السلام عليكم ورحمه الله وبركاته.
بصوا يا جماعه انا عندي مشكله حقيقي حقيقي كبيره جدا وعقبه في حياتي كلها.
وهي ان عندي اخ كبير للاسف الشديد ما كانش احسن اخ ولا فيه واحد في الميه اخلاق كويسه. وللاسف الشديد وصل الموضوع بيه بمرور السنين بدأ بشتايم. وطول لسان وكانت الشتايم سيئه جدا جدا جدا شتايم تجرح وتخدش حياء اي ست في العالم بالكلام اللي هو بيقوله وطبعا مش هعرف اقوله...
ومع مرور الايام للاسف وصل الموضوع لمد الايد وقله ادب بزياده وكلام قذر جدا جدا عن المرات اللي قبل كده كمان ...
فانا قررت ان انا مش هتكلم معاه تاني ولا هعتبره اخ ثاني ولان انا فعلا اتاذيت نفسيا بسببه كتير جدا وجسديا والفاظ جارحه كتير وخادشه للحياء. فانا قررت اني مش هتكلم معاه ثاني
المشكله بقى ان امي غضبانه عليا بسبب الموضوع ده عماله تقول لي لا لازم تكلميه واللي انت بتعمليه ده اسمه قطع لصله الرحم وما ينفعش انك تقطعي صله الرحم باخوك لان ده حرام. فانا دلوقتي هو اذاني في حياتي كلها وتعبني نفسيا وقال لي كلام يخدش حيائي ويهد الجبل كمان مش كلام يخدش الحياء بس انا دلوقتي هل انا قطعت صله الرحم ولا عملت الصح.؟؟؟
الافضل انك تتكلمي مع حد كبير والدك او عم او خال بتدخل في الموضوع دا ويفهموا غلطه وانك انتي عرضه وشرفه وما ينفعش يقبل اي اهانه ليكي مش ان هو كمان اللي يهينك واشرحي لامك السبب انك بتتجنبي الكلام معاه لانه المفروض يكون السند لكن هو أخلاقه سيئه وما ينفعش يتطاول عليكي بلسانه او بأيده وانتي كده صح حتى يتفهم خطأه ويرجع عن اللي بيعمله ويفهم ان كرامتك من كرامته وان مش من حقه يهينك او يجرحك بكلمة تخدش حيائك. وربنا يهديه ويصلح حاله
تم النشر الجمعة، ٢٤ أبريل ٢٠٢٦
هو انتي ممكن تتجنبيه بس مش تقطعي علاقتك بيه يعني هترضي نفسك وفي نفس الوقت ترضي والدتك فالاجابه هتكون على قد السؤال مش اكتر هو قاعد مثلا متقعديش في قاعده انتي عارفه انه ممكن يتطاول عليكي او اتجنبي الأوقات اللي هتعدو مثلا لوحدكو وهو ممكن يعمل كده او كلمي حد كبير هو ليه سلطه عليه يقدر يفهمه او يعرفه ان اللي بيعمله ده ميصحش واكيد هو فيه شخص بيسمعله مثلا فمره بالترهيب ومره باللين كده وإن شاء الله ربنا يهديه وانتي ادعي ربنا يهديه او لو هو من الأشخاص اللي بتاخد وتدي في الكلام مش قفل اقعدي واتكلمي معاه راضيه خديه على قد عقله شوفيه آخره اي وريحيه وخلاص
تم النشر الثلاثاء، ٢٨ أبريل ٢٠٢٦
بصي يبنت الناس طول ما وصل الامر للتطاول ف انتي هنا قانونيا ونفسيا لازم تبعدي عنه او عن اي مكان يبقي فيه ل مفرده لان العينات ديه مريضه وطول ما وصل ل كده ده معناه انه بيفكر فيكي بطريقه مش كويسه ف انتي من حقك قانونيا وشرعيا انك تحمي نفسك منه متقطعهوش عشان صله الرحم بس متكلمهوش خليكي ف المنطقه الرماديه كده لا مقربه ولا مبعده مجرد هواء بجانبك ولو الامر زاد متخافيش كلمي ابوكي او حد بتثقي فيه يحل الموضوع. وربنا يسترها عليكي
تم النشر الخميس، ٢٣ أبريل ٢٠٢٦
وعليكم السلام ورحمة الله وبركاته يا حبيبتي 🌸 أول حاجة، أنا آسفة جداً على اللي بتمري بيه ده، وأنتِ مش لوحدك في الموضوع ده. اللي عمله أخوكِ مش مقبول خالص، سواء شتايم تجرح الحياء أو عنف جسدي أو كلام قذر.. ده أذى نفسي وجسدي حقيقي، وأنتِ عملتِ الصح تماماً لما حميتِ نفسك وقررتِ تبتعدي، ده حماية لصحتكِ النفسية والجسدية، والإسلام مش بيطلب منكِ تتحملي الإيذاء عشان "صلة رحم". من منظور إسلامي واضح: صلة الرحم واجبة، لكنها مش معناها تتعرضي للضرر. الرسول ﷺ قال: "لا ضرر ولا ضرار" (حديث صحيح). يعني لو التواصل معاه بيأذيكِ، الصلة تكون بالحد الأدنى: سلام عليه لو شفتيه، أو هدية بسيطة في المناسبات، أو سؤال عن حاله من بعيد.. بس مش لازم تكلميه يومياً أو تقعدي معاه لو بيجرحكِ. ده مش "قطع رحم"، ده حفظ لنفسكِ. العلماء زي ابن عثيمين وابن باز قالوا إن الابتعاد عن الظالم مؤقتاً جايز لحد ما يتوب أو يتغير. إيه تعمليه دلوقتي عملياً؟ مع أمكِ: كلميها بهدوء وقوليلها "يا أمي، أنا بحبه ومش عايزة أقطع، بس اللي بيحصل بيدمرني نفسياً. هحافظ على صلة خفيفة زي السلام، بس مش هقعد معاه لو بيأذيني". مع أخوكِ: لو حاول يقرب، قوليله بوضوح "الكلام ده مش هيحصل تاني، وإلا هبعد." لو العنف مستمر، روحي للشرطة أو مستشار قانوني فوراً (ده واجب شرعاً لحماية النفس). لنفسكِ: ركزي على بناء قوتكِ – صلي، اقري قرآن، وحددي أهداف يومية صغيرة زي رياضة خفيفة أو هواية. مع الوقت، هتحسي براحة أكتر. أنتِ قوية وصابرة، وده هيعدي إن شاء الله. لو عايزة نصائح أكتر، ابحثي في فدني عن "صلة الرحم" هتلاقي إجابات كتير، أو شوفي الخبراء هنا: https://www.fedni.net/experts – فيه متخصصين في الاستشارات الأسرية والنفسية هيساعدوكِ أحسن. ربنا يفرج همكِ ويصلح بينكم يا رب 🙏💕
تم النشر الخميس، ٢٣ أبريل ٢٠٢٦
اجتنبيه بدون قطيعة، يعني خلي فيه أدنى الصلة اللي هي السلام، يجوز اجتنابه اتقاء شره بدون قطيعة، أما لو كان هيتغير لو هجرتيه فينفع تعملي كدا، أما لو مش هتغير فخلاص اجتنبيه بدون قطيعة
تم النشر الاثنين، ٢٧ أبريل ٢٠٢٦
انتى كده بتختصري المشاكل فا كده احسن وهتبقى مرتاحه نفسيا ولما يتغير كلميه تانى بس هوه الفتره دي بس
تم النشر الجمعة، ٢٤ أبريل ٢٠٢٦
لعرض السؤال في فدني اضغط هنا