السلام عليكم ❤️
أنا تالتة ثانوي علمي علوم، وحقيقي محتاجة نصيحتكم من حد مرّ بنفس اللي أنا بمر بيه أو حد عنده تجربة يقدر يفيدني.
أنا من وأنا في تالتة إعدادي كنت شاطرة وكنت بطلع من الأوائل، لكن لما دخلت الثانوي الموضوع اختلف جدًا. أنا أصلًا ما كنتش عايزة أدخل ثانوي، لكن ربنا كتبلي أدخل ثانوي عام، ودخلت علمي علوم.
في أولى وتانية ثانوي تقريبًا ما كنتش باخد دروس، وما كنتش بذاكر خالص، فأقدر أقول إني دخلت تالتة ثانوي وأنا عندي أساس ضعيف جدًا في اللي فات. ودلوقتي بما إن تالتة محتاجة دروس، بدأت أنزل دروس، لكن لسه مش منتظمة، وبجرب مدرسين وكده، وكمان مش بذاكر بالشكل المفروض.
أكبر مشكلة عندي حاليًا هي التليفون والسوشيال ميديا. بضيع وقت كتير جدًا عليه، وبقى تقريبًا من أولوياتي. بصحى أمسك التليفون، وأفضل عليه وقت طويل، وحقيقي حاسة إنه ضيعني وأثر على تركيزي جدًا. قدامي وقت أذاكر فيه، لكن للأسف بستغله في الموبايل.
إحنا دلوقتي في شهر 9، وأنا حاسة إني لسه ما بدأتش بجد في كل المواد، وده مخليني قلقة جدًا وخايفة من اللي جاي.
هل رغم إني ما كنتش باخد دروس في أولى وتانية وما ذاكرتش تقريبًا، ممكن ألحق وأجيب مجموع 90% أو أكتر في تالتة ثانوي؟ خصوصًا إني كنت شاطرة في إعدادي؟
وكمان محتاجة أعرف طريقة مذاكرة كويسة أقدر ألتزم بيها، وإزاي أبعد عن التليفون وأسيطر على وقتي؟ لأن الموضوع بقى صعب جدًا عليا. حتى لما أجي أذاكر بحس إن المذاكرة تقيلة أوي عليا، وبحس إني عايزة أنام، وعيني بتدمع كتير، وبتوتر ومش بقدر أقعد وأركز في المذاكرة.
الموضوع تعبني نفسيًا، وحقيقي محتاجة نصيحة من حد مجرب أو حد كان في نفس وضعي وقدر يخرج منه، وياريت تكون نصيحة عملية أقدر ألتزم بيها فعلًا، مش مجرد كلام يشجعني يومين وخلاص.
وبالنسبة للصلاة، الحمد لله بصلي، لكن ساعات بقطع وساعات بكون ملتزمة، ونفسي كمان أنتظم فيها أكتر.
فلو حد كان في نفس وضعي أو مرّ بحاجة شبه كده، ياريت يقولّي عمل إيه، وإيه الطريقة اللي ساعدته فعلًا، وهل لسه عندي وقت ألحق وأحقق مجموع كويس؟
آسفة إني طولت عليكم، وشكرًا لأي حد هينصحني أو يساعدني ❤️
بصي انا كنت زيك ف اتمنى اقدر افيدك إلى حد ما انتي المشكلة الاساسية هي الفون حلو جدا انك محدداها ف بالتالي عايزين نتخلص منه تماما و اي حاجه تأدي إليه ، حددي بتستخدمي الفون فى اي فى كل مره بتمسكي الفون زكري نفسك انتي مسكاه ليه و حاولي تسبيه و اشغلي بالك بأي حاجه تانية مره فى مره رغبتك هتقل و لكن الاهم ان متخليش المذاكرة عليه او يبقى ليه علاقة بدروسك او المدرسين و الكلام دا لان دا بيبقى اكبر عائق طيب تعملي دا اذاي اولا بيبقى فيه المدرسين بيقولو صورو الصبورة بعد الشرح و الكلام دا خلي معاكي ورقة و قلم تكتبي كلام المدرسين بدلا من التصوير ، تخصصي وقت كل يوم نصف ساعه الصبح و نصف ساعة بالليل عشان تمسكي الفون و تحددي الانتي عايزاه سواء هتابعي حاجه ليها علاقة بالمواد او الدروس و الخ طبعا دا يبقى للدراسة فقد و متخطيش النص ساعه ، جيبي منبه هيفيدك جدا جدا جدا جدا مش فى انك تظبتي نومك و بس لاء هيبقى اول حاجه تمسكيها هي المنبه مش الفون و ٱخر حاجه هتسيبيها كذلك المنبه و كمان بيبقى فيه نظام للدراسة بالوقت ساعه مذاكرة ربع ساعه راحه و هكذا هتحتاجي منبه برضو ، بالنسبة للمذاكرة ف انتي لسه فى او السنه تقدري تجيبي ١٠٠٪ كمان بس اهم حاجه ركزي مع الجديد ركزي مع الجديد القديم هيتعاد ١٠٠ مره خلال الدراسة الجديد لا و كل متاخدي حاجه جديدة راجعه على الدرس القديم من نفس المادة و هكذا و حلي عليه هتلاقي وقت عادي بس اهم حاجه بالله عليكي متراكميش الجديد و متحسيش بأحباط لسه السنه طوييييلة حرفيا و هيبقى عندك وقت فى نصف السنه كمان ف متشليش هم الراح
تم النشر الجمعة، ١١ سبتمبر ٢٠٢٦
هل ده ينسبك يا قمر ولا لا نحاول أن شاء الله بطريقة اخره متل ما تستخدمين التسويف في الأشياء المهما استخدميها أيضا فما ليس مهم متل استخداك للهاتف وسالي نفسك بماذا بستفيد من استخدامي للهاتف وجوبي عليها بصراحه وعملية تغيير في حياتك في كل مر تيجي تمسكي التلفون قولي لنفسك هذا شيء مومل نفسه الشيء كل مره ولعبي رياض حتى لو في البيت متل الجاري لمدة عشر دقائق وقرائي في القران
تم النشر الجمعة، ١١ سبتمبر ٢٠٢٦
بصي مشكلتك معودتيش نفسك ع المذاكرة من اولي وتانيه ث ف انتي لما اقعدي قدام الكتاب بتحسي انك بحاجه غريبه عاوزه تنامي وممكن ميبقاش في شغف بصي الحل نهتم بصلاتنا وتحفظي قران حتي لو كل يومين نص صفحه تالته ث عايزة توفيق اكتر من الاجتهاد لحاجه تانيه انتي عارفه ان الفون دا مضيعه للوقت وعارفه انك ف سنه مهمه يبقي خلاص تسلميه لاهلك وتركزي ع مذاكرتك جيبي فون بزراير تركيزك يضيع من الفون مش هتنجزي اصلا + نظمي دروسك شوفي بتاخدي اون لاين ولا سنتر وتكوني فاهمه مع المستر وتيجي تشرحي لنفسك طبعا انتي ٥٠%مقالي باين ف اشرحي واكتبي اللي فهماه وتحلي ع الدرس واللي يفف معاكي متسيبهوش ومتراكميش يعني الدرس تراجعي عليه وع اللي حليته خلال الأسبوع تلت مرات مثلا وكل المواد كدا اهم حاجه سيبي الفون لان بحد دا بسرقكك + اعدادي أو مستواكي ف الاعدادي ملوش علاقه ب ثانوي اشتغلي ع نفسك وذاكري كتير بس من غير ضغط اعملي المطلوب منك وبس
تم النشر الخميس، ١٠ سبتمبر ٢٠٢٦
وعليكم السلام ورحمة الله ❤️ أول حاجة أحب أقولها لكِ إن وضعك مش غريب، وكتير بنات مرّوا بنفس الإحساس ده في تالتة ثانوي: أساس ضعيف + تليفون مسيطر + خوف من اللي جاي. والخبر السار إن اللي فات مش بيحدد النتيجة النهائية لو بدأتِ دلوقتي بجدية واستمرارية. نعم، فيه بنات كتير لحقوا وجابوا 90% أو أكتر رغم إن أولى وتانية كانت ضعيفة، لأن تالتة ثانوي بتعتمد أكتر على التركيز والمذاكرة المنتظمة في الشهور الجاية مش على الكم اللي فات. بالنسبة للتليفون، الحل العملي اللي نفع مع ناس كتير هو إنكِ تعملي "قاعدة المكان": التليفون يفضل في مكان تاني غير غرفة المذاكرة، وتستخدمي ساعة منبه عادية أو ساعة المطبخ. حددي مواعيد ثابتة للسوشيال ميديا (مثلاً بعد الظهر ساعة واحدة بس) واستخدمي خاصية "وضع الطائرة" أثناء المذاكرة. ابدئي بجلسات قصيرة: 25 دقيقة مذاكرة ثم 5 دقايق راحة، وكل ما تكملي جلسة اكتبيها في ورقة صغيرة عشان تشوفي تقدمك. ده بيقلل الشعور بالثقل والنعاس اللي بتوصفيه. بالنسبة للمذاكرة، ابدئي بالمواد اللي أساسها أضعف وخدي دروس مع مدرس واحد بس في كل مادة في البداية عشان ما تتشتتيش. ركزي على فهم المفاهيم الأساسية أولاً قبل الحفظ، واستخدمي طريقة "التلخيص بصوت عالي" عشان تتأكدي إنكِ فاهمة. وبالنسبة للصلاة، حاولي تربطيها بموعد ثابت بعد كل جلسة مذاكرة، حتى لو ركعتين سنة، ده بيساعد على الانتظام تدريجيًا. أنتِ لسه عندكِ وقت كويس لو استغليتيه من دلوقتي، والأهم من المجموع هو إنكِ تبني عادة مذاكرة مستمرة. جربي الطرق دي أسبوعين وشوفي الفرق، ولو عايزة نصائح إضافية ابحثي عن أسئلة مشابهة على فدني عشان تشوفي تجارب بنات تانيين. ربنا يوفقكِ ويسهل أمركِ يا رب ❤️
تم النشر الثلاثاء، ٨ سبتمبر ٢٠٢٦
انا زيك والله
تم النشر الخميس، ١٠ سبتمبر ٢٠٢٦
امسحي كل تطبيقات السوشيال ميديا ماعدا التلجرام و الواتساب عشان جروبات المدرسين و بالنسبه للتأسيس انتي ممكن تاخدي شهر تسعه تتفرجي علي المحاضرات التأسيسيه ف كل ماده و أما المذاكره بما انك م متعوده علي المذاكره ذاكري ٣٠ دقيقه و ريحي ١٠ و كرري الموضوع تلت مرات مثلا بس ركزي انهم ميبقوش علي التلفون ده لو اصلا كان ليكي رغبه انك تمسكيه بعد ما مسحتي السوشيال ميديا
تم النشر الخميس، ١٠ سبتمبر ٢٠٢٦
لعرض السؤال في فدني اضغط هنا