بصي كويس انك اعترفتي دلوقتي بقى عيشي ايامك تاني أحسن من الأول انا واثق انك عرفتي قيمة الأيام الحلوة بين أهلك بعد اللي حصل انت هتعملي الآتي هتنسي الراجل دا تماما ولا كأنك تعرفيه قبل كده ولو قابلك في حتة ولا تعبري ببصلة حاول يكلمك اعملي نفسك طرشة وياريت متديلوش اهتمام ولا تقعدي تفكري فيه تاني لأن الموضوع ادام اتعرف مستحيل تتجوزوا انسي كل حاجة وحشة حتى النظرات من أهلك والنظرات من الناس حاولي متعمليش مشاكل الفترة الجاية متزعقيش مع حد ولا تشتمي بصي بقى الصلاة الصلاة الصلاة اهم حاجة صلي وادعي أن ربنا يغفر لك ويتوب عليك ويسامحك ورزقك الراجل الحلال فعلا وزيادة كلنا بنغلط واهم حاجة متكررش تاني ولو باباك هيجوزك لواحد مش كويس ياريت ترفضي هيقولك حطيت راسنا في التراب والكلام ده قوليلو انك عايزة تتجوزي جوازة كويسة وانك مكنتيش فاهمة اوي وانك عايزة تعيشي كويسة في المستقبل وانك ندمانه عاللي حصل ومش هيتكرر وياريت متسيبيش الغلطة دي تدمرلك حياتك هو ميستاهلش
شكرا ليك بجد على إنك أخدت من وقتك ورديت… وجود حد يحاول يقول كلمة طيبة أو نصيحة من وجهة نظره دايما حاجه أنا باقدرها أنا عارفة إن كل واحد بيحكي ويتكلم على قد اللي فاهمه أو شايفه وعشان كده مقدرة كلامك الموضوع بالنسبالي أعمق شوية من اللي بيبان في بوست وفي مشاعر وتفاصيل كتير مش سهل تتشرح. بس وجود كلمة دعم حتي لو بسيطة بيهون أوقات كتير. فبجد بشكرك على رأيك واهتمامك وربنا يديك دايما حكمة وراحة قلب ويدي كل واحد فينا قدرة يعدي الصعب بسلام وهدوء
تم النشر الجمعة، ٧ نوفمبر ٢٠٢٥
لعرض الإجابة في فدني اضغط هنا