asmaa ....

على حسب ما اظن هو فضل الهروب لانه مكنش عايز يعلقك بيه + لأ ملكيش حق المعرفة ده من وجه نظري لأن مفيش بينكم اي حاجه تحت اي مسمى هيقولك . وده أفضل حد ممكن تديه فرصه بالتواجد في حياتك لانه مستغلكيش وعلقك بيه واستغل مشاعرك اتجاهه وفتح باب للشيطان يدخل بينكم . الكلام ده من وجهة نظري الشخصية

وعليكم السلام ورحمة الله وبركاته انصحك انك لا تتواصلي معاه ولا مع أهله لأنك كده هتقللي من نفسك اكتر وانتي اللي غلطانه من الاول علشان سمحتي ليهم يقولو عليكي كده ولاكن في الأول والآخر مفيش حد معصوم من الخطأ. ف اوعك تشيلي عنه الحظر أو ترجعي تكلميه تاني لو بيحبك بجد وعايزك في حياته هيجي لحد باب بيتك ولا هيفرق معاه اهله ولا جيرانه ، دي كلها حجج بيحطها علشان يفضل يتسلى بيكي والله اعلم بس ده الواضح من تصرفاته اللي حضرتك ذكرتيها . حبيبتي احفظي قلبك ونفسك للي يستاهلك بجد اللي يجي يطلبك من اهلك حتى لو كنتي في اعماق المحيط و يحطك في عيونه . مش اي حد يستاهل تضيعي ثانيه من عمرك معاه في الحرام مش هينفعك في الدنيا ولا في الآخره.

وعليكم السلام ورحمة الله وبركاته انا هتكلم عن الحجات اللي عملتها لما كنت بمر بنفس الحالة بتاعتك جبت ورقه وقلم وكتبت كل الاسئله اللي بتدور في بالي حرفيا كلها و الاسئله اللي حساها وبتدور في بالي ومش عارفه اعبر عنها حاولت اجمعها قدر الإمكان واكتبها وبعد كده بدأت احدد انا عايزه اوصل لأيه وانا فين من اللي عايزه اوصله هل اللي انا فيه بسبب بعدي عن ربنا ؟ ولا بسيب ضغوطات واضطرابات نفسيه ؟ وبدأت احل المشكله بناءً على الإجابات بتاعتي . وفي الاخر طلع سبب كل اللي انافيه ان انا انتكست وبعدت عن ربنا وبطلت اسمع لنفسي واحل مشاكلي النفسيه وسبتها تتراكم انا معرفش انت قريب من ربنا ولا لا هل بتصلي أو لا إلخ... انصحك تسجل في دورة البشمهندس علاء حامد "سوبر مسلم " مجانية بالكامل ابحث عن فديو التعريف عن الدورة على يوتيوب وسجل من الرابط اللي في الكومنت

اول حاجه عادي جدا فقدان التركيز و الزهق وفقدان الشغف وإلخ ده مش معناه ان مستواكي قل . ده معناه ان انتي محتاجه تريحي عقلك 🧠 شويه وتخفي ضغط على نفسك . انتي طاقتك خلصت ومحتاجه تتشحن بشويه طاقه إيجابية. هاتي ورق واكتبي الفهرس بتاع كل ماده في ورق 📄 والزقيه على الحيطه قدامك واعملي ☑ على الحجات اللي انتي مذاكراها كده هتكوني رتبتي 📊 عقلك 🧠 وخفيتي الضغط من عليه .وبعدها ابدأي ادخلي في تحديات المذاكرة الموجودة على اليوتيوب علشان تتشجعي وتذاكري بحماس .

بصي اول حاجه توبي توبه نصوحا عن كل ما مضى واخلصي التوبه لله. لدرجه انه يبان عليكي التغيير للأحسن في اسلوبك في لبسك في تعاملك مع الناس وحتى في تعاملك مع نفسك او ما والدك هيلاحظ التغيير ده إن شاءالله هيرجع يتكلم معاكي تاني وحاولي تعتزري منه كتير لحد ما يسامحك لانك جرحتيه جدا . حملي تطبيق تحدي التعافي لعلاج نوع الإدمان اللي حضرتك ابتليتي بيه وابدأي رحله التعافي صح هتقابلك عقبات وسقطات ولحظات ضعف وأعراض انسحاب والشيطان هيحاول يكرهك في نفسك ويأنب ضميرك ويفكرك بالماضي علشان يحزنك بس خليكي مستمره في التعافي . احضري سلسلة مهجه للدكتور عماد راشد عثمان . ودوري على مصدر تاني للاهتمام و الحب خليهم يجو من اهلك و صحابك و اخواتك . ودوري على صحبه صالحه تعينك على طاعه ربنا مش العكس . قرار الانتحار مش حل بل مشكله اكبر لانك كده هتكوني خسرتي الدنيا والآخرة . احنا مش هنعمر في الارض والاعمار اقصر ما يكون بدل ما تنهي حياتك بسبب الماضي عوضيها بحياة افضل في الحاضر وتكون ذكره حلوه في المستقبل كلنا معرضين للخطأ وكلنا عندنا ذنوب ولاكن خير الخطائين التوابين اتمنى اكون قدرت اساعدك وافيدك ولو بشئ بسيط. ربنا يغفر لك ويصلح حالك 💙

ابدأ صلح علاقتك بربنا وابدأ بالصلاة في المسجد وكل يوم ولو صفحه من القرآن ولو تقدر تحضر دروس دينيه تبقى حاجه كويسه تقدر تبدأ ب فديوهات فضفضه الاحد للدكتور محمد الغليظ بسيطه جدآ وهتحس نفسك قاعد مع صاحبك ونضف المحتوي المحيط بيك حاول تخلي كل الناس اللي حواليك بتعينك على الطاعه مش العكس سواء على السوشيال او في الواقع ، احذف كل حاجه بتكون سبب في بعدك عن ربنا ومش بتستفاد منها حاجه . وخد خطوة التعافي من الإدمان ده ، في كتير زمالات ل علاج الإدمان زي تطبيق واعي وتطبيق تحدي التعافي وتقدر تسمع سلسله مهجه للدكتور عماد راشد عثمان خاصه بالنوع ده من الإدمان .

اشتركي في دورات البشمهندس علاء حامد ابدأي اول حاجه بدوره العقيده ثم دورة التجويد شوفي البودكاست بتاعت الشيخ احمد العربي وخاصه بودكاست فاهم لانه عمل حلقات اتكلم فيها عن الصلاة و الذكر و الدعاء و القرآن كل ركن منهم حلقه لوحده. و بودكاست ايه المشكله بيجاوب على اغلب الاسئله اللي بتيجي في بالك واشتركي في أكاديمية حفظني لتحفيظ القرآن الكريم . و طبعا مع كله ده لازم يكون لبسك يرضي ربنا حجاب الشرعي لبسك فضفاض لايصف و لا يشف . وربنا يرزقك القرب منه و الثبات على ما يرضيه 💙

اول حاجه اضبط علاقتك ب ربنا وكل حاجه بعديها سهل تضبطها وكل المشاكل و الفشل ده ناتج من الحجات اللي بتعصي ربنا عن طريقها قوم صلي من دلوقتي انت اصلا مش ضامن تعيش لبعد نص ساعه وسيب الاغاني اللي معيشاك في وهم وإنجازات مش موجوده غير انها حرام اصلا وبتدمر القلب . و من الناس و المقارنات والاصح متركزش معاها اصلا طالما تأثيرها سلبي عليك ركز على نفسك وتطويرها للأفضل و الصحاب الصالحين حاجه حلوه جدا وهيكون ليهم سبب في نجاحك في الدنيا و الآخرة لأن الصاحب ساحب طالما هما صالحين ف انت هتبقى زيهم اكتب تعليق عايز صاحب ملتزم في اي فديو ديني يقابلك في اي مكان في المديا و ادعي ربنا دايما يرزقك صحبه صالحه وعلشان تذاكر ومضيعش وقت نزل المحاضرات اللي هتذاكرها و احذف الواي فاي من التليفون خالص علشان متخليش حاجه تعطلك انا شايفه في حته المثاليه دي انك تمشي عكس هواك يعني مش عايز انزل اجيب طلبات البيت لا انزل ومتديش فرصه لمخك يسحبك لأحلام اليقظة حاول تقطع تفكيرك فيها

حسب السبب اللي مخليكي حاسه بكدا ممكن يكون سبب الاحساس فشل دراسي او فشل في شغل أو فقدتي حد غالي عليكي او مشاكل عائليه وممكن يكون تقصير في حق ربنا عليكي اول متعرفي سبب الاحساس ده و المشكله اللي سببته هتعرفي تتغلبي على الاحساس ده

طالما انتي مش مرتاحه متكمليش. وبالعكس انتي لو بقيتي معاه وانتي مجبوره كده بتظلمي نفسك وبتظلميه. وبالنسبة للتغيير انه بقى يعاملك كويس ربما يكون تغيير مؤقت لفتره الخطوبه وبس وبعد الجواز يرجع يعمل مشاكل وترجع الخناقات اللي كانت الاول وربما اكتر كمان.

ايوه انا من وجهة نظري ركز على ماده واحدة تخلص ركز على اللي بعدها مع الحفاظ على التقدم في الماده اللي خلصتها

1. الإقلاع عن الذنب فوراً. 2. الندم على ما فات. 3. العزم على عدم العودة إليه. 4. رد المظالم إلى أهلها إن كان الذنب في حق العباد. ثم استبشر بوعد الله، وداوم على الطاعات، ولا تيأس من روح الله. (ودي شروط التوبه )

@mai mahfouz فعلا عندك حق انا اتسرعت في الحكم عليه وفهمت غلط

حدد كل يوم ماده هتذاكر منها على قد ما تقدر من المتراكم ولو تقدر تحضر مراجعات علشان تقدر تلحق تخلص المتراكم في باقي المواد هيكون افضل . وأنصحك ب قناة هنذاكر أونلاين بينزلو مراجعات حلوه جدا وملمه بأغلب النقاط المهمه اهم حاجه تطبق على كل حاجه تذاكرها

و خليكي ثابته و اوعي ترجعي تكلمي الشاب ده تاني ولا تنزلي اي تطبيق فيه حاجات لا ترضي الله وربنا يارب يزيدك ثبات وتقوى . انتي ما شاء الله عليكي ٣ شهور مش قليلين . حافظي على نفسك لحد ما ربنا يرزقك الزوج الصالح . إستغفري ربنا كتير وأدعي دايمآ بالثبات والبعد عن المعاصي

بالنسبه لإدمان العادات السيئه ف في سلسلة مهجه للدكتور عماد راشد وكمان في تطبيق تحدي التعافي لعلاج نوع ده من الإدمان .

وعندك كام ماده

كل المواد متراكمه ولا في مواد ماشي فيها مضبوط

اسفه بس مين الشيخ ده . الكلام ده لو انتي مش عايزه تتوبي ومصره على الذنب

وعايزه اقولك كمان ان مفيش حد فينا معصوم من الذنوب سواء كبيره او صغيره ولكن اللي بيفرقنا عن بعض المجاهده للتوبة والاعتراف بالذنب . الله سبحانه وتعالى يفرح بتوبة عبده أشد الفرح، كما في الحديث القدسي: (لله أفرح بتوبة عبده من أحدكم سقط على بعيره وقد أضله في أرض فلاة) متفق عليه.

انا اول حاجه هكلمك على حته ان ربنا هيغفر ليكي أو لا علشان مينفعش يكون عندك شك في رحمه ربنا ولو واحد % . قوله تعالى: ﴿وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ﴾ (سورة آل عمران: 135). · التفسير: يصف الله تعالى عباده المتقين بأنهم إذا وقعوا في ذنب، سارعوا إلى التوبة والاستغفار، ولم يُصروا عليه. وكمان فيه آيه . قوله تعالى: ﴿قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ﴾ (سورة الزمر: 53). · التفسير: هذه الآية هي أوسع آية في القرآن للبشرى للمذنبين. فيها ينهى الله تعالى عباده عن القنوط من رحمته ويؤكد أن مغفرته تشمل جميع الذنوب لمن تاب وأناب.

لو في حاجه عايزه تقوليها تاني قولي

لأ لا اسف ولا حاجه

انت علمي صح ؟

السلام عليكم ورحمة الله وبركاته في تطبيق اسمه طليق حلو جدا للتأسيس في كل اللغات مش بس الانجلش. اسمعي انتي الفيديو و اشرحيه للأطفال بحيث تمشي بنفس ترتيب التطبيق. لان منهج التطبيق اعده خبراء ف هتكوني ماشيه بترتيب موثوق

فضفضي 🙂

وعليكم السلام ورحمة الله وبركاته . ذاكر الجديد وخلي المتراكم لمه في المراجعات. يعني كل ما يكون عندك وقت فاضي اسمع مراجعة على فصل من المتراكم وحل عليه . ولو بتقدر تذاكر بالليل هيكون افضل علشان بيبقى هدوء و الوقت أطول على عكس النهار

تطبيق طليق حلو جدا في تعلم كل لغات العالم + ان اسلوبه مبسط جدا جدا في الشرح و التطبيق ومتكامل مش هيخليك محتاج مصدر تاني جمبه ومناسب لكل الأعمار

كلميه واتس واعتذري ومتكرريش الموضوع ده تاني

سألتيه لو انتي عملتي زي البنت دي هتكون ردة فعله ايه ؟ هيشوف الموضوع عادي ومش تشدد ؟

عقليتك الاستكشافيه دي حلوه جدا وهتنفعك في تعلم حاجات كتير بس استخدميها بعيد شؤون الناس حتى لو كانوا اهلك ده لمصلحتك علشان متخسريش حد بسببها + انا بعتذر لو كان اسلوبي حاد معاكِ كان هدفي أبين لك حجم الغلط ليس اكثر

الغلط اللي عملتيه انك تجسستي عليه انتي بصيتي في تليفونه من غير إذنه حتى لو كان ماسك التليفون . انتي قولتي ليه انك عايزه تشوفي الفديو معاه وهو مرضيش ف خلاص المفروض تسكتي على كده .

ممكن جدا بس كوني حريصه جدا ومتثقيش في اي حد خلي كلامك بعيد عن اسرارك وحياتك الشخصية وإنجازاتك علشان مفيش حد بيحب حد يكون احسن منه

وانتي وبتشرحي اعملي خرائط ذهنيه

اشرحي لحد ولو مفيش حد تشرحي ليه اشرحي لنفسك . هتفهمي وتحفظي المعلومات وهتفضل فتره طويله في ذاكرتك

وعليكم السلام ورحمة الله وبركاته. من رأيي خليكي في حالك ومتدخليش ف خصوصياته علشان متخسريهوش . غلط اوي اللي انتي عملتيه توبي واستغفري لذنبك

تطبيق اكتوكود لمستر إبراهيم عادل . الشرح و طريقه التطبيق تحفه جدا وعن تجربة

حبيبتي هي شكلها مضطربه نفسيآ

ممكن يكون سبب الرفض السن الصغير سواء انت أو هي ، يعني حضرتك ١٩ سنه هي ممكن نفس السن أو أصغر. ف اظن هو ده سبب الرفض

الشكر لله ياحبيبتي 💙

عن مبادئك (إنتي مين بجد؟) ​إيه الـ ٣ حاجات اللي لو الدنيا اتهدت مش ممكن تتنازلي عنهم؟ ​لو معاكي "أستيكة" وعايزة تمسحي صفة واحدة من شخصيتك، هتكون إيه؟ وليه مضايقاكي؟ ​مين الشخص اللي لما بتشوفيه بتقولي "نفسي أكون زيه"؟ وإيه بالظبط اللي عاجبك فيه؟ ​إيه آخر حاجة قلتي عليها "لأ" وإنتي مرتاحة؟ وإيه اللي منعك تقولي "آه" مجاملة؟ ​٢. عن مشاعرك (إيه اللي بيحركك؟) ​إيه أكتر موقف حصل قريب وخلاكي تقولي لنفسك "برافو عليا.. أنا جدعة"؟ ​إيه الحاجات "اللي بتعصبك" أو تقلب مودك في ثانية؟ (حاولي توصفي الشعور ده بيجي منين). ​لما بتكوني "مضايقة من نفسك"، بتصالحيها إزاي؟ ولا بتيجي عليها أكتر؟ ​لو قلبك ده شخص وقاعد قدامك دلوقتي، هيعاتبك على إيه؟ أو هيشكرك على إيه؟ ​٣. عن أحلامك (نفسك في إيه؟) ​لو مفيش حاجة اسمها "فشل" أو "كلام ناس"، كنتِ هتعملي إيه دلوقتي حالا؟ ​احكي لي عن "يوم مثالي" من أول ما تصحي لحد ما تنامي.. بتعملي إيه ومع مين؟ ​إيه الهواية اللي كنتِ بتحبيها وأنتي صغيرة ونسيتيها في زحمة الأيام؟ ​لو فضلتي ماشية في نفس طريقك ده، كمان ٥ سنين هتكوني فين؟ وهل المكان ده "شبهك"؟ ​٤. عن الناس اللي حوليكي ​مين الناس اللي لما بتقعدي معاهم بتحسي إنك "إنتي" من غير تمثيل أو تجميل؟ ​إيه أكتر صفة بتجذبك في الناس؟ وهل الصفة دي موجودة فيكي إنتي كمان؟ ​هل بتفرحي لما الناس تمدحك أكتر، ولا لما إنتي تكوني راضية عن نفسك؟ ​عشان تستفيدي بجد: ​خدي سؤال واحد بس كل يوم قبل ما تنامي، وامسكي القلم واكتبي "فضفضة" مش موضوع تعبير.. يعني اكتبي بالعامية، اشطبي، ارسمي، المهم تطلعي اللي جواكي. ​إيه رأيك تختاري سؤال واحد عجبك فيهم دلوقتي، وتجربي تكتبي عنه

جربتي تكتبي مشاعرك أو تعملي محادثه مع نفسك على الورق بإستخدام اسئله كتابه اليوميات الحاجه دي هتساعدك جدا في التعرف على نفسك وفهم مشاعرك. النتيجة ممكن متظهرش من اول مره وتحسي انك مش عارفه تجاوبي ، ممكن تجاوبي على سؤال و الباقي لأ وممكن اكتر وهكذا وكل مرة هتحسي بتحسن اكتر من المره اللي قبلها

انت عندك كام سنه دلوقتي؟

حبيبتي، أولاً لازم تعرفي إن اللي بتمرّي بيه "طبيعي جداً" في سن المراهقة، ده نشاط عاطفي زايد ومشاعر بريئة محتاجة بس "توجيه" صح، فلا تكرهي نفسك ولا تجلدي ذاتك. ​ ​سامحي نفسك: كرهك لنفسك بيزود التوتر، والتوتر بيخليكي تهربي "للخيال والتعلق" أكتر. تقبلي إنها مرحلة وهتعدي. ​اقطعي التغذية: التعلق بيكبر بـ (المراقبة والتخيل). بمجرد ما يجي في بالك، اشغلي نفسك فوراً (حركة، مذاكرة، كلام مع حد)؛ العقل مبيعرفش يفكر في حاجتين مع بعض. ​استثمري في "أهم سنة": أنتِ في 3 ثانوي، دي السنة اللي بتحدد مستقبلك. حولي طاقة الحب دي لـ "حب ذاتك وطموحك". النجاح هيديكي ثقة تغنيكي عن الاحتياج لمشاعر وهمية. ​فرقي بين الحقيقة والخيال: أنتِ مش بتحبي الشخص (لأنك متعرفيهوش)، أنتِ بتحبي "الصورة" اللي رسمتيها له في خيالك. الشخص الحقيقي مختلف تماماً عن اللي في عقلك. ​أنتِ قوية جداً بدليل إنك واعية بالمشكلة وعاوزة تحليها، ركزي في دروسك وبكرة هتيجي المشاعر الصح في الوقت الصح للشخص الصح. بالتوفيق يا سكرة

عندك كام سنه ؟

الله اعلم هي بتمر بإيه ممكن يكون كلام الوكيل صح وهي عنها مشاكل نفسيه زي مثلا فصام . ف إدوها فرصه تانيه و اسألوها ليه بتغيب من الامتحانات . ومتخلوهاش لوحدها شاركوها في الحوار بتاعكم .

الاراده إتجاه إيه بالضبط

لو سمحت عدل كتابه السؤال و اكتب تفاصيل اكتر علشان نقدر نساعد حضرتك

علاقتك بأبوكِ كويسه ؟ عندك اخوات اولاد وعلاقتك بيهم اي ؟

البرنامج عباره عن انك بتسأل سؤال ⁉ محتاج رأي الناس فيه أو محتاج رأي محتخصص . ممكن تخفي هويتك لو مش عايز حد يعرفك أو تظهرها عادي . كل إجابه هتساعد بيها حد هتديك فرصه انك تسأل سؤال جديد. ومتاح انك تحجز استشارة مع مختص من التطبيق

@FATMA Mo Arafa ارجعي اعملي رقية شرعية وداومي على سورة البقرة كل يوم فإن أخذها بركه وتركها حسره ولا يستطيعها البطله

لأ اقصد انك ترقي نفسك

مش فاهمه قصدك

جربتي تعملي رقيه شرعيه؟

من المواقف

ممكن لو معاك لاب توب تشتغل في المونتاج للمقاطع القصيره مش بتاخد وقت و الجرافك أو تشتغل موديريتور تعلمه سهل جدا

لأ مش عادي خالص محتاج تتواصل مع مختص في أسرع وقت

طيب وايه المشكله لما يجي يتقدم من غير اهله

ممكن يكون نقص فيتامين بسبب تربيه الأطفال لان ده امر مرهق جدا ف ربنا يساعدك

استعين بأخصائي نفسي