يعني انت كنت مع صاحباتك الاربعه ودي جت كده بدون سلام ولا كلام وراحت ضارباكي بالقلم ومشيت ؟ كان ايه رد فعل البنات ال معاك كان ايه رد فعلك انت نفسها وقت الموقف ما حصل ؟ هل هي ظهرت بس كده اليوم ده ضربتك ومشيت ومشفتيهاش تاني بغض النظر عن كل الاسئله دي ملكيش حق ابدا تضربي صحبتك ال في سنك لانها معملتلكيش حاجه ثاني حاجه انت متخيله انك لو رحت ضربتي اختها انك هتضربيخا وتمشي وخلاص مش يمكن تردلك الضربه وتضربيها تاني والناس تحجز وتتدخل وتبقى خناقه كبيرة الله اعلم هتنتهي ازاي انت عارفه ان ممكن تكون هي نفسها ناسيه ال حصل تماما ومش فاكرة انها عملت كده ولا فاكرة الاسباب ولا المواقف ولا في بالها اصلا انك لسه شايله في نفسك منها وفي سسؤال تاني مثير للدهشه معلش هو انت ازاي كملتي صداقه مع اختها بعد الموقف ده ؟ ازاي محصلش عتاب او توضيح لوجهات النظر وخلافه انا مقدرة مشاعرك ومتفهمه الاحساس الصعب ال انت حاساه ولكن ده مش معناه اني اخد حقي بطريقه غلط او بطريقه تتسبب بمشاكل اكبر افضل حل لمشكلتك المواجهه والمصارحه بالكلام ويا ستي حتى لو في اخر الكلام عاوزة تقوليلها انا مش مسامحاك الا لو ضربتك بنفس الطريقه قوليلها كده عادي وهي لو عارفه عظم الموضوع ده دينيا هتسمحلك تاخدي حقك منها ولو مش عارفه فربنا مش هيضيع حقك طالما مش مسامحه فيه والحل التاني انك بعد الكلام والمواجهه تعملي بالايه( فمن عفا واصلح فاجره على الله ) وبرضه انت مش مجبرة ولا ملزمة بده انت محتاجه ما يحقق سلامك الداخلي والنفسي بعد المواجهه خدي اي قرار يريحك
تم النشر السبت، ٢٢ أبريل ٢٠٢٣
العنف ليس حل، واستمرارك في صداقتك لأختها خطأ كبير، لأنه كلما تقابلتما ستظلين تفكري بالأمر، وهذا للاسف أمر لا يستقيم مع صداقة، فنصيحتي إما أن تصارحي من ضربتك وتوضحي لها استيائك مما حدث وتطالبي بالاعتذار، أو تقطعي علاقتك تمامًا بها وبأختها حفاظًا على سلامك النفسي، وعدم ايقاع أذى على الأخت الصغرى التي لا ذنب لها بتاتًا في الأمر من بدايته
تم النشر الأربعاء، ١٩ أبريل ٢٠٢٣
لا طبعا ... مينفعش تاخدي حقك من حد معملش ليكي اي حاجه، لمجرد ان هي اختها. ممكن تقولي ايه اللي حصل علشان هي تمد ايديها عليكي؟ ونفس الوقت العنف مش حل علشان تبقى اخدتي حقك .. انتي ممكن متسامحيش في حقك عند ربنا .. وربنا اكيد هيجيب ليكي حقك، وفي نفس الوقت انتي ممكن تحلي الموضوع ودخلي والدتها او والدها وممكن الموضوع يمشي بانها تعتذر ليكي.
تم النشر الثلاثاء، ١٨ أبريل ٢٠٢٣
هذا السلوك غير مقبول بالمرة، ولا يجب أن تلجأي إلى العنف بأي حال من الأحوال. من الأفضل أن تتحدثي مع الفتاة التي ضربتك وتعبري عن مشاعرك، وما تسببه ضربها لك من ألم وإحراج. احتفظي بأخلاقك الحميدة واعملي معها بالطريقة التي تريدينها، فلا يجب أن تؤذي اي شخص، وخاصة عندما يتعلق الأمر بالعنف. الأفضل أن تعاملي الأمور بالإيجابية وتعاملي البنت الهي باللطف والأدب وخاصة إنها أخت صديقتك، وهذا السلوك سوف يعكس عليك إيجابيًا.
تم النشر الثلاثاء، ١٨ أبريل ٢٠٢٣
حقك ممن ظلمك وليس اي حد يقربله .. دا البنات مبتنساش فعلا .. دا كنا بنتخانق للصبح ضرب وبعدها بيومين بنقعد ع القهوه تاني مع بعض عادي
تم النشر الثلاثاء، ١٨ أبريل ٢٠٢٣
ما تعمليش زي الجمال اللي ما بينسوش ياخدوا حقهم خلاص اللي حصل حصل انت بس ممكن تعاتبيها وتقولي لها ليه ضربتيني بالقلم انا ما استحقش ده مع ابتسامه وخلاص الموضوع يتقفل على كده وانسي تماما الموضوع ده وسيبيه على ربنا
تم النشر السبت، ٢٢ أبريل ٢٠٢٣
لعرض السؤال في فدني اضغط هنا