السلام عليكم، حسب ما قرأت في تعليقاتك إنك عملتِ مقارنة وطبيعي مع المقارنات تحصل المشاكل دي. بما إن كان فيه قبول وذكرتِ محاسن كتير له وصليتِ استخارة وشايفة إن الموضوع يتيسر يبقى نفكر بواقعية ونستغل فترة الخطوبة بطريقة صحيحة في دراسة الشخص والتأكد إنه فعلًا يستحق يكون شريك حياة وتتأكدي من محاسنه ومن إن حتى عيوبه تقدري تتعاملي معها مستقبلا. *** خلال الفترة دي كمان اشتغلي على نفسك، بمعنى طوري من شخصيتك ومهاراتك وفهمك لمعنى الزواج ومسؤولياته ويا ريت تشوفي مصادر وسط وسوية تتعلمي منها حقوقك وواجباتك لأن فيه مصادر متطرفة في الناحيتين، يعني تفهمي الزواج السوي إيه بعيدا عن الذكورية المتطرفة والنسوية المتطرفة. *** فترة الخطوبة كمان لو عاوزاها تنجح اركني المشاعر على جنب وبلاش تورطي قلبك وخليها بضوابط شرعية. العواطف بتعمي العقل وبتخليكِ تتقبلي عيوب وظروف مينفعش تقبليها. فادرسيه كويس في الفترة دي وحكمي عقلك دايما. **** وإن شاء الله ربنا يكتب لك الخير ويرضيكِ به. بالتوفيق.
أنا فاهمة، قصدي بعد كده.. محدش عارف ممكن مشاعرك تتغير أو إذا كان فيه نصيب مع حد تاني غيره، في العموم يعني... ممكن القفلة المفاجأة دي تكون نفسية (عشان ظاهريا أقنعتي نفسك شوية بكلامنا بس في أعماقك لسه) أو مثلا حسد الله أعلم فأنت اشتغلي على الناحية النفسية وكمان حاولي تواظبي على الأذكار وسورة البقرة عشان لو فيه حسد أو غيره، وبالتوفيق.
تم النشر السبت، ٢ مايو ٢٠٢٦
هى الفكره كمان أن مفيش عواطف خالص ولا مشاعر ناحيته خالص ورغم أن امبارح بدأت اتقبله شويه صحيت انهارده حسه ان انا اتقفلت تانى وزهقت من الموضوع دا ،مش فرحانه مش مبسوطه خالص بقول بالوقت هحبه ولما نقرب اكتر الموضوع هيفرق بس دلوقتى حسه ان انا مقفولخ وحسه ان انا لو بعدت هرتاح بس ف نفس الوقت هو مش وحش وفيه صفات حلوه فعلا ممكن يكون صعب القيها تانى
تم النشر الجمعة، ١ مايو ٢٠٢٦
لعرض الإجابة في فدني اضغط هنا