اى سبب الملل من كل حاجه بسرعه حتى الاشخاص ..مش بحب المواضيع الطويلة مش بحب استمر في عمل حاجه لمدة طويلة غير نادرا ..مش بحب اتعرف ع ناس جديدة تجنب الرغي و الكلام و الضحك المصطنع لكن عادي بعرف أفتح مواضيع و ممكن ندخل فى نقاش طويل الحمد لله و لكن بمل بحس ان عايزة انهي الموضوع بأي شكل مهما كان حتى لو كنت هظهر مش عارفة او انا غلط مش عدم معرفة و لكن بفضل خسارة النقاش عادي لو حاجه مش كبير ..
فهل ديه مشكلة او المفرود اكون ودودة اكثر من كدا ان احيانا بكون حاده لكن بشوف ان دا اسلوبي هو كدا مش طبعي ان افتح كلام و اضحك بدون داعي لمجرد المجاملة هل كدا المفروض اغير من نفسي؟
لو كان الوضع ده عاجبك فمش محتاجه تتغيري ، لكن بما انه مسببلك ملل فكده محتاجه وقفه مع نفسك علشان تحددي الملل ده من ايه فما هو الا عرض لمرض اعمق منه ، حددي الأول سبب كرهك لأي نشاطات طويلة المدى لكن صنفيهم على حسب نشاطات حاباها و نشاطات مرغمه عليها ، الرغي و الضحك المصطنع من صفات سيئة فكرهك ليها ميزة مش عيب ، بدل ما تدوري ليه الحاجات دي مسسبة لك ملل ، اسألي ايه الحاجات اللي بتثير حماسك و زقتها هتلاقي الاجابه اللي ترضيكي ، بالتوفيق 😊
تم النشر الخميس، ١٩ مارس ٢٠٢٦
بصي مش لازم تكوني اجتماعية بزيادة أو تضحكي مجاملة عشان تبقي طبيعية. الناس أنواع، وفيه شخصيات بتهتم بالجوهر أكتر من الرغي الفاضي، وده ذكاء اجتماعي من نوع مختلف. وفكرة إنك بتملي بسرعة معناها إن عقلك بيدور على حاجة مفيدة أو حقيقية. بس عشان متخسريش فرص حلوة، حاولي تطولي بالك في الحاجات اللي ليها قيمة بس، مش في أي رغي وخلاص. و مفيش مشكلة إنك تكوني واضحة، بس خدي بالك إن فيه فرق رفيع بين الصراحة والحدة. خليكي واضحة بس بكلمتين حلوين، كده هتحافظي على شخصيتك وفي نفس الوقت مش هتحسي إنك بتيجي على نفسك. نصيحة أخيرة خليكي زي ما إنتي، بس متقفليش الباب تماماً.. سيبي فتحه صغيرة للحاجات أو الأشخاص اللي يستاهلوا فعلاً وقتك. وجد ربنا يحفظك ويسعدك
تم النشر الخميس، ١٩ مارس ٢٠٢٦
طب ايه رايك ابداء ب حاجه انتي مهتمه بيه يعني شوفي اكتر حاجه بتهتمي بيه افتحي موضوع فيه او ابداء اتعلم حاجه انتي فعلا مهته بيه حاولي تعملي حاجه جديده كمان ملل بيجي من عدم وجود شي في حياه أملي حياتك ب حاجات تحبيها علشان متزهقيش
تم النشر السبت، ٢١ مارس ٢٠٢٦
يا حبيبتي نور الحياة، أولاً أشكرك إنك شاركتيني اللي جواكِ بكل صراحة، ده يدل على وعي كبير بنفسك، وده خطوة رائعة! 😊 هل الملل ده طبيعي؟ جزئياً نعم، خاصة لو أنتِ introvert (انطوائية) زيكِ، اللي بتحبي العمق مش السطحية، وبتملي من الروتين أو الكلام المصطنع. كتير من الناس زيكِ بيحسوا كده، وده مش "عيب"، بل ممكن يكون علامة إنكِ عايزة تحديات أكبر أو معنى أعمق في حياتك. لكن لو بيأثر على علاقاتك أو إنتاجيتك، ممكن يكون إشارة لـ: إرهاق ذهني أو نقص تركيز (زي ADHD خفيف، أو ضغوط يومية). روتين ممل : الدماغ بيحتاج تنويع عشان يفرز الدوبامين (هرمون السعادة). من منظور إسلامي : ربما نقص في الاقتراب من الله، زي الذكر اليومي أو قراءة قرآن، اللي بيجدد الروح ويبعدها عن الملل (قال تعالى: {وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا}). هل دي مشكلة ومفروض تغيري نفسك؟ مش لازم تكوني "ودودة زيادة" أو تضحكي بدون داعي عشان المجاملة – كوني أصيلة، ده أسلوبك اللي بيميزكِ! الحدة أحياناً حلوة لو معاها احترام. بس لو عايزة تحسني علاقاتك، جربي دول عملياً: حددي أهداف صغيرة يومية : ابدئي حاجة جديدة لـ10 دقايق بس (زي هواية أو مشروع)، وكافئي نفسك بفضل الله. ركزي في الصلاة والذكر : صلي بتدبر، أو اقرئي صفحة قرآن يومياً – ده بيملأ الفراغ الروحي ويقلل الملل. اختاري تفاعلات ذات قيمة : ركزي على نقاشات عميقة مع ناس تشارككِ قيمكِ (مش كل الناس)، ولو مليتِ، قولي "هنكمل بعدين" بهدوء. تابعي نمطك : اكتبي يوميات لأسبوع: إيه اللي حسسك بملل وإيه اللي استمريتِ فيه؟ هتلاقي أنماط تساعدكِ. أنتِ مش محتاجة تغيري "نفسك" كلها، بس طوري اللي يخدمكِ. لو عايزة دعم أكتر، شوفي خبراء النفس في https://www.fedni.net/experts، أو ابحثي في فدني عن أسئلة مشابهة هتلاقي إجابات أكتر. أنتِ قوية وقادرة، استمري كده وهتلاقي التوازن إن شاء الله! 💪❤️
تم النشر الأربعاء، ١٨ مارس ٢٠٢٦
الحل انك تعودي نفسك علي الشعور بالملل ، الصبر او الشعور بالملل دا عضله بتقدري تنميها مع الوقت ، يعني زمان كنا ممكن نقعد نسمع مباراه ساعتين ومستمتع دلوقتي اغلب الاجيال الجديده معندهمش طاقه لدا دلوقتي ، دا بسبب الريلز ومشاهده الفيديوهات السرعه اللي مخليه المخ متعفن ومبقاش قادر يركذ اكثر من ٣٠ ثانيه وعاوز دايما حاجه تديله شوت من الدوبامين عشان يقدر يكمل يومه ، ف لازم تبعدي عن اي حاجه ليها علاقه بالفدييوز القصيره او الريلز او الفون عموما يكون احسن والله ، اسوء لحظات بعض الناس وهو لما النور يقطع ومش بيكون فيه انترنت او لما فونه يفصل ، لأنه اعتاد علي انه يكون مصدر سعادته ومش ثادر يستشعر السعاده او الانبساط ف اي حاجه تانيه غيره ، اكثر عمله نادره دلوقتي هي التركيز مش الذكاء دلوقتي اللي بيقدر يركذ ف الحاجاة اللي بيعملها هو اللي بيبقي توب ف كل حاجه
تم النشر الخميس، ١٩ مارس ٢٠٢٦
هو مش واخد تفكير + ان الملل من كل حاجه بعد عملها بوقت قصير و لكن شكرا لوقتك
تم النشر السبت، ٢١ مارس ٢٠٢٦
منيح ابحثي وكمان لازم تنامي بليل عشان هرموناتك ما تخرب
تم النشر السبت، ٢١ مارس ٢٠٢٦
شوف هو انا مش م الناس البتبقى ع السوشيل كثير و بشوف ريلز و كدا بس هبحث ماشي
تم النشر السبت، ٢١ مارس ٢٠٢٦
ادمان دوبامين سريع ابحثي عنه تعفن الدماغ
تم النشر السبت، ٢١ مارس ٢٠٢٦
الاصل هو ان البعد عن الناس غنيمه ويبخت اللي يعرف يعمل حاجز بينه وبين الناس وطالما مع الناس الغريبه خلاص مش مشكلة انا شايف من كلامك انها مشكله بسيطة متستهلش كل دا من تفكيرك وماشاء الله يعتبر محافظة علي الحد الادنى من التعامل فدا كويس فمتخليش الموضوع ياخد مساحة تفكيرك كتير لانه بسيطة ان شاء الله
تم النشر السبت، ٢١ مارس ٢٠٢٦
احيانا بيعمل حاجز و لكن مع الناس الغريبة ف مش بهتم قوي و احيانا بقصد ولكن الأشخاص الأعرفهم مش قريبين اوي بردو سلامات و ف الأعياد و هكذا مش قريبين لدرجه كلام ف مش بعرف ٱخد ع الناس بسرعه فى العموم
تم النشر السبت، ٢١ مارس ٢٠٢٦
بصي لو لقيتي اسلوبك بيعمل حاجز بينك وبين الناس مع الوقت ومع الوقت علاقاتك الاجتماعية بتقل فلازم توقفي اما لو شبكة علاقتك الاجتماعية ثابتة الناس اللي بتتعملي معاهم على نفس القدر من الحماس لما تيجي تكلميهم يبقي دا عادي ودا في حاله ان كانت المواضيع محل اهتمامك لان بتحصل كتير معايا اقعد مع ناس والاقيهم بيتكلموا في حوار تافهه او بيتكلم علي حد في غيابه فترفض الدخول في الحوار من الاساس
تم النشر السبت، ٢١ مارس ٢٠٢٦
فى اي حاله يبقى كويس و اي حالة العكس
تم النشر السبت، ٢١ مارس ٢٠٢٦
شئ كويس طالما مزدش عن حده هو كويس ولكن بحدود
تم النشر السبت، ٢١ مارس ٢٠٢٦
دي شئ كويس وكثر الكلام مش حلو
تم النشر الجمعة، ٢٠ مارس ٢٠٢٦
لعرض السؤال في فدني اضغط هنا