حابه اول حاجه اني احيكي وجدا كمان .. انتي بالرغم من صغر سنك الا انك واعية جدا ما شاء الله عليكي .. أول حاجه بالنسبة لتوبة ربنا .. متقلقيش طالما من جواكي عارفه ان ده غلط وبعدتي عن الغلط ده ف متقلقيش توبتك مقبولة باذن الله. تاني حاجه .. برافو عليكي انك قولتي ف جملة ف كلامك ما انا برضه مهما كان الشخص ف انا برضه معرفوش ف مضمنش .. بالظبط انتي متعرفيش الشخص ده ف حبتيه ازاي؟ اللي حصل معاكي انك بس حبيتي الكلام معاه، وحبيتي الاهتمام .. فيه فرق من ان الواحد يحب الحالة نفسها اللي هو عايشها .. وفرق من انه يحب الشخص .. وحب الشخص ده حاجه تانية خالص. لكن في حالتك انتي حبتي الحالة اللي انتي عايشاها وحبيتي الكلام واتعلقتي شوية .. فقط لا غير ف لما سبتيه حسيتي ان قد ايه فيه حاجه اختفت من حياتك، حاجه انتي اتعودتي عليها طبيعي انك تضايقي، وتحسي انك فقدتي حاجه في حياتك، ف ده اللي مخليكي بس تقولي انك حبتيه .. بس في الاصل ده مش حب. الموضوع عامل زي اللي متعود على الساجير او القهوة .. اول ما تبطلي القهوة اللي كنتي بتشربيها كل يوم لعدة سنوات او اشهر هتلاقي نفسك مضايقة ومتعلقة بيها اوي .. وعايزة ترجعي ليها .. فقط فهو مش حب اطمني. تاني حاجه .. وهي الصور، يعني لو قولنا ان ف 2ث اللي هيكون بيكلمك ده برضه مراهق .. مش شخص راشد يعني علشان حتى نفكر في كلامه .. مش تقليل منه .. ولكن السن بيفرق برضه، ف ده ع الاغلب هيكون بيتسلى، او بيعوض حالة الحب اللي كان عايشها قبل كده بيكي .. ده طبعا ع افتراض انه صادق .. لاني مش عارفه هو اللي بيقوله ده صح ولا غلط .. بيكدب ولا لا علشان يكسب تعاطفك .. وده اللي عمله بالظبط . لو كان شخص كويس مكانش كل شوية يطلب منك صور، ويكلمك ... يعني هدف الموضوع ده كله ايه ف الاخر؟ ف اتمنى متثقيش ف شخص متعرفهوش تاني .. ثم انه بيقولك انتي مش بتثقي فيا، ما هو طبيعي متثقيش فيه (اللي هو انا اعرفك منين اصلا علشان ادي ليك الثقة)!! منطقي بالنسبة للرقم .. ف اللي عملتيه صح بكليه من كل حته واي حته يدخل منها لحد ما يزهق .. ولو الموضوع بقى بايخ وتكرر اي من مرة .. بلغي عن الرقم ومتخافيش انتي متضررة .. ومعاكي كل الحق ف اوعي تخافي. اتمنى ليكي السلامة
العفو يا جميل .. انتي اجمل 💜 بصي متقلقيش هو احتمال كبير الرقم نفسه متبلغ عليه كتير قبل كده علشان كده بيطلع ليكي سبام. ف انتي بلغي عليه كمان. والموضوع مفهوش ضرر باذن الله
تم النشر الأحد، ٦ أغسطس ٢٠٢٣
شكرا كلام حضرتك جميل جدا بجد أنا كنت مبلكاه بقالى اسبوعين لسه فاكر يكلمنى امبارح لكن الحمد لله محاولش يكلمنى النهارده وإن شاء الله يتناسى ويركز على نفسه وميحاولش يتصل تانى أو يتواصل معايا بأى شكل بس الرقم اللى كان متصل منه امبارح اكتشف النهارده من على تركولار أنه spam وفيه علامه حمره كدا هل دا فيه ضرر ولا لا للفون عشان خايفه
تم النشر السبت، ٥ أغسطس ٢٠٢٣
لعرض الإجابة في فدني اضغط هنا