مشكلتي اني بحس أضعف مايكون مع كل موقف بمر فيه في حياتي ومع الزمن والظروف بحس اني بنهار جدا واني مش قد الحياة
انا بنت عندي اربع إخوة ذكور واحنا تلات بنات اخواتي اتجوزوا متأخر وكان نصيبهم مش احسن حاجة وانا اتقدملي النهارده واحد هو موظف وطموح وعند إمكانيات كتيرة وسألني لو عاوزة اشتغل فجاوبته نفسي والكلام ده واني اخلص كلية وافكر بس اخويا قال إنه رجل وعليه القوامة وأنها تقعد في البيت وتكون في خدمتك وده شيء مش وحش بالنسبة لي بس حسيت انه هو كان عاوزني اشتغل
وكمان احنا حالتنا المادية مش احسن حاجة وكمان اخواتي ماحدش فيهم متجوز والصراحة بخاف اني اتعلق بحد ومن فكرة الرفض ومش بتقدم ليا عرسان وانا نفسي في واحد يكون فيه مواصفات زي المتقدم ليا النهارده اخويا بيقولي قدري نفسك وثقي فيها وان لو عاوز حد بيشتريه ويقدره
هو يعتبر أقارب ليا من ناحية الام وعايشين في القاهره واني عايشة في قرية محافظة ليها تقاليد وعادات وانا خريجة حقوق ولكن تقديري ما يخيلنيش اني اشتغل في وظيفة قضائية من المناصب الرفيعة
وكمان بحس بالضعف وانا عندي فرط تفكير وخوف من الرفض ومن وضع اهلي واني حياتي مافيهاش مميزات كتيرة واني الصراحة نفسي في حد يكون عنده مواصفات أنه يفتح بيت ومقتدر وأنه عنده كفاءة عالية ولقيت المواصفات ده فيه بس حسيت بالنقص من عندي واني لا امتلك شيء ولا اصلح لشيء
اهلي كتر الله خيرهم وأنهم بيدعموني وبيحبوني وبيحاولوا انهم يخففوا من تفكيري وان بحبهم بس بخاف اني ميقدرنيش وانا في مقارنات كتيرة بتحصل جوا دماغي وانا تعبت نفسياً عشان كدا بخاف من انه يتقدم لي حد او ميكونش مناسب
نفسي في نصيحه تنفعني وكلام يريحني ويشيل عني كتر التفكير لأن الأمر كله لله وهو رزقني اني يجي وهو هيرزقني باشياء كتيرة في حياتي وساوس الشيطان والتفكير الزيادة والخوف بالنسبة تجعلني كالحي عايش ولكنه شبه ميت ومنطفئ
صلي. ع النبي بصي ي اختي هو في مفهوم غلط عندنا ودا أدركت مؤخرا ان لل عشان هو موظف لازم ياخد ناس مقتدر ة زيه بصي الزوج الصالح الشاب الكويس للمحترم مش بيص للامور دي مش شرط تبقي حد غني وبنت مقتدره ممكن تبقي سمعة اهلها حلوة ف البلد وظروفهم زيهم زي اي حد مستورة متحسيش بالنقص وانك قليلة عشان هو مثلا موظف على فكرة والله بكلمك جد ملهاش علاقه حرفيا هو لما سألك وارد يكون عايز. يعرف عندك رغبه لكدا ولا لا مش شرط يكون عايزك تشتغلي بصي متستعجليش ع رزقك لان واضح من كلامك متأثرة بزواج اخواتك فخايفه تتخطبي ويحصل تعلق مثلا فتندمي اخوانك حاجه وانتي حاجه تانيه هما خدو رزقهم كل بني آدم لي رزق معين انتي استخيري الله كل يوم ف للشخص دا وادعي وصلي وعلى فكرة هتقدري تفهمي دماغه أهم حاجه بالله عليكي الضوابط عشان من الاول تبدأيها صح وربنا يقومك الخير يارب بلاش تجلدي نفسك لان والله يا اختي تفكيرك مش صح انتي اتكلمي معاه ف الحدود ولو لقيتيه مدقق أو حسيتي انه بيبص للمستوي والمنظر انا اهو بقلك اتركيه وقتها بس يمكن دا يكون عوض ليكي ف احنا مش عايزين نتسرع من الاول
تم النشر السبت، ١٢ سبتمبر ٢٠٢٦
أختي العزيزة، أفهم تمامًا ما تمرين به من خوف وتفكير زائد وشعور بالضعف أمام فكرة الزواج والرفض. هذه المشاعر طبيعية جدًا عندما تكونين قد رأيتِ تجارب أخواتك وسمعتِ كلامًا متضاربًا من حولك، لكن تذكري أن الخوف من الفشل لا يعني أنكِ غير قادرة، بل هو إشارة إلى أنكِ تهتمين بمستقبلكِ وتريدين الأفضل. الإسلام يعلمنا أن الرزق والنصيب بيد الله، وأن التوكل عليه يخفف من ثقل التفكير الزائد، فابدئي بخطوة الاستخارة إذا وصل الأمر إلى مرحلة الجدية، ودعي قلبكِ يطمئن بأن ما يختاره الله هو الأنسب. ركزي على تقدير ذاتكِ كما نصحكِ أخوكِ، فأنتِ خريجة حقوق ولديكِ طموح واضح، وهذا ليس نقصًا بل قوة. بدلًا من المقارنات الداخلية، اكتبي على ورقة المواصفات التي تبحثين عنها في الزوج (مثل القدرة على فتح بيت والكفاءة) وقارنيها بما يقدمه الشخص المتقدم دون أن تُحمّلي نفسكِ مسؤولية "هل أنا أستحق؟". الرجل الطموح الذي سأل عن رغبتكِ في العمل يظهر مرونة، بينما رأي أخوكِ عن القوامة يعكس حماية تقليدية، ويمكنكِ مناقشة هذه النقاط بهدوء مع أهلكِ لتوضيح الصورة دون أن تشعري بالضغط. أنتِ لستِ "شبه ميتة" كما تشعرين، بل أنتِ في مرحلة نمو وتغيير، والوساوس تأتي من الشيطان ليُضعف العزيمة. حاولي كل يوم أن تُذكّري نفسكِ بإنجاز صغير قمتِ به أو بدعاء بسيط مثل "اللهم إني أعوذ بك من الهم والحزن"، واستمري في البحث عن أسئلة مشابهة على فدني لتري كيف تعاملت غيركِ مع مثل هذه المخاوف. أنتِ قادرة، ونصيبكِ سيأتي بإذن الله بما يناسبكِ ويُريح قلبكِ.
تم النشر السبت، ١٢ سبتمبر ٢٠٢٦
لعرض السؤال في فدني اضغط هنا