في الحقيقة كان فيه بعض العلامات في العلاقة ديه بس انت تغاضيت عنها، زي مثلا انها قالتلك كذا مرة انها مش عايزاك، بالرغم انك قولتلها انك عايز تروح تتقدم وبرضه كانت برتفض .. مفيش واحدة هتكون عايزة واحد وترفضه .. اللي هتعمل كده يبقى فيه حاجه مش مظبوطة في العلاقة ديه، فكان لازم وقتها تشك وتبعد لما قالتلك كده. بس اللي حصل حصل .. حياتك مش هتقف على علاقة .. مقدرة طبعا كل اللي بتمر بيه دلوقت .. لكن الموضوع هياخد وقته معاك وهينتهي .. انت دلوقت في مرحلة الانكار والصدمة .. مش مصدق ازاي هي قدرت تعمل كل ده فيك .. بالرغم انك بتقول انها انسانه متدينة بس الموضوع مش بيتحسب بكده خالص .. حتى لو كانت حافظة القران كله! اللي انت محتاجه في الفترة ديه .. انك تحاول يقدر الامكان انك لو بتابعها تبطل تتابعها ع السوشيال ميديا.. ولو انت مش بتمارس حياتك بشكل طبيعي ارجع ودخل الاشياء في حياتك بشكل تدريجي، ويستحسن لو تدخل اي شئ تاني في حياتك زي مثلا الرياضة .. وبلاش تدخل في اي علاقة بديلة .. لانك وقتها هتكون بتعوض اللي حصل في العلاقة الجديدة. وحاول تشوف الجانب الكويس اللي في الموضوع .. ايه هو الجانب ده؟ انك تكون استفدت فعلا من تجربتك، وتعرف ان الحب مش كل حاجه في العلاقة .. يعني انت كملت رغم رفضها ليك انك تروح تتقدم، المفروض وقتها تكون فكرت بعقلك بعيدا بقى عن الحب، لازم يكون العقل والقلب الاتنين ماشين في نفس المستوى .. ف شوف انت غلطت ف ايه ف تجربتك الاولى واعرف خطأك، وتجاوزه.
بتقبل الفكرة عادي وبحاول أفسرها بشكل صحيح وأقتنع بيها وكوبايتين شاي وتبقي فل😂
تم النشر الخميس، ١٠ أغسطس ٢٠٢٣
أنك تنشغل ده شئ كويس علشان متسبش نفسك .. لكن لو فيه اي فكرة جت ليك يستحسن متهربش منها وتحاول تتناقش مع الفكرة بالمنطق. اعتبرها متاهه لازم توصل لنهاية الطريق الصح .. الا هتفضل فيها.
تم النشر الخميس، ١٠ أغسطس ٢٠٢٣
اه بس هياخد وقت بظن الا لو انشغلت فعلا ومبقاش فيه وقت للتفكير ف الكلام ده
تم النشر الخميس، ١٠ أغسطس ٢٠٢٣
عفوا - طبيعي تضايق .. ولكن الموضوع هيقل معاك تدريجيا لما توصل لمرحلة التقبل ..
تم النشر الخميس، ١٠ أغسطس ٢٠٢٣
معاكي حق ف كل اللي قولتيه وعامه انا مش مركز فيها ولا بتابعها اصلا وعاملها بلوك من جميع النواحي بس بتضايق جدا لما بفتكر اللي حصل والحمدلله علي كل حال وشكرا جدا للنصيحه وبالتوفيق ليكي انتي كمان ربناا يسعدك
تم النشر الخميس، ١٠ أغسطس ٢٠٢٣
طالما انت كنت متوقع انك مش بتحبك، يبقى كدبها كمان مرتبط باللي عملته .. يعني مثلا واحدة هتكون مع واحد وهي مش بتحبه ف تتوقع ايه منها مثاا انها تكون معاه ليه؟ احتمال بتضيع وقت، بتقارن مثلا عريس بعريس تاني؟ الله اعلم طبعا .. بس الموضوع بيبقى ع الاقل باين .. وطبعا من حقك تزعل .. خد وقتك ف الزعل براحتك .. بس لازم تحط حد له .. متخليش الزعل يطول معاك اوي .. وتعيش معاه. وعايزة اقولك حاجه انت قولت انك مش بتحب الكدب وبتقدر الصراحه وبالرغم انها عارفه ده هي عملته .. فانت دلوقت بتسأل نفسك ليه تعمل كده اصلا ما هي عارفه ..!!! والاجابة هنا هتكون الناس اللي بتأذي اصلا مش بتفكر ف اللي قدامها هو بيحب ايه ولا مش بيحب ايه؟ هو انسان مؤذي ف انت منتظر منه انه يراعي مشاعرك؟ اكيد لا. ربنا اكيد نجاك منها .. ف ركز ف شغلك وحياتك وربنا يوفقك ف اللي جاي.
تم النشر الخميس، ١٠ أغسطس ٢٠٢٣
كلامك صح بس هو الحمدلله حضرتك انا متوقع فعلا انها مش بتحبني وده كان واضح من كلامها وافعالها بس انا اللي مزعلني جدا انها كدبت عليا، ي ستي عادي تقولي مبحبكش او انت زي اخويا او اي حاجه اتقبلها طالمه واضحة و صريحه حتي لو هتوجع ، انا دايما كنت صريح معاها وواضح ف كل حاجه وبكل خطوة بعملها وهي كانت عارفاني كويس اني بحب الصراحه والوضوح ف كل شئ ومبكرهش قد الكدب ف حياتي ف تخيلي حد بيكدب ف مشاعره حرفيا ده بستحقره ف انا زعلت جدا انها تكون بتكدب وانها انسانه كدابه بالشكل ده رغم تدينها وحفظها للقران و الاتنين متناقضين وفكره انها طلعت مبتحبنيش دي عادي لكن فكره انها تطلع كدب ومبتقدرش الشخص اللي مشتريها وبياعه اوي كده وتستغني عن اي حد بسهولة ف دي مش متقبلها ابدا لأنه عمري ما اتخيلتها بالشكل ده ، عامه انا كنت لسة مخلص جيش وب بدور على شغل عشان اتقدملها فمن رحمه ربنا بيا انه لقيت شغل بعد ما هي ما مشيت ومركز ف شغلي دلوقتي واكيد اللي جاي خير الحمدلله وشكرا جدا لتعليقك وكلامك شكرا جدا لحضرتك وربنا يسعدك ويحفظك يارب
تم النشر الخميس، ١٠ أغسطس ٢٠٢٣
لعرض الإجابة في فدني اضغط هنا