انا مش بعرف اثق في نفسي وأوقات كانت بتجيلي افكار سلبيه بس الحمدلله فقت منها انا حاسه اني لوحدي لدرجه اني مش بخرج من اوضتي وبقعد مع اهلي بقيت افضل الوحده لان محدش فاهمني ولا شايفني ولا تفكيره نفس تفكيري ومش بكلم حد خالص حتي زمايلي ولما بقعد مع اهلي كل واحد تفكيرهومش نفس تفكيري ودائما كنت انا الضحيه لو كان في خناقه بقيت اتجنب كل حاجه دلوقتي ومش عندي ثقه في نفسي دايما ببقي خايفه من المستقبل وبكتم اي حاجه تخصني حتي لو مضايقاني محدش فاهمني ومامتي مش قريبه مني مش صحبتي وروحت برا دورت علي الام اللي تفهمني وتحتويني وتبقي صديقتي واعتبرتها امي التانيه لدرجه اني اوقات بقولها انتي اني التانيه وهيا كانت بترود عليا وتقول وانتي اختي وبنتي بس مكنتش بحكي ليها عن حياتنا اللي تخص بيتنا أو اسرار البيت مكنتش بقولها وبقيت اتخيل كتير اوي واقرأ روايه واتخيل أن انا البطله اللي في القصه وبقي في افكار حب مش عارفه جات منين وليه وافكر كتير وبقيت حاسه بملل والدراسه وبقيت اشوف نفسي وانا في كليه واني كبرت وخلاص حققت كل اللي عايزاه وده كان بيخلي مذاكرتي تقل شويه وكل شويه قبل ما بنام بفكر في حلمي ومستقبلي وخايفه اني موصلش ليه وبزعل ومش بيجيلي نوم بسبب ده .....
اعمل ايه؟ وهل اللي انا بعمله صح ؟ ممكن تفيدوني؟
مش ديما هنلاقي الكل نفس تفكيرنا، وده مش لازم يحصل برضه. لكن اللي محتاجين نتقبله شوية هو اننا نتقبل بعض وافكار بعض طالما هي مش حرام. يعني ايه؟ يعني مثلا وجهات نظر البيت مختلفة عنك شوية، ده طبيعي جدا، لانك نشأتي في بيئة مختلفة عنهم بتاتا. والجيل بتاعك غير الجيل بتاعهم، فالبتالي الافكار هتتغير. ف لما نيجي هنا نطالب ان لازم الافكار تبقى واحدة ده مستحيل. على الاقل حاولي تتقبلي الواقع، وان فكرة اننا نتقبل بعض ده افضل من اننا نكون واحد. بعدك عنهم ده كمان كون فجوة كبيرة ما بينك وما بينهم، وده مش صح .. لان الموضوع كمان جاب معاكي بتخيلات، لانك مش قابلة الواقع اللي انتي فيه، ومحتاجه تغكي على العزلة بتاعتك بشئ تاني. ابدئي قربي منهم، بشكل تاني .. وافهميهم .. وتقبلي وجهة نظرهم .. واطلعي بره الصومعة اللي انتي حابسة نفسك فيها. لانها لو زادت مش هتبقى نتائجها كويسة عليكي.
تم النشر الاثنين، ٢٢ أبريل ٢٠٢٤
اخرجى و عيشى الحياة خلى عندك هواية مشكلتك هى الفراغ امليه بحجات ايجابية و شوفي ايه الفرق بينك و بين شخصية البطلة الوهمية الى في خيالك و خلى الخيال حقيقة خطوة خطوة
تم النشر الثلاثاء، ٢٣ أبريل ٢٠٢٤
لعرض السؤال في فدني اضغط هنا