ماذا أفعل مع عدم شعوري بالراحة ناحية خطيبي وإصرار الجميع ألا أنهي الخطبة؟

Question

أنا مخطوبه من سنه كنا بنتخانق كتير جدا فأنا خلاص تعبت ومبقتش مرتاحه فقولتلو ننفصل بس هو قلب الدنيا ومرضيش ابدا واللي ساعدو فى دا انو قريبى والكل ضغط عليا انو هيتغير وهيبقى كويس ورجعت وانا مش راضيه دلوقتي بيعاملنى كويس ولو أنا غلطت هو بيعتذر وبيعمل كل حاجه علشان يرضينى بس انا بردو مش مرتاحه ومش عايزه كل اللى بيعملوا خايفه اسيبو ابقى بظلمو وربنا يعاقبنى وفى نفس الوقت مش قادره أكمل وانا كدا ومش عارفه اعمل أى كل الناس بتقولى اديلو فرصه بس أنا مش عارفه اعمل كدا ومش مرتاحه فى الكلام معاه

Accepted Answer

السلام عليكم ورحمه الله وبركاته بصي عشان نبقى متفقين مسألة يعني ان انا لو سبت حد فانا كده ربنا هيعاقبني عشان انا ظلمته مفيش حاجه اسمها كده الزواج قبول في الاساس يعني فلو ما فيش قبول بسبب اي حاجه فده حقك هي اصلا الخطبه معموله عشان كده عشان نشوف اذا كان القبول ده هيسمح لنا نتزوج ولا لا بس مفيش حاجه اسمها والله الكلام اللي انت بتقوليه ده خالص او ايا كان انت مقتنعه بيه بسبب انه مجتمع كله بيقولوا فما فيش الكلام ده. خلينا نبص على الموضوع بشكل افضل بقى حاليا هو فعلا بيحاول وادرك غلطاته مثلا او ادرك الحاجات اللي كانت هي السبب في المشاكل وبيحاولوا يصلحها طيب انت ممكن تكوني مش متقبله الحاجات دي. بسبب انك مش قادره تسامحك في الحاجات اللي حصلت قد كده فضروري جدا قبل ما تقعدي تستقبلي منه كل الحاجات اللي بتحصل انك تبلغيه او تعرفيه انه الافضل ان هو يعمل مجهود في ان هو يخليك يعني يخليك تثقي مره ثانيه في نفس نوعيه الحاجات بتحصل قبل كده او ان هو يحاول يخليكي تسامحيه على الحاجات اللي حصلت قبل كده لان مثلا ممكن تكون كلها حاجات اتكررت فأفقدتنا الثقة فاحنا محتاجين نشتغل عليها افضل ما نعمل مواقف.

Answer

طالما انتي مش مرتاحه متكمليش. وبالعكس انتي لو بقيتي معاه وانتي مجبوره كده بتظلمي نفسك وبتظلميه. وبالنسبة للتغيير انه بقى يعاملك كويس ربما يكون تغيير مؤقت لفتره الخطوبه وبس وبعد الجواز يرجع يعمل مشاكل وترجع الخناقات اللي كانت الاول وربما اكتر كمان.

Answer

مرحباً إسراء، أشعر تماماً بالصعوبة التي تمرين بها، وهكذا المشاعر ليست سهلة على الإطلاق. من الواضح أنك تعانين من توتر كبير داخل العلاقة، وتشعرين بحيرة بين رغبتك في الاستقرار وبين عدم الراحة النفسية التي تعانينها. لنقسّم الموضوع معاً لنفهمه بشكل أفضل: الخلافات المستمرة والتعب النفسي: إذا كانت المشكلات والخلافات كثيرة إلى درجة الشعور بالتعب والإرهاق، فهذا مؤشر مهم يجب أن تأخذي بعين الاعتبار مشاعرك الحقيقية. العلاقة الصحية تبني الأمان والراحة، وليس العكس. عودة العلاقة بعد انفصالك: يبدو أن هناك ضغط من المحيطين لك، حتى من قريبك، وجعلك تراجعين عن قرارك. هذا أمر شائع، لكن قرار الاستمرار في علاقة أو الانفصال يجب أن يكون قرارك أنتِ وحدك، لأنك أنتِ التي تعيشين العلاقة وأشعر بمشاعرها. محاولاته للإصلاح لكن عدم الراحة مستمرة: رغم أنه يبدي تراجعاً ويحاول الاعتذار، لكن الأهم هو "شعورك الداخلي" بالراحة. لا يمكن لأي شخص أن يجبرك على الشعور بالأمان أو الحب. الخوف من الظلم والوم الضمير: هذا فهم طبيعي لما تحبينه والله لا يظلم عبدًا بناءً على قراره في مصلحته النفسية أو الحياة. فعل الخير مع النفس أيضًا عبادة، وربنا سبحانه وتعالى لا يريده أن نكون عبيدًا لمشاعر ذنب أو خوف من النتائج دون مبرر. نصائح عملية لكِ عزيزتي: اصنعي لنفسك مساحة هدوء بعيداً عن الضغوط الخارجية ، وانظري إلى مشاعرك بصدق وبدون تأثير أي أحد. فكّري في حدود الراحة النفسية التي تحتاجينها : هل يمكن تعديل الوضع بطرق محددة؟ أم أن الحل الأفضل هو الابتعاد حتى تحصلي على راحتك؟ إذا لم تستطيعي تحديد الخيارات بنفسك ، قد يكون من المفيد أن تتحدثي مع مستشارة نفسية مختصة (يمكنك إيجاد خبير في صفحة الخبراء في فدني)، لتساعدك على فهم المشاعر والوضع، وتساعدك في اتخاذ القرار المناسب. لا تهملي مشاعر القلق والضيق الداخلية ، فهي رسائل هامة من نفسك يجب الاستماع لها. وأخيرًا، أذكركِ بأن السعادة الداخلية والراحة النفسية من أساسيات الزواج الناجح، وليس من اللازم أن تبقي في علاقة مفرطة في الخلافات والتوتر حتى تحصلي على ذلك. لو حبيتي، أنا هنا دائمًا لدعمك، ويسعدني أن تكوني صادقة مع نفسك ومع مشاعرك. هل تحبي أن نناقش معاً بعض الطرق العملية للتعامل مع هذا الشعور أو كيف تتحدثين معه؟ ولا تنسي أنه يمكنك البحث عن أسئلة مشابهة في فدني حيث قد تجدين تجارب ونصائح أخرى مفيدة. 🌷 دمتِ بخير يا إسراء، ذكية.

ماذا أفعل مع عدم شعوري بالراحة ناحية خطيبي وإصرار الجميع ألا أنهي الخطبة؟

اجتماعية

زواج

علاقات

سؤال من اسراء داود

تم النشر الخميس، ١٠ يوليو ٢٠٢٥

3 إجابة

8 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك