ماذا أفعل مع شعوري بعدم الراحة تجاه خطيبي؟

Question

ممكن حكم صادق؟ انا مش مرتاحة مع خطيبي يعني بحس اني ساعات بشك فيه وساعات بحس انه بيعمل إسقاط عليا بيشغلني بنفسي وحياتي وميرضاش يجاوبني على الاسئلة حتى العادية ناحيته حاساه مش سهل رغم اني بقالي سنة معاه في حاجات كتيرة حلوة بيعملها بس بحساب كل حاجه بيحسبلها بحسه روبوت فبيزيد شكي خاصة انه مش في نفس بلدي يعني مسافر يشتغل خاصة بعد ما كان بيقارن بطريقة مباشرة نبهته بقا بيقارن بطريقة غير مباشرة نبهته بقى بيشكر في بنات تانيه بس نادر ما يشكر وبتكون ذلة لسان ويقعد يعتذر لكن مش حاسه ان ده حاجه كويسة مش مرتاحة له اعمل ايه بجد ومفيش حد في البيت شايفه وحش كله حابه

Accepted Answer

معلش يا حبيبتي بس مش هينفع تضيعي حياتك عشان خاطر اهلك....هو لما انتي تكتشفي شخصيته الحقيقية في الآخر بعد الجواز أهلك هينفعوكي فى ايه ؟! أنا ماما عملت كدة مع بابا وبالذات إن ستي كانت خايبة ومكنتش بتعرف تفرق بين الحلو والوحش راحت شافت بابا بيصلي راحت خطبته لماما وعلي هذا الحال وماما اكتشفت بعدين إن هو شخصية نرجسية وحتي إحنا كأولاده بنعاني معاه ...وعلفكرة ماما كانت عرفت في فترة الخطوبة حقيقته ولكن ستي قلتلها هتشمتي الناس فيا وبدأت تضغط عليها ولحد الآن ماما زعلانة ولكن أنا بحاول أصبرها بإن ده إبتلاءها ومش هينفع نعترض على قضاء ربنا وهي راضية الحمدلله ولكن ادعولها بالصبر والثبات بالله عليكم ....فرسالتي ليكي رغم صغر سني عندي 16 سنه اعتبريني اختك الصغيرة الناصحة ليكي ...رسالتي ليكي إن القلب بيحس بالخطر وعشان كدة يمكن تكوني مش حاسة بالأمان والاستقرار مع فكرة خطيبك ده بالذات إن فترة الخطوبة طولت.... أولاً استخيري ربنا بعدين إدعي ربنا بهداية أهلك للخير ويهديهم للصح ولفعل ما في مصلحتك بعدين إقرأي سورة البقرة كاملة كل يوم ويفضل بعد صلاة الفجر ولو حاساها طويلة ممكن تقرأي صفحه واحدة كل يوم لحد ما تحسي أن الكمية صغيرة وتبدأي تزودي الصفحات وهكذا يعني أنا بحاول أبسطهالك قدر الإمكان وتلتزمي بقراءة الأذكار الصباحية والمسائية كل يوم وتاج الذكر والصلاة الإبراهيمية لأن التلاتة اللي أنا قولتهم دول مفتاح كل كرب والله والله بإذن الله هتنفعك ومفيش حاجة بتقرب من ربنا إلا وكانت سبيل الخير بإذن الله والشيخ الشعراوي رحمة الله عليه كان بيقول إن ربنا ساعات بيخلي الإنسان زعلان ولا مهموم ولا تعبان ولا بيبتليه عشان بس يقربه ليه أكتر فتخيلي لما تقربي من ربنا فأكيد مش هيردك فاضية وعندك برضو صلاة قضاء الحاجه دي خطيرة ركعتين أول ركعة سورة الإخلاص تاني ركعة سورة الكافرون أو العكس مش فاكرة الصراحة.....دعاءها لا اله إلا الله الحليم الكريم سبحان الله رب العرش العظيم الحمد لله رب العالمين اللهم لا تجعل لي ذنباً إلا غفرته ولا هماً إلا فرجته ولا حاجة لي هي لك رضا إلا وقضيتها لي يارب العالمين..وتقولي الدعاء وياريت تصلي على النبي عليه الصلاة والسلام الأول بعدين تستغفري ربنا كتير لأن ساعات العائق للدعاء هو ذنب مفيش مش معروف ....وتقولي الدعاء وياريت تبدأي بالصلاة على سيدنا محمد والختام بيها لأن مش فاكره هو حديث ولا لأ ولكن مافيش حاة جت ما بين الصلاتين وهتترد يعني ربنا بيستحيي يقبل الصلاة على سيدنا محمد ويرفض دعوتك .......أسفة على التطويل ولكن أرجو كل من يقرأ تعليقي أن يدعو لهذه الفتاة هذا الدعاء دعوة 40 غريب مستجابه لن يأخذ من وقتكم كثيراً .......... بسم الله الرحمن الرحيم أسأل الله العظيم رب العرش العظيم أن يهديك للخير وأن يفرج همك وييسر امرك يارب العالمين يارب يهدي أهلك للخير ويهديهم لما يصح ويكون في مصلحتك يارب ويكشف حقيقة خطيبك أياً كانت لأهلك لكي يطمئنوا بالحقيقة يارب العالمين يارب يرزقك الزوج الصالح التقي النقي الطاهر الذي يخشي الله فيكي عاجلا غير آجل يا أختي يارب العالمين .....أسفة علي كلامي الكتير ولكن أرجو أن تتقبلي من أختك الصغيرة هذا الكلام 💖🥰

Answer

مرفوض بلا تردد بيعمل إسقاط وغامض مبيجاوبش على الأسئلة و بتحسيه روبوت دي مؤشرات خطيرة ان هو فعلا روبوت معندوش مشاعر وبيظهر ما لا يبطن لأنه لو كان طبيعي وصريح كان هيجاوب على اي اسئلة بعفوية وهو بيتجوز من بلد غير بلده يمكن عشان سمعته سيئة في بلده وأنه بيشكر في بنات تانية فده من أساليب التلاعب عند الشخصيات السامة أو حتى النرجسية يعني بالعربي بيتلاعب بيكي ومتصدقيش ان دي زلة مش معقول ان انا قاعد مع خطيبتي وبالغلط اشكر في بنت تانية لا والموضوع يتكرر !!! دي مجرد بهارات لأساليب وتقنيات التلاعب اللي عنده ......... الحذر كل الحذر لأن هو انكشف بسبب انك طولتي معاه لمدة سنة ... الشخصيات دي بتبقا جميلة وساحرة في البدايات بس بتنكشف مع الوقت / وميغركيش كثر اعتذاراته وكثر المشاعر والحب اللي بتصدر منه هو حاليا فاكر نفسه ذكي وضحك عالعائلة بالكامل ........

Answer

أهلاً حبيبتي — شكراً إنك فتحتي قلبك وشاركتيني حسّك. واضح إن الموضوع مزعجك جداً وبتحسي بقلق وعدم راحة مستمر، وده شيء لازم تأخديه بجد قبل الزواج. هكتب لك خطوات عملية واضحة تساعدك تقيّمي الموقف وتتصرفي بحكمة وإنصاف لنفسك. أولاً — فرق بين الشك الداخلي والإشارات الحقيقية - ممكن الشك يكون نابع من قلق داخلي أو تجربة سابقة، وممكن يكون رد فعل لسلوكيات فعلية من خطيبك. مهم تفرقي بين: هل عندك دلائل وسلوكيات متكررة تخليكي تشكين (تجنب الصراحة، مقارنة متكررة، مدح فتيات آخرين بطريقة مزعجة، لا يرد على أسئلة بسيطة) أم أن الشك قرّبك من مخاوف شخصية؟ - سجّلي أمثلة ملموسة (متى حصل كل شيء، ماذا قيل، كيف ردّ هو). هذا هيخلي النقاش موضوعي بدل ما يفضل شعور عام. ثانياً — احكي له بصراحة وبحزم (وبـ "أنا" بدل اتهام) - اختاري وقت هادي ومناسب، وبلاش مواجهة عن طريق الرسائل في لحظة غضب. قولي مثلاً: "أنا بحسّ بعدم ارتياح لما ما تردش على أسئلة بسيطة، ولما تقارن أو تمدح بنات تانيين. ده بيخليني مش مطمئنة. محتاجة أفهم السبب وكيف ممكن نتعامل معاه." - استخدمي أمثلة محددة بدل تعميمات. اطلبِ منه توضيح: ليه بيقارن؟ ليه أحياناً يمدح بنات؟ وهل في حاجة مضايقاه أو خايف منها؟ ثالثاً — حددي حدودك وتوقعي تغيير محدد - وضحي اللي تقبليه واللي مش مقبول بالنسبة لك: التواصل بانتظام، احترامك، عدم المقارنة، صدق وصراحة. - اقترحي خطوات عملية لبناء الثقة: زي مشاركة مواعيد مهمة، وضوح في الرد على أسئلة أساسية. - اتفقي معاه على فترة تجربة (مثلاً شهرين) وتشوفي هل فيه تغيير حقيقي أم لا. رابعاً — راقبي ردة فعله - لو استجاب بصدق، اعتذر وصار يغير سلوكياته، ده شيء مشجع لكن خدي وقت لمراقبة الاتساق. - لو تحوّل للدفاعية الشديدة، للتقليل من مشاعرك، أو رفض يتغير، فده علامة مهمة إن فيه مشكلة في الاحترام أو النوايا. خامساً — لو استمر الشعور بعدم الراحة - تذكري: الإسلام يعلّم أن السكينة والاطمئنان جزء مهم من الزواج. لو مفيش طمأنينة قبل العقد، مش من الحكمة التسرع. - لديكي حق تحمي نفسك وتفكري في إرجاء أو إلغاء الخطوبة إذا ما حصلش تغيير واضح ومستمر. سادساً — استشارة متخصصة - لو حابة، ممكن تلعبي دور الحذر، وتطلبي جلسة استشارية قبل الزواج (استشارة نفسية أو استشارات زوجية/شرعية). خلاصة سريعة: - لا تتجاهلي إحساسك. حاولي تكوني موضوعية: سجّلي أمثلة، تكلمي معاه بصراحة، حطي حدود واضحة، اعطِ فرصة للتغيير، وراقبي الاستجابة. ولو لم يتحسن، فكّري بإنهاء الخطوبة. ديننا يرضي بالوضوح والطمأنينة في الحياة الزوجية. لو حابة استشارات متخصصة تلاقيهم هنا: https://www.fedni.net/experts وبإمكانك تبحثي على فدني عن أسئلة وتجارب مشابهة علشان تاخدي رؤى إضافية.

ماذا أفعل مع شعوري بعدم الراحة تجاه خطيبي؟

اجتماعية

نفسية

علاقات

سؤال من احد أعضاء فدني

تم النشر الخميس، ٢٧ نوفمبر ٢٠٢٥

3 إجابة

9 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك