السلام عليكم ورحمة الله وبركاته اول حاجه تروحي تصالحي مامتك لان ده واجبك ومن البر بالوالدين ومهما عملت فيكي مينفعش تزعلي منها و تخاصميها لأي سبب من الأسباب. اللي انتي بتعمليه ده مش عاجبها وخايفه عليكي منه علشان حرام وانتي عارفه كده وعلشان خايفه تتأذي مشاعرك لو الشخص ده سابك ف مش عيزاكي تتعلقي بيه . اي خناقه بتحصل بينك و بين امك خليكي انت الطرف الصامت فيها اوعي ترفعي صوتك على امك او تردي عليها بطريقه وحشه لان اكيد بتتاخنق معاكي لمصلحتك . هي بتحاول تضغط عليكي من كل الطرق علشان تبعدي عن الشخص ده من خوفها عليكي ، لدرجه انها اختبرت غلاوتها عندك وخيرتك بينها وبينه من غير ما تحسي . هي خاصمتك علشان تبطلي تكلميه كانت منتظره منك انك تبطلي تكلميه للأبد وترجعي تعتزري منها وتكسبي رضاها بس انتي مهمكيش زعلها وده اللي خلاها مش عايزه تكلمك حست انها خسرت مكانتها عندك . اما عن الواد اللي بتكلميه فأنا مش محتاجه اقولك تعملي ايه لأنك انتي عارفه هتعملي ايه . متخسريش امك لأي سبب من الأسباب لأنها سبب دخولك الجنه 🤍
لعرض الإجابة في فدني اضغط هنا