متقدم ليا عريس كفيف مولود كدا
ممكن تقولوا لي تجاربكم لو في بنت اتجوزت كفيف
أنا هقول بلاش تحكمي قلبك علشان هو اعمي وكده لا فكري شويه عندك صبر كافي تتحملي مسؤلية البيت والأولاد ومسؤولية طلباته لو أيوه يبقي اقولك أن لعل ربنا يسعدكم ويرزكم وتكوني من أهل الجنه بسبب الشخص ده
تم النشر الخميس، ١١ سبتمبر ٢٠٢٥
انك ترفضي دلوقتي اهون بالكتير من انك ترفضي بعد كده ، مش هكلمك من ناحيتك ليك اجر و ثواب و الكلام اللي انتي اكيد سمعتيه من كل اللي حواليكي ، هكلمك من ناحية انك هتتجوزي واحد هتكوني عينه اللي بيشوف بيها حرفيا هيشوف كل حاجه بعينك و دي امانه كبيره ، هتشيلي مسؤلية بيت لوحدك ، هتشيلي مسؤلية اولاد لوحدك ، هتشوفي صاحباتك عايشين حياه مش هتقدر تعيشيها ولادك هيحتاجوا منك دعم نفسي كبير جدا ف النقطه دي ، هو هيجيله فترات هيحس انه عاجز و انه مقصر و هيتغير معاكي و هيكون مطلوب منك تقابلي ده بكل حب و تطمنيه ، لو تقدرى تعملي ده ف الدنيا ربنا يجازيكي الجنه باذن الله لو مش هتقدرى بلاش تكسريه
تم النشر السبت، ١٣ سبتمبر ٢٠٢٥
كان يا ما كان .. كانت هناك فتاة فرنسية تعرفت على شاب مصري كفيف ذهب يدرس الدكتوراة في فرنسا ونشأت قصة حب بينهما ثم تزوجها هذا الشاب عام ١٩١٧ ودام زواجهما ٥٦ عاما حتى وفاته في عام ١٩٧٣ ثم كتبت عنه كتابا ترثيه فيه اسمه (معك) بقلم سوزان طه حسين! ما أود قوله: لا تنظري فقط للإعاقة الجسدية لدى هذا الشاب ولكن قيمي شخصيته كلها وأخلاقه ودينه وعلمه ربما كان من هذه الأشياء ما يعوض الإعاقة الجسدية، ويجعله خيرا من كثير من المبصرين، وفي نفس لا تدعي الإعاقة الجسدية ورغبتك في نيل الثواب تجعلك تغضين الطرف عن أشياء تشعرين أنها غير متوافقة معك في شخصيته وأو لن تستطيعي تحملها ويمكنك على أي حال أن تشاهدي تجارب من سبقك ممن تزوجن من أكفاء
تم النشر الاثنين، ١٥ سبتمبر ٢٠٢٥
السلام عليكم الموضوع مش بيتحسب الا بدرجة تأثير الاعاقة دى على حياته هل دايما محتاج حد معاه ولا متعود يتصرف لوحده وهل انتى عندك استعداد تكونى عينيه فى اوقات كتير ولا لا ...مش مسألة انك هتشيلى مسؤولية مكانه ابدا ولكن هتكونى مهمه فى حياته لانه هيشوف الحياه من خلال عينيكى انتى
تم النشر الأحد، ١٤ سبتمبر ٢٠٢٥
مرحبًا عزيزتي، شكرًا على سؤالك المهم والحساس. الزواج من شخص كفيف هو قرار يحتاج إلى تفكير ونضج، وتجارب البنات اللي اتزوجوا من زوج كفيف تختلف باختلاف الظروف، الشخصية، والدعم المتاح. هنا بعض النقاط المهمة التي تساعدك على فهم التجربة بشكل أعمق: التواصل والثقة : أهم شيء في أي علاقة زوجية، خاصة إذا كان الزوج كفيف، هو وجود تواصل قوي وصراحة بينكما. لأنه قد يحتاج إلى دعم معين وأنت تحتاجين لفهم احتياجاته الحقيقية. الاستقلالية والمساعدة المتبادلة : بعض الأزواج الكفيفين يكونون مستقلين بشكل كبير في حياتهم اليومية، وقد يحتاجون أحيانًا لمساعدة في أمور محددة. هذا يحتاج تفاهم منك وتقبل للطبيعة المختلفة للتعامل. الدعم النفسي والاجتماعي : قد تواجهين أحيانًا نظرات أو أسئلة من الآخرين، فوجود دعم من العائلة أو الأصدقاء المقربين مهم جدًا لك ولزوجك. المسؤولية المشتركة : الزواج شراكة ومسؤولية مشتركة، والزوج الكفيف قادر - بحول الله - على المشاركة في تحمل هذه المسؤوليات، ولكن قد تتطلب بعض المهام تكيّفًا مختلفًا. تجارب حقيقية : بعض البنات اللاتي تزوجن من أزواج كفيفين ذكرن أن الحب والاحترام المتبادل كانا سر نجاح العلاقة، وأن وجود فهم عميق لاحتياجات كل طرف جعلهما يعيشون حياة مستقرة وسعيدة بإذن الله. إذا كنتِ تفكرين جديًا في هذا الزواج، أنصحك بالتعرف على زوجك أكثر، واسألي عن تفاصيل حياته اليومية، وكيف يرى مستقبلكم معًا، وكذلك يمكنك البحث عن قصص وتجارب مشابهة في "فدني" أو حتى طلب استشارة من خبراء في العلاقات الزوجية أو الدعم النفسي عبر صفحة الخبراء على موقع فدني. وأخيرًا، تذكري أن الله لا يضيع أجر المحسنين، وأن الزواج مبني على المودة والرحمة، وأنت تستطيعين أن تبني حياة جميلة إن شاء الله مع شريكك مهما كانت ظروفه. لو تحبي، أنا هنا دائمًا أساعدك بأي استفسار أو نصيحة أخرى، فلا تترددي في السؤال. دمتِ بخير يا غالية. 🌸
تم النشر الأربعاء، ١٠ سبتمبر ٢٠٢٥
شوفي انتي عايزة ده ولا لا؟؟؟ فكري عشان متقصريش في حقه مش كل حاجة تسرع و خلاص لو مش هتستحملي العيشة انسحبي ده حقك و محدش يقدر يقولك انك غلطانة بالعكس ده احترام منك ليه بأنك مش عايزة تقصري في حقه ... وانتي ادري بحياتك بس في النهاية ده قرارك ربنا يسهلك الحال و يكتبلك اللي فيه الخير
تم النشر السبت، ١٣ سبتمبر ٢٠٢٥
لو مش هتقدري انسحبي مش عيب علشان لا تظلمي نفسك وحرام هو ولو وافقتي اوعي ترمي ودنك للناس بيتك هتتخرب
تم النشر السبت، ١٣ سبتمبر ٢٠٢٥
لو بني ادم صالح وعجبك عامة اتكلي على الله ممكن تسئلي اهلو عن روتينو اليومي بس لازم تبقي على درجه عاليه من الامانه معاه وتعاملي ربنا فيه اكنو بيشوف ولازم تكوني سويه اوي معاه الناس دول الي بيخونهم ربنا بينتقم منهم لو مش هتقدري على المسؤليه والامانه معاه وتكوني انتي عنيه بلاش.
تم النشر الخميس، ١١ سبتمبر ٢٠٢٥
سيكون اجر عظيم لكن اتأكدي لو هو شخص صالح
تم النشر السبت، ١٣ سبتمبر ٢٠٢٥
لعرض السؤال في فدني اضغط هنا