك ان شاء الله
تم النشر الثلاثاء، ٢ ديسمبر ٢٠٢٥
بصي هو الجواز مش كل حاجه بل بلعكس هو ممكن يكون اخر حاجه تفكري فيها ..اولا انتي لو خريجه اشتغلي بشاهدتك لو مستواكي مثلا قليل م مهم خدي كورسات انجلش فرينش ايطالي اي لغه كل اللغات مطلوبه حاليا طيب ليه يعني عادي اعرفي حاجه جديده جددي من نفسك متفضليش عايشه ع امل مانا اكيد هيجي يوم واتجوز لا غلط طول مانتي عايشه جددي من نفسك من لغه طريقة تعامل ..م هعرف اخد كورسات و ماليش دماغ م مهم شوفي حاجه بتحبيها بتحبي الطبخ افتحي مشروع طبخ فشلتي مرة التانيه م مهم افضلي حاولي عادي متستلميش م بحب الطبخ خلاص شوفي انتي بتحبي تعملي اي كورشيه بتعرفي تسوقي لحاجه اياً يكن اي اللي بتحبيه ابدعي فيه وطوري فيه طب انا م بعرف اعمل كل دة خلاص عندك اكتر من حل اتعلمي اللي مبتعرفيش تعمليه هتستفادي م هتخسري حاجه او انزلي جيم ضيعي وقتك في حاجات مفيده م هتحسي بان حياتك واقفه وانك محتاجه تثبتي نفسك و ثبات النفس م بالجواز انك تثبتي نفسك و تحسي انك عملتي حاجه دة ليكي انتي عشان كيانك انتي لكن الجواز مفيش اسهل منه يعني و في الاخر كل ماعليك تراعي اللي بتحبيهم طيب في الفترة دي اكتسبي خبرة من الدنيا زي ما قولتلك كل دي افكار او ممكن تدوري ع شغل م عايزة تشتغلي خلاص فكري ف اللي قولتهولك طيب انا م عايزة اعمل حاجه خلاص فرحي نفسك اشتري اكله بتحبيها اسعدي نفسك بقا اعملي الحاجات اللي انتي عايزة تعمليها بس تكون في اطار يليق بدين و الاحترام م اي حاجه وخلاص😂 ..بس يستي وربنا معاكي ويسندك و يرزقك بابن الحلال واتمنى تكون فيدتك يعني ❤️❤️❤️
تم النشر الثلاثاء، ٢ ديسمبر ٢٠٢٥
أفهم شعورك تماماً — الانتظار على شيء مهم زي الجواز ممكن يكون مرهق ومؤلم، وخاصة لما تحسي إنك “عايِشة مستنيّة” بدل ما تكوني عايشة حياتك. الكلام اللي قلتيه منطقي جداً، وممتاز إنك واعية إنه قسمة ونصيب لكنه برضه صعب. هنا بعض خطوات عملية وروحية تساعدك تثبتي نفسك وتقلّلي شعور الانتظار الزائد: 1. عدّلي معنى الانتظار (إطار التفكير) - حاولي تشوفي الفترة دي كوقت استثمار في نفسك بدل ما تكون “فترة توقف”. الانتظار مش نهاية، هو فرصة للنمو. - حدّدي شو الأشياء اللي لو عملتيها هتحسي إنك تقدّمتِ في حياتك بغض النظر عن الزواج (تعليم، عمل، مهارة، صحة). 2. عملي خطة عملية قصيرة المدى - اكتبي 3 أهداف لهذا الشهر (مثال: دورة قصيرة، مشروع صغير، تحسين روتين رياضي/غذائي، قراءة كتابين). - خصصي وقت أسبوعي لأنشطة تجعلك تفرحين وتشعرين بالإنجاز؛ هيفرق مع المزاج العام. 3. نظمي معاييرك ومرونة التوقعات - اكتبي "الأساسيات" و"الأفضليات" في شريك الحياة — هذا يساعدك تفرّقي بين ما لا يمكن التنازل عنه وما يمكن المرونة فيه. - فكّري لو في حاجات مطلوبة منك لتوسيع دائرة الاختيارات (مثلاً: أماكن تواصلك، طرق التعارف، المرونة في الصفات الجغرافية). 4. ازدياد الفرص بطرق عملية - شاركي في أنشطة مجتمعية، دورات مهنية، نوادي هوايات، أو حتى منصات آمنة للتعارف الشرعي — كل تواصل جديد يزيد فرص التعارف. - فكّري في خدمات الوساطة أو التعارف الشرعي الموثوقة أو حتى استشارة مرشدة زوجية محترفة. 5. العمل على الثقة بالنفس وإدارة المشاعر - سجّلي مشاعرك في مفكرة: متى تشعرين بالحزن؟ ما الأفكار المصاحبة؟ هذا يساعدك تعالجيها ذهنياً (التعرف على التفكير السلبي وتحديه). - مارسي أنشطة تقوّي إحساس الإنجاز: تعلم مهارة جديدة، مشروع صغير، أو عمل تطوعي (إذا كانت مناسبة لك). 6. دعاء وتوكّل مع الأخذ بالأسباب (من منظور إسلامي) - استمري في الدعاء، الاستغفار، وصلاة النوافل واحتساب الأجر — هذه تمنحك راحة قلبية. - أيضاً خذي بالأسباب: تقدّمي بخطوات عملية للتعرّف والاختيار، ثم توكّلي على الله. (العمل مع الدعاء مسار متوازن). 7. اهتمي بصحتك النفسية الجدية - إذا شعرتِ أن الحزن أو اليأس مستمرين ويأثران على حياتك اليومية، من الجيد استشارة مختصة نفسية أو مدربة حياة. يمكنك إيجاد خبيرات متخصصات على صفحة الخبراء في فدني: https://www.fedni.net/experts نصائح سريعة عملية لتقللي شعور “الانتظار” يوم-باليوم - خصصي وقت صباحي لعمل يعطيكي طاقة (قراءة قصيرة أو هدف يومي). - حددي ثلاثة أمور ممتنة يومياً — يساعد على تغيير نظرة العقل. - قلّلي متابعة صور/قصص حفلات الزفاف لو كانت تزيد حزنكِ؛ بدلاً منها تابعي محتوى ملهم يطوّركِ. إذا حبيتي، أقدر أساعدك أعدّل معك خطة عمل شخصية لشهر واحد: نحدّد أهداف صغيرة قابلة للتحقيق وطرق عملية لتوسيع دائرة التعارف وبناء ثقة أكبر. ولو حابّة استشارة نفسية أو مدربة متخصصة، أوجهك لخبراء مناسبين في فدني. أنتِ لست وحدك في الشعور ده، ومع خطوات صغيرة وثابتة راح تحسي بفرق كبير — وأنا هنا معاكِ خطوة بخطوة. — ذكية
تم النشر الثلاثاء، ٢ ديسمبر ٢٠٢٥
٢ من لعيبة كرة القدم الأول فشل في الآداء والثاني نجح .... الأول كان متوتر وقاعد مستني المباراة من قبلها بيومين والثاني مكانش متوتر بشكل كبير واخذ كفايته من النوم وكفايته من الغذاء وكفايته من الراحة واتمرن وكل ده خلال اليومين فنجح ... فلازم تكوني زي اللاعب الثاني وتعيشي يومك مرتّب
تم النشر الثلاثاء، ٢ ديسمبر ٢٠٢٥
مبدأيا هو اللى انتى بتفكرى فيه وبتمرى بيه دا فطرة طبيعي جدا تفكرى انك حابة تتجوزى وتفرحى ، بس تعالى كدا ناخدها حاجة حاجه ، مبدأيا احنا اكيد متفقين انه دا نصيب ، ولعل الخير ف تأخيره لوقت ، انا مش عارفه انتى كام سنة ، بس عموما ومن غير ما اعرف هو مفيش وقت اتاخر او شئ ، الوقت اللى ربنا هيبعتلك نصيبك هو الوقت المناسب ليكي ، يمكن لو جه دلوقتي ميكونش الخير ليكي ، ف محتاج انه يتعلم درس ف كريق وصوله ليكي ، مخنا مش بيفهم النفى ، يعنى لما تقولى مش مستنية لمخك هيترمجها انا مستنية ف الافضل تعيشي دى بانك فعلا تكونى مش مستنية ،،،، تقدرى تتعلمى حاجه بتحبيها اووتجربي تاخكى كورس معين او تعملى صداقات جديدة وتبسطى نفسك ،،،،،، فى اوقات الحاجة اللى عايزينها بتيجي لما ما نستنهاش ،،،، ربنا يرزقك الزوج الصالح
تم النشر الثلاثاء، ٢ ديسمبر ٢٠٢٥
كل حاجه عند ربنا ليها وقتها المناسب
تم النشر الأربعاء، ١٠ ديسمبر ٢٠٢٥
نصيحة لكل الشباب الذى ينتظر الزواج عليك بالصيام و عدم الاكل الكثير خصوصا بعد العشاء قبل النوم و الاشتغال بحفظ القرءان الكريم والصلاة , والبحث عن ذات الدين وذو الدين
تم النشر الأحد، ٧ ديسمبر ٢٠٢٥
الجواز دا نصيب واكيد وان شاء الله هيجيلك الزوج الصالح، انتي مش عارفه اي الصح ربنا عالم يمكن لو حد جه دلوقتي مش يكون كويس ليكي.... المهم انو دي حاجه طبيعيه تفكيرك ف الجواز وانو عاوزه تبني بيت وأطفال وكل دا زي الباقي وزي كل الناس.... بس خلكي عارفه انو كل حاجه بتيجي ف وقتها بتكون هي الخير كلو... عشان تقللي تفكير ممكن تشغلي يومك ب حجات تشغلك يعني تطوري نفسك تلعبي رياضه تهتمي ب بشرتك تزودي ثقتك تقوى الجانب الديني علاقتك ب ربنا.. بودكاست.... اشغلي نفسك.... وادعي كتييير كتييير بالزواج الصالح.... وألحي ف الدعاء...
تم النشر الجمعة، ٥ ديسمبر ٢٠٢٥
بكرا تتجوزي ويطلع عينك متقلقيش ومتستعجليش🤣🤣🤣
تم النشر الخميس، ٤ ديسمبر ٢٠٢٥
ربنا يصلح حالك
تم النشر الأربعاء، ٣ ديسمبر ٢٠٢٥
واشغلي حالك بالصلاة و الصوم و حاولي تنزلي جيم نسائي
تم النشر الأربعاء، ٣ ديسمبر ٢٠٢٥
وحاولي ولدتك تكلم خاطبه و ميجيش حد الا بالمواصفات الي انتي عايزاها او والدك يشوفلك عريس... الامر ده عادي ومفيش منه اي احراج وحصل مع اقارب كتير ليا
تم النشر الأربعاء، ٣ ديسمبر ٢٠٢٥
الصوم هو الحل
تم النشر الأربعاء، ٣ ديسمبر ٢٠٢٥
انتي مش بدوري علي الجواز انتي بدوري على الحب والأمان وده حق اي شخص لكن زي مقولتي كله قسمه ونصيب وإن شاء الله ربنا يبعتلك اللي يحبك ويسعدك ويفرح قلبك.
تم النشر الثلاثاء، ٢ ديسمبر ٢٠٢٥
انتي مش عارفه عايزه ايه بس سهل لو بتفكري في الجواز دي عادي عند كل الناس بس الفكره انك تختاري صح ونصيبك جايلك
تم النشر الثلاثاء، ٢ ديسمبر ٢٠٢٥
لعرض السؤال في فدني اضغط هنا