السلام عليكم ورحمة الله اسف لان مفيش كلام هيخلصك من احساسك لكن هحاول اوضحلك نقط معينه اول الحاجه أن ده قضا ربنا ولازم ترضي بيه وتحمدى ربنا علي كل شئ وكمان ربنا يخليلك مامتك وأخواتك ويصبركم .. أنا بطلب منك انك متحاوليش تسيبي فجوة بينك انتي وأخواتك وبين باباكي مع انكم لازم تقفوا جمب مامتكم بأنكم تحاولوا تهونوا عليها .. لان الحقيقه ملكمش غير بعض وبالنسبة لباباكي فده من حقه شرعا بصرف النظر عن المستحب طبعا لكن نظرا للواقع اهم حاجه أنك وأخواتك تفضلوا سبب وصل بين مامتك وباباكي بشكل طيب بقدر الإمكان وبالنسبة ليكي .. انتي لازم تعرفي انك قد كل حاجه بتحصلك.. بقول ربنا لا يكلف الله نفسا إلا وسعها .. فلازم ترضي وتحمدى ربنا وتقربي منه طبعا بصلاتك وعباداتك علي قد ما تقدري أما بالنسبة لفكرة أن مفيش حد زيك .. صدقيني مفيش حد فينا زى التاني كل انسان عنده مميزاته الخاصة بيه لازم تقوليها ويحافظ عليها وعنده عيوبه لازم يحاول يتجنبها ... وان انتي مش مبسوطه بالرغم من اني مقدر موقفك لكن أنا بطلب منك انك تحطي حد للحزن وتفرحي نفسك واستمتعي بحياتك بما يرضي الله مع اخواتك ومع نفسك ومع مامتك وتركزي ف حياتك سواء دراسة أو شغل ... وكمان لازم تقدرى نفسك وان كل اللي انتي بتشوفيهم دول عندهم حزن ومشاكل كتير بس خافينها عشان يبانوا ف احسن صورة .. وشايف فيكي انك علي طبيعتك ودى حاجه جميلة تميزك عن غيرك بس لازم تقدرى تدى كل حاجه حجمها الحقيقي ..يعني والدك عمل كده عشان نفسه ..يبقي انتي وأخواتك ومامتك تعملوا اللي يفيدكوا وجربي تتبسطي وتفرحي وتفرحي اللي حواليكي صدقيني هترتاحي وهتحجمي زعلك وزعل اللي حواليكي كمان .. ولازم تحطي مشاكلك ف خانة الخصوصيات .. أنها متاثرش عليكي ف التعامل مع حد لان مفيش حد احسن منك
هحاول رغم كسلي مشكلتي ان الفزياء مصعبه الدنيا معايا شويه
تم النشر السبت، ٩ نوفمبر ٢٠٢٤
وع فكرة النظام ده كان نصيحه مدرس وقف جنبي وساعدني كتييير وكان من الأسباب اللي خلاني اقدر علي ظروفي .. وعلي فكرة الصعوبة فيه اول كام يوم بس ف انك تصحي عشان الشتي .. لكن بجد هتتعودى .. واعملي لنفسك تربيزه عليها بويلر وكان نوع من المشاريع السخنه عشان الشتا .. أنا كنت بشرب ahmed tea تفاح ومنجا وفراولة ..فاهمه الفكرة انك تهيأي الجو لنفسك بنفسك
تم النشر السبت، ٩ نوفمبر ٢٠٢٤
المشكله ان انا متراكم عليا ومذاكره رغم أن بذاكر وبعشق حاجه اسمها نوم وخصوصا في الشتاء
تم النشر السبت، ٩ نوفمبر ٢٠٢٤
بجد انا مش عارفه اوصف ليك احساسي ايه بس انت بجد شخص مثالي وشكرا علي كلامك الجميل ده
تم النشر السبت، ٩ نوفمبر ٢٠٢٤
لا والله أنا اللي بشكرك انك سمحتيلي أتدخل أو حتي سمعتي مني متشكر جدا ليكي وانا متاكد أن الإنسانة اللي تفكر بالطريقة دي وتحس بغيرها دي ربنا اكيد هيجبر بخاطرها
تم النشر السبت، ٩ نوفمبر ٢٠٢٤
تمااااام ... نصيحه من اخوكي أو تقدرى تعتبريه طلب ... هطلب منك كذا حاجه وفكرى فيهم مع نفسك بس والله دي حاجات ساعدتني كتييير ف الثانوية العامة ... اول حاجه متاخديش اكتر من درس لكل مادة مذاكرتك فالبيت ساعه احسن بكتير من حصة زياده لأي مادة .. تاني حاجه حاولي تقسمي دروسك علي الايام بالتساوي وبقدر الإمكان توقيت الحصص يبقي متقارب يعني مثال من ١٢ ل٤ فالدروس يوميا مثلا او يا ستي ل ٦ اعتبار أن في ساعتين ضايعين ... هنا بقي اهم حاجه وهي انك تظبطي نومك انك تصحي قبل الكل بمعني انك تصحي ٦ الصبح مثلا او ٧ .. هتتغسلي وتصلي وتفطرى خفيف هتبقي ٨ هتقعدي اربع ساعات ف هدوء جمييل هتنتجي فيهم أن شاء الله بشكل يفاجئك وبعدها هتبدا الدروس هتخلصي ٦ مثلا هتستحمي وتصلي وتتغدي هتبقي ٨ قدامك اربع ساعات كمان دول دائما تحاولي تخلي فيهم المواد الاخف بالنسبة ليكي أو مثلا حل وواجبات مش مذاكرة ووفهم لا إذا حاجه ضرورية طبعا .. بالوضع ده هتبقي بتحصلي أن شاء الله ٨ ساعات يوميا وبتنامي ٧ ساعات وبتاخدي دروسك فالنص تفصلي شوية من المذاكرة فيهم وترجعي .. ده فالايام دي .. قدام أن شاء الله هتزودي علي قد ما تقدرى وان شاء الله ربنا يوفقك ونشوف اجمل دكتوره كمان .... هنا فالنظام ده ميزه جميلة هتفيد ظروفك الخاصه .. أن نص يوم الاول انتي بتذاكرى وهما نايمين وبعدها بتخريج للدروس فبتفصلي من اي ظروف ومشاكل .. وبعدها مجرد اربع ساعات بتذاكريهم وبتنامي يعني بتتعاملي معاهم صدفه اربع ساعات فاليوم .. وده بجد هيخلصك من الضغط اللي ملوش فائده وهيساعدك تنتجي احسن ما عندك ..عرفيني رايك
تم النشر السبت، ٩ نوفمبر ٢٠٢٤
شكرا ليك بجد
تم النشر السبت، ٩ نوفمبر ٢٠٢٤
ايوه ثانوي عام السنادي
تم النشر السبت، ٩ نوفمبر ٢٠٢٤
وانا بجد مقدر أن أغلب الحاجات اللي حوالينا غصب عننا .. بس ربنا كبير ولو قربنا من ربنا يهون علينا وهيصبر قلوبنا وهيقوينا علي الاببتلاءات اللي حوالينا من كل ناحيه .. وكمان ربنا هيوفقنا ويعينا أن احنا نوصل لحاجات مكناش نحلم بيها .. بالذات لو رضينا بحاجات مش بأيدينا .. بس ردى عليا انك ثانوية السنادى ولا خلصتي ؟
تم النشر السبت، ٩ نوفمبر ٢٠٢٤
صدقيني أن ظروفك دي دافع لانك تركزى مع حلمك وتخرجي طاقتك كلها ف انك توصلي للي نفسك فيه ومفيش حاجه يعيده عن ربنا ...انتي لو ثانوية عامه ... قدامة فرصة أن شاء الله توصلي لكل اللي. نفسك فيه .. لكن اهم حاجه تفصلي نفسك من كل المشاكل اللي مش ف ايدك حلها وتصريف نظر عن كل التصرفات اللي مش ف ايدك تغييرها .. وبجد لو قربتي من ربنا ورضيتي وحمدتي ربنا وذاكرتي وركزتي ف مذاكرتك ومع مامتك وأخواتك .. والله ربنا هيجببر بخاطرك بس لازم تقربي من ربنا علي قد ما تقدرى وهو وحده اللي يقدر يهون عليه اي حاجه ..وربنا يعينك ويوفقك ويحفظك ويصبرك ويقويكي علي كل حال ويا رب تشتغلي الفرصة اللي قدامك وتركز وان شاء الله توصلي للكلية اللي نفسك فيها
تم النشر السبت، ٩ نوفمبر ٢٠٢٤
بصي أنا والله مببررش موقفه ولا مستهتر بإحساس الزعل .. لكن لازم نوصل لحل يخلصك من الزعل المستمر عمال علي بطال وهو أنك لازم تستوعبي أن دي طريقته وهتتعاملي معاه بما يرضي الله لكن مش هتزعلي نفسك .. ولا هتخلي طريقته السلبية تأثر علي فرحتك ف اي وقت ايا كان .. ده باباكي ودول اهلك ومش هيتفيروا فمش هنتستني الظروف نتغير لا احنا هنغير من تفكيرنا عشان نقدر عالظروف ونبقي احسن ..لازم تصرفي نظر عن اي حاجه بتضايقك منه وتحاولي تتجنبي الزعل حتي لو ملكيش يد فييه وكمان افهمي أن العقوق أغلبه من الأهل قبل الأبناء .. وانتي قد الظروف دى أن شاء الله ... بس سؤال انتي ثانوية عامه السنادى ؟
تم النشر السبت، ٩ نوفمبر ٢٠٢٤
تعرف انا كنت هعمل كده وهضحك الحياه بس انا انكسرت اوي انا بابا بدل ما يكون بيدعمني في المرحله ال انا فيها من عمري بيحبطني انا تالته ثانوي عام كان حلمي اكون دكتوره تعرف بابا كل ما يشوفني يقولي مش هتنفعي انا هجوزك احسن وسعات كتير بيحرج ماما قدامي انا واخواتي انا تعبت ولو قولت ان الجواز من حقه فهو مش بيعدل بينهم الإتنين وقسما بالله انا اخويا اغمي عليه مره بسبب المشاكل ده عيد الاضحي ال فات كل الناس بتكون سعيده صح ال انا ماما كانت عايزه تمشي يوم العيد علشان بابا عمل مشاكل علي أتفه الأسباب انا عايزه اعرف ليه انا بالذات 😭
تم النشر السبت، ٩ نوفمبر ٢٠٢٤
لعرض الإجابة في فدني اضغط هنا