جماعه انا عندي مشكله ومحتاج متخصص نفسي يفيدني ،مش مشكلتي انا شخصيا بس واحد صاحبي جه وحكالي علي مشكلته وكان بيتقطع ،وده بسبب حجات كتير ،اولا احنا في ٣ث دلوقتي ،هو من لما كان صغير كان بيتعرض للتنمر من خلق الله كلهم حتي اولاد عمه والمدرسين مش بس اصحابه وده بسبب وزنه كان زايد اوي وكان تخين جدا المواقف اتكررت وبقا بيزعل جدا وبيخبي ومش بيحكي لحد ،وقرر انه يكتب مذكراته ويكتب كل واحد في يومه عمله اي ،مثلا س من الناس النهارده اتريق عليا في الاتوبيس وفي الفسحه و ص من الناس ضحك في وشي الصبح و ع من الناس قعد جنبي وكان بيكتب لكل شخص بقلم معين ليه هو بس ،صديقي ده عنده ٣٥ اجنده سنويه مليانين ايامه وكتاباته عندو اكتر من ٣٠٠ قلم ،والناس الي قلمهم خلص بيقولي انهم بيختفو من حياتو بجد ومش صدفه وكل ده محتفظ بيه ،لحد ما احنا دلوقتي واحنا في ثانويه عامه هو دلوقتي خس وجسمه بقا رياضي ما شاء الله وبصحه وعافيه بس الي حصله لسه ماثر عليه وبتعذب منه وطول حياته لحد ٣ث مكنش عنده صاحب واحد مقرب ، والي حصل دلوقتي ان في بنت دخلت كلمته وهو اتعلق بيها جدا وحبها وعشقها وقضو مع بعض اجمل شهور حياته وكان بيذاكر بس عشان لما هي تساله علي حاجه في المنهج يعرف يجاوبها ،وفجاه هي عملتله بلوك وقالتله مش هنقدر نكمل ، بالمناسبه حبها ليه كان اصدق ما يكون ،وهو كذلك ،لكن اكيد حصلها جاجه منعتها ،وهو بالمناسبه رغم انه بيحبها بس عارف ان ده حرام بس مش قادر يقولها تمشي لان بعد الي حصله طول ١٤ سنه تنمر ومن غير صاحب او عزيز طبيعي يتمسك بيها هي كانت اول حد يحبه ،المهم دلوقتي مش في انه بيتعذب من فراقها ،المشكله انه بيتخيلها قاعده معاه في الاوضه وجنبه عالمكتب وبيكلمها ،والدته بتخش عليه بتلاقيه بيكلم نفسه ، ممكن يفضل يكلمها وهي مش موجوده اصلا حوالي نص ساعه ويضحك ويهزر معاها كانها موجوده لسه ،وبيكلم نفسه في مرايه الحمام وافعال غريبه جدا ،انا نصحته بانه يشغل وقت الفراغ ده بقرائه القران واهديته فعلا مصحف هديه وورقه اذكار وكتاب لاحمد الشقيري
وبعدها بيوم لقيته بيقولي انه قرا قدر كبير من القران وقرا اكتر من ١٢٠ صفحه في الكتاب
وقرر انه يحرق الاجندات الي عنده ويبطل كتابه ،حالته في تحسن بس انا خايف عليه منها
وهو اكيد لسه بيتخيلها ارجو حد يفيدني اعمل اي عشان مخليهوش يشوفها او انها تطلعله او تقعد معاه زي ما بيقول
بص اولا بشكرك على خوفك وبصراحه انا اتخضيت لأنك كانك بتتكلم عني انا مريت بنفس الكلام بالحرف الفرق اني كنت بكلم مع ناس مش موجوده ع اساس صحابي وكنت بكتب الي بمر بيه ودي حاجه كويسه لاني كنت بفرغ بالكتابه بس حد اداني النصيحه لان حتى بعد ما خسيت مكنتش واثق من نفسي كنت بحس اي حد بيضحك بقول اكيد بيضحك عليه المهم انا كنت مفكر مع الوقت هنسى الكلام ده بس للاسف طلع بيتخزن جوايا وبتحصل تراكم وجداني لدرجة لو اتعرفت لموقف شبيه بلاقي نفسي فلاش باك لكل المواقف بشكل ده الحل اني رحت للدكتور علشان ابدء اعرف اتعامل مع الموقف باي طريقه وازاي اقوي ثقتي بنفسي وبمجرد لما بتكلم مع حد مختص وفاهم فكنت بطلع مرتاح جدا من عنده وحدة المواضيع بتقل صديقي الحل يفرغ الي جواه مع حد مختص وفاهم وأهم حاجه اتفهمو مش مجانين الي بيروح للدكتور علشان الخوف ع المنظر مش هيسيبه
تم النشر الجمعة، ٢٠ يناير ٢٠٢٣
بص هي الكتابه حاجه كويسه جدا لانها تفريغ لمشاعره وافكاره وان لولاها كان ممكن يأذي نفسه من الكبت والوحده حاول تشغله ف رياضه وتنصحه اكتر يذاكر وانصحه يذاكر بصوت عالي عشان يشتت الافكار الي تخص البنت هو وارد جدا حابب يعيش ف نفس القصه ومع احلام اليقظه دي لانها مفتقدها جدا بس ف العموم لو ليك كلام مع والدته انصحها انها تعرضه على طبيب لاسباب كتير اولها فتره التنمر الي مر ببها اثرت جدا على ثقته بنفسه وثقته في الناس ومشاكل مع العلاقات كمان وتقبل الهجر والفقد واستخدام احلام اليقظه بكثره مش صح برضه ف الافضل يتعرض ع دكتور عشان نحميه من اي ضرر لنفسه
تم النشر الجمعة، ٢٠ يناير ٢٠٢٣
اولا بشكرك على اهتمامك بصاحبك...اللهم بارك... وياريت كل واحد يكون ليه صديق زيك اكيد مهما كان فى موقف صعب هيعديه. كويس ان صاحبك استجاب لقراءة القرآن وقرر انه ينهى موضوع المذكرات ...دى خطوة كويسة لو محتاج تساعده اكتر هو محتاج طبيب او أخصائي يدردش معاه شويه ويتأكد انه تخطى المواقف دى نفسيا ومش هتأثر عليه تانى. ولو عاوز انت بنفسك تتأكد ممكن تتابع معاه بمكالمات كل كام ساعه ...عشان يتأكد اته مش لوحده. وتساعده يشارك فى انشطة يكون منها صداقات وناس تقدره وتشجع فيه اكتر .
تم النشر الجمعة، ٢٠ يناير ٢٠٢٣
أحسن حاجة تعملها أنك تعرفه على صحبة كويسة وتعملوا أنشطة حلوة مع بعض لأنه كان مفتقد دة جدا ودة هيخليه يعرف أن فيه علاقات كويسة ويملأ الفراغ النفسي والعاطفي اللي هو حاسس به حاليا .. ولو الموضوع استمر معاه ممكن تعرض عليه يزور مختص أو طبيب نفسي وأنت تشجعه على كدة
تم النشر الجمعة، ٢٠ يناير ٢٠٢٣
رسالتي لصاحبك. اققلب الصفحه، بفضل الله نجاحك و إرادتك انك تخس، هو ده انت الحقيقي، انت المثابر القوي الصبور. اققلب صفحة البنت، والألم النفسي، روح لطبيب نفسي بس روح وانت واعي بنجاحك في الرياضه اللي هي دليل صلابتك، روح وراسك مرفوعه، ماتقلقش انت كويس طالما مراية الحمام مش بترد عليك 😂. الامتحانات الصعبه بطلع رجاله وانت راجل.
تم النشر الأحد، ٢٩ يناير ٢٠٢٣
لازم طبيب نفسي فورا.
تم النشر السبت، ٢١ يناير ٢٠٢٣
اول حاجه ممكن بنسبة كبيره صاحبك يكون بيقولك كلام غير ال بيحصل معاه عشان تبطل تكلمه في الموضوع دا لو كلامك صح يبقا ال بيشوفه بنسبه كبيره يا حاله نفسيه ودي لازم لها علاج لو لاقدر الله حاجه تانيه يحافظ علي صلاته وعلي اد متقدر حاول تخده وتصلوا مع بعض ومتحسسوش بحاجه اقري مثلا قران علي ماية وشربهاله عشان تتاكد بس مش قدامه ولو ان شاء الله مفيش حاجه يبقا حاله ادوية نفسيه وعلاج وان شاء الله خير وربنا يطمنك عليه وانت ونعمة الصديق ربنا يحفظك ويكرمك علي سعيك ويقويك ويهدي صحبك ويحفظه
تم النشر الأحد، ٢٢ يناير ٢٠٢٣
لعرض السؤال في فدني اضغط هنا