وعليكم السلام ورحمة الله وبركاته شكراليكي علي مشاركتك 🌷 انا مقدرة خوفك وقلقك واحساسك واصلني هاخد من كلامك انك بتتعرضي لعنف أسري من وانتي عندك ٥سنين احكيلي اكتر عنه؟
بصي حضرتك بصراحه انا مش حاسه بحاجه لإني حاليا مشكلتي مش مع العنف الأسري انا مشكلتي اني كارهه قربهم من بعض ولحد دلوقتي مش عارفه اوصل ل السبب +تمام ماشي هسمعه وشكرا جدا لحضرتك 🤍
تم النشر الثلاثاء، ٢٦ سبتمبر ٢٠٢٣
هستأذنك تتفرجي ع الفيديو ده https://fb.watch/ni9J2M6gSE/?mibextid=cr9u03
تم النشر الثلاثاء، ٢٦ سبتمبر ٢٠٢٣
لا ابدا طولي كمان ولا يهمك المهم تطلعي اللي جواكي حاسه بإيه بعد ماكتبتي قدامك اللي جواكي
تم النشر الثلاثاء، ٢٦ سبتمبر ٢٠٢٣
ورجع لطبيعته تاني كان بيقعد يقول انه علاقتهم مش كويسه عشان هي حاطه حبيبته القديمه في دماغها وده محصلش لحد بقي ما طلعلنا بفكره انه عايزه يتجوز حبيبته للمره التانيه السنادي حرفيا البيت كان عباره عن دمار مكنتيش تطيقي تقعدي فيه من كتر المشاكل ده غير ان كل اللي هامه نفسه وبس كان من ضمن المواقف اللي عملها معايا قبل كده اني كنت راقده تعبانه من اللوز وهو طلع يجري ورايا عشان يضربني عشان كان شايف اني بستهبل فالمهم ان المرادي فعلا كان ناوي انه يتجوز حبيبته القديمه بس لما عرفت انه هيجيب شنطه هدومه بس وهييجي رفضت عشان هي كانت عايزه جواز بمهر وشبكه وشقه وبابا اصلا علي الحديده فطبعا الموضوع خلص بس بعد ما خربت علينا كلناحياتنا وخلت نار جهنم احسن من انك تعيشي في بيت زي ده كان بيبقي عايزه يتهجم علي ماما ويضربها بس انا اللي كنت بقف في وشه كان بيتفرج علي افلام سكس كتير من ساعت ما جاب تلفون تاتش كان بياخد من وراها مصروف البيت اللي كان بيذلها بيه ففي مره خد منها 400 جنيه من وراها فهي خدت من الفون راح مهددها انه هيبحها في فتره اللي كان عايزه يتجوز فيها من حبيبته القديمه بردو تخيلي كميه الرعب اللي كنت عايشه فيه وانا كل شويه بتخيل انه حد يرن عليا ويقولي ابوكي دبح امك كنت خايفه انام عند جدتي بس في نفس الوقت مكنتش عايزه اروح البيت عشان ابقي جمبها المهم انه ربنا هدي الدنيا والموضوع خلص بس ما زال الحركات اللي بيعملها لماما قدامنا زي ما هي لحد ما كرهت انه يقرب منها اصلا بقيت بكره اني اشوف علاقتهم كويسه عشان عارفه انها لو اتظبطت هيتمادي في القرف اللي بيعمله ده واسفه لو كنت طولت عليكي
تم النشر الاثنين، ٢٥ سبتمبر ٢٠٢٣
حقيقي اشكرك جدا انك متفهماني 🤍بابا قبل ما يتجوز ماما كان متقدم لواحده هو بيحبها وكده بس هي طبعا رفضتوا ف اتجوز ماما والدنيا ماشيه زي الفل فكان سبب انه يبقي فيه عنف اسري انه اللي بابا كان متقدملها قبل كده دخلت حياتنا تاني وهي كانت عايزاه كمحلل عشان ترجع لجوزها وهو كان عارف كده وساكت طبعا المشاكل مكنتش بتخلص كان كل شويه زعيق وشتيمه وده اللي خلا ماما تخليني انا عند ستي اني مكنتش عايزاني اشوف المشاكل اللي بتحصل بينهم ففي مره من المرات اللي هو كان لسه موضوع العنف ده في اوله وحقيقي مش هقدر انساها كان عندي تقريبا 5 او 6 سنين بابا كان جاي من الشغل وطبعا بقي ماما مصدقت قعدت تشتم فيه وهو يشتم فيها طلعا بسبب دخول حبيبته القديمه علي حياتنا طبعا انا واقفه بتفرج وانا منهاره حرفيا خلصوا وقعدوا الاتنين يعيطوا وانا قعدت في النص بعيط معاهم بابا كان يحضني شويه وماما كانت تحضني شويه وحقيقي من اكتر المواقف اللي مستحيل انساها ومازالت مأثره فيا لحد دلوقتي ف السنه اللي فاتت بسبب معامله بابا لماما اللي كانت حرفيا لا تحتمل واللي كانت اذيانا كلنا ماما طلعت زعلانه وقعدت فتره عندي ستي ومرجعتي غير لما اقنعها انه هيتعالج راح عند دكتور فعلا ف المهم انه الدكتةر قاله ان انتوا لازم تتعاملوا كويسين قدام الولاد وكده هو خد الكلام بمفهوم تاني بيبقي عايزه يبوسها وبيمسكها من ايديها بطرق مش كويسه ومش محترم ان دي خصوصيه ولا محترم وجوده اصلا قعد تقريبا اسبوعين كده لحد ما ربنا هداه
تم النشر الاثنين، ٢٥ سبتمبر ٢٠٢٣
لعرض الإجابة في فدني اضغط هنا