السلام عليكم
أنا بفكر دائماً بفكرة إن اللي في عقلي عمره ما هيحصل دايما بشعر إن مفيش حاجة هخطط عشان اعملها هتحصل عندي اقتناع إن أي حاجة كده كده هتبوظ وعندي اقتناع اني مقدرش ادوام على أي حاجة لمده طويله
هل السبب وأنا طفل كنت مريض بمرض غير معروف فمره وأنا في الطريق شخص زعقلي قدام الناس وفضل يكذبني ويقولي إني مصطنع هذا وأنا تقريباً عندي 9 سنين مش فاكر بس كنت صغير الموقف مبقاش ليه أثر عليا لكن فاكره لحد دلوقت
هل ممكن يكون هو السبب وأنا شخص كتوم أصلا عندي صعوبة في التواصل وبردو بسبب مرضي ده حد من عائلتي كذبني بردو وأنا طفل بردو فأنا متذكر المواقف دي وأدمنت أشياء كثيرة بس بطلتها بس ومواقف ثانيه بس مش مهمه فالشاهد عاوز أعرف هل معظم المواقف بتاعت زمان وأنا طفل ممكن تأثر عليا وأنا مراهق من دون وعي
وعليكم السلام ورحمة الله وبركاته يا أخي العزيز، أشكرك إنك شاركتني قصتك بكل صراحة، وده يدل على قوة داخلك ووعي بمشاعرك. أيوه، مواقف الطفولة زي اللي وصفتها ممكن جداً تؤثر على عقلك دون وعي ، وده مدعوم علمياً في علم النفس (زي نظرية الصدمات المبكرة ACEs). اللي حصل معاك – زي الزعيق أمام الناس، الكذب من حد عائلي، والمرض اللي خلى الناس يشككوا فيك – بيبني "معتقدات داخلية سلبية" زي "أنا مش هقدر أدوم" أو "كل حاجة هتبوظ"، ودي بتشتغل في اللاوعي زي برنامج خلفي يحرك سلوكك دلوقتي كمراهق أو راجل. بس الخبر الحلو: تقدر تغير ده! إليك خطوات عملية وبسيطة، مستوحاة من الإسلام والنفسية: اكتب وتحدى : خد دفتر، اكتب 3 مواقف من الطفولة اللي فاكرها، ثم اكتب "الدرس اللي تعلمته" (مثل "الناس بتكذب")، وبعدين تحداه : "الحقيقة دلوقتي إني قوي وقدرت أوقف إدمانات، يعني أقدر أدوم". اقرأ ده يومياً صباحاً. ابدأ صغير وداوم : مش لازم خطط كبيرة. اختار حاجة واحدة صغيرة زي "أمشي 10 دقايق يومياً" أو "أقرأ صفحة قرآن كل ليلة". سجل نجاحك يومياً، وهتشوف الاقتناع السلبي بيضعف. تذكر قول الله تعالى: "وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ" (الطلاق:2-3) – التوكل يغير النتايج. بني الثقة بالتواصل : ابدأ بكلام بسيط مع نفسك أو ربنا في الدعاء: "يا رب، ساعدني أثبت نفسي". مع الوقت، هيقل الخوف من الفشل. أنت مش لوحدك في ده، كتير ناس مرت بمواقف مشابهة وتغلبوا. ابحث في فدني عن أسئلة مشابهة، هتلاقي إجابات مفيدة من خبراء . لو عايز استشارة أعمق، روح على صفحة الخبراء هنا: https://www.fedni.net/experts – في متخصصين نفسيين رائعين. أنت قادر، يا بطل! ابدأ النهارده، وربنا يقويك ويبارك فيك. 💪❤️
تم النشر الثلاثاء، ٦ يناير ٢٠٢٦
بص مبدائيا عقلنا بيصدق الكلام اللي طول الوقت بنكرره يعني لو فضلت اقول مستحيل اكمل، مستحيل اعرف، مستحيل انجح؛ عقلي هيصدق وهيبطل يحاول اصلا فاهم. دي حاجة حقيقة والله وبعدين الرسول مكنش بيحب الفأل الوحش. وربنا بيقول انا عند حسن ظن عبدي. فالنهاية انت توكل على الله وخد بالاسباب اللي تخليك تكمل واستمرررر اهم حاجة حتى لو بالقليل. وربنا يوفقك
تم النشر الثلاثاء، ٦ يناير ٢٠٢٦
فزي ما الموضوع بدأ ببذور فاسدة انت حط بذور صالحة تكبر مع الوقت زي الصلوات هتكون بها مؤمن الصدقات هتكون بها كريم وهكذا
تم النشر الأربعاء، ٧ يناير ٢٠٢٦
الموضوع اكبر من انك مجرد تغير فكرتك عن الموقف اللي حصل .. لأن الموقف اللي حصل ده كان بذرة فاسدة ومع الوقت البذرة دي كبرت بقت شجرة شريرة فاسدة على شكل اكتئاب أو خوف ... فمثلا البذرة كانت انه زعق لك وكذبك قدام الناس ولكن الشجرة هي الخوف من الصوت العالي . التشاؤم في العلاقات مع الناس وانك تتوقع الغدر وانهم هيكذبوك . الرهاب الإجتماعي لأنه اتكلم عليك قدام الناس
تم النشر الأربعاء، ٧ يناير ٢٠٢٦
السلام عليكم.. وانت طفل لسة طالع على الدنيا وبتستكشف المواقف اللي بتحصل بترسخ في الذاكرة وبتكون عندك قناعة راسخة وممكن تأثر عليك لحد ما تكون عجوز حتى ... هو احنا البشر ايه غير عبارة عن قناعات فالقناعات هي اللي بتكون شخصيتك .. يعني انا مقتنع ان ربنا موجود فأنا مسلم انا مقتنع ان الماء بيروي العطش فبشرب وهكذا ... ولكن ما شاء الله الله رزقك الوعي والصراحة مع نفسك ففي فرصة انك تغير القناعات دي
تم النشر الأربعاء، ٧ يناير ٢٠٢٦
عليك السلام ـ قال تعالي : الشيطان يعدكم الفقر ـ دائما الشيطان يوسوس لك بالسوء والكآبه والحزن حتي تحزن فتضعف فيسيطر عليك فتذنب ـ هكذا يريدك الشيطان لتدخل دوامته اللا متناهيه فلا تنصت لهذه الأفكار واستعن بالله حتما ولا بد ستأخذ قدرك فقط خذ بالأسباب ولا تلقي بال لأي شئ .
تم النشر الأربعاء، ٧ يناير ٢٠٢٦
لعرض السؤال في فدني اضغط هنا