عاوزه احكي حاجه بس من غير حكم عليا
انا عندي بيست فرند ولد كنت مستغربه ان عمره م أعجب بيا عكس كتير ناس بتعجب بيا وعاوزين يتقدمولي ودا الوحيد اللي عمره ما فكر فيا وحبيت دا ولكن قرر انه عاوز يتقدملي وانا وافقت عشان بس عارفين بعض بعدين خطوبتنا كمان شهر ولكن هو بيرفض ان اشتغل وانا بحب الشغل بيعلق على لبسي وبدأت افصل شويه منه مش عارفه انا كنت متعلقه بيه مثلا ومكنش حب ولا من كتر اعتراضه على حاجات كتير بس مش حاسه بحماس معاه زي ماكنا صحاب وبتكلم قليل وممكن أعجب بشكل او اسلوب حد تاني وانا مش عاوزه كده عشان هو حنين في حقي بس تعبت من كلمه لا دي اعمل اي اكمل ولا لا
قبل أي شيء عايز اعرفك أو بمعنى اصح افكرك لانك أكيد عارفه، مفيش حاجة اسمها بيست فرند ولد أو صاحبي ولد أو اخوياااا اللي لا هو من ابويا و امي و هو ولد أي مسمى مشابة لكده "غلط و حرام" التعامل دائماً و أبدأ بيكون بحدود شديدة جداً بين الطرفين و عند الضرورة فقط. طيب بالنسبة لنقطة أنو اتقدملك، مرحلة الخطوبة ما هيا إلا وعد علني قدام الكل بأنوا ناوي و هيسعى لأنه يرتبط بيكي في الحلال (زواج)، و في أثناء تلك الفترة مفيش حاجة اسمها هو يقولك تعملي إى أو متعمليش إى بصيغة الأمر هو ممكن يحاول يتكلم معاكي و ينصحك، لكن ملهوش أبدأ يفرض رأيه عليكي "أبدا" حتى لو هو شايف أنك مش مقتنعة و الموضوع يستدعي وقفة ميكنش كلامه معاكي يكون كلامه مع الولي عليكي "الوالد أو الأخ الأكبر"، فمفيش حاجة اسمها كده. بالنسبة لنقطة أنك بدأتي تفصلي منه، طبيعي جداً أنك تفصلي منه خصوصاً أنو خلاص شايف نفسه دلوقتي أنو من حقه يتكلم معاكي في اللبس و يقولك إى مناسب له هو (اتفقنا فوق أنو ملوش فرض الرأي)، ولكن ده كله يشوفه هو براحته مفيش حاجة اسمها كده لو عنده اعتراض ممكن يتكلم مع الوالي عليكي"الوالد أو الأخ الأكبر" غير كده لازم توقفيه عند حده. نيجي بقى لنقطة خطيرة، ألا و هي "أنا ممكن يعجبني حد تاني"، فعلا معاكي حق ممكن تقابلي شاب تاني و تعجبي بيه، طبيعي جداً أصل ديه الحياة كل يوم بنشوف ناس جديدة و وشوش جديدة فأكيد هنعجب بشكل ده و هنضحك مع ده علشان نكته قالها، طبيعي جداً، ولكن اللي مش طبيعي أنك تكملي مع الإعجاب ده، الحلال صعب لكن اللي عايزك و شاريكي هيجيلك من باب بيتك مش من باب الصحوبية و الأخوية، مفيش حاجة اسمها كده ربنا قالنا نفس التحذير اللي قاله لأبونا و أمنا حواء في الجنة ولا تقربا و قالنا ولا تقربوا لأنك مجرد ما تقرب هتغلط و هتزعل و هتودي نفسك في مصائب، و الحمد لله مع ذلك كلنا بنقرب و بنطلب الغفران وقت ما ندرك غلطنا. نصيحتي ليكي أنك تقطعي معاه كلام نهائي لحد لما يجي يتقدم و تفهميه إن مبقاش في صحوبية خلاص، و لما يجي يتقدملك ساعتها بقى نخش في الجد و نركز في المهم في فترة الخطوبة علشان نعرف إذا كان هنعرف نستحمل الشخص اللي قدمنا ولا لأ، ولازم تعرفي كل شخص فيه عيوب ولكل واحد فينا طاقة و استيعاب لعيوب معينه و أنتي من نفسك هتعرفي تحددي مين عيوبه تناسبك و مين لأ و بعد ما تحددي تتكلمي مع الحاج و الحاجة و تشاوري أمرك معاهم و اللي فيه الخير يقدمه ربنا. و كمان مش بس تقطعي كلام معاه هو لأ مع إى حد بتقولي على نفس المسمى (صاحبي، اخويا، بيست فرند و إلى آخره...)، لأن اللي حصل معاه هيحصل مع غيره لأن مفيش علاقة بتنشأ بين ولد و بنت إلا ما بتكون فيها مشاعر مهما كانت طبيعة العلاقة و قبل ما أصلاً نوصل للمشاعر فهي "حرام"،و ده مفيهوش نقاش لأنها صريحة في الدين (ده مش تشدد و تقدري تبحثي بنفسك)، و صدقيني أنت بس بتحرقي في نفسك بالبطيء لما بتخلي لنفسك صاحب ولد و كمان بتحرقي مشاعر غيرك بالبطيء. وبس أتمنى يكون في إفادة....
تم النشر الاثنين، ١٩ أكتوبر ٢٠٢٦
نعم، المشاعر بتتغير مع الوقت، وده أمر طبيعي جدًا، خاصة لما بننتقل من مرحلة الصداقة لمرحلة الخطوبة والزواج. اللي كنتِ بتحسي بيه كصداقة ممكن يتطور أو يتغير لما تظهر التوقعات والالتزامات الجديدة، وده مش عيب فيكِ ولا فيه. من كلامك، واضح إنكِ كنتِ مرتاحة معاه كصديق، وده خلّاكِ تقدري الجانب ده فيه، لكن دلوقتي فيه اختلافات جوهرية زي رفضه لشغلك وتعليقاته على لبسك، وده بيخلّيكِ تحسي بالمسافة وقلة الحماس. الزواج مش مجرد معرفة سابقة، ده شراكة فيها احترام متبادل ورؤية مشتركة للحياة. لو هو بيحاول يتحكم في جوانب مهمة زي شغلك، ده ممكن يأثر على سعادتكِ على المدى الطويل، حتى لو كان حنين في جوانب تانية. خدي وقتكِ دلوقتي قبل الخطوبة عشان تفكري بهدوء: إيه اللي بيهمكِ في الشريك؟ هل الاعتراضات دي هتستمر وتزيد بعد الجواز؟ جربي تتكلمي معاه بصراحة ولطف عن مخاوفكِ، وشوفي رد فعله. لو ما قدرش يتفهم أو يتنازل، يبقى ده إشارة مهمة. كمان، صلي استخارة واستشيري حد موثوق في عائلتكِ. لو حاسة إن الحماس مش موجود والمسافة بتزيد، يبقى الأفضل تفكري في إنكِ تكملي أو لا بناءً على راحتكِ النفسية، مش بس عشان هو حنين. أنتِ مش لوحدكِ في الشعور ده، كتير بيمرّوا بتغييرات زي كده. لو عايزة تتكلمي أكتر أو توضحي حاجة، أنا هنا أسمعكِ بدون أي حكم. ولو حابة تشوفي آراء مشابهة، ابحثي عن أسئلة زي كده على فدني.
تم النشر الاثنين، ١٩ أكتوبر ٢٠٢٦
ده كده معناه إنه بيخاف عليكي وبيحافظ عليكي لأن الأصل للبنت تكون معززة مكرمة ف بيت زوجها ولبسها يكون مش ملفت وده دليل على غيرته مش تحكم....لو معملش كده يبقى دليل على عدم الإهتمام
تم النشر الاثنين، ١٩ أكتوبر ٢٠٢٦
لعرض السؤال في فدني اضغط هنا