وعليكم السلام ورحمة الله وبركاته، بالحرف وصلني شعورك... الفترة الي مرقتي فيها صعبة، الحمد لله على سلامة امك، انت احتسبي الاجر لانه هاد الاجر ومع صعوبة النتائج الا انه هدية اذا احتسبتيها لوجه الله. عمرك بعدو صغير ٢٣ سنة ما فاتك اشي ان شاء الله.. بس لازم تتعلمي تحكي لا ، ويكون عندك مساحتك الشخصية، سجلي بدورة تحفيظ قرآن مثلا ، اشغلي نفسك، ارجعي على الدراسة، واذا حبت اختك تخلي ولادها عندك وانت ما الك نفس، او بحاجة تقعدي لحالك، قولي ببساطة "لا"، انت مش مجبورة على هاد الفعل، واذا عملتيه بكون من اصالتك... بس لازم ما نخلي الاشخاص الي حوالينا يحسو انو معروفنا هو واجب علينا، انتبهي على هاي النقطة... اعطفي على الاولاد اه، جيبيلهن هدايا بسيطة من مدة لمدة اه هاد عمل حلو ولطيف وربنا بيحبو... بس انك تخلي اختك تطمس حياتك يوم يوم ما بصير... وقت متكوني تعبانة قولي لا، واذا حسيتي حالك حابة تشوفي الولاد انت روحي زوريها او اقترحي يضلو عندك(بس هاي من بعد لما اختك تعرف انو عندك حياتك وحدودك) تقربي لربنا، وابدئي حفظ قرآن لحالك، داومي على الاستغفار وقيام الليل، خلي فقرة كل يوم لنفسك، اعملي فيها اشي تحسي انو فدتي حالك؛ ولو اشي بسيط مثلا عناية بوجهك ، بشعرك، او اشي عظيم واجرو عظيم مثل الذكر والصلاة وقيام الليل... وتذكري الي جاي احلى واحسن لما نحسن الظن بربنا ويكون عنا يقين باستجابة دعواتنا بإذن الله❤🌹
لعرض الإجابة في فدني اضغط هنا