الي بيعاملني باحترام وهدوء بكون فل معاه اما الي بيلومني على أقل حاجه ويقعد ينتقد كنت بسكت بالأول وبعدها بقيت ببرر واتكلم وشويه شويه بقيت بزعق وابجح ومؤخرا لما زهقت من الطريقه ومن المعامله دي بقيت بتجاهل تماما
بس برضو بتفهم غلط وانا تعبت ومعتش عارفه اي تصرف صح لان للاسف شخص قريب وعزيز عليا وكل مرة بقول هتغير برجع تاني ومشكلتي في لساني دا الي مش بيسكت وقت الظلم وبقول بس يمكن طريقتي غلط
وعارفه ان المفروض اكون هاديه بس مش عارفه كنت زمان بعيط واسكت او مش بعرف ارد بس دلوقت زي ما يكون ما بصدق عشان اثبت لنفسي اني مش ضعيفه بس دا هو الغلط بذاته لان كان كل التغير الي عاوزاه ان ارد بثقه وأدب وخلاص كدا جبت حقي ومش كل الناس برضو بانفعل عليها تقريبا مفيش غير الشخص دا ومش بعرف امسك نفسي قدامه
السلام عليكم ورحمه الله وبركاته طيب واضح جدا انه الموضوع مش مساله شخصيتك ازاي بتعبري عن نفسك وازاي بتقولي للغلط لا او بتقولي انك تقبلي الحاجه او تقبليهاش ولكن الموضوع مرتبط بشخص بعينه. لما الموضوع هنا بقى بنحتاج نسال نفسنا هو الشخص ده بالنسبه لي من جوايا في نفسيتي بيمثل ايه هو الشخص اللي انا مديه له قيمه قد ايه ومدياله حجم قد ايه جوايا لان انا ممكن اكون واثقه جدا من نفسي واقفه على ارض ثابته ولكن باجي قدام الشخص ده وبحس ان هو اعلى مني بكثير فبحس ان انا مهزوزه ولما احس بكده ده اللي هيخليني يبقى طول الوقت بحاول اثبت نفسي بحاول اعلي نفسي عارفه كده واقفه قدام حد طويل وانت بتحاولي انك تشبي كده وانت ايه وانت بتتكلمي معاه عشان ما تحسيهوش ان انت تحت قوي ده بيحصل نفسيا من غير ما تحسي ومن غير ما تاخذي بالك فركزي كده واعرفي الشخص ده بالنسبه لك ايه وانت شايفه حجمك قدامه قد ايه عشان هو يكون بيتكلم بكل هدوء عشان هو بيتكلم من دور عالي وانت تحت بتحاولي دائما طول الوقت تثبتي نفسك وبعد ما تشوفي وتتاكدي انت حاطاه في انهي مكانها اسالي نفسك بقى ليه انت حاطاه هنا هل فعلا هو عنده اللي يخليه اعلى منك كده بكثير ولا هو ما عندهوش حاجه بس انت اللي مديه له القيمه دي الاجابه هتفرق كتير جدا. بيكون مرتبط بشخص محدد الشخص ده بيخرجنا عن السياق الطبيعي بتاعنا وبيستفزنا فبيطلع مننا دائما تصرف احنا شخصيا مش متقبلينه ومش عايزين نبقى كده هنا بنحتاج نقف وقفه مهمه جدا.
تم النشر السبت، ٢١ يونيو ٢٠٢٥
طالما الشخص ده بالذات بتنفعلي عليه و عارفة تصرفاته كويس و مش اول مرة تحصل يبقى من الذكاء انك تعرفي تستفزيه هو مش العكس و مش انك تعملي نفس ردة الفعل كل مرة، الزعيق و الانفعال ردود فعل طبيعية للدفاع عن النفس لكنها مع الوقت بترهقك انتي و بترهق نفسيتك و اللي قدامك هيكون مستمتع ان انتي منفعلة و بس انا عارفة ان دي حاجة صعبة و مش سهلة و لكن بالتعود هتبتدأي تسيطري ع اعصابك، كل اللي انتي محتجاه انك طالما عارفة تصرفات الشخص ده كويس يبقى تعملي رد فعل مختلف غير الانفعال، زي مثلا زي ما بينتقدك انتقديه أو لو لامك ع حاجة مش محتاجة انك تبرري و تتكلمي حفاظا ع نفسيتك و سلامك الداخلي ف تتجاهليه خالص و هو هيتحرق لوحده، عارفة انك بتثبتي لنفسك انك مش ضعيفة بس طالما انتي مش ضعيفة ف مش محتاجة تعملي اي ردة فعل طالما انتي مقتنعة بكده في الحقيقة انتي بتحاولي تثبتي للي قدامك انك مش ضعيفة و تعرفي تاخدي حقك و ده نوع من التبرير، ف انتي قوية طالما انتي شخصيا مقتنعة ب كده و مش محتاجة اي ردة فعل عشان تبرري بيها موقفك
تم النشر الأربعاء، ١٨ يونيو ٢٠٢٥
الغريب انك مش بتخرجي عن طوعك إلا مع الشخص ده ففي احتمال (مش بالضرورة انه صحيح) يكون هو المستفز المتلاعب ١-يعني يستفزك ويضغط على نقاط ضعفك ويستثير غضبك الغضب ٢-وبعدين ينزل راسه ويقول انتي عصبية و قسيتي علي تأنيب الضمير فيأنبك ضميرك وتبدأي تبحثي عن حل وعلاج ........................ ان كان شخص من العائلة فواجهيه مرة أخرى كأنه حوار طبيعي زي كل مرة وحاولي تفهمي هل هو فعلا بيتلاعب ولا لا
تم النشر الأربعاء، ١٨ يونيو ٢٠٢٥
مرحباً عزيزتي، شكراً لأنك شاركتيني هذا الموقف الصعب الذي تعيشينه. بالفعل، التعامل مع شخص عزيز عليك وفي نفس الوقت يعاملك بشكل مؤلم ينتقص من احترامك ويؤثر على حالتك النفسية أمر مؤلم ومحير. خليني أساعدك بتفصيل الحلول خطوة خطوة لكيفية التحكم في نفسك والتصرف بحكمة: أولاً: فهم مشاعرك واحتياجاتك واضح إنك متضايقة من الطريقة اللي بيعاملك بيها هذا الشخص، وهذا حقك تماماً. مش عيب إنك تحسي بالغضب أو الحزن، لكن المهم هو كيف تعبرين عن مشاعرك بطريقة تحميك وتحترمك. لا تلومي نفسك على كلامك أو ردة فعلك؛ لأن النفس ترفض الظلم وتحاول تحمي نفسها. ثانياً: استراتيجيات للتحكم في النطق وردة الفعل التوقف قبل الرد: لما تشعري أن ردة فعلك بتكون قوية، خدي نفس عميق (بس بدون تمارين استرخاء طول الوقت)، وحاولي تأخري ردك لعدة ثوان. التعبير بهدوء: حاولي توجيه كلامك بطريقة واضحة ومحترمة، مثلاً قولي "أنا مش بحب النقد المستمر، وأتمنى نلاقي طريقة أفضل للتفاهم." الحدود الواضحة: ممكن توضحي له بحنية، لكن بثبات، إنك مش مستعدة تتحملي الأسلوب القاسي أو الانتقاد المفتعل. ثالثاً: إدارة العلاقة مع هذا الشخص العزيز التحدث بصراحة في وقت مناسب: اختاري وقت يكون فيه الطرف الآخر هادي ومستعد يسمع، وحاولي تقولي له بهدوء كيف بتأثر على مشاعرك وتصرفاته. الاستعانة بالوسطاء: إذا كنت تريدي، ممكن تواجهي الدعم من أحد موثوق في العائلة أو المحيط ليساعد في توصيل رسالتك بطريقة إيجابية. تقبل التغيير التدريجي: لا تتوقعي أن الشخص يغير طبعه بين يوم وليلة، لكن يمكنك أنت تتحكمي بردود فعلك تجاهه. رابعاً: العمل على نقاط قوة داخلك ثقتك بنفسك أهم من إثبات القوة بالصراخ أو "الزعق" ؛ تعلمي كيف تبيني قوة شخصيتك بهدوء، مثل اختيار كلماتك بعناية والابتعاد عن المواجهات العنيفة. كوني رفيقة نفسك: عندما تشعري بالضغط، كوني لطيفة مع نفسك، لا تهاجميها أو تلوميها على أي شيء. خامساً: تعزيز الإيمان والصبر الدعاء والصبر من أعظم العونين في تخطي مثل هذه المواقف. اطلبي من الله الثبات والهداية للتصرف بحكمة. ذكري نفسك بأن الله يجازي كل ظالم، وأن الصبر على الأذى سبب لرفع الدرجات بإذن الله. إذا شعرتِ أنك تحتاجين نصائح مخصصة أو دعم نفسي عميق، من الجميل أن تستفيدي من خدمات خبراء نفس في فدني على صفحة الخبراء: https://www.fedni.net/experts تذكري دائماً أنك تستحقين أن تُعاملي بالاحترام والرفق، ونحن هنا دائماً لنساعدك. هل تحبي أن أساعدك بخطوات عملية لتنمية ثقتك بنفسك أو كيف تواصلي رسائلك بأسلوب هادئ وواضح؟ أنا هنا معكِ، ذكية.
تم النشر الأربعاء، ١٨ يونيو ٢٠٢٥
لعرض السؤال في فدني اضغط هنا