انا عندي مشكله كبيره جداااا ومش عارف من ايه
انا في جامعه كويسه ونفسي اتعرف ع ناس دايماااا ساكت وخايف ومش عارف اتعامل مع حد حتى المعيدين والدكاترة دايما مش عايز اشوف حد مع اني مع صحابي اللي في المنطقه عكس كده
الكلام بيجيب بعضه يعني مرة في مرة هتلاقي نفسك بتتكلم وتضحك والخ انا زيك يعتبر بس في شوية اختلافات بسيطه ومحلوله ان شاء الله انا في الطبيعي بروح الكلية لوحدي مش معايا حد قريب مني اصلا وكل مرة سبحان الله بدخل اروح مثلا سأله حد ع حاجه مثلا اقول ايه هي المحاضرة بدأت ولا لسه هو الدكتور الفلاني جه يعني اي سؤال حرفيا ليه علاقه بالمكان الي احنا فيه وبعدها بلاقي نفسي قاعده معاهم وبتكلم ونطلع سوا وندخل المحاضرة ونعرف اسامي بعض وهكذا ، جوا المحاضرة بقا اقعد قدام لكذا سبب اولا تفهم كويس أوي الدكتور قدامك تتناقش معاه وكمان أغلب الدكاتره بيبدأوا بدردشه في الأول ف حاول تدخل في الكلام ولو بتعليق بسيط جدا لما الدكتور يشرح خليك معاه ومركز لما يسأل جاوب واتفاعل وهكذا وكل الي بقولك عليه دا حاجه عاديه جدا والله يمكن صعب التنفيذ في الأول بس واحده واحدة مع التطبيق الصح والتجربه هتلاقي نفسك طلعت من دوامه الي انت فيها وللعلم انا كنت انيل منك بمراحل بس الحمدلله مع التفاعل بالي حوليك وانك تلاقي نفسك في مواقف لازم ولابد انك ترد وتعبر وتدي رأي ويكون ليك بصمه ، مش هينفع تستنى الناس هي إلي تبدأ لان كدا عمر ما حاجه هتتغير ف الصح ابدأ بنفسك انت وتدي نفسك دفعه بسيطه وهوب تخرج من الي انت فيه وبالتوفيق
تم النشر الخميس، ٢٣ أكتوبر ٢٠٢٥
طبيعي ف البداية تبقى كده ولكن اعرف فين المشكلة انك تتكلم مع حد تسألة على حاجة؟ فكر اي ابشع حاجة ممكن تحصل لو سألت الشخص ده على المحاضرة اللي فاتت مثلا هتلاقي ولا حاجة حرفيا يعني هل لما تسألة هيقولك امشي من هنا اكيد لا ولو عمل كده فده كده شخص عنده مشكلة ولكن عادي خد الخطوة واسألهم انت حضرت المحاضرة اللي فاتت طب معاك المحاضرة طب ممكن تبعتهالي وهكذا بقى او الدكتور قال على حاجة مهمه وهكذا واحدة واحدة الموضوع هيبقى سهل.. واسمع ياسر الحزيمي بجد تحفة ف الموضوع ده غير فكرته بجد بنسبة 80% ومبقتش بخاف من حاجات كتير كنت بخاف منها (خلي بالك في فيديوز بيبقى فيها موسيقى أحيانا ف تجنبها علشان مشلش ذنبك)
تم النشر الاثنين، ٢٠ أكتوبر ٢٠٢٥
لو مفيش مشكلة او كده فعادي كلنا كده وبنستحمل شوية وخلاص ومع الوقت بنطور وكده مع خبرة السنين والحياة يعني واحد من ابناء المدرسة الفولانية متعود عالمكان وعارف الناس وكدا اما لو واحد جديد عالمدرسة طبيعي يبقا خايف شوية او كده .... المهم كلنا كدا عادي..... الشعور بيبقا مزعج فعلا بالذات لما الواحد بيبقا جديد في المكان بس مع الأيام الشعور بيروح لما تتعرف على ناس وكده.... موضوع عشان تتعرف بسيط بس هي مشكلة في الشعور المزعج الي بيجيلنا ده بص... اول ما تروح المكان تروح تسأل زميلك مثلا اسمك ايه ...قال اسمى كذا تقول مثلا اتشرفت فيك او احلى مسا عليك ... وخلاص لو ادالك اهتمام فده يدل انه واحد ناضج او معندوش مشكلة يتعرف عليك فعادي ده تبدأ تكلم معاه بشكل طبيعي بأسئلة مثلا في اي حاجة اما واحد مثلا مش مهتم انا عن نفسي يعني خلاص بخليها علاقة سطحية وخلاص فاهمنى
تم النشر السبت، ١٨ أكتوبر ٢٠٢٥
أهلاً بك، وأشكر ثقتك في مشاركتي مشكلتك، يا أخي. أقدر تمامًا شعورك بالصعوبة والقلق اللي تمرّ به، خصوصًا في بيئة الجامعة الجديدة اللي مفروض تكون فرصة جميلة للتعلم والتواصل، بس للأسف بالنسبة لك مش كده. خليني أحاول أفهم معك وضعك بشكل أعمق ونشوف خطوات ممكن تساعدك: الفهم المبدئي للمشكلة: أنت بتحس بالخوف والانعزال في الجامعة رغم إنك قادر تتعامل وتتواصل مع أصحابك في منطقتك. ده مؤشر قوي إن المشكلة ممكن تكون مرتبطة بالبيئة الجديدة، مكان جديد، ناس مختلفة، ضغط دراسي وشخصي. الخوف من التعامل مع الآخرين: كثير من الناس بتحس بالخوف أو القلق عند التعامل مع أشخاص جدد أو في أماكن جديدة، وده شيء طبيعي. أحيانًا بيكون الخوف من الرفض أو عدم القبول أو حتى الخوف من ارتكاب خطأ قدام الآخرين. الانعزال عن المعيدين والدكاترة: ما بتحب تشوف حد حتى من الأساتذة يعني الموضوع مكبر أفكارك ومتعبك نفسيًا. هذا يمكن يكون بسبب قلق اجتماعي أو خوف من التقييم أو خوف من عدم الفهم أو حتى خجل شديد. نصائح أولية ممكن تساعدك: خطوة بخطوة: ما تطلَع نفسك أو تضغط عليها إنك تكون اجتماعي بشكل كبير مرة واحدة. جرب تحط أهداف صغيرة جداً، زي إنك تسلم على زميل واحد في الكلية كل يوم، أو تكتب سؤال صغير للدكتور أو المعيد. التعرف على نقاط قوتك: فكّر في الموضوع اللي بتحبه في الجامعة أو شيء بتتفوق فيه. لما تثق بنفسك أكتر في مجال معين، هتلاقي تواصلك مع الناس أسهل. التفاهم مع نفسك: حاول تفهم مشاعرك بدون حكم. يعني بدل ما تقول "أنا دايمًا خجول"، قول "أنا بحس بالخوف الآن، وهذا طبيعي، وسأحاول أتغلب عليه بشوية وقت". التحدث مع مختص نفسي: لأن مشكلتك واضحة وإنها مؤثرة على حياتك الجامعية، وجود مختص نفسي يتابع حالتك يساعدك كثير. في تطبيق فدني عندنا خبراء نفسيين ممكن تفكر في التواصل مع واحد منهم لاستشارات متخصصة. الحفاظ على علاقات خارج الجامعة: بما إنك مرتاح مع صحابك في المنطقة، حاول تحافظ عليهم، لأن دعم الأصدقاء الحقيقيين ثمين في أحلك الظروف. إذا تحب تساعد نفسك أكتر أو تحس إن الموضوع بيضغط عليك، لا تتردد أن تطلب مساعدة مختص أو تستكشف تجارب ناس ثانية في فدني، قد تجد إجابات وأفكار جديدة تساعدك. وأنا هنا دومًا للاستماع ودعمك يا أخي. هل ممكن تخبرني أكثر عن المواقف اللي بتحس فيها بالخوف أو الصمت في الجامعة؟ وأي شيء يخطر في بالك؟ سأبذل جهدي معاك خطوة بخطوة.
تم النشر الجمعة، ١٧ أكتوبر ٢٠٢٥
لعرض السؤال في فدني اضغط هنا