وعليكم السلام ورحمة الله وبركاته هو مفيش عنف اسرى فى كلامك انتى عندك صدمة من موقف الطفولة ومفاهيم غلط كتيير واصلالك محتاجة تتصحح شوية وعى وادراك على قد مرحلتك العمرية وهتكونى احسن ان شاء الله بابا عادى وماما عاديه متقلقيش اللى بيحصل كله امور وارده بين المتزوجين والكلام عن الشهوة و النزوات انتى بس كان الافضل انك متسمعيهوش ...بس هو بيبقى حاجة كده زى ما بتز على من ماما انها ضربتك وتقوليلها وانتى طفله ...انا مبحبكيش ومش عاوزة اقعد معاكى ...بس بعد ما بتصالحك بتحضنيها وتقوليلها بحبك عادى كلام عابر ومشاكل عابره مش معناها ان علاقتهم وحشة اوى كده وهما بيتعاملوا بشهوه زى ما انتى فاكرة انصحك تتفرجى على فيديوهات لدكتورة هالة سمير ...هتتعلمى كتييير اوى وهتفهمى كتييير
تمام ماشي شكرا جدا علي كلامك وإني تعبتك معايا واكيد هعمل بنصيحه حضرتك🤍
تم النشر الاثنين، ٢٥ سبتمبر ٢٠٢٣
حبيبتى دى الحياه ودى المودة والرحمه ...ان الزوجين بيعرفوا يتصافوا ويرحموا بعض ويسامحوا بعض ,,,ولما تظهر العيوب يستروها عن العالم الخارجى.....عشان كده قولتلك محتاجة تتصحح عندك مفاهيم كتير .
تم النشر الاثنين، ٢٥ سبتمبر ٢٠٢٣
انا كان قصدي من ناحيه العنف الأسري انه عمل فيها حاجات وحشه كتير عشان كده انا مش قادره اتقبل انه يتعامل معاها عادي او انه يكون بينهم علاقه موده ورحمه لأنه ميستهلهاش بمعني اصح
تم النشر الاثنين، ٢٥ سبتمبر ٢٠٢٣
لعرض الإجابة في فدني اضغط هنا