اول مره يجيلي فضول اتجاه شخص وادخل اشوف كل الاسأله بس انت بتعانى كتير جدا جدا فى حياتك ورغم كده مصمم تختار قرارات غلط اول حاجه بالنسبه لموضوع اهلك انت ملكش اى ذنب فى اى حاجه ليها علاقه بأهلك تماماً كل واحد بيتحمل نتيجة اخطاؤه ، انا دايما عندى وجهة نظر مقتنعه بيها فى حياتى ومريحانى جدا من التفكير وهى ان ربنا بيعطى كل واحد رزقو فى حاجه مختلفه فى الي واحد حياتو عذاب وصحابو منافقين ولكن ربنا اكرمه بأهل كويسين وفى الي ربنا اكرمه بعد وقت كبير من معاشرة ناس منافقه بزوجه واولاد يعوضوه للاسف الواحد مش بيعرف رزقه فين غير لما ربنا يكرمه بحاجه تعوضو عن الي فات يمكن رزقك مش ف أهلك أو دول نقطه فى حياتك تخليك على يقين أن ربنا هيعوضك لفتنى جملة انك اصبحت شخص عندو شخصيه عنيفه نتيجه التعذيب النفسي من والدك وده طبعا هيطلع علي المجمتع وعلاقتك بالناس والحقيقه انك محتاج تغير نفسيتك وتبقي شخص بيفكر قبل ما ياخد قرارات عشان حياتك تتحسن بدل ما تخلي إهانة والدك فى الطفوله حاجه تخليك شخص عنيف خليك طيب هتلاقي حد يحبك ويقدرك الطيبه هى الي بتستمر مش العنف والأذى وربنا يكرمك وتحط كل المشاعر الي اتحرمت منها فى ولادك انت اتحرمط من الحنان ومعنى الحضن والدفا إن شاءالله ربنا يكرمك بعيله انت تختارها بنفسك اعرف اخطاء أهلك واتعلم منها ربنا هيجبر بخاطرك كمان بالنسبه للبنت إلى انت كنت بتحبها أو مازلت انتوا كنتوا فتره فى حياه بعض ، حضرتك من كلامك بتمر بمعاناة كبيره جدا مينفعش تسيب كل حاجه مؤذيه فى حياتك وتركز مع البنت والله انا عارفه انها مهمه فى حياتك لكن هل حضرتك هتعرف تكمل معاها وانت لسه معالجتش صدمات الطفوله أو التفكير الزائد الي عندك ؟ الي هيحصل انك هتطلع انفعالك عليها ازاى عاوز تدخل فى علاقه حب وانت لسه موصلتش للسلام النفسي ؟ انا من رأى تقولها انك محتاج تراجع نفسك وتعالج نفسك داخلياً عشان تقدر تكمل حياتك يعنى حضرتك ميكونش عندك مشاكل كتير وتركز فى الحب والله ما اقصد حاجه بس هو الموضوع ترتيب أولويات مش اكتر بالنسبه لأهلك ف فى مقوله بتقول ( لا يشفي الإنسان فى نفس البيئه الي جعلته مريضاً) يعنى مستحيل حضرتك تتغلب علي صدمات الطفوله وانت عايش معاهم لو انت عايش ف بيت لوحدك هيكون احسن من انك تعيش مع ناس بتدمرك وهنا مش لازم تبعد عنهم بمعنى انك تقطع صلة الرحم لا بس لازم تتصل عليهم كل فتره تسألهم والله هما حبوا التواصل معاك كويس ولو رفضوك تكون انت بينك وبين ربنا عملت الي عليك ف كل واحد هيتسأل قدام ربنا عن صلة الرحم وسمعت قبل كده حد بيشتكى من أذى اخواته ليه وسأل شيخ قال ليه أن مينفعش يقطع صلة الرحم لكن علي الاقل لو شافو ف مكان يسلم عليه ف السلام لله أولاً ف مش لازم تفضل تتعامل مع ابوك وانت عارف بيأذيك انت كده بترجع نفسك لنقطة الصفر اتعامل معاه فى الضروره يعنى حاول تكلموا تسأل عليه لكن لما تكون عارف ان هو هيخليك انسان عنيف ومؤذى مينفعش ابدا تعيش معاه ، طيب كده اتكلمنا ف كام نقطه اهم نقطه بقا موضوع الصدمات وغيرها الصدمات فى الطفوله هى اكتر حاجه لو متعالجتش بتدمرك بص انا بالنسبالي الموضوع لازم يبدأ من جواك انت ممكن تروح لدكتور نفساني ومتلاقيش نتيجه لانك مش عارف تعالج نفسك أو تساعد نفسك بالنسبه المعالجه حاول كل يوم تقرأ صفحه واحده من القرآن أو حتى ايه واحده ربنا يكرمك وصلي كتير وداوم علي الصلاه مهما كان يومك متعب وكمان الدكاتره النفسيين دلوقتى بقوا علي النت يعنى اى مشكله بتواجهها تقدر تبحث عن علاجها وتستعين بالله عشان يساعدك اكتر واكتر كمان انصحك جدا جدا تسمع مصطفى حسني أو اى شيخ بيتكلم فى الدين مع العلم النفسي وكمان حاول قبل ما تنام تسمع قران وبالنسبه انك مبقتش عارف تنام انصحك تسمع شيخ اسمو عبدالرحمن مسعد ، وفى كمان شيخ اسمو ياسر الدوسري كمان شغل اى سوره واسمعها هتدخل فى سكينه وتنام ، ✨كمان عوزاك تركز بس فى دول علاقتك بربنا ، علاجك النفسي ، شغلك واعمل فلوس متحتجش لحد ،✨ هتلاقي صحابك واى حد هو الي بيجيلك وركز فى هم جدااااااا✨✨✨✨✨✨✨ واهم حاجه الحب مش كفايه انت محتاج تحط كل مشاعرك مع حد يعرف يكمل معاه حياتك ويخليك تكون اسره تحقق فيها كل حاجه تخيل نفسك مع واحده بتحبها بس انتوا مش قد فكرة انكوا تكملوا وواحده تانيه حبيتها لأن عارف انها كويسه وهتقدر تخليك تكون اسره سويه وقادره تحققلك كل ما فقدته فى الطفوله وفى النهايه احب افكرك تانى أنه لا يشفي الإنسان فى نفس البيئه التى جعلته مريضاً
تمام حضرتك تقريبا كل المشاكل الي اتكلمت عنها تقريبا محلوله زى مثلا انك اعتمدت علي نفسك ومش محتاج فلوس من أهلك حتى انك مبقتش عايش معاهم ويدوبك بتسأل عليهم ايه المشكله الي مديقاك دلوقتى ؟ وبالنسبه لموضوع الاذى النفسي هل انت لسه فى نقطة الصفر ولا اتحسنت ؟
تم النشر الثلاثاء، ٢١ مايو ٢٠٢٤
انا بتعامل عادي مع باقي و للعلم احنا بعيد عن بعض بقالنا كتير لكن بوضحلك ان بكون مسيطر علي تصرفاتي اكتر بس دا بيكون تلقاني مش بمزاجي
تم النشر الثلاثاء، ٢١ مايو ٢٠٢٤
ايوه بس انت بتطلب مننا نحاول نساعدك تتغلب علي مشاكلك هتتغلب عليهم ازاى وانت دماغك معاها مش مع صدماتك النفسيه ومشاكلك انت ثم انت بتقول انا لما بكون معاها بكون مسيطر علي مشاعرى طب انت بتكون كده معاها هى بس هل الحياه ليها بس ؟ اقصد انت هتتعامل مع ناس تانيه ف لازم تكون مسيطر على مشاعرك مع كلو عشان حتى تقدر تتعامل طبيعي مع الناس لازم تبدأ بمعالجة نفسك الأول مش يمكن هى مثلا مش بتحبك هى بس شيفاك حد محتاج مساعده عشان كده واقفه جمبك ؟ عشان كده بقولك اشتغل علي انك تصلح مشاكلك انت وربنا يكتبلك انت وهى الي فيه الخير
تم النشر الثلاثاء، ٢١ مايو ٢٠٢٤
اولا البنت اللي حبيتها لما كنا مع بعض كان في سيطرة علي مشاعري و ردود فعلي بطريقة رهيبه كنت بنسي كل مشاكلي طول ما هي موجوده في حياتي لكن حاليا خسرتها بسبب ابويا ثانيا انا بتواصل مع اهلي كل فتره بس بلاقي تعاملهم و طريقة ردهم مش حلوه و مستفزه و في اوقات كنت لما بتصل عليهم كانو بيصالحوني و يعتزرو من اللي عملوه و في الآخر اكتشف ان دا كان علشان مصلحه ثالثا انا ركزت في شغلي و عمل شركة تشطيبات و كان معايا دولاب صنيعيه و موظفين في الشركة و عملت فلوس حلوه و كان سبب في دا هي البنت اللي بحبها لان طول ما هي في حياتي بيقي مش فارق معايا حاجه بس اهلي و بالذات ابويا اخد فلوسي كلها لا و كمان اتجوز بيها واحده صحبتي
تم النشر الثلاثاء، ٢١ مايو ٢٠٢٤
حبيت 👍
تم النشر الثلاثاء، ٢١ مايو ٢٠٢٤
لعرض الإجابة في فدني اضغط هنا