محتاجه إجابة ونصيحة
متقدملي عريس مواصفاته كويسه بس عنده ضعف نظر لدرجة الفقد وانا بصراحه مش عارفه
اهلي قالولي دي مسؤولية وهتتعبي وانا مش عارفه هل هو فعلا مسؤوليه ولا لا عادي هو اللي اعرفه انه بيشتغل وحافظ القرآن وكمان هو شرطه الوحيد أن اللي يتجوزها تكون عارفه انها هتساعده في القراءه وتقرأ ليه وكدا علشان هو حابب يكمل ويتعلم ويطلب العلم وكدا
فانا مش عارفه بجد اي الصح خايفه أكون مشفقه عليه وانا مش حابه كدا لاني شخص اصلا بطبعي ممكن اساعد الناس واجي على نفسي لمجرد أنهم صعبوا عليه وفكرة أنه هيوافق عليا لو انا بس وافقت حاساها مش حلوه لانه لو قبلت بالشرط دا هو هيوافق
المفروض اي الصح اهلي رافضين بس انا مش عارفه أقرر
انظري لنفسكِ هل ترين أنكِ قادرة على رعايته اعلمي أنكِ إن وافقتِ فسيكون لك أجر كبير و اعلمي أنكِ لو رفضتِ فلا يجعل هذا منكِ سيئة بل هو وعي بنفسكِ و لا تقلقِ سيكون لذلك الشاب نصيب من فتاة تقوم و تقدر على رعايته المرض ليس عيباً كوننا لا نسيطر عليه لكن يمكننا اختيار شريك حياتنا لذا لنفكر و نتمهل و أسأل الله لك التوفيق و السداد
تم النشر السبت، ٣١ يناير ٢٠٢٦
لو وافقتي عشان صعبان عليكي هتتعبوا أنتوا الاتنين قدام. هو محتاج شريكة حياة تقبله زي ما هو وتكون فخورة بيه، مش حد حاسس إنه بيعمل فيه جميل. و أهلك عندهم حق إن فيه مجهود إضافي هتبذليه زي القراءة له ومساعدته في التحرك أحياناً، فلو أنتي نفسك قصير أو مش مستعدة لده كـأسلوب حياة مش مجرد تجربة، يبقى بلاش. والراجل بيشتغل، حافظ للقرآن، وطموح. لو شخصيته مناسبة ليكي جداً لدرجة إنك شايفة إن تعب القراءة له ده شيء بسيط قصاد قعدتك معاه، يبقى توكلي على الله. و تخيلي يومك العادي معاه بعد 5 سنين؛ هل هتكوني زهقانة من المساعدة ولا بتعمليها بحب؟ الإجابة هنا هي اللي هتحدد. نصيحه من اخ اقعدي معاه مرة واتنين، اتكلمي في تفاصيل حياته بيقضيها إزاي. لو حسيتي إنك معجبة بشخصيته مش مشفقّة على حالته وافقي. غير كده، يبقى أهلك معاهم حق واستخيري وان شاء الله خير بعتذر عن الإطالة 😊 ربنا يوفقك
تم النشر الجمعة، ٣٠ يناير ٢٠٢٦
يا حبيبتي، أول حاجة أشكرك إنك شاركتيني اللي جواكِ بكل صراحة، ده يدل على قوة شخصيتك وقدرتك على التفكير بعمق. أنتِ مش لوحدك في التردد ده، كتير بنات مروا بنفس الوضع. هل فقد البصر سبب للرفض؟ مش بالضرورة سبب قاطع للرفض، خاصة لو الشخص زي ما وصفتيه: بيشتغل، حافظ قرآن، طموح في طلب العلم. الإسلام بيحث على الزواج من الطيبين حتى لو عندهم تحديات، بس المهم التوافق بينكم، مش الشفقة. نصيحتي العملية خطوة بخطوة: اسألي نفسك بصدق: هل تقدري تتخيلي حياتك معاه 10 سنين قدام؟ الشرط بتاعه (مساعدته في القراءة) حلو لو بتحبي القراءة والعلم، وهيبقى جزء من روتينكم اليومي زي أي زوجين بيساعدوا بعض. بس لو حسيتِ إنه هيبقى عبء نفسي أو جسدي، فكري تاني – مش كل حاجة "مسؤولية" زي ما أهلك بيقولوا، ده شراكة. تجنبي الشفقة: أنتِ قلتِ طبعك يساعد الناس على حساب نفسك، فخدي وقت تفكري: هل ده حب واحترام ولا رحمة؟ قابليه أكتر (مع محرم طبعاً)، شوفي كيمياءكم، اسأليه عن يومياته، ازاي بيقضي يومه، وازاي هيحقق أحلامه. دينياً ونفسياً: الزواج في الإسلام رضا الطرفين وقدرة على العيش كريم. قال تعالى: {وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا}. لو حسيتِ إنك هتسكني معاه وتدعميه زي ما هو هيدعمكِ، روحي. استشيري ربنا في الاستخارة، وادعي: "اللهم إن كان خير لي فاقدره". مع أهلك: احترمي رأيهم، بس حددي حدودك. قوليلهم: "أنا هفكر، وهاخد وقت أعرف أكتر". الصح إيه؟ مفيش إجابة واحدة، بس الصح إنك تختاري اللي يريح قلبك ويبني مستقبل قوي. لو محتاجة دعم أكتر، روحي صفحة الخبراء في فدني https://www.fedni.net/experts وابحثي عن استشاريين في الزواج أو علم النفس، أو شوفي أسئلة مشابهة هناك هتلاقي تجارب حقيقية. أنتِ قوية وهتقرري الصح، ربنا ييسرلكِ الخير يا رب.💕
تم النشر الجمعة، ٣٠ يناير ٢٠٢٦
اعكسي الموضوع خلي انتي اللي عندك ضعف نظر وشوفي اي اللي هيبسطك واللي يريحك واعمليه ومعلش أنا آسف مش بتصادف بيكونو الاتنين كويسين جدا بدون اي امراض وفجاه من عند ربنا تلاقي ف حد تعبان ومثلا كويسين اوووووي وجدا بس مفيش خلفه منها اكيد مش هرميها
تم النشر السبت، ٣١ يناير ٢٠٢٦
صلي استخاره لان الموضوع مش سهل ودي مسؤولية زياده عليكي بجانب البيت والأطفال مستقبلاً وكمان لو هتشتغلي ، وشوفي هو هيبقا شغال إزاي أو ايه وانتي هتقدري علي دا ولا لا
تم النشر الأحد، ١ فبراير ٢٠٢٦
السلام عليكم ـ في النهاية الأمر لك لكن لا اري سبب لرفضه لاسيما وان كان متدين حق وعقيدته سليمة.
تم النشر الأحد، ١ فبراير ٢٠٢٦
بصي حتى لو فيه مميزات كتير انتي هتتعبي سنينك الجايه كلها تبقى مسؤوله عنه و في أطفال هتيجي يعني مسؤوليات كتير بجد و انتي بنت و لسه صغيره بتتجوزي عشان تعيشي الحياه اللي نفسك فيها مش عشان تلاقي نفسك بتخدمي حد اه هيكون جوزك بس انتي بعدين هتندمي و تقولي ياريتني سمعت كلام اهلي و رفضت ف دوسي على قلبك و حنيته و ارفضي لو مكسوفه ترفضيه عشان تأنيب الضمير خلي باباكي يعمل كدا و بس ربنا يوفقك بأحسن منه يارب و تعيشي ملكة
تم النشر السبت، ٣١ يناير ٢٠٢٦
لعرض السؤال في فدني اضغط هنا