أنا عندي 22 سنة بعد ثانوية عامة رفضت أكمل تعليم أولًا مجموعي كان قليل جدًا وكمان أنا كان عندي أحلام وأهداف غير التعليم الأكاديمي يعني مثلًا عايزة أبني بيت مسلم فقررت أتفرغ لـ حفظ القرآن وإني أدرس علوم شرعية واتعلم حاجات تفيدني كأنثي، والموضوع الثاني أنا ما حمل أختلاط وبحب البيت جدًا جدًا حاليًا مشكلتي، أهلي شايفين نقص كبير جدًا وإن الكلية هي المقياس فـ بناءً على الكلية لما يتقدم حد أبي يقولي ما توافقي أنتِ مش معاكِ مؤهل! المشكلة إني والله مش منتظرة شخص معاه مؤهل أنا منتظرة إنسان سوي نفسيًا، بيصلي فروضة متربي فقط، لكن أغلب الـ متقدم غير كدا خالص وأبي وأخواتي شايفين إني مينفعش أتشرط حاليًا أنا منتقبة والحمدلله كل شوية بكون أعلى درجة في حياتي دالوقتي أنا بدأت تجيلي أفكار في دماغي إني بتعب وخلاص وكان المفروض أدخل كلية وإني مفيش شاب هيقبل يتزوج بنت مش معاها مؤهل إلا لو هو مش معاه،
سؤالي هل فعلًا أنا محتاجة أراجع نفسي؟
إني عايزة أكون أم وتبني بيت مسلم دا عيب؟ .
مش عايزة شغل ولا مؤهل عادي أنا عايزة أبني بيت مسلم
أنا بجد والله تعرض عليا أشتغل بس رفضت لأني مش عايزه أثبت نفسي لـ أهلي ولا لـ حد ولا عايزة أختلط
ممكن أسمع وجهة نظرك جزاكم الله خير الجزاء
السلام عليكم - بصي العيب مش فيكي للاسف العيب في المجتمع وبقي لازم كل واحد يحب يتجوز يبقي يتجوز واحدة معاه نفس المؤهل او اقل وخلينا نكون صادقين مش علشان يعرفوا يتفاهموا والكلام الفاضي اللي بنسمعه دا لاء دا علشان اهل العروسة يعرفوا يطلبوا مهر او دهب كبير بحجة انها مؤهل عالي وبالنسبة لاهل الشاب ف لازم يجيبوا عروسة زي ابنهم او اقل لكن مينفعش اعلي - هو عموما التعليم سلاح قوي للبنت والشغل كمان علشان منعرفش الحياة مخبية علينا ايه بس كمان انتي مش غلط بالعكس انتي اختيارك صح جدا وربنا يوفقك فيه ويرزقك بالزوج الصالح اللي يستاهلك - وبردو تقدري تمشي في الطريقين تكملي تعليمك وحفظك للقرآن - بالنسبة للاختلاط ف انتي اعملي شخصية لنفسك تمنع حد من انه يفكر يحتك بيكي اصلا - الموضوع محتاج منك انك تفكري كويس وتكوني متاكدة من قرارك علشان ميجيش يوم وتندمي وصلي استخارة وشوفي هتحسي ب ايه
تم النشر الأربعاء، ٨ أبريل ٢٠٢٦
بصي يا بنت الحلال من الآخر ومن قلب أخ ليكي انتي زي الفل وماشية صح الصح ومفيش في اللي قولتيه عيب واحد بالعكس دي فطرة ربنا اللي كتير من البنات دلوقتي تاهوا عنها فكرة إنك عايزة تبني بيت وتكوني أم صالحة وتتفرغي لبيتك دي أسمى رسالة في الدنيا والدين كمان فربنا سبحانه وتعالى قال وقرن في بيوتكن يعني قرارك ده له أصل وجذر في الشرع ومحدش يقدر يلومك عليه أما بخصوص خوفك إن مفيش حد يقبل بيكي فده وهم الشيطان بيرميه في طريقك عشان يخليكي تشكي في نفسك الرزق يا بنت الناس بإيد ربنا والزوج الصالح اللي بجد هو اللي بيدور على الجوهرة المستورة اللي زيك اللي فاهمة يعني إيه بيت وعيلة وسكن ومش كل الشباب بيدوروا على شهادة وشغل فيه اللي بيدور على راحة البال والدين وأهلك معاهم حق يخافوا عليكي بس ده خوف عاطفي مش معناه إنك غلط فخليكي واثقة في طريقك وكملي في حفظ قرآنك وعلومك الشرعية واستعيني بالله ومتقلقيش اللي خلقك مش هيضيعك وهيرزقك باللي يقدر قيمتك ويشيلك فوق راسه عشان إنتي اخترتي ربنا والي بيختار ربنا مبيخسرش أبدًا وافتكري دايمًا إن الرزق بييجي بالتقوى ومن يتق الله يجعل له مخرجًا ويرزقه من حيث لا يحتسب فاستبشري خير يا بطلة وربنا يوفقك للي فيه الخير وجد والله ربنا يحفظك ويسعدك 🌷
تم النشر الأربعاء، ٨ أبريل ٢٠٢٦
@أحمد سعيد نعم أنا أخذتُ القرار أهلي ضد القرار، نعم أي إنسان في الدنيا عنده أحلام في تطوير نفسه مثلًا حفظ القرآن، التفقه في الدين، تربية الأطفال تربية صحيحة وأشياء كثيرة جدًا فكرة إني عايزة أخرج من تحت إيدي أطفال يكونوا قادة محتاجة من الأم بناء وإنها تتعلم الأول دا قصدي، نعم أنا قولت مجموعي قليل بس مش معناه إني مجموعي ما جبش كليات هو جاب بس أنا رفضت واخترت إني أكمل مسيرتي وحدي لأن الـ أنا عايزة مش هيكون موجود في الكلية
تم النشر الأربعاء، ٨ أبريل ٢٠٢٦
مش هقولك غير حاجة واحدة والله ربنا يرزقنى باللى شبهك وزيك كدا والله
تم النشر الأربعاء، ٨ أبريل ٢٠٢٦
جزاكم الله خيرًا كثيرًا على كلامكم! الله يرزقنا الصبر والإخلاص ويثبتنا٠
تم النشر الأربعاء، ٨ أبريل ٢٠٢٦
السلام عليكم ورحمة الله وبركاته ـ لا تحتاجي مراجعة الأولى اهلك يراجعون انفسهم ـ احيانا الإنسان لما يتعرض لمضايقات يظن انه على الخطأ بلى هو على الصواب ـ انا لا اعلم حتى الآن طالب علم او شيخ كبير او شاب يحتاج متعلمة (التعليم الأكاديمي) على الأقل الذين اعلمهم ولا اعتقد ان هناك رجل يقبل بغير هذا إلا اذا كان مشوها. بل يحتاج طالبة علم مثله او الدينة التي تربي اطفاله على الإسلام الصحيح ـ اثبتي ولا تقبلي بأقل من المسلم الذي يصلي ويراعي الله فيك ويراعي ربه اولا ولا يجهر بالذنوب ولا تقبلي بأقل من هذا والله بيضيعك ـ اسألي الله الزوج الصالح واصبري ـ وليكن شعارُكِ: (زوجٌ صالحٌ وإلا فلا).
تم النشر الأربعاء، ٨ أبريل ٢٠٢٦
هو انتى اللى خدتى قرار انك متكمليش دا ولا أهلك ؟ .. وانتى كنتى قولتى انك كان ليكى أهداف وحاجات غير التعليم معلش مثلا لو كنتى جيبتى مجموع كنتى خدتى نفس القرار ؟
تم النشر الأربعاء، ٨ أبريل ٢٠٢٦
لعرض السؤال في فدني اضغط هنا