اكيد فقدان الام حاجه صعبه اوي بس ادعلها ديما و ادعي لنفسك ان ربنا يريح قلبك و يصبرك على فراقها و اكيد ربنا هيعوضك خير في حياتك و حاول تركز في مذاكرتك علشان ثانويه عامه هي سنه واحده في الحياه فحاول تعمل الي تقدر عليه و ان شاء الله هتلاقي عوض ربنا في النتيجه و الكليه الي نفسك فيها و متوقفش حياتك علشان انت زعلان انا عارفه انها حاجه صعبه بس هتعدي ان شاء الله
تم النشر الخميس، ١٢ فبراير ٢٠٢٦
بصي حاولي تكتبي الحاجات الي متراكمه عليكي و تقسمي وقتك و معلش هي بتبقى سنه واحده كده و هتعدي و محدش بياخد اكتر من نصيبه يعني الكليه الي مكتوبالك ايا كانت ايه فدي الخير ليكي و خليكي ديما فخورة بنفسك و حاولي تعملي الي عليكي علشان بعد النتيجه متندميش و تقولي يارتني كنت ذاكرت لان ده هيبقى أسوأ احساس و بعدين احنا لسه بدري و ادامك وقت طويل اوي تذاكري فيه و تجيبي مجموع و اي حد في ثانويه عامه هتلاقي عنده حاجات متراكمه ده طبيعي علشان المدرسين بينزلوا حصص طويله انت ابدئ بس و سبيها على ربنا
تم النشر الأربعاء، ١١ فبراير ٢٠٢٦
هي شخصيتها كده و انت المفروض عارفها من الاول لو هي كويسه بس ده بس العيب الوحيد انها كسوله فعادي في حاجات بنعديها ممكن لو مامتك محتاجه خدامه تجيب ليها حد يخدمها و انت بتقول انك بتحبها فحاول تصالحها هي ممكن تبقى حست ان عليها ضغط كبير و هي مش مضطرة تخدم مامتك و كفايا عليها البيت
تم النشر الخميس، ٣١ يوليو ٢٠٢٥
ممكن تروحي الجيم و الكابتن الي هناك هتبقى عندها خبرة اكتر و هتعرف تديكي التمارين الصح و حاولي متكسليش يعني ممكن تنزلي حتى يومين في الأسبوع و هي بتبقى ساعه واحده في اليوم لو عايزه تلعبي في البيت هاتي تمارين من على ال YouTube ممكن sara pop fit او chloe ting دول بيعملوا تمارين حلوة
تم النشر الخميس، ٣١ يوليو ٢٠٢٥
عمرها ما كانت بحسابتنا حسابات ربنا ديما مختلفه بجد و هيديكي على قد تعبك و مجهودك طول السنه و لسه قدامك فرصه في المواد التانيه تذاكري و تمتحني انا كنت في تالته ثانوي من سنتين و حسه بيكي بجد هي سنه طويله و متعبه بس هانت بجد و كنت بقعد احسب لنفسي برضو بس النتيجه طلعت في الاخر احلى بكتير مما توقعت و دخلت طب اسنان فأدعي كتير و اعملي الي عليكي و خليكي فخورة بنفسك ديما ايا كانت النتيجه
تم النشر الثلاثاء، ٢٤ يونيو ٢٠٢٥
غالبا الناس الي بتبقى زي دي بتبقى بتكلم كذا بنت في نفس الوقت و بتتسلى و انا انصحك تبعدي عنه و لو كان بيحبك فعلا كان قالك ساعتها و كان طلب يشوفك او يتقدملك يعني لاكن ده حتى مسعاش علشان يعرفك على الحقيقه و فضل يتكلم معاكي من اكونت فيك فده كان بيسلي وقته و لما انت بعدتي و مبقتيش تكلميه كل الي عمله انه قال انه مفتقدك يعني كله كلام مفيش أفعال واضحه تدل انه حبك انا عارفه ان الموضوع صعب علشان انت حبتيه بس حاولي تبعدي عنه احسن علشان متتعلقيش بيه اكتر و في الاخر يطلع كان بيتسلى ساعتها هتتعبي اكتر و لو هو بيحبك فعلا و في خير ربنا هيرجعه
تم النشر الأحد، ٢٢ يونيو ٢٠٢٥
لعرض الملف الشخصي في فدني اضغط هنا