asmaa ....

بصي اول حاجه توبي توبه نصوحا عن كل ما مضى واخلصي التوبه لله. لدرجه انه يبان عليكي التغيير للأحسن في اسلوبك في لبسك في تعاملك مع الناس وحتى في تعاملك مع نفسك او ما والدك هيلاحظ التغيير ده إن شاءالله هيرجع يتكلم معاكي تاني وحاولي تعتزري منه كتير لحد ما يسامحك لانك جرحتيه جدا . حملي تطبيق تحدي التعافي لعلاج نوع الإدمان اللي حضرتك ابتليتي بيه وابدأي رحله التعافي صح هتقابلك عقبات وسقطات ولحظات ضعف وأعراض انسحاب والشيطان هيحاول يكرهك في نفسك ويأنب ضميرك ويفكرك بالماضي علشان يحزنك بس خليكي مستمره في التعافي . احضري سلسلة مهجه للدكتور عماد راشد عثمان . ودوري على مصدر تاني للاهتمام و الحب خليهم يجو من اهلك و صحابك و اخواتك . ودوري على صحبه صالحه تعينك على طاعه ربنا مش العكس . قرار الانتحار مش حل بل مشكله اكبر لانك كده هتكوني خسرتي الدنيا والآخرة . احنا مش هنعمر في الارض والاعمار اقصر ما يكون بدل ما تنهي حياتك بسبب الماضي عوضيها بحياة افضل في الحاضر وتكون ذكره حلوه في المستقبل كلنا معرضين للخطأ وكلنا عندنا ذنوب ولاكن خير الخطائين التوابين اتمنى اكون قدرت اساعدك وافيدك ولو بشئ بسيط. ربنا يغفر لك ويصلح حالك 💙

ابدأ صلح علاقتك بربنا وابدأ بالصلاة في المسجد وكل يوم ولو صفحه من القرآن ولو تقدر تحضر دروس دينيه تبقى حاجه كويسه تقدر تبدأ ب فديوهات فضفضه الاحد للدكتور محمد الغليظ بسيطه جدآ وهتحس نفسك قاعد مع صاحبك ونضف المحتوي المحيط بيك حاول تخلي كل الناس اللي حواليك بتعينك على الطاعه مش العكس سواء على السوشيال او في الواقع ، احذف كل حاجه بتكون سبب في بعدك عن ربنا ومش بتستفاد منها حاجه . وخد خطوة التعافي من الإدمان ده ، في كتير زمالات ل علاج الإدمان زي تطبيق واعي وتطبيق تحدي التعافي وتقدر تسمع سلسله مهجه للدكتور عماد راشد عثمان خاصه بالنوع ده من الإدمان .

اشتركي في دورات البشمهندس علاء حامد ابدأي اول حاجه بدوره العقيده ثم دورة التجويد شوفي البودكاست بتاعت الشيخ احمد العربي وخاصه بودكاست فاهم لانه عمل حلقات اتكلم فيها عن الصلاة و الذكر و الدعاء و القرآن كل ركن منهم حلقه لوحده. و بودكاست ايه المشكله بيجاوب على اغلب الاسئله اللي بتيجي في بالك واشتركي في أكاديمية حفظني لتحفيظ القرآن الكريم . و طبعا مع كله ده لازم يكون لبسك يرضي ربنا حجاب الشرعي لبسك فضفاض لايصف و لا يشف . وربنا يرزقك القرب منه و الثبات على ما يرضيه 💙

اول حاجه اضبط علاقتك ب ربنا وكل حاجه بعديها سهل تضبطها وكل المشاكل و الفشل ده ناتج من الحجات اللي بتعصي ربنا عن طريقها قوم صلي من دلوقتي انت اصلا مش ضامن تعيش لبعد نص ساعه وسيب الاغاني اللي معيشاك في وهم وإنجازات مش موجوده غير انها حرام اصلا وبتدمر القلب . و من الناس و المقارنات والاصح متركزش معاها اصلا طالما تأثيرها سلبي عليك ركز على نفسك وتطويرها للأفضل و الصحاب الصالحين حاجه حلوه جدا وهيكون ليهم سبب في نجاحك في الدنيا و الآخرة لأن الصاحب ساحب طالما هما صالحين ف انت هتبقى زيهم اكتب تعليق عايز صاحب ملتزم في اي فديو ديني يقابلك في اي مكان في المديا و ادعي ربنا دايما يرزقك صحبه صالحه وعلشان تذاكر ومضيعش وقت نزل المحاضرات اللي هتذاكرها و احذف الواي فاي من التليفون خالص علشان متخليش حاجه تعطلك انا شايفه في حته المثاليه دي انك تمشي عكس هواك يعني مش عايز انزل اجيب طلبات البيت لا انزل ومتديش فرصه لمخك يسحبك لأحلام اليقظة حاول تقطع تفكيرك فيها

حسب السبب اللي مخليكي حاسه بكدا ممكن يكون سبب الاحساس فشل دراسي او فشل في شغل أو فقدتي حد غالي عليكي او مشاكل عائليه وممكن يكون تقصير في حق ربنا عليكي اول متعرفي سبب الاحساس ده و المشكله اللي سببته هتعرفي تتغلبي على الاحساس ده

طالما انتي مش مرتاحه متكمليش. وبالعكس انتي لو بقيتي معاه وانتي مجبوره كده بتظلمي نفسك وبتظلميه. وبالنسبة للتغيير انه بقى يعاملك كويس ربما يكون تغيير مؤقت لفتره الخطوبه وبس وبعد الجواز يرجع يعمل مشاكل وترجع الخناقات اللي كانت الاول وربما اكتر كمان.

يتخانق معاك علشان مصلحتك و يشجعك على الصح حتى لو مش بيعمله ويكون فخور بيك في ابسط انجازاتك بيعرف مشاعرك من نظره أو من صوتك فاهم طرقه تفكيرك وعارف تفاصيلك ممكن تعمل ايه وايه لأ

الحفظ مش اساسي علشان تترجمي . لازم يكون فيه ممارسه للغه بمعنى انك لازم تتكلمي اللغه مع حد بيتكلم تركي . وكمان اسمعي بودكاست بالتركي من غير ترجمة

اللهم اني اسألك الجنه وما قرب إليها من قول وعمل وأعوذ بك من النار وما قرب إليها من قول وعمل

ممكن تكون المشكله نفسيه .

لو تحبي ممكن نبقى صحاب عادي

لو معاك حاجه ينفع تبيعها وتسدد من فلوسها هيكون افضل من القرض

تطبيق درع التفوق . وتطبيق نافس

وعليكم السلام ورحمة الله وبركاته. انت محتاج مدرس يحل معاك الاول ويعلمك تحل إزاي ويديك طريقه تتعامل بيها مع الاسئله اللي ممكن تقابلك ومتعرفش تحلها . ممكن تستعين بالمدرس اللي بتحضر عنده . انا كان عندي مشكله مع مسائل الفيزيا و الكمياء بس لما قولت كده للمستر فهمني إزاي اعرف اتعامل مع الاسئله الصعبه من غير ما اتوتر

وعليكم السلام ورحمة الله وبركاته مثلآ لو ليك في التصميم و المنتاج ممكن تشتري لاب توب كويس وتشتغل في المنتاج وإلخ ... .

ربما اهلك يوافقوا عادي . كتير ما بنبقى رافضين شئ معين واللي يشوفنا في الوقت ده يقول مهما حصل مش هنعمل الشئ ده وفي الآخر ربنا يقدر شئ تاني ومش بنعمل غير اللي كنا رافضينه. سبحان الله يعني

شكرا لله والله انا مبسوطه جدا اني قدرت اساعدك ولو بحاجه بسيطه .

إن شاء الله و ربنا يجعلكم صحبه صالحه

الشكر لله يا حبيبتي

حاولي تفتحي معاهم مواضيع او اعملي فشار و عصير وقوليلهم تقعدوا مع بعض شويه علشان زهقانه الفكره دي عملتها معايا صحبتي لما جات اتعرفت علينا . جابت فشار و فنكوش و عصير وقالت عايزه اقعد معاكم شويه زهقانه ومن وقتها واحنا صحاب

لو محتاجه اي مساعده تاني قولي وانا لو هقدر اساعدك مش هتأخر

الشكر لله + لا تعب ولا حاجه والله

اللي امك عملته ده طبيعي بالنسبه لكتير امهات و ابهات معندهمش وعي بكيفيه التعامل مع المشاكل اللي زي دي او إزاي أصلا يربوا طفل سوي . أما انتي فمتشغليش بالك بالكلام السلبي اللي بيقوله والدك او والدتك عليكي دلوقتي. لان مهمتك دلوقتي انك هتغيري وجهة نظرهم ليكي بالأفعال مش بالكلام و التبرير . وحتى لو متغيرتش وجهة نظرهم يكفي اجر المحاوله في محاولة رضا ربنا و رضاء والديكِ

ممكن تدور في الأماكن اللي موجود فيها اجانب في مصر

اخرجي اتعرفي عليهم . انا اول مره قعدت في السكن كنت حزينه جدا وكل دقيقه اكلم اهلي اعيط علشان في وقتها مكانش عندي صحاب فكنت حاسه بغربه شديده وكنت اول مره ابات بره البيت بعيد أهلى . بس بعدين بدأت اتعرف على البنات اللي معايا في السكن لحد مبقينا صحاب بل كمان بقينا زي الأخوات

ايوه . في دورة الاربعون النوويه للبشمهندس علاء حامد دي لسه شغاله مخلصتش ، وفي مدرسه الزاريات ودي خلصت من فتره بس موجوده على يوتيوب برضو للبشمهندس علاء حامد وفي سلسلة السيرة النبوية كامله للشيخ احمد عامر . وفي دورة التجويد علاء حامد . وفي تاني كتير جدا . ده المجاني . أما في أكاديمية ابجديات للدكتور محمد الغليظ ودي بفلوس

انا بحفظ قرآن وبحاول احضر دروس شرعية قدر الإمكان ولاكن سرعان ما بحس بالملل لان مفيش حد من صحابي بيشجع على كده

والله يا اختي أحدثك من قلب الحدث 🙂 . صحابي كلهم نزلوا عند أهلهم زياره وانا قاعده لوحدي ،

ممكن تحوش فلوسك وتشتري لابتوب . وتتعلم مونتاج وتشتغل أونلاين جانب شغلك

خلاص اجل موضوع الجواز لحد ما تسافر . وإن شاء الله ربنا يرزقك بوحده بنت حلال هناك

مش كل مره تسلم الجره متشربيش حجات سامه تاني لأن اللي انتي بتعمليه في نفسك ده حرام. حاولي مع اهلك ورحي لدكتور ضروري ولو مقدرتيش تروحي لدكتور خدي استشارة أونلاين لحد متقدري تروحي لدكتور

شوف البنات اللي بيتجوزوا اجانب بيعملوا ايه واعمل زيهم + نصيحه شوف فديو كريم السيد بتاع جواز المصريين من اجانب

نفس حالى والله . ممكن تحفظي قرآن وتشتركي في دورات علم شرعي و ممكن تتعلمي هاند ميد

المجتهد بيلاقي الفرص في كل مكان مش مكان معين . وإذا حضرتك حابب الهجره ممكن تهاجر لدولة مسلمه زي دوله "بروناي 🇧🇳 " ليا حد قريبي كان هيسافر ليها ، او ممكن تسافر لدولة عربية

وافرضي موتي قبل متوصلي المستشفى وكده هيبقى انتحار . الافضل اطلبي مساعده دكتور نفسي من على التطبيق هنا .

وعليكم السلام ورحمة الله وبركاتة هسألك سؤال 🙋 الشخص ده حد من اهلك ؟ لو لأ ف متدخليش افضل ليكي وهو لو عايز يتعالج يطلب المساعده بنفسه و ده رأيي الشخصي

روحي مستشفى حكومي افضل ده حل من ضمن الحلول البديله

ممكن ده بسبب انك تعرضت للعنف او للتحرش انت وصغير او اتعرضت لحاجه موتت شخصيتك

ربنا يوفقك

حاول تخلي اكلك صحي وفيه فواكة وخضار. علشان يديك طاقه

اقرأي كتاب ابي الذي اكره للدكتور عماد راشد عثمان . تكلم عن الموضوع ده بأستفاضه .

لو حضرتك بتشتغل حاجه محتاجه مجهود كبير ممكن تكون هي السبب سواء مجهود ذهني او جسدي

ممكن تطلع صدقات بنيه الشفاء من الإدمان وربنا يشفيه لان بصراحه انتوا اخدتو كل الاسباب الدنيا تقريبا

في كتير اسباب ، الأفضل تروحي لدكتور

اعملي خطه اسبوعيه وقسميها على الأسبوع . انصحك تشوفي فديو البشمهندس احمد أبو زيد بتاع التخطيط الأسبوعي

أسوأ قرار انه يقسم السنه ، مفيش حد قسم السنه وكان مبسوط

اعمل تحليل دم .ممكن تكون انيميا

وهتستفاد ايه لما تموت نفسك كده هتكون حليت المشكله؟

استخدم غسول و مرطب مناسبين لنوع بشرتك علشان تحافظ على بشرتك قدر الإمكان

لأ متروحيش وده رأيي الشخصي لانه هيفتح عليكي باب فتن ومشاكل . ممكن توفري من مصروف البيت وتجمعي ثمن الكشف

ممكن تدور على أصدقاء إلكتروني . انا صحابي اللي شبهي اتعرفت عليهم إلكتروني في نفس المكان اللي فيه بنتشارك نفس الاهتمامات .

اظن مكنه حلاقه

اعملي تحليل دم غالبا عندك نقص فيتامينات زي مثلآ فيتامين سي

اكسر الحاجز ده وامشي عكس رغبتك بمعنى يعني لو نفسك بتقولك متكلمش الشخص ده اعمل العكس وكلمه . وردك وأسلوبك هيتحسن تلقائيا مع كثره التعامل مع الناس

لأ متقولش لوالدك ممكن تتفضح في البلد وتحصل مشاكل اكبر . ده رأيي والله اعلم

ممكن ربنا بيديك انزار علشان تلتزم بالصلاة وتقرب منه أكثر. لان الواقع ممكن الإنسان يموت في اي لحظه . انا كنت دايمآ بحس بالشعور ده وخاصه لما يجي الليل . ولكن من لما التزمت بالصلاة والسعي في اني أقرب من ربنا اكتر اختفى الشعور ده