Salma Mohamed

وعليكم السلام مبدئيا حطي في دماغك انك لو وافقتي وكملتي في العلاقة دي انت اللي هتعيشي مع الشخص ده في بيت واحد بكل مميزاته وعيوبه ومش دائما المظهر الخارجي أو بمعني أدق مش دائما الصورة الذهنية اللي عند الناس عن الشخص اللي قدامهم صح مش معني أن الناس شايفين أنه متدين وهو مصدر لهم الصورة دي أن احنا نشكك في الحقيقة اللي قدامنا طالما انت اكتشفت جانب تاني من شخصيته والجانب ده مش مناسب ليكي وهيضرك ارفضي وده حقك والقرار قرارك بس دايما في طباع في الإنسان عمرها م تتغير الا لو ربنا هداه بقي بس فكرة أن شريك حياتك راجل عينه زايغه هيتعبك معاه ونظراته لغيرك هتتعبك وتحسسك انك قليله حتي لو عاملة كل اللي عليك واتمني ربنا يرزقك بالشخص اللي يستاهلك ويراعي ربنا فيك❤️

حاول تحدد الحاجات اللي ممكن تشجعك علي المذاكرة زي انك تفرح اهلك واكيد ليك أسبابك وحاول تعرف هل اهمالك المذاكرة نوع من الهروب ولا انت بتضغط نفسك اوي فطاقتك بتخلص وحاول تذاكر بنظام ساعة مذاكرة ومن ربع لنص ساعه بريك وبما أن امتحاناتك قربت لازم تشد ولو الفون اللي معطلك حاول تعطيه لحد من أهلك وقت المذاكرة أو حطه في اوضة غير اللي بتذاكر فيها

حاولي تنظمي يومك ويبقي ليك روتين ثابت وتصحي بدري وتنامي بدري لأن ده بيفرق نفسيا كمان حاولي تخرجي تغيري جو تعملي حاجات بتحبيها وحاولي تعرفي بينك وبين نفسك ايه اللي وصلك للحالة دي وحاولي تحلي السبب واقرئي اذكار النوم واتوضي قبل النوم ده هيساعدك تنامي بشكل احسن

كويس انك مدركة أهمية العبادات في حياتنا ابدئي شوفي بودكاست ديني للشيخ احمد العربي مثلا ابدئي التزمي بالصلاة وحاولي تعرفي تفسير السوره اللي بتقرئيها ده هيفرق حتي علي المستوي النفسي حاولي تلتزمي بقراءة الاذكار خصصي ورد يومي من القرآن ولو سورة واحدة ومتستعجليش النتائج خديها واحدة واحدة وأن شاء الله ربنا يهدينا وإياكِ❤️اتمني تستفيدي

كويس أن حضرتك حابة تحسني من نفسك وحريصة انك تطلعي حد سوي،حاولي تقعدي معاه في مرة تكوني هادئة واتكلمي معاه انك زعلانة من اسلوبك معاه وانك محتاجة علاقتكم تبقي احسن من كده،واتكلمي معاه عن الحاجات اللي بتضايقك منه وحددوا مع بعض ازاي تصلحوا الحاجات دي فيه ،وسيبيله مساحة برضه يعبر عن اللي بيضايقه منك زي زعيقك وعصبيتك عليه مثلا وحاولي لما تتعصبي مثلا قبل م تتكلمي اتوضي مثلا وارجعي اتكلمي معاه بهدوء

ده احيانا بيكون بسبب وجود مشكلة في القنوات الدمعية أو بسبب تعرضك لصدمات نفسيةكتير وأكبر من قدرتك على الإحتمال،وعشان تعالجي ده ممكن تمارسي الرياضة ده هيفرق معاكي وعبري عن مشاعرك لو هتجيبي ورقة وقلم وتخيلي انك بتوجهي المشاعر اللي مكبوتة جواك للشخص اللي اتسبب في المشاعر دي،وإن شاء الله تبقي كويسة💗

١-حاولي توضحي لباباكي انك متفهمه أنه بيقولك يادكتورة كنوع من التشجيع وأنه حاطط أمله فيكي بس في نفس الوقت ده ضاغطك ومأثر عليكي بالسلب ٢-حاولي تحددي الأسباب اللي مأثرة علي مذاكرتك بالسلب قد يكون انك ضاغطة علي نفسك من اول السنة خصوصا أن دي مكنتش طبيعتك في السنين اللي فاتت فحاولي تذاكري اول بأول عشان متخلصيش طاقتك في اول السنة وتيجي في الأخر وقت المراجعات معندكيش طاقة لأي حاجه خصوصا أن المراجعات أهم فترة في السنه كلها ٣-حاولي تصلحي الفكرة اللي انت حاطها في دماغك انك مش هتجيبي حاجه وهتخيبي أملهم لان الانسان بيتعامل علي أساس اللي بيؤمن بيه ٤-خصصي وقت اعملي فيه الأنشطة اللي بتديك طاقة واللي بتستمتعي بيها ٥-كويس انك مش ناوية تغشي،اهم حاجة خدي بالأسباب واعملي اللي عليكي وتوكلي علي الله ٦-امتحانات الدروس فرصة للتعلم مش اكتر ولا اقل اهم حاجه استغليها كويس انك تعرفي القصور فين وربنا يوفقك ويحقق لك اللي عايزاه وافتكري أن اللي ربنا بيكتبه هو الخير حتي لو م أدركناش الحكمة منه

مبدأيا الأصل في الخطوبة انكوا تتعرفوا على بعض وتعرفوا صفات بعض،بس في الفترة دي بباكي هو الوحيد المسئول عنك واللي ليه الكلمة عليكي،وبما إنك واضحة من الاول ان ده ستايل لبسك مش من حقه يغيره لو عايز واحدة ليها ستايل معين راسمه في دماغه يدور علي واحده كده،لان من حقك أنه يقبلك زي م انت،وكمان واضح أن مفهوم الرجولة عنده مشوه ومحصور في أنه يضرب ويهين ويعلي صوته،ودايما احنا كبنات بنبقي محتاجين شريك يحسسنا بالأمان متبقاش علاقة ندية،واعتقد أن لو كملتي مع شخصية دي مش هترتاحي لان واضح من كلامك أن شخصيتك اقوي منه فده ممكن مع الوقت يحسسه بالنقص،وانت ادري برضه

حاولي تعرفي سبب ده وبدأ معاكي من امتى هل بسبب حاجه اتعرضت لها من بعدها وانت كده ولا ايه ولا ده فراغ ولا كبت الاجابه هتبقى عندك انت

العفو❤️

فيه جروب واتس بيعملوا جدول مذاكرة وبتدخلي معاهم سيشن وبنبقي بنات مع بعض بتفتح الكاميرا علي الكتاب وبيبقي معانا مشرفه بتتابعنا نظام ساعه مذاكرة وبريك احيانا بيبقي ربع او نص ساعه وبيتابعوا مع ولي الامر لو حابه ابعتلك الرقم

رواية الإنسان مخلوق وحيد

العفو يا حبيبتي💗

القولون بيبقي ناتج عن القلق والإكتئاب في الأغلب ،فلو نفسيتك بقت احسن إن شاء الله هتتحسن

العفو♥️

حاولي تعديل فكرة الربط بين الشغف والإنتاجية ومرني نفسك علي الانضباط ،بمعني مش معني انك مش قادرة تذاكري يبقي متذاكريش،ذاكري مهما كانت حالتك النفسيه و الجسدية،وخدي بالأسباب وتوكلي علي الله ،ومشكلة انك معندكيش طاقة ممكن يكون مرتبط بنقص فيتامينات زي فيتامين د

شوفي شعورك بالتوتر أو القلق بيقودك لايه واعملي عكسه يعني مثلا لو بيقودك انك تنعزلي عن الناس حطي نفسك في وسط تجمعات وكده وبالنسبة للتوتر وان دقات قلبك بتزيد اعملي تمارين التنفس

كويس أن حضرتك حاطط ربنا في حساباتك وخايف من الفتنه ،بس الجواز مش فكرته انك بتتجنب الفتنة الجواز كفكرة انك ترتبط بواحدة تشاركك حياتك وتبقي ونس ليك ،ربنا مخلقش السيدة حواء علشان يحمي سيدنا ادم من الفتنه لكنه خلقها علشان تبقي ونس ليه