طالما الشخص ده بالذات بتنفعلي عليه و عارفة تصرفاته كويس و مش اول مرة تحصل يبقى من الذكاء انك تعرفي تستفزيه هو مش العكس و مش انك تعملي نفس ردة الفعل كل مرة، الزعيق و الانفعال ردود فعل طبيعية للدفاع عن النفس لكنها مع الوقت بترهقك انتي و بترهق نفسيتك و اللي قدامك هيكون مستمتع ان انتي منفعلة و بس انا عارفة ان دي حاجة صعبة و مش سهلة و لكن بالتعود هتبتدأي تسيطري ع اعصابك، كل اللي انتي محتجاه انك طالما عارفة تصرفات الشخص ده كويس يبقى تعملي رد فعل مختلف غير الانفعال، زي مثلا زي ما بينتقدك انتقديه أو لو لامك ع حاجة مش محتاجة انك تبرري و تتكلمي حفاظا ع نفسيتك و سلامك الداخلي ف تتجاهليه خالص و هو هيتحرق لوحده، عارفة انك بتثبتي لنفسك انك مش ضعيفة بس طالما انتي مش ضعيفة ف مش محتاجة تعملي اي ردة فعل طالما انتي مقتنعة بكده في الحقيقة انتي بتحاولي تثبتي للي قدامك انك مش ضعيفة و تعرفي تاخدي حقك و ده نوع من التبرير، ف انتي قوية طالما انتي شخصيا مقتنعة ب كده و مش محتاجة اي ردة فعل عشان تبرري بيها موقفك
شكرا ليكي حاليا بحاول احط حدود بنا عشان معتش ينفع الي بيحصل
تم النشر الجمعة، ٢٠ يونيو ٢٠٢٥
تمام، واضح ان ده احساس بفرض السيطرة و كل حاجة تمشي ع كلمته و ع مزاجه و ينكر تصرفه في الاخر، ده تناقض واضح في شخصيته و الشخصية المتناقضة غالبا بيكون معندهاش وعي بالنفس أو عندها خوف من حاجة معينة خايفة تواجهها، ف الحل انك تتكلمي بهدوء و تتناقشي بهدوء معاه و ميكونش في كلامك اس نوع من الهجوم عشان هينكر فورا و هيحس انك بتتهميه، قبل ما تتكلمي حطي في دماغك ان هدفك هو انك توصلي لحل مش تطلعي غضبك، بدل ما تقولي " انت دايما مش بتفهم" قولي " يمكن في سوء تفاهم ما بينا خليني اوضحلك وجهة نظري..."، اتكلمي بنبرة صوت هادية ساعتها هيعرف يسمعك و هيدي اهتمام لكلامك، خليه يتكلم و يخلص كلامه متقطعهوش في النص عشان يفهم ان كلامه مهم حتى لو كلامه مش عاجبك بس ده نوع من انواع الاحترام عشان توصلوا لحل وسط، "التصرف ده بيضايقني...الموقف ده ازعجني..." استخدمي الجمل دي في الكلام، و حطي حدود ما بينكوا " لو سمحت انا مبحبش الفعل الفلاني أو التصرف الفلاني، مبحبش حد يتريق عليا مثلا متتريقش عليا" اجبريه يحترمك و يحترم كلمتك، و آخر حاجة متبنيش سعادتك و قراراتك ع شخص غير ثابت في كلامه و أفعاله و متتوقعيش منه كتير لكن ركزي ع اللي انتي تقدري تتحكمي فيه
تم النشر الجمعة، ٢٠ يونيو ٢٠٢٥
والله مش قادرة افهم بجد لان الحجات الي بينتقد عليها دي حجات مش مستاهله يعني اوقات على كلمه عاديه على فعل تافه يعني في مرة كنت بتكلم مع شخص والشخص دا ليه علاقه بعيلتنا وكدا وكنت بتكلم بأريحية شويه واهزر معاه مسكني بقا وفضل يزعقلي ويقولي بتتكلمي معاه ليه كدا وليه بتندمجي معاه في الكلام من الأساس هو شاب مينفعش خلاني اقسم بالله بعدها بقيت الي هو لو الشخص دا عندنا بحبس نفسي في اوضتي وكل فين وفين بسلم عليه كدا من باب الاحترام مش اكتر وانا في طبيعتي مش اي خد بندمج معاه ناس وناس وطلع من حظي الشخص دا بيحب الهزار زي بس الليله انقلبت عليا انا في الاخر والمصيبه الاكبر بقا ان دلوقت بيلومني عشان الشخص دا سأله هو زعلني في حاجه عشان كدا بتحاهله وهو جاي بيقولي ايه متبقيش قفل كدا مع الناس وخليكي طبيعيه كنت هتجلط في اليوم دا وقلتله هو انت بتكون اس المشكله وتقليها برضو عليا
تم النشر الأربعاء، ١٨ يونيو ٢٠٢٥
يبقى في الحالة دي عدام منفعش الكلام معاه استعيني بمساعدة حد من عيلتك عارفه كويس و يقعد يتكلم معاه و يحل المشكلة، أو حاولي تفهمي ليه انتي بالذات اللي بيتعامل معاكي بالطريقة دي؟ هل انتي عملتي حاجة غلط؟ لو لا في الحالة دي السبب مش فيكي، هل هو احساس مكبوت جواه بيطلعه فيكي انتي بس لانه مش عارف يطلعه في اي حد تاني؟ هل هو احساس بالرغبة في الاهتمام الدائم و عايز دايما يكون محط أنظار؟ حاولي تركزي في تصرفاته و تحليليها كويس و غالبا لو سألتيه هيهرب من الإجابة زي ما بيعمل، و احتمال يكون هو بيهرب من مواجهة نفسه أو مواجهة الحقيقة ف بيهرب من الإجابة لما تواجهيه بأخطاءه
تم النشر الأربعاء، ١٨ يونيو ٢٠٢٥
ومش فاهمه بصراحه اكني عدوة اللدود
تم النشر الأربعاء، ١٨ يونيو ٢٠٢٥
لا دا معايا انا بس هو مع الباقي بيتعامل عادي حسب الي قدامه بيتكلم معاه ازاي
تم النشر الأربعاء، ١٨ يونيو ٢٠٢٥
هل المشكلة دي بتقابلك انتي بس ولا ده تصرفه مع الكل عامة؟ لو ااه، ف ممكن تجتمعي مع كل اللي بيواجه المشكلة و تواجهوه و تتكلموا معاه و تحاولوا توصلوا لحل
تم النشر الأربعاء، ١٨ يونيو ٢٠٢٥
بقيت بتكلم معاه على الاد ولما يبدأ الاسطوانه بتحاهل واسكت خالص وامشي ، قلت يمكن العيب فيا بقيت بحاول اراضيه وزي ماهو عاوز بعمل بقا بينتقد في الي بعمله بقا وحاليا طالع في حوار ايه ان بعمل من غير نفس طب معلش ازاي بتعرف
تم النشر الأربعاء، ١٨ يونيو ٢٠٢٥
تقريبا الحاجة الي مخلياني بستحمل اني عارفه للاسف ظروف تربيته وكانت صعبه على اي طفل بس لما كبر بقا بالشكل دا ومعرفش انا عند الحق بقوله وهو مرة ياخد بكلامي ومرة تانيه يقول اني بتريق عليه ومش بقف معاه ودايما مع الغريب عليه ودا محصلش والمشكله ان بكره صفات كتير فيه منها الانتقاد ومقارنة الناس بالغير ودا شئ مش بطيقه وحاولت انصحه واساعدة عشان يتغير بس يدوب شويه صغيرين ويرجع تاني على رأي المثل عادت حليمه لعادتها القديمه عارفه ان تغير بني آدم لشخصيته وطباعه وتفكيرة صعب بس مش مستحيل
تم النشر الأربعاء، ١٨ يونيو ٢٠٢٥
طالما شخص عزيز زي ما بتقولي يبقى ليه بيعمل كده؟ هل بيمر بفترة صعبة مثلا؟ ولا هو بيعمل كده مع الكل ولا معاكي انتي بس؟ انتي مش محتاجة تضغطي ع نفسك و تكتمي جواكي، واضح ان الشخص ده سام، و طيبتك معاه مش هي الحل و احساسك بالتقصير و تأنيب الضمير هو ده هدفه زائد انه مبيعترفش بأخطاءه ف باين انه شخص نرجسي، ف حطي حدود واضحة للعلاقة و متسمحليهوش انه يستنزفك بالطريقة دي
تم النشر الأربعاء، ١٨ يونيو ٢٠٢٥
شكرا ليكي جدا ، جربت طرق كتير والله معاه واخرهم التجاهل ودا خلاه يزود بقيت بحس بصداع اقسم بالله بس مش دايما بصراحه وأحيانا بحس اني معتش طايقه اسمع صوته ودماغي هتتفرتك وتجاهلي دا مخليني بكبت جوايا وبقيت بعيط والله من تعبي عشان اطلع الضغط الي جوايا وكنت بواجهه باخطائه وانتقده زي ما بيعمل معايا بيروح ملفلف الكلام ويطلعني انسانه حقيرة في الاخر وعشان اقفل الحوار معاه بقول اه انا كذا وكذا وعجبني واروح ماشيه وسيباه
تم النشر الأربعاء، ١٨ يونيو ٢٠٢٥
لعرض الإجابة في فدني اضغط هنا