انا حبيت شخص مكنش شايفني فضلت احبه لحد ماهو كمان حبني وارتبطنا وفضلنا مع بعض وكان بيحصل مابينا الخناقات العادية بس كنت دايما انا اللي بحب اكتر لحد ماكلم اهله انه يتقدملي واهله رفضوني فهو بعد عني من غير ماحتي يعرفني ليه بعد ماعرفت فضلت سنة واكتر وانا تعبانة وبحاول معاه اننا رجع بس ف كل مرة كان بيرفضني لحد مافيه شخص كان بيحبني من سنين اتقدملي وافقت بعد زن من اهلي واصحابي بس ف كل مرة كنت بشوف الشخص التاني مش قادره اشوف خطيبي فقررت ان افركش الخطوبه لقيتني ببعت للشخص اللي كنت بحبه واقوله اني محتاجة اتكلم معاه كلمني وبعدها قال انه لسة بيحبني بس هو مرتبط اتفقنا ان هو هيبعد عن البنت اللي مرتبطة بيها لانه مش بيحبها وانا هفركش خطوبتي بعدها انا حصلتلي مشاكل ف البيت بسبب القرار ده بس كنت بقوله كل اللي بيحصل ف نفس الوقت اللي انا بتبهدل فيه هو عايش حياته عادي ولسة مع البنت وبيكلمها وبيخرج معاها والمسمي انه بيحبني لحد ما اللي ف البيت قرروا انهم هيحددوا كتب كتابي انا عملت مشكلة وبرضو حكتله قالي لا كده كفاية انا مش عاوزك وهخطب طيب وانا لا خلاص الموضوع خلص ف الوقت اللي انا تعبانة وبموت من الخناقات هو قرر انه يخطب ويسيبني مش عارفه ولا قادره اتخطاه وانساه جوايا امل ان ادعي ربنا يكون ليا ف نفس الوقت نفسي صعبانة عليا حقيقي تعبانة وتايهة
ربنا بيسترها معاكى وبينقذك وانتى مصممه انتى مش بس بتعاندى نفسك وبتضحكى عليها انتى بتعاندى كل اللى ربنا بيعملهولك عشان متقعيش فى خطر وبتدعى بردوا بالشخص اللى مش خير ليكى اقعدى مع نفسك واحمدى ربنا على نعمته عليكى واتقى الله فى نفسك اولا وفى اللى حواليكى اللى بيحبوكى انتى مش محتاجة نصايح انتى محتاجة نور بصيرة عشان الدنيا مضلمة اوى عندك ومش شايفة انك نزلتى الترعة وفاكراه البحر
تم النشر الاثنين، ١١ سبتمبر ٢٠٢٣
بصراحه من غير ما اكمل المشكلة وانا عارفه انه هيعمل كده .. لان الموضوع واضح وضوح الشمس من الاول ... واحد وبعد حتى ومحترمش اساسا انه كان مرتبط بيكي، وقال اا هبعد علشان كذا .. يعني حتى في ديه هو انسان مش شجاع كفاية انه يقف قدامك ويقولك اللي حصل. ف انتي متوقعة منه انه يرجعلك؟ اكيد لا ده اصلا اذا كان هو كان صادق معاكي؟ يعني ممكن حوار اهله ده كان كدبة من البداية اساسا! ولو نفترض ان اهله رفضوكي، ازاي هيقبلوكي بعد كده برضه؟ المفروض الشخص ده تقطعي علاقتك بيه نهائي .. ولا تكلميه ولا تعملي له حاجه. اعملي بلوك له من كل ناحيه. واللي يبيعك بعيه، مكانش ينفع تتحايلي عليه سنة كامله علشان يرجعلك، ما عنه رجع! مينفعش تمسكي في حد هو اساسا بايعك وكمان مكانش عنده الشجاعة انه يقولها ليكي. ف من فضلك بلاش تنزلي من كرامتك اكتر من كده. علشان شخص ميستاهلش اساسا.
تم النشر الأحد، ١٠ سبتمبر ٢٠٢٣
انا برأيي تحاولي تنسي اللي فات لان اللي فات مات وانا عارفه أن هيبقي صعب عليكي نسيانه ولكن انتي حاولي تنسيه وترضي باللي كتبهولك ربنا وكما يقولون من رضي بقضاء الله أرضاه الله بجميل قدره وقوله تعالى"وعسي أن تكرهوا شيئا وهو خير لكم وعسي أن تحبوا شيئا وهو شر لكم"
تم النشر الأحد، ١٠ سبتمبر ٢٠٢٣
صراحة الموقف دا يحزن بجد وللاسف دي مرحلة عيشتيها ومش حترجع ف هلق الحل انك تراحعي نفسك وتتسي الماضي وتعيشي باقي حياتك مع الشخص الي اختاروه اهلك يمكن يكون احسن من الي بتحبيه وعفكرة هو حقير يعني بحركاته بس برضو مننكرش انو سبب رفضه هو اهله ما بدهم اياكي وانتي كان المفروض خلص تسيبيه بس هلق خلص مش حنرجع الماضي ولا الزمن حيعيد .. ف انتي اعتبري نفسك برواية وهاد فصل من روايتك ف لازم تفصلي بين هاد الفصل والفصل يلي جاي لهيك بدك تقلبي حياتك هلق لافضل واحلى وتتعلمي من يلي فات.. اذا قدرتي تنسي حلو بس اكيد صعب لهيك بدك تتعلمي وتيجي على نفسك وتكوني شخصية افضل من شخصية امبارح يلي كنتي عليها.. وفكري بعقلك وحطي قلبك على جنبك هالفترة خلي قلبك لخطيبك وبس. تمام. ربنا يكون معك ويقوي قلبك وعقلك.
تم النشر الأحد، ١٠ سبتمبر ٢٠٢٣
الارتباط حرام اصلا لازم تتوبي وارجعي لربنا عشان ترتاحي
تم النشر الأحد، ١٠ سبتمبر ٢٠٢٣
لعرض السؤال في فدني اضغط هنا