أنا من رايي أن المشكله مش طريقة والدتك ولا تقصير منك ..هو المشكله ف نظرتك للموقف نفسه ..فى نظرك أنهم عباره عن كذا طلب بتعمليهم والدتك تشتتك فبتتعصبي وهي بتزعل بالرغم انك بتعملي طلباتها ..فبتوصلي ف نفسك لمرحله انك بتبقي من جواكي كرهتي الموقف عشان فالاخر نتيجته زعل والدتك منك ... عندي وجهه نظر والله اعلم أن والدتك بتزعل لما بيوصلها فكره انك بتعملي الطلبات غصب عني فعدم رضاكي بيزعلها وده حقها فازاي تبيني ليها رضاكي .. باختصار أنك لازم تغير مصطلح بساعد ماما ..ف دماغك لمطصلح برضي ماما ... فممكن اقعد نص ساعه من الطلب الاولاني للطلب التاني للطلب التالت من غير تركيز عشان أراضيها .. وممكن اقعد ساعتين مركز ف طلب وبردو مش هترضيها .. فلازم تغيري طريقه تفكيرك .. أن ده وقت انتي بترضيها فيه بصرف النظر عن مدي كفاءة تنفيذك
يا رب تنجح أتمني من الله .. لكن جمييييله أو انك بتستخدمي الورقة والقلم .. لكن ممكن تعملي استثناء للوقت اللي بترضي فيه مامتك ... وبالنسبة لنقطه دماغك والضغط .. لان المخ مقتنع أنه بيعمل الحاجه الصح وبالرغم من كده بيلاقي رد فعل مش مناسب وهو الزعل .. فتحنا هنغير الفكره اللي فمخنا احنا ..وهنفهم مخنا أن الحاجه الصح اني هرضي ماما . قالتلي اغسلي المواعين حاضر هبدا فيها نادت قالتلي شغلي الغساله ..حاضر هبدا أشعلها ..نادت قالتلي سيبك منهم وتعالي روقي الصاله .. هقول اريح برضو واروح أرتب الصاله ..نادت قالتلي اعملي شاى ..هعمل اتنين واروح اشرب معاها الشاى ونهزر ونضحك ... وربنا يخليهالك ويخليكي ليها ويبارك فيكم
تم النشر الثلاثاء، ٥ نوفمبر ٢٠٢٤
هي فكرة حلوة، هجربها واتمنى تنجح يارب، بس أنا معرفش ليه دماغي بتحس بضغط رهيب غير عادي لما بتشتت بحسه ساعات كتير إنه ده مش طبيعي وإنه طبيعي فعلاً نتنقل عادي من ده لده لده، بس أنا شخص مبعرفش يمشوا يومه الطبيعي من غير ورقة وقلم واكتب مهام المطلوبة مني من الاعلى أهمية للأقل علشان بحس نفسي من غير ما اعمل كده تايهة وبحس بإحباط وفعلاً مش بنجز اي شيء في اليوم، يمكن دي مشكلة عندي ولسه مكتشفتهاش معرفش بس الحمدلله ربنا مديني نعمة إني دايماً بحاول أدور على حل وأجرب كذا حاجه لحد ما الحمدلله ما ربنا بيكرمني بفضله وبوصل.... شكراً ليك ولوقتك، وإن شاء الله هجرب نصيحتك.
تم النشر الثلاثاء، ٥ نوفمبر ٢٠٢٤
لعرض الإجابة في فدني اضغط هنا