يا أخت انتي متعرفيش والدتك مرت بإيه في ماضيها اعتقد انها كانت إبنه لنرجسي سيكوباثي وحش شرس انسان جبار في الأرض ... في بشر مرعبين شياطين زي السفاحين مبيعرفوش الرحمة ... الله اعلم يمكن عاشت الألم والرعب ................ الحياة مع نرجسي مفيش رحمة ٢٤ ساعة من الجحيم زي حال الفلسطينيين وجنود الصهاينة هي طفلة بتشوف قدامها شخص ضخم ومرعب زي الكلب مصعور فهل لو هجم عليك ممكن يرحمك ؟ .... مع النرجسي بتعيش في توتر دائم كأنك في حرب متعرفش امتى هتتلطش على وجهك ولا امتى هتنطعن بأبشع الشتائم ولا في أي لحظة ممكن يهجم عليك باللكمات .. فتخيلي ده حياتها كلها كل يوم ... ده كابوس تخيل انك طفل مقفول عليك الباب وقدامك ثور هايج عمال بينطح فيك لا تقدر تهرب ولا تقدر تدافع عن نفسك .. منبع الاضطرابات .................. فهي اتربت واتبرمجت على كده وده تفسير من تصرفاتها الخوف : واضح بسبب شراسة المؤذي عدم تحمل المسؤولية والأحلام والعشوائية : هروب من الواقع المؤلم والرعب اللي كان في واقعها فكونت عالم خيالي تعيش فيه لأن عالمها الحقيقي صادم فهي سرحانة في عالمها القروض : المشاعر الجياشة والعاطفة الزائدة (بسبب صخب الخيال) + تأنيب الضمير (بسبب انها عاشت عمرها في أذى فحاسة انها اتأذت لأنها غلطانة فشعور دائم بالتقصير في حق الفقراء) + ضعف الشخصية (فبتقدم مصلحة الناس على نفسها) مش بتتعلم من الغلط : لأنها مش معترفة بالغلط فهي مطعونة نفسيا ومهدومة ومجروحة فمتستحملش أدنى نقد أو اعتراف بالخطأ الكذب : من الخوف اتعودت على الكذب في طفولتها لتجنب العنف المشاكل مع والدك : هي اتولدت في أشبه بالحرب فمبتستوعبش ان في حياة ممكن الناس يبقو فيها قاعدين طبيعي وهاديين ... فالمشاكل هي اتعودت عليها ... زي ما مثلا أميل اني اكل اكل معين مع انه ارخص لاكن انا مش برتاح الا معاه ... كذلك هي متعرفش تقعد هادية .... بالإضافة إلى أن ممكن هرموناتها ودماغها لسة في وضعية الكر والفر الشخصية الطفولية : هي نوع من العفوية لتخفيف اكتئاب داخلي .. زي مثل اقعدا اهبل واضحك مش عشان انا سعيد لا عشان عايز اي حاجة تخفف عني النوم : وسيلة هروب من الواقع الروح الحلوة : عندها خيال واسع كونته كوسيلة هروب من الواقع فالخيال الواسع سبب للكوميديا لكن ده ميمنعش ان جواها عذاب مرات تحسسك انك بنتها ومرات انها مش مهتمة : ده مرتبط بتقلبات في مزاجها بسبب نظرة النرجسي .... لأن النرجسي مش بيشوف البشر درجات لا بيشوفهم يا أبيض يا أسود (وده له تفسيره والنرجسي له قصته برضو حتى هو ضحية بس ما علينا)فهي مزاجها يا حب شديد لنفسها وتحس انها ام ومربية (تحسسك انك بنتها ) ، يا كره واحباط عنيف (مش مهتمة ولا طايقة الدنيا) ................. الحذر كل الحذر انك تفتحي معاها كلام في ماضيها دول برضو عائلة ولهم سمعتهم اللي عايزين يحافظو عليها وممكن ميتقبلوش منك وممكن تغضب عليكي .. وملوش لزوم حد يعرف ايه الفايدة ؟ .. وثانيا منهم المجروحين اللي متعافوش فمش هيمشو لك الكلام ولا هيسامحو بالساهل .............. على العموم والدتك غالبا هتفضل في أحلامها ووالدك مش هيحتمل الحياة معها فقدر الله وما شاء فعل ... أحمدي الله وتقربي منه .................. وطلب مني انك تزوريها بشكل شهري وإن زدتي فخير وبركة لوجه الله ... هل ممكن تتأذي منها لو زرتيها ؟.. نعم ممكن .... ولكن احتسبي الأجر وكلها نص ساعة واطلعي ... وده هيحسسها بأن لها حد يسأل عليها
الله يفرجها عليكم جميعا
تم النشر الأربعاء، ٢٨ مايو ٢٠٢٥
دا سبب من الاسباب الي كان بيخليني التمس لها الاعذار عن شخصيتها الغير منطقيه انه ممكن فعلا طفولتها تكون بالشكل الي انت قولته ف الطبيعي تكون دي شخصيتها انت فدتني ف حاجه مهمه جدا وهو انك حطيت العذر النفسي بالتفصيل لكل مشكله واجهتها معاها ودا خلاني فعلا اعيد التفكير مره اخرى او على الاقل كل ما احس بضيق من تصرفاتها هفتكر تفسيرك للتصرف،الحمد لله انا بكلمها يوميا ف التليفون وبعد المشكله الاخيره حسيت انها تغيرت شويه فمره سالتها وقلتلها لو رجعنا مع بعض تاني هتغغيري يا ماما قالتلي هحاول اتغير عشانكم لنا مس عايزه حاجه غير اني ابقا معاكم وكانت بتقولها بصدق فعلا ودا دليل على شدة برائتها وطفولتها انها لما بتتحط ف الازمه بتدرك خطورة الوضع وبتدرك الصح من الغلط ولكن بعدك كده بتنسى ودا سبب انها بتعيد الخطا مره اخري اياً كان، اكبر مشكله كانت بتواجهني هي اني كنت دايما بحس بالذنب تجاهها وكنت بقول اكيد تصرفااتنا احنا هي السبب ف الي هي فيه واكيد عشان احنا بعيد منها هي بقت كده ولكن الحمد لله كل يوم بتدارك الوضع وبطلت الوم نفسي وبحاول اقرب اكتر منها لان بردو ف الاول كانت معتبرانا اطفال ودلوقتي ان شاءالله الامور تتحسن ونقدر نسعدها ادعو لها بالسلام النفسي
تم النشر الأربعاء، ٢٨ مايو ٢٠٢٥
لعرض الإجابة في فدني اضغط هنا