1/حاليًا أنا بعمل العادة السرية، بحاول ابطلها كل شويه والموضوع بيفشل وحقيقي مش عارفه السبب، دخلت زماله لأدمان الاباحيه، بس حستني مهتمتش اوي بالموضوع لأنهم عاوزني احضر اجتماعات اونلاين وكده وانا تالتة ثانوي ومعنديش وقت بصراحه، غير ان الاجتماعات دي ب وقت محدد وكده ف ده صعب بنسبالي.
موضوع مدايقني لأن طبعًا حرام.
2/ انا زي مقولت تالته ثانوي، وللاسف مراكمه كتير ومش عارفه حقيقي لو هلحق ولا لا فمحتاجه طريقه انظم بيها يومي ووقتي.
3/انا كنت متابعه مع دكتور اونلاين واتشخصت ب اكتئاب و بوردرلاين، ولكن سيبت الدكتور لانه كان بيحاول يستغل حجات حكتهاله ويفتح معايا كلام سيكشوال، وحاليًا مفيش امكانيه اروح لدكتور تاني، ممكن بعد تالتة، بس المشكله بيجيلي نوبات اكتئاب وانتكاسات كتيره ومش عارفه اتعامل معاها وبحكم اني خلاص امتحاناتي فاضل عليها حوالي 23يوم ف مفيش وقت انتكس او يحصل اي حاجه.
4/عاوزه التزم بالصلاه ومش عارفه.
5/انا الحمدلله بطلت انزل فيديوز على تيك توك فيها ميوزك او في اي حته، بقالي حوالي سنه مبنزلش ميوزك، ممكن انزل اغنيه اه بس مفهاش موسيقى وكده، بس انا مش عارفه امنع ان اسمع اغاني ف ياريت طريقة.
6/ازاي افتح دماغي للمواد الي حساني مبقتش بفهمها؟ العربي طول عمري شاطره فيه ومش بنقص عن77/80 مثلا، حاليا انا مركماه كلوو وكل ما اجي ااذكره من اي مدرس حرفيًا مفهمش اي حاجه كأني بذاكر من اسبيستون مثلًا، رغم بكون مركزه وبكتب وراه المهم وهكذا، ولكن باجي احل مبعرفش احل نهائي.
7/اللم التاريخ ازاي؟ مراكماه كلو.
8/تخنت اخر فتره وبقيت 93كيلو ومحتاجه اخس لان الموضوع ماثر على صحتي بشكل كبير حقيقي، وفي نفس الوقت معنديش طاقة ابدء انظم اكلي وكده، وطبعًا صعب حاليًًا انزل تمرين.
اسفة طولت عليكم ولكن قولت اقول كل مشاكلي ف بوست واحد
بصي يا بنت الحلال انتي مش فاشلة خالص انتي بس مضغوطة فوق طاقتك ومشتتة بين ميت حاجة في نفس الوقت وفي السن ده م وضغط ثانوية عامة طبيعي يحصلك الدروب ده و الامتحانات اللي فاضل عليها تلاتة وعشرين يوم ده مخلليك مرعوبة بس لازم تفهمي ان مفيش وقت دلوقتي لتغيير جذري أو علاج مشاكل نفسية عميقة وسلوكيات قديمة المطلوب منك حاليا هو تعدي الامتحانات بأقل الخسائر وبعد الثانوية كل حاجة ليها حل وعلاج وموضوع العادة السرية والأغاني متجلديش ذاتك بسببه طول اليوم لأن جلد الذات بياكل الطاقة اللي محتاجاها للمذاكرة خدي نية صادقة للتوبة وكل ما تقعي قومي وتوضي وصلي ركعتين وخلي تفكيرك كله منصب على إنك تعدي الكام يوم دول وبالنسبة للمذاكرة فإحساسك إنك بتسمعي الشرح كأنك بتسمعي لغة تانية عشان الخوف والقلق مش الغباء والقلق بيقفل خلايا الاستيعاب في المخ فبلاش تمسكي كتاب كبير وتذاكري من الصفر عشان مفيش وقت لده خالص روحي علطول على فيديوهات مراجعات ليلة الامتحان المكثفة أو مراجعات الفصول اسمعي الفصل في ساعة وروحي حلي عليه علطول حتى لو بتفتحي الإجابات وتشوفي بتتحل إزاي لأن الحل بالعين والورقة والقلم هو اللي بيثبت المعلومة بسرعة دلوقتي والصلاة هي حبل النجاة ومستنيش لما تبقي مثالية عشان تصلي صلي بظروفك دي وبمشاكلك دي والصلاة هي اللي هتهديكي وتديكي بركة في الوقت كل ما الأذان يأذن سيبي الكتب خمس دقائق صلي الفرض وارجعي كملي واللي عمله الدكتور القديم ده خطأ مهني وأخلاقي تماماً وكويس إنك سبتيه بس متعمميش التجربة بعد الامتحانات روحي لدكتور أو دكتورة أمينة تساعدك في الاكتئاب والبوردرلاين وحالياا ركزي في هدوء أعصابك وبس وموضوع الوزن اللي زاد ده سببه الضغط والتوتر فمتعمليش دايت قاسي دلوقتي عشان معندكيش طاقة كل المطلوب منك قللي السكر والوجبات السريعة واشربي مياه لأن السكر بيعمل خمول وبيزود الاكتئاب وبعد الامتحانات هتنظمي أكلك وتخسي براحتك خالص المهم دلوقتي عدي يومك بأقل الخسائر والمادة اللي تقع منك لمي أهم أسئلتها وصلي فروضك ومتفكريش في شكل النتيجة فكري بس في الخطوة اللي هتعمليها اللحظه الجاية.
تم النشر الأربعاء، ٢٧ مايو ٢٠٢٦
أهلاً يا صديقتي، أنا ذكية وأقدر إنك بتشاركي كل ده بصراحة. هقدملك نصائح عملية ومباشرة حسب أولوياتك دلوقتي (الامتحانات قربت)، مع الالتزام بالقيم الإسلامية. خلينا نبدأ بخطوات بسيطة: للعادة السرية والإباحية: التوبة والاستغفار أساس، واستبدلي الوقت الفاضي بذكر الله أو قراءة قرآن قصير. حددي هدف يومي صغير زي "يوم بدون" وتابعيه في مذكرة. لو عايزة دعم إضافي، شوفي خبراء الإدمان على Fedni: https://www.fedni.net/experts وابحثي عن أسئلة مشابهة هناك. تنظيم الوقت للدراسة: قسمي يومك لـ3 فترات (صباح/ظهر/مساء) بجداول بسيطة: 45 دقيقة دراسة + 10 دقايق راحة. ابدئي بالمواد المتراكمة بتقسيمها لأجزاء صغيرة (مثلاً 5 صفحات يومياً). ركزي على 23 يوم دول وخلي الجدول واقعي. الاكتئاب والبوردرلاين: النوبات دي طبيعية، حاولي تكتبي 3 أشياء إيجابية يومياً وتذكري إنجازاتك الصغيرة. لو استمرت، استشيري خبراء نفسيين على Fedni بعد الامتحانات. الصلاة: ابدئي بصلاة واحدة يومياً في وقتها، واستخدمي تطبيق تذكير. الاستمرارية هتجيب الراحة. سماع الأغاني: استبدليها بأناشيد إسلامية أو بودكاست مفيد، وحددي "يوم بدون أغاني" تدريجياً. المواد الدراسية (عربي وتاريخ): للعربي، ركزي على فهم النصوص بقراءة بصوت عالي ثم حل أسئلة بسيطة. للتاريخ، استخدمي خرائط ذهنية أو تلخيص نقاط رئيسية يومياً. ابحثي عن أسئلة مشابهة على Fedni لطرق أكثر. الوزن: ركزي على تقليل السكريات والوجبات السريعة، وأكلي خضروات وفواكه. ابدئي بخطوات صغيرة زي شرب مياه أكتر، واستشيري خبراء تغذية على Fedni. أنتِ قادرة، وكل خطوة صغيرة بتفرق. لو محتاجة تفاصيل أكتر، قوليلي.
تم النشر الأربعاء، ٢٧ مايو ٢٠٢٦
لعرض السؤال في فدني اضغط هنا