السلام عليكم..
بصراحه ٱنا مش عارفه مشڪلتي ٱيه بظبط بس ده بيآثرر عليه بسلب يعني مثلا دايما مديقه بدون سبب ومرهقه ومش بحب اتكلم او ممكن مش بلاقي حد اتكلم معاه وطول الوقت زعلانه واحيانا بدور علي اسباب مش بلاقي بحس دايما اني وحيده مع ان في ناس كتيرر حولياا بختصاار...
.. اناا واحده بناام معيطه كل يوم من غيرر سبب.
.. دايما مخنوقه وزهقاانه حتي لو خرجت زعملت اللي عوزهاا بفضل مديقه.
.. عوزها اعيط طول الوقت ومش عوزها اتكلم مع حد غالبا لاني بخاف.
.. دايما كل اللي في دمااغي اني لوحدي ومفيش حد جمبي واحيانا بفكرر في الانتحاار بس برجع واقول ايمااني اقوي وبحس محدش بيحبيني مع ان ٱشخاص كتيرر بيفضلو معايا وبيحبوني فعلا بس بقيت بشك في كل الناس حرفيا ومعتش بهتم بكلام حد خلاص ومعتش بسكوت علي كلام حد او اتحرج منه خالص وبيفكرو ان ده قلت تربيه بس مش فاهمين اني بقيت حساسه لدرجه ان اقل كلمه بديقني وبتجرحني اووي بجد
اعمل ايه بجد معتش قادره استحمل اكتر من كده والله
فجٱه قلبي بينقبض كده وبحس ان بزعل وارهاق جامد مع ان مفيش حاجه وعادي وطول الوقت خايفه من حجات كتيرر كده.
انا واحده دايما بسمع الناس ومش عوزها احسسهم بنفس الشعور ده وبيكونو مرتاحين اوي معايا بس مش بلاقي حد يعمل معايا كده 🥲💔.
الموضوع ده مآثر عليا بسلب وعلي مذكرتي وامتحاناتي باقي عليها اسبوعين ومش قادره اذاكر ذي الاول حتي اعمل ايه
وعليكم السلام ورحمة الله وبركاته .. طيب ليه خايفة؟ امتى بدا الخوف يدخل جواكي بالطريقة ديه؟ وامتى حسيتي انك لوحدك؟ او ان مفيش حد معاكي؟
تم النشر الخميس، ١٨ أبريل ٢٠٢٤
وعليكم السلام بصي حبيبتي علشان تلاقي في علاقاتك الحاجة معينة انتي عايزاها لازم تعتدلي فيها يعني لو عايزة حد يسمعك مينفعش تعودي كل الناس انك بتسمعيهم دايما أو أن طاقتك مبتخلص أن احنا نحب نساعد حب حاجة جميلة لكن لازم الراعي طاقتي ده غير أن مش كل الناس مؤهلة أنها تدي من طاقتها متأكدة انك زعلانة من غير سبب ؟ ابني علاقة مع نفسك وخلي ليكي حياة حقيقية بعيداً عن كل المؤثرات ساعتها مش هتحسي بوحدة ودي عادات ممكن تساعدك التدوين كل يوم ، الرسم العشوائي ، الاهتمام بحيوان اليف أو نبات ، المشي في الطبيعة ، الأعمال اليدويه ، ممارسة الرياضة الخفيفة ممكن تقولي اي هي المخاوف دي خدي اجازة صح واعملي فيه حاجات جديدة ومختلفة ومفيدة انتي بتحبيها وخصصي وقت كل يوم متعمليش في أي حاجة أو تحددي في مشاعرك وافكارك ومتنميش وانتي زعلانة حبيبتي حاولي دايما تحاولي تنقذي أي وقت من اليوم بدون زعل حتي لو ساعة
تم النشر الخميس، ١٨ أبريل ٢٠٢٤
ده غالبا اكتئاب و انصحك انك تبطلي تبقي موجودة لكل الناس في الوقت الي بتكوني فيه مش كويسة و محتاجه حد لأن ده هيرهقك اكتر عشان تعالجي الاكتئاب التزمي بالصلاة و الدعاء و طلب الفرج من ربنا و دوري على اي حاجه و لو بسيطة بتخليكي سعيدة مثلا لو بتنبسطي لما تسمعي مسلسلات او لما تخرجي مع صحابك او.... الخ و كمان ممكن تختاري صديق مقرب و بتثقي فيه او حد من الاسرة بتثقي فيه و تحكيله مشكلتك و انك محتاجه مساعده كمان اكتبي مشاعرك و افكارك في نوت و لو بتحبي الرياضة فمارسيها لانها مفيدة جدا و حلوة ضد الاكتئاب كمان اخرجي ما تفضليش منعزلة علطول اخرجي حتى لو بتحبي الخروج و ما خلي نفسك اولوية عندك من اي حد الشخص الي دايما بيواسي الناس و يقف جنبهم الناس بتفتكره قوي او معندوش هموم و مشاكل فعشان تحمي صحتك النفسية و سلامك بطلي تبقي متوفرة للكل و مش قصدي يعني انك تكوني وقته معاهم او كده بس قصدي ان لو انتي شايفة ان بعد مساعدتك للشخص ده هتكوني مرهقة او تعبانه فيبقى من الاحسن انك متقدميش مساعدة ليه لان في النهاية محدش هيقدر يطلعك من الي انتي فيه غير نفسك و ما تسكتيش على اي معاملة سيئة او عدم احترام اتجاهك عشان ده بعدين هيخلي حالتك اسوأ اعتقد افضل طريقة التعامل مع الناس هي المعاملة بالمثل و عن تجربة الكويس معاكي خليكي كويسه معاه و الوحش معاكي عامليه نفس معاملته اصل مش مهم تكوني الشخص الوحش في قصة احدهم طول ما ده هيحمي سلامك و صحتك النفسية ممكن تستشيري اخصائي نفسي لو تقدري برضو و لو مش هينفع يبقى اعملي الي قولتلك عليه و ان شاء الله تبقي احسن من الاول
تم النشر السبت، ٢٠ أبريل ٢٠٢٤
لعرض السؤال في فدني اضغط هنا