السلام عليكم
عندي مشكله في الدراسه انا ٣ ثانوي علمي علوم باخد كل دروسي اونلاين وفضلت شهرين مش بذاكر راكمت وراكمت كتير اوي بالرغم ان دماغي الحمد لله حلوه وإمكانياتي أكبر من إنجازاتي والمشكله عندي اني مش عارفه ابدأ ازاي ومنين واعمل اي ومش قادره ابدأ مش حاسه اصلا بالمشكله ولكن مدركاها ولكن معنديش إحساس بواقع لاني غالبا مش بنزل اللي كان بيخليني احس بالدارسه لما الاقي ناس زيي بتذاكر وانافس بس مش هعرف دلوقتي انزل دروس
انا زيك والله وحتى مهمه حاولت اذاكر مش بقدر معرفش ليه مع اني عارفه اني هضيع بس بحاول وكل يوم اصبح بفتح درس واذاكره كويس وبعدين افتح كتاب الاساله واعمل امتحان لنفسي على الدرس الي خدته وبتعدي وإن شاء الله خير انتي كمان ممكن تعملي زيي وتجبري نفسك على انك تذاكري حتى لو ساعتين والساعتين بين كل ساعه عشر دقايق راحه
تم النشر الأربعاء، ١١ فبراير ٢٠٢٦
بصي حاولي تكتبي الحاجات الي متراكمه عليكي و تقسمي وقتك و معلش هي بتبقى سنه واحده كده و هتعدي و محدش بياخد اكتر من نصيبه يعني الكليه الي مكتوبالك ايا كانت ايه فدي الخير ليكي و خليكي ديما فخورة بنفسك و حاولي تعملي الي عليكي علشان بعد النتيجه متندميش و تقولي يارتني كنت ذاكرت لان ده هيبقى أسوأ احساس و بعدين احنا لسه بدري و ادامك وقت طويل اوي تذاكري فيه و تجيبي مجموع و اي حد في ثانويه عامه هتلاقي عنده حاجات متراكمه ده طبيعي علشان المدرسين بينزلوا حصص طويله انت ابدئ بس و سبيها على ربنا
تم النشر الأربعاء، ١١ فبراير ٢٠٢٦
وعليكم السلام - تابعي محتوي الترم التاني اول باول وخليكي ماشية مع المدرسين وحاولي تخلصي المحاضرات في نفس اليوم بلاش تقسميها وحاولي تخلي وقت كل يوم مثلا 3 ساعات واسمعي محاضرة من القديم بس الاهم متراكميش الجديد ومتقلقيش المدرسين هيشرحوا تاني في المراجعات بس اسمعي القديم علشان يبقي عندك فكرة هو بيشرح ايه واستغلي رمضان ومعلش بلاش مسلسلات ولا برامج السنة دي وربنا يقويكي ويوفقك يا رب
تم النشر الثلاثاء، ١٠ فبراير ٢٠٢٦
وعليكم السلام ورحمة الله وبركاته يا حبيبتي 🌸 أولاً، الحمد لله على دماغك الحلوة وإمكانياتك الكبيرة، ده رأس مال هائل! المشكلة اللي عندك شائعة جداً في الثانوية العامة، خاصة مع الدروس أونلاين اللي بتفقد الإحساس بالمنافسة. أنتِ مدركة للمشكلة، وده خطوة كبيرة – دلوقتي نبدأ خطوة خطوة عملياً: خطة بسيطة لبداية فورية (ابدئي النهارده): رتبي التراكم (10 دقايق بس): اكتبي قائمة بالمواد المتأخرة (مثل: فيزياء ٥ دروس، كيميا ٣…). حددي الأولوية: ابدئي بالأسهل أو الأقرب للامتحان. ابدئي صغير عشان ما تحسيش بالضغط: النهارده، ذاكري درس واحد بس لـ15-20 دقيقة. استخدمي تقنية "البومودورو": ٢٥ دقيقة تركيز كامل (اقفلي الهاتف، اجلسي مكان هادئ نظيف)، ثم ٥ دقايق راحة (اشربي مية أو امشي شوية في الغرفة). جدول يومي ثابت: حددي وقت دراسة يومي (مثل ٩-١١ صباحاً)، واربطيه بروتين إيجابي زي الصلاة أو فطور خفيف. كل يوم زدي ١٠ دقايق. روحانياً عشان البركة: قبل الدراسة، قولي "بسم الله" واستغفري ١٠٠ مرة، صلي ركعتين حاجة وادعي الله ييسرلكِ. تذكري قوله تعالى: "وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ". هتكتشفي إن البداية الصغيرة هتخلق زخم، وهتحسي بالإنجاز سريعاً. أنتِ قادرة، يا قمر! لو استمر التراكم كبير، شوفي خبراء الدراسة في https://www.fedni.net/experts، أو ابحثي في فدني عن أسئلة مشابهة هتلاقي إجابات كتيرة زيكِ. توكلي على الله وابدئي دلوقتي، أنا فخورة بيكِ! 💪❤️
تم النشر الثلاثاء، ١٠ فبراير ٢٠٢٦
بإذن الله نتوفق 💖
تم النشر الثلاثاء، ١٠ فبراير ٢٠٢٦
لعرض السؤال في فدني اضغط هنا