السلام عليكم انا محتاجه اسمع حد انا كنت متزوجه زوجى عن حب وانا وهو كنا بنحب بعض بقالى ١٠ سنين متزوجه وعندنا ٣ اطفال انا عمري ماسبب البيت حتى لو زعلنا مع بعض بنرجع نتصالح فى نفس اليوم المشكله انو كان بيرمى الطلاق على طول ويرجع يندم ويقولى غصب عنى انا عارف انك مابتعمليش حاجه تزعلني لحد ماجه فى اخر فترة بدء يبات بره البيت ويقولى شغل وبدء يقولى ماترنيش عليا خالص وانا بره حتى لو فى اى حصل ماترنيش عليا وطبعا جيت فى يوم عرفنى على واحده بتكلمها فى الفون عشان بيعملها شغل وكان بيتكلم قدامى عادى لحد ما بدء يكلمها بليل من غير ما اعرف وبدء يسهر معاها بره فى الفون مع الرغم ان الست دى متزوجه وعندها بنوته وطبعا بدء يكلمها ادامى ويقولى اطلعي بره لحد ما اخلص اقول ليه يعنى ماتتكلم مش شغل يقولى لاء اطلعي بره واوعى تدخلى وكنت بسمع كلامو واقولو انا هستحمل وقاعده عشان الأولاد قالى بصى انا حاسس ان فى حد عملى حاجه من ناحيتك انا خايف ائذيكى روحى لماما كام يوم لحد ما اتعالج واشوف الموضوع ده انا خايف عليكى. واقنعنى ان فى حاجه المهم مشيت لماما واخدت الأولاد وقالى اوعى ترنى عليا خالص حتى لوحصل حاجه انا هتواصل معاكى من وقت للتاني عشان خايف لطلقك من غير ما احس لو رنيتى المهم سمعت الكلام وكنت بوافقو على اى حاجه وكنت منهارة جدا عليه وكان لما يكلمنى دقيقة واحده ويقفل بسرعه لحد ماجتلى مكالمه من واحده وقالتلى اسمها قالتلى انا عايزاكى تسامحيني انا ظلمتك وخايفة ال عملتو فيكى يتعمل فى بينتى جوزك كان معايا كل يوم وانا ال حاليتو يوديكى لماما وانا ال خليتوا يطلقك ولو مش مصدقه ازاى معايا افتحلي الكاميرات بتاع الكافيهات ال بندخلها وطبعا انا كنت منهارة جدااااااا وطبعا هيا كلمتنى وقالتلى سامحينى عشان كانت زعلانه معاه ولما اتصلحو رجعت تانى ليه وتمام وقالتلو ماترجعهاش طبعا دى نص ال عملو لسه فى بقيت ال حصل حاجه ماينفعش تتعده بس سؤال انا مش عرفه اعمل اى الأولاد كانو معايا وبعدين بابا بعتهملو انا تعبانه نفسياااااا جدا بفكر كتير فى الانتحار ااااوى انا كنت بعشقو ومكنتش مصدقه ال حصل فيا لحد ما فى يوم؟ لو ينفع اكمل
في الحقيقة انتي بنفسك اللي تقدري تاخدي القرار مش حد تاني .. انتي لو عايزة تواجهي وتسامحي .. ف سامحي اما لو مش قادرة ف محدش يقدر يلومك وقتها. ولكن هل هو اساسا حاول يرجعك؟ يعني لو حاول يرجعك فكري وشوفي هل هتقدري تتجاوزي اللي حصل او لا. اما لو محاولش اساسا معاكي، وطلقك وحصل مشاكل كبيرة ف كرامتك اهم من اي شئ ..
تم النشر الأربعاء، ١ نوفمبر ٢٠٢٣
انتي ضعيفة الشخصية " تعلقك بيه زياره هو استغل حبك ليه غلط لدرجة أن هو بداء يألف سيناريوهات كذابه انا ممكن اطلاقك انا ممعمولي عمل ، انا محسود ،انا..... ،انا..... ممكن اسالك سؤال وموش عايز اعرف الإجابة خليها لنفسك ؟ انتي مقصر معاه وانا اقصد العلاقة الحميمة أو الحب والكلمة رومانسية ؟ ليه بعد الفترة دا كلها يبص برة ؟ حبك ليه موش كفاية ؟ وكمان انتي بتحبية علشان هو شخصية قوي عكسك تماما فانتي شايفه ان دا هو حبك والعشق علشان كده فكري كده اذي نرجعة تاني ذي اول سنه جواز ، انتي كمان عارفه أخلاقه هل هو كان كده في أول سنه جواز؟؟ هل هو بيحب تعدد الزوجات مثلا ؟ عايزك تعرفي سبب تغيرة ولي يخليه يكذب عليك؟ بالنسبة انا هنتحار موش قادرة أعيش من غيره انا عارف انك بتحبيه وعلي فكرة هو كمان بيحبك بس هو بدأ يستهتر بيك وكمان شوي هيجيب معاة واحده البيت ...مين وصله لكده ، ولا هو اصلا كده ؟؟ ملحوظه هامه/ انا عايزك تنشفي شوي سيبك من جوا الانتحار وموش قادرة أعيش من غيره ، المهم في الموضوع أن هو يعرف قيمتك ، أن هو يرجع يحترمك ويحترمك احساسك ، علي رغم ان غالبية الرجال بتكلم النساء بس من وراء مراته بخاف علي احساسها وشعورها هو فين من كده ؟؟؟ لازم ترجعي كرمتك هو بحبك اكتر من حبك ليه لازم تعرفي سبب تغيرة صلحي من نفسك اهتمي بنفسك ومظهرك الخارجي تحياتي الي والدك👑 علي فكرة أن هو ترك الاولاد عنده دا كفيل لواحده أن هو يعلمة الأدب ويعرف قيمتك.. اصبري ، هترجعي ليه بس ارجعي بكرمتك ارجعي وانتي عارفه سبب تغيرة واهتمي بنفسك ومظهرك بالنسبة لزبالة إلا كان عارفها دا عاوز تحطمك اوعي تكلميها تاني ولازم تتاكدي أن هو اقطع علاقته معاها. 🌸
تم النشر الأربعاء، ١ نوفمبر ٢٠٢٣
خليكي عند مامتك فترة واهتمي بنفسك ومش تبيني ان الي بيعمله دا بيضايقك بل بالعكس مثلا ترن قوليله انا هطلع بره عشان تتكلمو براحتكو واهتمي بنفسك البسي كويس وحطي ميك اب وعيشي حياتك وهو هيرجعلك من نفسه اما يحس نفسه مش فارق معاكي اما طول ما انتي محسساه انه محور الكون هيتمادي ولو شايفة ان الصح تتطلقي وتتجوزي غيره فلا عيب ولا حرام
تم النشر الأربعاء، ١ نوفمبر ٢٠٢٣
ربنا يهديني اقولك الخير بصي يا حبيبتي خلينا متفقين ان خاين لفظا وموضوعا وانتي بتطاوعية وتكذبين نفسك تمام ف الخيانة ملهاش دوا اما تسيبيه باحترام او تتحملي تدفعي تمن حرقة دمك لوحدك لو كملتي وبعدين انتي مش وحشة انك بتحافظي ومكنتيش بتسيبي بيتك لكن فعلا الخيانة والشك صعب جدا ترجع زي الاول وربنا يوفقك في قرارك
تم النشر الثلاثاء، ٣١ أكتوبر ٢٠٢٣
لعرض السؤال في فدني اضغط هنا