أنا مواهبي متعددة بحب اقرا انجليزي وبحب ارسم أو اكتب خط حلو او ألف بحب ألف القصص القصيره زي حدوته وبحب اتكلم مع اصدقاء من انحناء العالم بس انا بغار جدا لو حبيت صديقه ببقا عايزه دائما كل يوم او مش يعدي اسبوع من غير ما نتكلم بحب الاهتمام حتى لو في حاجات تافه بحب كل لما اكلمها تحاول تفتح معايا مواضيع مش تسكت للعلم أنا بكره صداقات في الواقع لاني جربت الكثير وحاسه العيب فيا وأحيانا بحس بعد عنهم افضل والصداقات الالكترونيه محزنه بس افضل من الواقعية حتى لو تمثيل لأنو صراحه بحسد اي حد يشوفها مصاحب حد كنت مصاحبه يعني بقول هو انا كنت مقصرة هو انا مش اتصاحب وهكذا أنا عارفة أنه دا تفكير عقلي الباطن بس الصراحه فقدت الأمل في تكوين نفسي أو اكون شي مميز
تاني شي أنا مش عنت عارفه اي إللي متراكم بالضبط يعني مثلا أعرف دا متراكم في دروس حليتها في كراسه قبل ما اجيب كتاب ومافيش وقت ارجع احبها تاني لاني نسيت ازاي أحل حتي لو عارفه فهو كتير فتنصحوني اعمل اي وبرضه إزاي افرق بين النسيان أو التوتر مخلصين مش افتكر أو اذاكر كويس أو الخوف من الغلط أو نسيان
وبشكك دائما في مذكرتي لاني أحيانا بستيهف المعلومه وفي الآخر اطلع نسيها ومش بحب اسال المدرسين لانو لو معلومه سهل أو سالوني سؤال سهل أو في الشرح ومش جاوبت يحفلوا علينا أو يهزقونا وكدا للعلم أنا بكره الفيزياء ومدرسها @Eman Ebrahem
مساء الخير 🌷 انا قريت سؤالك وبصراحه اسمحي لي ان انا في البدايه اقول لك ان انت قد ايه موهبه. وقد ايه انت جميله من جواكي وعندك اكثر من موهبه انك تجمعي ما بين الرسم وتاليف القصص وحاجات كثير بصراحه ولفت نظري كمان انك انت متطلعه بمعنى انك بتحاولي ان انت تثقفي نفسك من خلال ان انت بتعرفي تتعاملي ويكون عندك صداقات في انحاء العالم فهتجيلك ثقافه كبيره جدا سواء لغويه او في مجالات تانيه فبجد بحييكي على ده🌷 انا بصراحه ما اعرفش سنك كام بس ايا كان بصراحه عمرك فبجد انت هتطلعي ما شاء الله عليك مميزه دي اول نقطه بكلمك فيها. في نقطه كمان حابه ان احنا نتكلم فيها مع بعض وهي صديقتك اللي انت بتتعاملي معاها وبتضايقي جدا ان ما يكونش في تواصل ما بينكم باستمرار خلينا نتكلم بشكل واقعي ان طبيعي ان احنا نتعامل ونتصاحب ويكون لنا اصدقاء دي حاجه جميله جدا لكن فكره ان الشخص ده يكون محور حياتنا الموضوع ده مضر بشكل فظيع وبيضر صاحبه وبيضر العلاقه بينه وبين الشخص او الطرف الاخر بمعنى ان لازم بندي العذر للي قدامنا ان هو وراء التزامات تانيه او وراه حاجات مطلوبة منه و ما قدرش يرد علينا في وقت معين احنا عايزينه فيه مقدرش يتكلم معانا في وقت معين ما ينفعش ان انا اتضايق وما ينفعش ان هي لو صاحبت حد انا اتضايق هنا الموضوع بيكون اسمه تعلق زائد فانا على قد محبيتي للشخص ده او لصديقتي دي ما ينفعش ان انا اذيها بعلاقتي بيها ولا تاذي نفسك فخلينا نعمل حاجه بسيطه قوي ان كل ما تحسي انك انت كلمتيها مثلا واطمنت عليها خلاص احاول ان انا اشغل نفسي بحاجات تانيه وهي مثلا لو انا عندي دراسه احاول ان انا اذاكر. طول ما انا عندي صوت داخلي بيقول لي قومي دلوقتي كلميها قومي اعملي فلازم يكون في مسافه وفي وقت مقنع ان انت تتكلمي معاها او تتعاملي معها لان ببساطه خالص ممكن الشخص اللي قدامي يتضايق يزعل يزهق فالموضوع يبقى صعب قوي والعلاقه ما بينكم هتتضر ومش هتبقى سويه فاحنا مش عايزين نوصل لمرحله دي. الصدقات اللي بتتكون عن طريق السوشيال ميديا او عن طريق الانترنت ما بتكونش فيها ثقه كبيره فيفضل ان احنا ما ندخلش فيها لان اما بيكون في اصدقاء لنا بنشوفهم وبيشوفونا الموضوع بيكون مختلف تماما. فيفضل في المحيط بتاعنا لو في مساحه ان احنا يكون لنا اصدقاء ونقدر نتعامل معاهم ده هيكون افضل وصحي اكثر. ممكن اتكلم معاكي كمان في نقطه انك محتاجه تشوفي نفسك اكثر انتي شخص مميز ومحتاج انه يتشاف فعلا بمعنى وانتي مع نفسك حاولي انك تكتبي كل اللي جواكي اكتبي الحاجات اللي شايفه نفسك انك مميزه فيها المواهب بتاعتك طريقتك في التعامل مع الناس طريقتك في مذاكرتك صدقيني لما هتشوفي ده الموضوع هيختلف ومش بس كده حاولي كمان انك تمارسي الرياضه. ممكن تاخدي كورس في حاجه انت حباها الموضوع ده بيزود الثقه بالنفس جدا.💪🏻 اما بالنسبه للمذاكره فدي ليها نظام تاني خالص انا حاليا معرفش انت في مرحله ايه بس علشان نتفق مع بعض ايا كانت المرحله المذاكره ليها نظام لو احنا مشينا عليه هترتاحي كتير جدا اول حاجه ان انت لازم في بدايه اليوم تكوني عارفه انت محتاجه النهارده تشتغلي على ايه تكتبي التسكات بتاعتك كلها كل اللي انت محتاجه تشتغلي عليه وفي اخر اليوم تكتبي اللي انت خلصتي منه الموضوع ده هيفرق معاكي جدا ونخلي لكل ماده نوت بوك هنكتب فيها الحاجات اللي صعب علينا. بمعنى. كل ماده فيها سؤال معين فيها نقطه معينه نحاول ان احنا نكتبها ونضبطها كويس جدا علشان خاطر نرجع للمدرس المختص وهو يشرحها. ولما تحسي انك انت نسيتي ده عادي طبيعي ممكن تكوني فعلا المعلومه مش ثابته ممكن تكوني مش مركزه نرجع للمعلومه تاني مره واثنين وثلاثه بس خلي بالك لو انت شاكه انت ناسيه او متوتره لازم تشوفي نفسك الاول انت في اي سبب ممكن. يوترك ولا ده ممكن يكون نسيان عادي دي انت اللي هتقدري تحدديها مع نفسك. وبالنسبه لمدرس الفيزياء اللي انت بتكرهيني او مش حابه انك تتعاملي معاه ممكن نشوف مدرس تاني يكون افضل وتكوني مرتاحه معاه اكتر او مدرسه. لان ده مهم جدا وانت شغاله انك تكوني مرتاحه مع المدرس او المدرسه اللي بتشتغلي معاهم. واي معلومه تحس ان انت ممكن تنسيها حتى لو كانت صغيره اكتبي اكتبي دايما كل ما هتكتبي هتفتكري. 🩷 واخر حاجه حابه ان انا اقولها لك بجد انت شخصيه جميله جدا وموهوبه ومحتاجه فعلا انك تشوفي نفسك في هدوء خلي بالك انت شخصيه ذكيه ومثقفه وعندك صبر انك تتعلمي المشكله كلها ان احنا محتاجين يبقى عندنا ضبط في مشاعرنا وانفعلتنا ودي لما هتشتغلي عليها الموضوع هيختلف تماما المهم حتى لو مفيش في حياتك حد ممكن اللي هو اللي يكون معاكي ويساعدك في النقطه دي ممكن ترجعي ل لايف كوتش هيقدر يساعدك انك تظبطي التوازن الانفعالي بتاعك وترجعي.وكمان تقدري تتعاملي مع كل المواقف اللي بتواجهك. 💪🏻 الدعم النفسي مهم جدا سواء في مرحله الدراسه او في اي مشكله انت بتمري بيها فما تتردديش ان انت يكون معك دعم نفسي سواء حد من قرايبك من اصدقائك او حتى لايف كوتش الموضوع هيفرق معاك كتير.
تم النشر الجمعة، ٧ نوفمبر ٢٠٢٥
لعرض السؤال في فدني اضغط هنا