ahmed rizq

عليكم السلام ورحمه الله .. انصحك بان تغيري موبايلك ف اسرع وقت لموبايل نوكيا اتصال فقط ده هيساعدك كتير ف كل حاجه وتنظيم وقت واستغلاله وحاولي تنظيم دروسك اليومية ف مده متقاربة من اليوم عشان يبقي في وقت للمذاكرة قبل وبعد الدروس وعليكي بالالتزام بالصلاة فهي سر التوفيق من الله .. وربنا يثبتك ويوفقك ويعينك

السلام عليكم ورحمه الله اخي في الله اولا بارك الله لك في علمك وحفظك وربنا يديم عليك هذه النعم أنا شاب ولا احفظ ما حفظت انت ولا اعلم الكثير كما تذكر لكن أنا هتكلم معاك كإنسان عارف نفسي بغلط وفيا عيوب وعليا ذنوب ونفسي اتوب منها عشان كده حاسس بكلامك ويعني اي الدنيا بتضيق عليك ..لكن صدقني احمد ربنا علي الاحساس بالضيق والندم ده لان دول لوحدهم بس بشرة خير واحمد ربنا على الفرص اللي مديهالنا عشان نتوب واحمد ربنا علي كل شيء.. أنا كشاب مبهونش عليك لكن انت اللي لازم تهون علي نفسك لان محدش بيهون علي حد ... وانت اكيد فاهم أن نفسك بتحاربك بالشهوات والذنوب لكن لازم نجاهدها وبعون الله مرة فمرة هنقدر نسيطر ع أنفسنا وربنا يهدينا جميعا ... أما عن لا حياة لمن تنادي فالحياة حياة القلب .. وكونك بتضايق فده الضمير فتمسك بيه وعززه بالمجاهده .. أنا بوجه الكلام لنفسي وليك ولكل حد بيعاني من نفسه .... والله المستعان

السلام عليكم ورحمه الله.. بالنسبة لقصص الحب فمن الطبيعي وجود المشاكل بسببها لأنها من العادات الباطلة المنتشرة ومخالفة لأمر الله ..ولا تجوز ... فما بني علي باطل فهو باطل ومظنش أن فيه عادة باطلة أو سيناريو حرام هيجلب السعادة... أما عن مشاكل الزواج والخطوة و العلاقات المشروعة فهش طبيعيه وتخطيها يقوى علاقة الترابط بين الطرفين ولا يجد اتنين بدون خلافات ولكن الفرق والانفصال بينتج عن أساليب التعامل مع الخلاف من كلا الطرفين .... أما عن الأهل ..فواجب علينا أن ندرك أن الأهل اختيار ربنا لينا ونصيبنا وغير قابل للتغيير .. لكن نحاول نوضح لنفسنا نقط تساعدنا علي التعامل مع كره الأهل أو المشاكل العائلية ... اول حاجه نتفق علي أن أسرة وليها ظروف ومشاكل خاصة تختلف تماما عن غيرها لكن اكيد ف نقط مشتركة وبصرف النظر عن مدى حدي الخلافات والكره .. سنفترض الاسوأ علي الإطلاق وهو العداوة وهي دائما نتيجه عن عقوق الأهل ومن بعده عقوق الأبناء .. بمعني أن لو ف ولد عاق لوالديه فده مخالف لأمر الله والحكم بيين ولكن إن وجدت أن الأهل أهل عقوق وبالتالي الابن أصبح عاق . هل تستطيع الحكم ام ستستنكر الأسرة بأكملها .. زمان كان زمن التجارة بالسلع لكن حاليا اصبحنا ف زمن تجارة دين وشرف وعرض ومبادئ وبشر وتجارة الحق والمصالح اصبحنا ف زمن البدع حرفيا أصبح الشر منبع الابداع والخير بالكاد موجود الا من رحم ربي طبعا مش كل الناس شر بس حوارنا علي المشاكل والكره للاهل .. وكل دى عوامل جبارة ف التأثير علي جميع أفراد المجتمع خيره وشره لكن بالذات شره .. لان دي دوافع ينتج عنها تصرفات شاذة من الناس الغير سوية سواء دينيا أو نفسيا ف حق غيرهم ايا كان مين من أجل هدف شيطاني ف نفسه أو تفكيره مش اكتر وللاسف ممكن الضحية تبقي الابن أو الأخ او الاخت أو البنت او صديق او اي شخص قريب أو غريب لان دي ناس مجردة من الآدمية وبل زاد شرهم بالتصنع بالود والمحبة وده بقي سبب ف أنه بقي صعب تحدد أو تفهم اللي قدامك قبل ما يلدغك وشكرا ... يعني

السلام عليكم بالنسبة للمذاكرة فمن الطبيعي أننا ساعات نحس اننا مستفدناش بقدر الكفاية بالرغم من المجهود وساعات نحس اننا أنجزنا ف وقت قصير وكل ده طبيعي بس المهم انك تعملي اللي عليكي وبتكملي فالحالتين .. أما الامتحان .. أن كان امتحان عابر لأحد المدرسين فده ليس بمقياس لمستواكي بل هو مجرد تدريب للتفكير ف افكار شبه خارج الصندوق وف الغالب المدرس بيحاول يجيب اسئلة صعبه عشان تتدربوا علي التفكير فيها مش اكتر ... وأما عن غشك فكلنا متفقين أنه مكروه وحرام لكن متقسيش علي نفسك ومجرد احساسك بالندم فربنا ارحم بينا من أنفسنا وكون انك ندمانه فده والله اعلم جدير أن ربنا يغفرلك ويوفقك .. وكونك كارهه الفعل ده دي حاجه كويسة وتقدرى تدي نفسك فرصة تانيه ف الامتحان الجي .. انك تذاكرى بقدر الإمكان وتقررى انك تختبري نفسك مع العلم أن امتحانات المدرسين مش مقياس للمستوى ... المهم انك تعملي اللي عليكي وربنا يوفقك ... وجديد شغفك وجديد ايمانك ويقينك ف ربنا أنه هيوفقك .. وصلي وادعي ربنا يسامحك علي اي حاجه غلط لكن ادركي وافهمي أن كلنا بنغلط وبنقع ف ذنوب كل يوم .. بس رحمة ربنا وسعت كل شئ وربنا يثبتنا ويهدينا يوفقنا جميعا ...

بسم الله .. اخويا عايز اقولك أن السنة مضاعتش ولا حاجه وان الفرصة مازالت متاحه قدامك ... وحابب اطلب منك انك تقفل ودانك ومعنتش تسمع لاي حد سلبي ... وانت مش محتاج ان حد يساعدك انت محتاج تنظم وقتك مش تتوكل على الله، تعمل اللي عليك ودى مش صعب بس سهل ممتنع يعني هيكون سهل جدا بالنسبالك بعد ما تتعود انك تعمل اللي عليك لا ممكن بعض العقبات فالاول بس لكن هتقظر هتتخطاها ... انصحك انك ترتب نفسك ما بين نومك دروسك صلاتك مذاكرتك أكلك شربك بمعني اول حاجه لازم تعملها لازم توفر لنفسك وقت يوميا للمذاكرة ميقلش عن ٦الي ٨ ساعات منفصلين عل مرتين أو متصلين علي مرة واحد ..اللي يريحك بس افضل يبقي منفصلين عشان تبقي فصلت تاني حاجه متنامش من ٨ ساعات لحد ما تقدر تقلل لحد ٧ و٦ كمان تقدر ... دروسك متزودش عد الحصص يوميا. قسم حصصك بالتساوي علي الاسبوع يعني كل يوم ٣ حصص مثلا .. واهم حاجه متاخدش درسين ف ماده واحده .. كل ماده ليها مدرس واحد ... .. خصص لنفسك مكان للمذاكرة وجمله مكان للصلاة .. متضغطش نفسك وتوكل عالله واعمل اللي عليك وجرب النظام ده والنتيجه هالله .. انت تقدر توصل بجد .. وخلي جمبك بويلر وكذا نوع مشاريب سخنه بتحبها عشان الشتا والبرد .. واستمتع بالسنة دي وبمذاكرتك .. طبيعي هيجي عليك وقت كل فين وفين تحس بملل وخوف بس ده طبيعي اصحي اليوم الجديد كمل زي مانت وهتبقي احسن

السلام عليكم ورحمة الله اسف لان مفيش كلام هيخلصك من احساسك لكن هحاول اوضحلك نقط معينه اول الحاجه أن ده قضا ربنا ولازم ترضي بيه وتحمدى ربنا علي كل شئ وكمان ربنا يخليلك مامتك وأخواتك ويصبركم .. أنا بطلب منك انك متحاوليش تسيبي فجوة بينك انتي وأخواتك وبين باباكي مع انكم لازم تقفوا جمب مامتكم بأنكم تحاولوا تهونوا عليها .. لان الحقيقه ملكمش غير بعض وبالنسبة لباباكي فده من حقه شرعا بصرف النظر عن المستحب طبعا لكن نظرا للواقع اهم حاجه أنك وأخواتك تفضلوا سبب وصل بين مامتك وباباكي بشكل طيب بقدر الإمكان وبالنسبة ليكي .. انتي لازم تعرفي انك قد كل حاجه بتحصلك.. بقول ربنا لا يكلف الله نفسا إلا وسعها .. فلازم ترضي وتحمدى ربنا وتقربي منه طبعا بصلاتك وعباداتك علي قد ما تقدري أما بالنسبة لفكرة أن مفيش حد زيك .. صدقيني مفيش حد فينا زى التاني كل انسان عنده مميزاته الخاصة بيه لازم تقوليها ويحافظ عليها وعنده عيوبه لازم يحاول يتجنبها ... وان انتي مش مبسوطه بالرغم من اني مقدر موقفك لكن أنا بطلب منك انك تحطي حد للحزن وتفرحي نفسك واستمتعي بحياتك بما يرضي الله مع اخواتك ومع نفسك ومع مامتك وتركزي ف حياتك سواء دراسة أو شغل ... وكمان لازم تقدرى نفسك وان كل اللي انتي بتشوفيهم دول عندهم حزن ومشاكل كتير بس خافينها عشان يبانوا ف احسن صورة .. وشايف فيكي انك علي طبيعتك ودى حاجه جميلة تميزك عن غيرك بس لازم تقدرى تدى كل حاجه حجمها الحقيقي ..يعني والدك عمل كده عشان نفسه ..يبقي انتي وأخواتك ومامتك تعملوا اللي يفيدكوا وجربي تتبسطي وتفرحي وتفرحي اللي حواليكي صدقيني هترتاحي وهتحجمي زعلك وزعل اللي حواليكي كمان .. ولازم تحطي مشاكلك ف خانة الخصوصيات .. أنها متاثرش عليكي ف التعامل مع حد لان مفيش حد احسن منك

السيطرة علي العالم .. عن طريق تفكيك المجتمع الغربي وتبديد كلمات الحق ومحاربة الدين الاسلامي وأهله .. نشر الأفكار الصهيونيه ف العالم العربي ... نشر الباطل .. تحقيق السلطة ومد النفوذ للكيان الباطل ... تضييق الخناق علي كل من ينصر الحق .. لكن الأهم من أغراضهم ..دعنا نلقي نظرة علي أساليب الكيان للاسف لا يتقدم الا بتأخر من أمامه لانه كيان زائف يصنع لنفسه وجود علي حساب غيره ... بمعني تتقدم اسرائيل بتأخر العرب .. يتأخر العرب بخطط صهيونيه قذرة مقامه حتي الآن ف بلادنا .. بنشر عادات غربية منفورة ف عقول الشباب الصاعد لانه هو المستقبل كوفرة المخدرات ونقل افكار مروعة لأطفالنا وشبابنا .. السيطرة علي مراكز السلطه ف الوطن العربي بدس عيون جاسوسية وأفراد متطبعين بالكيان .. مراقبة المجتمع العربي .. التشتت والتفريق بين العرب .. استغلال نقط الضعف وايضا يعمل علي خلق نقط ضعف لاستخدامها ضدنا صدقا لن نتمكن من قمع هذا السرطان بدون اتحاد وتطهير لصفوف العرب من الخونة المتصلين ..والخطو علي خطي الدين وليست السياسة .. فلا سياسة مع خائن متلون ولا دين لخائن متطبع

بالنسبة للثانوية العامه ..أنا نقدر كمية الضغظ وتأثير المشاكل بيبقي للضعف علي نفسيتك .. لكن أنا أقترح عليكي أنا تاخدي راحه انهارده وبكره مثلا من كل حاجه وتعملي اي حاجه تفصلي بيها تكوني بتحبها .. بالنسبة للمدرسين .. انصحك بانك تبداي تستقري مع مدرس لكل مادة وتتجنبي كثرة الدروس وده هيفيدك جدا ... تاني حاجه صدقيني انصحك بانك تصحي بدري ع قدر ما تقدر وتقضي لنفسك مساحه بين اول حصه وبين ميعاد صحيانك .. وهتقدرى تشتغلي الفتره دى بشكل كويس هيساعدك لان الكل هيبقي نايم وهتبقي ف صفاء ذهني بعيد عن دوشة اليوم وده هيساعدك جدا واحسن ليكي من السهر .. وفكره أنه بتزهقيوالقاعده والكتاب .. ساعتها هتبقي صاحيه مخصوص للمذاكرة فهتنبقي نشيطة جدا ..وتقدر تفكرى فطار بسيط وتصلي الصبح وتبداي وربنا يعينك ويوفقك ..جربيها مش هتندمي ممكن تبقي فيها صعوبة اول كام يوم بس لكن بعد اول اسبوع صدقيني هتتفاجئي من نفسك

أنا مقدر تعبك وسهرك ومجهودك بس بردو لازم ترضي وتحمدي ربنا .. وبما انك بالفعل راضيه فدي وسوسه من الشيطان عشان يلخبط حياتك عشان تملي وتزهقي .. لكن والله انتي ع خير فاحمدي ربنا واشكريه ومقدر أنه بيبقي غصب عنك ..لكن حاولي تحاوري نفسك الايجابيات ..انك احسن من غيرك كتييير وبما أن دراستك اصلا صعبه ..فمش اي حد هيقدر ينجح فبالتالي انتي فعلا شاطره .. مفيش مشكله ..كل كلامي دي عشان افهمك أن سعادتك متوقفه علي نظرتك للظروف ..فلو اقنعني نفسك انك احسن من ناس كتير هتتبسطي وهتكملي ويمكن توصلي لمرحله احسن مقدرتيش توصليلها قبل كده

السلام عليكم ورحمه الله بالنسبة للمذاكرة ..ده طبيعي بس لازم تحاولي تهدي نفسك وتقسيم مذاكرتك وهتتعودي تاني واحده واحده .. الضغط زوج القلب فأنا شايف انها ميزه هترفعك لمكانة عليا وهتدفعك لاحسن نسخه منك لأن مجرد الاحساس فده نعمه وللاسف حاليا الأغلب محروم منها فاحمدي ربنا علي كل حال و بالنسبة للتفكير السلبي ..من ملل ميول لاي حاجه حرام انتحار معصية ذنب ايا كان .. فمش كفايه انك تبقي عارف أنه حرام لكن عليكي بتقوية نفسك بمعني انتظارك فالصلاة هينهي كل ده زائد كمان انك متديش فرصه للشيطان يوسولك كتير وحاولي تتخلصي من اي فراغ زايد ..وصدقيني ده هيساعدك فالمذاكره وف كل حاجه ... لكن ثقتك ف نفسك ف ده سلاح ذوو حدين يعني نفسك دائما لتحاول توقعك فمش صح أنك تبقي واثقه فيها ثقه عمياء لكن تبقي تبقي واثقه طبعا انك حد كويس بيحاول يبقي احسن وبيحاول يسيطر علي نفسه ..أما ثقتك ف غيرك دي أنا منصحكيش بيها اساسا بس مش لدرجه للوسوسه طبعا. اقصد أن لازم تبقي ليكي دائره خاصه ليكي محدش يتخطاها وده مبدأ لا ضرر ولا ضرار وده هيريحك من حاجات كتير انتي ف غني عنها ودي تجربه قاسية ف روايات ناس كتير .. أما الوزن فمجرد أن شاء الله تقدمك ف الخطوات دي نفسيتك هترتاح وبالك هيصفي وهتزيدي تلقائي حتي لو الاكل ضعيف

السلام عليكم ورحمه الله وبركاته ... مع احترامي لمجهودك وسهرك وتعبك وانتظامك وكل حساباتك اللي حسبتيها قبل النتيجه ... صدقيني ثانوية عامه مش مصير ولا تحديد مستقبل وما هي إلا خطوه من خطوات التعليم .. ونوع الكلية ملوش اي علاقة بالنجاح .. اقسملك بالله أن ربنا بيختارلك الاحسن حتي لو عقلك مش قادر يدرك حكمه ربنا .. ربنا اعلم بالخير لينا وبيحطنا ف المكان الأنسب لينا .. أنا مثال حي بكلمك .. انتظمت فالثانوية وربنا رزقني بالكلية اللي حبيت ابقي فيها وصدقيني كانت أول خطوة ف تدمير حياتي .. أنا بقولك كده عشان عارف انك بتقارني حياتك دلوقتي بحياتك لو كنتي متظلمتيش ..لا أنا هنا بقولك المستقبل قدامك ومستنيكي والتفوق بين ايديكي لانك لو رضيتي بقدرتك وقضاء ربنا .. أن شاء الله هيعوضك باحسن من اللي كان نفسك فيه أنا عارف انك اكيد سمعتي الكلام ده كتير بس والله مفيش حاجه مبنيه علي نوع الكلية .. كل حاجه مبنيه علي مجهودك .. وانا اسف ومع احترامي لكل ذكرياتك الجميلة اللي بتهاجمك ف البيت عشان متذاكريش ..ده وسواس شيطاني بيحاول يبعدك عن النجاح اللي مستنيكي .. صدقيني انتي قدامك فرصة جميلة جدا ومجهودك مضعش لكن محتاجه تكملي علي مستواكي ف الالتزام ومتستهتريش بكليتك وقدريها واكيد كليتك دي فيها ناس كانوا زيك وحصولهم زيك بس قدروا يبقوا دكاتره فيها ومعيدين واوائل .. وهتلاقي للاسف اللي الشيطان اتكمن من عقله وخد السنة ف ٣ ومبيفوقش إلا إذا شاء الله ... الحمدلله علي كل حال انصحك أنك تثقي ف نفسك وتعتمدي علي نفسك وتتوكلي علي الله وتحديد الدور الحقيقي لكل حاجه ف حياتك .. يعني صحابك دول ليهم دور محدد مش اكتر ولازم تستوعبي ده حتي لو مش هتظهريه ليهم والسند ربنا ومن ثم الأهل ومن ثم كل حاجه مبنيه عليكي انتي وبس .. سيطري علي افكارك تمتعي بحياتك وبسنك وحبي كليتك وإستمتعي بوقتك .. وتنسي فكره انك مبتحبيش موضوع الكليه كيميا أو رياضيات أو غيرهم .. كلهم مذاكره وكل حاجه لمجهودك والتزامك ..باختصار ..فلنصنع ذكريات اجمل واحسن 👌🤍🤲

اولا ربنا يرحم والدتك ويرحم موتانا جميعا وموتى المسلمين وربنا يصبرك ويعينك. أنا شايف انك وصلتي للحل ف رسالتك ..بمعني أنك لو بداتي ف سؤالك من آخره لاوله صدقيني اغلب مشاكلك هتتحل .. يعني اول حاجه هاخد قرار أن الذنب مش هيتكرر تاني واقوي نفسي بالدعاء والاستغفار. تاني حاجه هاخد قرار التزم فالصلاة. هظبط يومي علي مواعيد الصلاة يعني هتقسمي المذاكرة والأكل والشرب والدروس وشغل البيت وباقي الحاجات .. قبل الضهر وبعد الضهر قبل العصر وبعد العصر وهكذا .. قبل الضهر هرتب البيت بعد الضهر هظبخ وبعد العصر هاخد الدرس مثلا بعد المغرب هذاكر بعد العشاء هعمل اكل واخلص اللي ورايا وانام وهكذا .. كده الفراغ بينتهي شئ ف شئ ..الصلاة بقت بانتظام هتبقي اقوي علي نفسك ف السيطره عليها ثقتك هتزيد .. حاولي متمسكيش الموبايل كتير حاولي تتفرجي ع فيديوهات دينيه بدل السوشيال ميديا. تالت حاجه ف نظرى موضوع الارتباط نصيحه من اخ في الله ... والله العظيم أن ده موضوع حرام وكل أساليبه حرام وكل نتائجه حرام وما هو إلا فساد للروح والنفس والنفسيه ..لان بجد الانسان اللي هيبقي من نصيبك ده هيدخل البيت من بابه غير كده لا تشوفي ولا تسمعي ولا تقولي ولا تصدقي اي حد أما الشغف والطاقة والنشاط والنفسيه ..إن شاء الله وبإذن الله بعد فتره مش طويلة من الروتين الجديد مع الصلاة ومجاهد النفس هتبقي احسن بكتير من الاول ... واعتبري كل يوم هيعدي هو تحدي بينك وبين نفسك .. قدرتي علي نفسك النهارده هتيجي بكره تقولي مانا قدرت امبارح يعني هقدر النهارده ..وكل يوم هتنتصري فيه هيبقي بوينت قوة ليكي علي نفسك وكل تحدي تكسبيه هيبقي فالارشيف ..ترجعيله كل ما نفسك تحاول توقعك ..علي طول تقولي مانا قدرت اعدي الوقت امبارح واول وكذا كرة يبقي اقدر المرة دى كمان لحد ما تتعودى أن فكره نفسك تحاول توقعك هي مجرد وقت وبيعدي وبتهدي وبتنسي وبتكملي يومك عادي .. لكن هو الفراغ مدخل الشيطان الرجيم ربنا يهديك ويهديني ويهدينا جميعا أتمني أن أكون قدرت افهمك اي حاجه تفيدك

أنا من رايي أن المشكله مش طريقة والدتك ولا تقصير منك ..هو المشكله ف نظرتك للموقف نفسه ..فى نظرك أنهم عباره عن كذا طلب بتعمليهم والدتك تشتتك فبتتعصبي وهي بتزعل بالرغم انك بتعملي طلباتها ..فبتوصلي ف نفسك لمرحله انك بتبقي من جواكي كرهتي الموقف عشان فالاخر نتيجته زعل والدتك منك ... عندي وجهه نظر والله اعلم أن والدتك بتزعل لما بيوصلها فكره انك بتعملي الطلبات غصب عني فعدم رضاكي بيزعلها وده حقها فازاي تبيني ليها رضاكي .. باختصار أنك لازم تغير مصطلح بساعد ماما ..ف دماغك لمطصلح برضي ماما ... فممكن اقعد نص ساعه من الطلب الاولاني للطلب التاني للطلب التالت من غير تركيز عشان أراضيها .. وممكن اقعد ساعتين مركز ف طلب وبردو مش هترضيها .. فلازم تغيري طريقه تفكيرك .. أن ده وقت انتي بترضيها فيه بصرف النظر عن مدي كفاءة تنفيذك

أنا شاب اعاني من نفس مشكلتك واحب اقولك كون انك فكرت وتحاول التوبة ..أن شاء الله ربنا يثبتنا وينصرنا علي أنفسنا الإمارة بالسوء علينا بالصبر والصلاة ومجاهدة النفس بمعني أن مع الصلاة كل ما نفسك تدعوك بمعصية حاول انتهاز الموقف ضدها..انك تجعل من الموقف تحدي وتحاول الانتصار عليها وباذن الله تنتصر وساعتها تعتبر انتصارهم نقطه مرجعية ترجع ليها كارشيف ف كل مرة ..يعني انتصرت علي نفسك انهارده وبكره بدأت نفسك تثور عليك تقول إن أنا امبارح قدرت انتصر واصبر واعدة الوقت ده يبقي انهارده كمان هقدر وتحول الموقف لنقطه مرجعيته تانية وكلما زادت النقط زاد احساسك بصدق نيتك للتوبة وتزداد قوتك علي نفسك وطبعا مهم جدا أن تدعي ربنا بالثبات لك وللمسلمين ...تذكر كل مرة عبارة عن تحدي والانتصار فيه نقطه قوة ليك ..ودائما قول أن ده مجرد وقت وهيعدي وان شاء الله ربنا يوفقك يوفقني ويرزقنا توبة نصوحا

مع تقديري لحاله والدتك وحزنها .. وربنا يطمنك عليها ويصبرها وان شاء الله تبقي كويسة ... لكن بطلب منك الصبر وان تتدركي أنها سنة الحياة وأن كل شئ نصيب ..وان تحمدى علي كل حال وتواسي والدتك ف محنتها وتساعديها تعدى الأزمة بدون مشاكل وربنا يصبرك ويصبرها ويهدينا جميعا

مع كل الاحترام والتقدير الاجابات الآخرين لما فيها من نصائح ...لكن أنا كشاب اقترح عليك أن تجلس مع نفسك وتحاول تذكيرها بكل شئ إيجابي ف حياتك وان تحمد ربنا وتعزز شعورك بالرضا بما انت عليه ..وصدقني التشتت ده سببه التفكير والتفكير للاسف أغلبه سلبي فحاول متفكرش فالمستقبل اكتر من الحاضر لانه فكره وهميه بتقوم ع طول الأمد ..فدائما تحمد ربنا وتركز ف شغلك وتكتسب خبره بقدر الإمكان ف الشغل اللي هتختاره ف جلستك مع نفسك ..وطبعا واولا واخيرا ان تستعين بالصبر والصلاة وانا بقدم النصيحه دي ليك ولنفسي فتتحاول تنتظم ف صلاتك لاني يعاني من نفس مشكلتك بس فالدراسة وللاسف حالتي بتسوء لما بقصر فالصلاة واسال الله الثبات لي ولك ولكل اخواننا المسلمين

العفو .. أنا اللي بشكرك واتمني ليكي التوفيق يا دكتوره 🤲👍

ربنا يوفقك ..

أنا اسف بس ف طريقه افضل من التصوير .. هي قديمة وممكن تبقي مجهود اكتر بس هتساعدك كتير وهي الكتابة ف الحصة ..اولا بتجبرك تركزي تاني حاجه بتفهمي بقدر أكبر وده بساعدك فالبيت ..حتي لو ف موبايل ممكن تشيلي الخط المهم تتخلصي من النت و السوشيال ميديا

واسمحيلي اعلق علي نظرتك المادية .. ليست الماديات هي اساسيات الأبوة ولا هي اساسيات للزواج ... أما الأبوة فالاساسيات هي التربية والاحتواء والمساندة والمعاونة والتأسيس والتعليم والأمان والحماية وكل شئ معنوى سواء الاب فقير أو غني ومن فقد هذه الأساسيات المعنوية فقد معها الأبوة ولو كان اغني رجل علي الارض ... وأما الزواج فهو قائم علي الاحترام المتبادل والود المتبادل والمحبة المتبادلة والاحتواء والمشاركة والرضا المتبادل لتأسيس غائلة طيبة قائمه علي الدين والأخلاق ليست علي الماديات .. وان امتلك الزوج هذه الصفات المعنوية فهو نعم الزوج وا... ن كان أفقر زوج علي الارض

السلام عليكم ورحمه الله .. اللهم صلي وسلم علي سيدنا محمد صلاة تيسر بها الأرزاق وتدفع بها المشاق وتحسن بها الاخلاق وتملاء منها الآفاق .. صلاة دائمه من يوم خلقت الدنيا الي يوم التلاقي .. أنا هحاول اوضحلك نقطه والله اعلم .. مع كل الاحترام والتقدير لكل من الأب والزوج .. لكن ف الواقع أن مفيش مقارنة بين العلاقة بين الاب والعلاقة بين الزوج .. ولكن هما علاقتيين مرتبطين .. وبينهم مرحلة انتقال .. حيث أن البنت بعد الزواج تنتقل من عصمة ابيها الي عصمة زوجها .. وان يأتي الزوج ف المرتبة الأولي بعد الزواج وله السمع والطاعة بما يرضي الله .. وطبعا الاب والام ف المرتبة التاني مع البر لكل منها لما ليهم من فضل علي البنت

وانتي من أهل الخيير .. أنا اللي اشكرك ع احترامك .. بالي

لا طبعا ده شرف ليا .. وطول الوقت اي حاجه مهما كانت صغيره ف نظرك متفكريش. وانا موجود دايما ف اي وقت ..

أنا تحت امرك ف اي وقت وكل وقت وبجد ده شرف ليا .. وان شاء الله مفيش اي حاجه تضايقك وتفرحينا بيكي فالثانوية باذن الله

والله كلام الناس غيرة وحقد مش اكتر ولا اقل .. عادي جدا الموقف دي وحتي لو اتلخبطي ف الإجابة كمان وانتي عارفاها .. ده حياء دى نعمه من عند ربنا

ومتقارنيش نفسك بغيرك لان مفيش حد زي التاني .. وبجد اهم حاجه هتغيرك هي علاقتك بربنا .. ربنا قادر يغير كل حاجه جوانا من غير ما نحس حتي بس نجاهد نفسنا وتغير من نفسنا عشان ربنا يغيرنا للاحسن أن شاء الله ... أنا والله العظيم كل الحاجات دي انا بحاول اعملها ويحاول تطبقها ف حياتي .. ولسه فالاول بس املي ف ربنا كبير وعندي يقين أن ربنا بيوفق اي حد يسعي للخير والله اعلم ... البسي اللي يعجبك واقعدب مع الناس اللي بتفدرك مش اللي انتي بتحبيهم .. وركزي ف دراستك دي تاني اهم حاجه بعد الصلاة .. وهدي تفكيرك وحبي نفسك وهتوصلي والله هتوصلي بس لازم تصدقي انك هتوصلي عشان ربنا هيوفقك عشان هتعملي اللي عليكي .. مش مجرد كلام من غير تطبيق

انا حاسس ان مش عدم ثقه بالنفس .. أنا شايف انها ثقه عمياء فالاخرين أو ف تصرفات الآخرين ... بمعني انك احسن من اي بنت ممكن تبقي جريئة زى ما انتي بتقولي بس انتي شايفه أنها صح وانتي غلط وده اصلا مش حقيقي .. لبسك اكيد لبسك محترم بس ممكن تشوفي أن اللبس الضيقك والشفاف والحاجات الغريبة دي موضة وحتاجه جراءة لكن فالواقع أنه حرام ومحتاج البنت تخسر حياءها .. مثلا الصوت العالي وغيره ده غلط انتي ممكن تبقي هادي وشايفه أن الصوت العالي للبنت شخصية وبتاع لا والله ابدا هو حاجه مكروها جدا ... فلازم تحبي حالتك وظروفك وتفسك وحياتك .. ولازم تقوي ثقتك ف نفسك بالخصوصية والخطوات الجديده ولازم تحسي بقيمه نفسك بجد

لا والله بالعكس ده حياء مش جبن ودي اجمل صفه فالبنت عالاطلاق .. وبجد ربنا يديمها نعمه .. بس الثقه ف نفسك دي مشكله للكل والله مش انتي بس وعلاجها بدايته عندك ... ولا تحطي حد للتلقائية والعقوبة ..طبعا ممكن تغلطي مره لكن تقدرى متكرريهاش تاني

أنا مقدر أن المشاكل بتأثر بشكل سلبي وفعلا بياثر علي تصرفاتنا وشخصيتنا مع الناس ..ولما بنصدق حد ويطلع عكس اللي شفناه ساعات بنحس أن المشكلة مننا احنا ... بس والله كل ده مش حقيقي عشان مفيش حد معندوش مشاكل بس الفرق أن فيه نوع مبيعرفش يدارى زعله أو مشاعره بس الحل الأنسب لكل ده هو أننا نعمل لنفسنا دائرة امان .. يعني في مساحه بينا وبين نفسنا محدش يعرف عنها حاجه غيرك انتي وبس حتي اهلك ميعرفوهاش ..هنحط فيها غلطاتنا ومشاكلها واحساسنا .. بعد المساحه دي تبدأ الحدود الطبيعية بينك وبين اهلك طبعا ود وتعاون وهزار وضحك ومشاركة .. من بعدها الناس .. لازم تحطي نقط أساسية تتعاملي بيها يعني حدود التعامل معاهم هتيجي بعد حدود نفسك وحدود اهلك .. هتبقي حدود صحابك .. نصيحه خلي تعاملك معاهم عبارة عن وقت بتقضوه تهزوا تخرجوا تتكلموا ودائما تجنبي الكلام عن خصوصياتك ..ممكن تتكلمي عن نفسك بتحبي اي بتفضلي اي لكن اوعي ابدا مهما كنتي مضايقة انك تتكلمي عن مشاكلك خلي وقتك معاهم عشان تفصلي فيه مش تفكرى ف المشاكل اللي حصلت مثلا .. وخليكي إيجابية مع الكل هتجبري الكل يحترمك ..والله صدقيني طول مانتي محافظه علي خصوصياتك الكل هيعملك حسااب .. وثقتك ف نفسك هتزيد طول مانتي مبتعمليش حاجه غلط وطول ما انتي بتصلي وبتذاكرى ومحافظه علي نفسيتك بالكذا نقطة دي ومتحكميش علي نفسك ف البداية .. ومتفضليش راي حد علي رايك اكتر من اللازم يعني اهم حاجه دائرة خصوصياتك منها هتبدا كل حاجه تتغير ..واتمني ليكي كل الخير والتوفيق والسعادة .. وبجد ربنا يقويكي وانتي بجد إنسانة قوية لا مش اى حد يستحمل الظروف دى .... انتي احسن من ناس كتير .. متصدقيش حد ومحدش يوصل ل خصوصياتك ومشاكل وغلطاتك .. إيجابية ..بتهزرى بتتكلمي ف حاجات ليها معني وكل حاجه بس مش خاصة .. نقطة مهمه .. اوعي اوعي اوعي تتكلمي علي اي بنت او اي حد باي شكل وهو مش موجود خالص خالص خالص .. حتي لو بالخير يعني مثلا انتو خمس بنات خرجتي يوم الاربع مع واحدة منهم والخميس مع واحدة تانية .. بجد اوعي تحكي مثلا خرجتوا فين أو كلتوا اي او اي حاجه وهي مش موجود لان كونك مبتحبيش سيرة حد ..ده هيغنيكي عن نص قيل وقالت .. وربنا يسعدك ويفرحك

تمااااام ... نصيحه من اخوكي أو تقدرى تعتبريه طلب ... هطلب منك كذا حاجه وفكرى فيهم مع نفسك بس والله دي حاجات ساعدتني كتييير ف الثانوية العامة ... اول حاجه متاخديش اكتر من درس لكل مادة مذاكرتك فالبيت ساعه احسن بكتير من حصة زياده لأي مادة .. تاني حاجه حاولي تقسمي دروسك علي الايام بالتساوي وبقدر الإمكان توقيت الحصص يبقي متقارب يعني مثال من ١٢ ل٤ فالدروس يوميا مثلا او يا ستي ل ٦ اعتبار أن في ساعتين ضايعين ... هنا بقي اهم حاجه وهي انك تظبطي نومك انك تصحي قبل الكل بمعني انك تصحي ٦ الصبح مثلا او ٧ .. هتتغسلي وتصلي وتفطرى خفيف هتبقي ٨ هتقعدي اربع ساعات ف هدوء جمييل هتنتجي فيهم أن شاء الله بشكل يفاجئك وبعدها هتبدا الدروس هتخلصي ٦ مثلا هتستحمي وتصلي وتتغدي هتبقي ٨ قدامك اربع ساعات كمان دول دائما تحاولي تخلي فيهم المواد الاخف بالنسبة ليكي أو مثلا حل وواجبات مش مذاكرة ووفهم لا إذا حاجه ضرورية طبعا .. بالوضع ده هتبقي بتحصلي أن شاء الله ٨ ساعات يوميا وبتنامي ٧ ساعات وبتاخدي دروسك فالنص تفصلي شوية من المذاكرة فيهم وترجعي .. ده فالايام دي .. قدام أن شاء الله هتزودي علي قد ما تقدرى وان شاء الله ربنا يوفقك ونشوف اجمل دكتوره كمان .... هنا فالنظام ده ميزه جميلة هتفيد ظروفك الخاصه .. أن نص يوم الاول انتي بتذاكرى وهما نايمين وبعدها بتخريج للدروس فبتفصلي من اي ظروف ومشاكل .. وبعدها مجرد اربع ساعات بتذاكريهم وبتنامي يعني بتتعاملي معاهم صدفه اربع ساعات فاليوم .. وده بجد هيخلصك من الضغط اللي ملوش فائده وهيساعدك تنتجي احسن ما عندك ..عرفيني رايك .... تمام بالنسبة للمواد .. هو كتاب واحد لكل مادة يعني متسمعيش للناس اللي بتقول حبيت كتابين وافكار صعبة والحاجات دي كلها شكليات ... هو كتاب اللي انتي شغاله منه .. تذاكري الدرس وتطبيق عليه ف ساعتها التمارين لو هما ٣٠ مسألة ..حبيتي عشرين وعشره لا .. هتجيبي حلهم من المدرس وهتذاكريهم وهتفهميهم وهتبقي قفلتي الدرس ... اهم حاجه الفيزياء اي درس فيها جزئين اول جزء النظرى ولازم تهتمي بييه جدا كأنه درس عربي وتاني جزء القوانين والمسائل هتحفظي القوانين وتبداي ف تمارين الدرس هتحلي نصهم من غير اي صعوبة والنص التاني أما هتحليه برضو أما هيبقي فيه فكره هتفهميها من المدرس وتجيبي حلهم وتذاكريهم وتبقي قفلتي الدرس .. واوعي تاخدي بنتيجه الامتحانات اللي بيعملوا المدرسين .. ..نفس الكومنتين عشان لو قررتي تجربي وان شاء الله تقدرى ,🤲🤲

الامتحان دي بتبقي نصها استعراض من المدرس ونصها تدريب الطلبة علي التفكير ف افكار مختلفه تماما عن العادي .. لكن طبعا تهتمي بالامتحانات وتذاكريلها كويس جدا لكن نتيجته لا

تمام بالنسبة للمواد .. هو كتاب واحد لكل مادة يعني متسمعيش للناس اللي بتقول حبيت كتابين وافكار صعبة والحاجات دي كلها شكليات ... هو كتاب اللي انتي شغاله منه .. تذاكري الدرس وتطبيق عليه ف ساعتها التمارين لو هما ٣٠ مسألة ..حبيتي عشرين وعشره لا .. هتجيبي حلهم من المدرس وهتذاكريهم وهتفهميهم وهتبقي قفلتي الدرس ... اهم حاجه الفيزياء اي درس فيها جزئين اول جزء النظرى ولازم تهتمي بييه جدا كأنه درس عربي وتاني جزء القوانين والمسائل هتحفظي القوانين وتبداي ف تمارين الدرس هتحلي نصهم من غير اي صعوبة والنص التاني أما هتحليه برضو أما هيبقي فيه فكره هتفهميها من المدرس وتجيبي حلهم وتذاكريهم وتبقي قفلتي الدرس .. واوعي تاخدي بنتيجه الامتحانات اللي بيعملوا المدرسين ..

وع فكرة النظام ده كان نصيحه مدرس وقف جنبي وساعدني كتييير وكان من الأسباب اللي خلاني اقدر علي ظروفي .. وعلي فكرة الصعوبة فيه اول كام يوم بس ف انك تصحي عشان الشتي .. لكن بجد هتتعودى .. واعملي لنفسك تربيزه عليها بويلر وكان نوع من المشاريع السخنه عشان الشتا .. أنا كنت بشرب ahmed tea تفاح ومنجا وفراولة ..فاهمه الفكرة انك تهيأي الجو لنفسك بنفسك

لا والله أنا اللي بشكرك انك سمحتيلي أتدخل أو حتي سمعتي مني متشكر جدا ليكي وانا متاكد أن الإنسانة اللي تفكر بالطريقة دي وتحس بغيرها دي ربنا اكيد هيجبر بخاطرها

تمااااام ... نصيحه من اخوكي أو تقدرى تعتبريه طلب ... هطلب منك كذا حاجه وفكرى فيهم مع نفسك بس والله دي حاجات ساعدتني كتييير ف الثانوية العامة ... اول حاجه متاخديش اكتر من درس لكل مادة مذاكرتك فالبيت ساعه احسن بكتير من حصة زياده لأي مادة .. تاني حاجه حاولي تقسمي دروسك علي الايام بالتساوي وبقدر الإمكان توقيت الحصص يبقي متقارب يعني مثال من ١٢ ل٤ فالدروس يوميا مثلا او يا ستي ل ٦ اعتبار أن في ساعتين ضايعين ... هنا بقي اهم حاجه وهي انك تظبطي نومك انك تصحي قبل الكل بمعني انك تصحي ٦ الصبح مثلا او ٧ .. هتتغسلي وتصلي وتفطرى خفيف هتبقي ٨ هتقعدي اربع ساعات ف هدوء جمييل هتنتجي فيهم أن شاء الله بشكل يفاجئك وبعدها هتبدا الدروس هتخلصي ٦ مثلا هتستحمي وتصلي وتتغدي هتبقي ٨ قدامك اربع ساعات كمان دول دائما تحاولي تخلي فيهم المواد الاخف بالنسبة ليكي أو مثلا حل وواجبات مش مذاكرة ووفهم لا إذا حاجه ضرورية طبعا .. بالوضع ده هتبقي بتحصلي أن شاء الله ٨ ساعات يوميا وبتنامي ٧ ساعات وبتاخدي دروسك فالنص تفصلي شوية من المذاكرة فيهم وترجعي .. ده فالايام دي .. قدام أن شاء الله هتزودي علي قد ما تقدرى وان شاء الله ربنا يوفقك ونشوف اجمل دكتوره كمان .... هنا فالنظام ده ميزه جميلة هتفيد ظروفك الخاصه .. أن نص يوم الاول انتي بتذاكرى وهما نايمين وبعدها بتخريج للدروس فبتفصلي من اي ظروف ومشاكل .. وبعدها مجرد اربع ساعات بتذاكريهم وبتنامي يعني بتتعاملي معاهم صدفه اربع ساعات فاليوم .. وده بجد هيخلصك من الضغط اللي ملوش فائده وهيساعدك تنتجي احسن ما عندك ..عرفيني رايك

وانا بجد مقدر أن أغلب الحاجات اللي حوالينا غصب عننا .. بس ربنا كبير ولو قربنا من ربنا يهون علينا وهيصبر قلوبنا وهيقوينا علي الاببتلاءات اللي حوالينا من كل ناحيه .. وكمان ربنا هيوفقنا ويعينا أن احنا نوصل لحاجات مكناش نحلم بيها .. بالذات لو رضينا بحاجات مش بأيدينا .. بس ردى عليا انك ثانوية السنادى ولا خلصتي ؟

صدقيني أن ظروفك دي دافع لانك تركزى مع حلمك وتخرجي طاقتك كلها ف انك توصلي للي نفسك فيه ومفيش حاجه يعيده عن ربنا ...انتي لو ثانوية عامه ... قدامة فرصة أن شاء الله توصلي لكل اللي. نفسك فيه .. لكن اهم حاجه تفصلي نفسك من كل المشاكل اللي مش ف ايدك حلها وتصريف نظر عن كل التصرفات اللي مش ف ايدك تغييرها .. وبجد لو قربتي من ربنا ورضيتي وحمدتي ربنا وذاكرتي وركزتي ف مذاكرتك ومع مامتك وأخواتك .. والله ربنا هيجببر بخاطرك بس لازم تقربي من ربنا علي قد ما تقدرى وهو وحده اللي يقدر يهون عليه اي حاجه ..وربنا يعينك ويوفقك ويحفظك ويصبرك ويقويكي علي كل حال ويا رب تشتغلي الفرصة اللي قدامك وتركز وان شاء الله توصلي للكلية اللي نفسك فيها

بصي أنا والله مببررش موقفه ولا مستهتر بإحساس الزعل .. لكن لازم نوصل لحل يخلصك من الزعل المستمر عمال علي بطال وهو أنك لازم تستوعبي أن دي طريقته وهتتعاملي معاه بما يرضي الله لكن مش هتزعلي نفسك .. ولا هتخلي طريقته السلبية تأثر علي فرحتك ف اي وقت ايا كان .. ده باباكي ودول اهلك ومش هيتفيروا فمش هنتستني الظروف نتغير لا احنا هنغير من تفكيرنا عشان نقدر عالظروف ونبقي احسن ..لازم تصرفي نظر عن اي حاجه بتضايقك منه وتحاولي تتجنبي الزعل حتي لو ملكيش يد فييه وكمان افهمي أن العقوق أغلبه من الأهل قبل الأبناء .. وانتي قد الظروف دى أن شاء الله ... بس سؤال انتي ثانوية عامه السنادى ؟

هل ممكن أن احكي حلم .. هل باستطاعتك تفسيره ؟

أنا شايف أنك ف مكان كويس جدا والاحسن انك تحافظي علييه وتجديد طاقتك .. لكن الفتور ده طبيعي بس لازم تخرجي نفسك منه لانه ممكن يأثر عليكي اكتر .. فعادي انك تقررى من انهارده انك تبداى ترجعي لهوايتك اللي بتحبها وابداي تحبي يومك ظروفك ..وصدقيني نقطه أن حد يسمعك دي بتكتب فيها كتب لوحدها ... لان الحياه مبقتش زى ماحنا كنا فاكرين الدنيا اتغيرت .. واللي هيسمعك ده هيبقي اكتر شخص قادر ياذيكي عشان هيوصل لنقطه ضغفك من غير اي مجهود وده اللي أنا حاولت الفت نظرك ليه بالدائره الخاصه ليكي .. احكي كل حاجه لربنا ومش شرط علي فكره ان كثره العلاقات تبقي حاجه حلوه بالعكس ممكن وحدتك دي تبقي نعمه انتي مش حسابها أنا عارف سلبياتها كلها بس صدقيني مميزاتها اكتر بكتييير وربنا يعينك ويوفقك بجد انتي ف مكان كويس طالما حافظه دينك وصلاتك باذن الله ربنا هيحفظك ويقويكي .. انتي حد كويس وحبي ظروفك وحياتك وكل تفاصيلها وسيبيها علي الله ..متتغربش والتجمعات والصحابات والضرائب ..كل دي مظاهر لا يعلمم جوهرها الا الله

هيبقي احسن لو فصلتي بحاجه بتحبيها زى هواية أو نوم أو تقعدي مع حد فالبيت أو صاحبتك أو ايا كان .. ولو حابه الفراغ يبقي تحاولي تفكرى بطريقه ايجابيه ف ترتيب أولويات بكره مثلا أو التفكير ف غلطاتك انهارده عشان تعديلها مش عشان تضايقك أو التأمل مثلا .. والدراسة حاولي متراكميش علي نفسك كتير ومتضغطيش علي نفسك وابداي بالاسهل فالاصعب تدريجي عشان كفاءتك تزيد ودائما ادعي ربنا أنه يوفقك وييسر امورك وهم حاجه الصلاة هتساعدك كتير ف مذاكرتك ودائما حاولي توصلي لتارجت انك بتعملي اللي عليكي والنتيجه عالله.. وان حد يدخل حياتك سواء حبتيه أو لا فده مرفوض فالحالتين لأن ده حرام وهياذيكي من غير ما تحسي أو هتحسي بعد فوات الاوان .. وربنا يهدينا جميعا

بالرغم اني مقرتش كتير .. لكن كتاب (فاتتني صلاة ) اكتر من رائع ف نظرى

يا رب تنجح أتمني من الله .. لكن جمييييله أو انك بتستخدمي الورقة والقلم .. لكن ممكن تعملي استثناء للوقت اللي بترضي فيه مامتك ... وبالنسبة لنقطه دماغك والضغط .. لان المخ مقتنع أنه بيعمل الحاجه الصح وبالرغم من كده بيلاقي رد فعل مش مناسب وهو الزعل .. فتحنا هنغير الفكره اللي فمخنا احنا ..وهنفهم مخنا أن الحاجه الصح اني هرضي ماما . قالتلي اغسلي المواعين حاضر هبدا فيها نادت قالتلي شغلي الغساله ..حاضر هبدا أشعلها ..نادت قالتلي سيبك منهم وتعالي روقي الصاله .. هقول اريح برضو واروح أرتب الصاله ..نادت قالتلي اعملي شاى ..هعمل اتنين واروح اشرب معاها الشاى ونهزر ونضحك ... وربنا يخليهالك ويخليكي ليها ويبارك فيكم

أنا من رايي أن المشكله مش طريقة والدتك ولا تقصير منك ..هو المشكله ف نظرتك للموقف نفسه ..فى نظرك أنهم عباره عن كذا طلب بتعمليهم والدتك تشتتك فبتتعصبي وهي بتزعل بالرغم انك بتعملي طلباتها ..فبتوصلي ف نفسك لمرحله انك بتبقي من جواكي كرهتي الموقف عشان فالاخر نتيجته زعل والدتك منك ... عندي وجهه نظر والله اعلم أن والدتك بتزعل لما بيوصلها فكره انك بتعملي الطلبات غصب عني فعدم رضاكي بيزعلها وده حقها فازاي تبيني ليها رضاكي .. باختصار أنك لازم تغير مصطلح بساعد ماما ..ف دماغك لمطصلح برضي ماما ... فممكن اقعد نص ساعه من الطلب الاولاني للطلب التاني للطلب التالت من غير تركيز عشان أراضيها .. وممكن اقعد ساعتين مركز ف طلب وبردو مش هترضيها .. فلازم تغيري طريقه تفكيرك .. أن ده وقت انتي بترضيها فيه بصرف النظر عن مدي جكفاءة تنفيذك