عشان اغلب الناس بتلبي احتياجتهم بشكل سطحي مبقاش في كتير بيدور علي جمال الروح وجمال العقل. اعتقد ان لولا انك شايفه انه اجمل منك مكنتيش هتحسي الاحساس دا. خلينا في الواقع.. هو جميل هل روحه جميله؟ علي خلق؟ طموح؟ سوي؟ مهتم بدينه؟ هل هو جذاب للاخرين زيك؟ لان الاجابات علي الحاجات دي بواقعية هتقلل من جاذبيتة عندك وبعدين ليه مستغربة ان الناس سطحية بتنجذب للشكل والجمال الخارجي والشيء الوحيد اللي ذكرتيه للشاب انه وسيم!
تم النشر الثلاثاء، ٢٥ نوفمبر ٢٠٢٥
أول حاجة تبدئي بيها إنك تفهمي نفسك أكتر لأن معرفة نمط شخصيتك وطريقة تفكيرك هيسهل عليكي تتعاملي مع اللي بتحسيه وده هيكشفلك إيه اللي بيزود التوتر عندك وإزاي تتعاملي معاه. ممكن القلق والخوف نفسه يكون مرتبط بطريقة تفكيرك السلبية في الأمور وده بيحصل مع ناس كتير مش لوحدك بس محتاجة الوعي وعشان كده حاولي تسمعي لناس علي اليوتيوب مثلا أو تقري عن أنماط الشخصيات وطريقة التعامل مع نوبات القلق لأنها بتساعدك تفهمي ليه بيجيلك خفقان أو حزن فجأة وهتلاقي طرق بسيطة تهدي وتخففي بيها التوتر وزودي معرفتك بالقلق ونوبات الهلع عشان تبقي فاهمة اللي بيحصلك بدل ما تخافي منه
تم النشر الاثنين، ٢٤ نوفمبر ٢٠٢٥
عشان دي مرحلة كل واحد بيعدي بيها في بداية حياته في اللي بيطول وفي اللي بيلقى نفسه بسرعة بس الأكيد إن كلنا بنعيش الفترة دي. وعشان نعرف احنا عايزين إيه لازم نخوض تجارب باستمرار ونعيش التجربة بشكل شبه كامل عشان نعرف نحكم عليها. مفيش دليل أو كتالوج بنمشي بيه أول ما بنتولد عشان نعرف بنحب إيه أو عايزين نعمل إيه وعلشان كده بنلجأ للقراءة والاطلاع لأنها أكتر حاجة بتزود الوعي والنضج وبتقلل عمر الفترة اللي بنعيش فيها تايهين. مهم تعرفي إن الإحساس إنك ساعات بتعملي حاجة لمجرد إنك عايزة تثبتي إنك تقدري ده طبيعي مش غلط لأن كل واحد في أول حياته بيدور على إحساس القيمة وبيتأثر بالناس اللي حواليه والفرق الحقيقي بيبان لما الحماس يهدى وساعتها الحاجة اللي تفضلي مكملة فيها هي اللي غالبًا بتحبيها بجد أما التقليد في البداية فده جزء طبيعي من اكتشاف نفسك.
تم النشر الاثنين، ٢٤ نوفمبر ٢٠٢٥
لعرض الملف الشخصي في فدني اضغط هنا