وعليكم السلام ورحمة الله وبركاته ، أنا اخوكى عبدالله عندى 17 سنة ، قصتك مشابهة لقصة اختى امى توفيت وانا فى أولى ثانوى أنا فى تالتة دلوقتي ،امى كانت اغلى حاجه عندى كانت نور عينى ولغايت دلوقتي اول ما بشوف قبرها والله العظيم بضحك تلقائيا ، المهم اختى كانت بتحب ماما جدا بس نفس حالتك دى كانت مبتحضنهاش ابدا ونفس حالتك بالظبط ، المهم عاوز اقلك دا مسبب ليها وجع نفسى يمكن مش باين عليها بس انا عارف اختى اكويس ، بعد ما توفيت امى حست بالندم بس خلاص فات الأوان ، واللى عاوز بجد اوصلهولك متخلئش حاجه تمنعك ولا كبريائك ولا نفسك ولا شيطانك لأن حزنك وحسرتك هتبقى أشد وأشد 100 مرة من دلوقتي لو توفيت ربنا يطول فى عمرها مقصدش بس بالله عليكى فكك من كبريائك دا واحضنى امك والله دلوقتي وفى كل لحظة بتمنى لو يرجع بيا الزمن علشان افضل حاضنها مع انى كنت بحضنها وبساعدها فى شغل البيت والمطبخ ودا كلو بس حزين على أختى أنها مش قدرت تبقى كدة وبما انك اختى فى الإسلام فبالله عليكى ما تغلطي نفس الغلطة حضن الأم دفا للقلب وزال للهم وراحة لا تعادلها راحة 🤎
انا من الناس الصريحه اوي ف مشاعري يعني بمجرد ما بحس بشعور ما اتجاه حد مش برتاح غير لما اقوله للشخص ده . ف انا مش قادره انسى اللي حصل معايا امبارح اتمنيت لو مكنتش جيت كان هيبقى احسن حاسه اني مش مرتاحه من وقتها وعايزه اصارح امي باللي حسيته بس مش عارفه إزاي من غير ما اتكسف . + حبيتك زي اختي والله
تم النشر الخميس، ٤ ديسمبر ٢٠٢٥
والله كلامكم كله صح وانا خايفه اوي من اليوم ده يعلم ربنا دا انا بمجرد مبفكر فيه دموعي بتنزل لوحدها 😭
تم النشر الخميس، ٤ ديسمبر ٢٠٢٥
انا بعمل كل اللي قولتي عليه بس مش قادره احضنها 💔
تم النشر الخميس، ٤ ديسمبر ٢٠٢٥
😭😭😭🫂 ربنا يوفقك يارب ويسدد خطاكِ وتنجحي وتحققي حلمك . وربنا يرحمها ويغفر لها ويدخلها جنات الفردوس يارب
تم النشر الخميس، ٤ ديسمبر ٢٠٢٥
كلامك كله صح ودا اللي حصل معايا فعلا كنت طول الوقت اتخانق انا وهي وكان بينا حواجز كبيرة جدا كنت ممكن اتكلم مع اي حد وافضفض لاي حد بس مستحيل اروح اكلمها او احضنها لغاية قبل وفاتها ب سنه واحدة واحدة صحبتي راحت قالتلها اني قولت اني انا وماما مش قرييبين من بعض ومستحيل اتكلم معاها او اقولها حاجة في حياتي ولما ماما واجهتني قولتلها اه وانهارت وحكيتلها كل اللي في قلبي ومن اللحظة دي قضيت معاها احسن واجمل سنه في عمري عمري ما هنساها ابدا والندم بياكلني علي كل لحظة غباء ضيعتها وانا بعيدة عنها -بلاش دي بالذات اعملي اي حاجة وروحي لدكتور نفسي بس لازم تصلحي اللي انتي فيه علشان متعيشيش اللي اختك عايشاه دلوقتي لا عيد معايا ولا حزن معايا ولا امتحانات معايا وخوفي الاكبر اني ادخل امتحانات الثانوية من غير ما تدعيلي دا اصعب عليا من الامتحانات نفسها ف متضيعيش وقت
تم النشر الخميس، ٤ ديسمبر ٢٠٢٥
ربنا يرحم والدتك ويدخلها جنات الفردوس الأعلى يارب
تم النشر الخميس، ٤ ديسمبر ٢٠٢٥
والله يا اخويا مش قصه كبرياء لأ دي حاجه جوايا بتمنعني انا مش عارفه هي ايه الحاجه دي مش عارفه اوصفها
تم النشر الخميس، ٤ ديسمبر ٢٠٢٥
لعرض الإجابة في فدني اضغط هنا