السلام عليكم ورحمة الله وبركاته
انا عندي ٢٤ عام وبحاول اقرب من ربنا اكثر وادرس علوم شرعية وكمان بحاول اطور نفسي في مجال الشغل..عندي استفسار ومحتاجة نصيحة من حد ذو دين فضلاً يعني شيخ او معلمة او عالم او طالب/ة علم ..انا رافضة فكرة الزواج تماماً لإن اشعر انه سيكون عائق بيني وبين علاقتي بالله عز وجل يعني مش عايزة انشغل زي النساء اللي بشوفهم متزوجات بعيال وخروجات ودروس وتمرين وبيت وزوج مش عايزة الحياة دي وحسه انها ممكن تكون سبب اني اكون في غفلة عن الله عز وجل وانا مش حابه كده..في حين اني اعرف ناس ممكن ميكونوش مصريين بس فعلا هما واخدين الزواج عبادة لله وحده لا شريك له ومش عايشين في دوامة الغفلة والبعد عن الله دي خالص..يعني ما شاء الله عايشين لله فعلاً زي ما ربنا أمر.
الصحابة والصحابيات بردو كانوا كده متزوجين بس مش في غفلة ولا بعد عن الله خالص ولكن فعلا عايشين مسلمين بجد وحياتهم لله زي ما ربنا امر..فأنا مش عارفة رفضي للزواج ده صح ولا غلط وهل ده من الشيطان مثلا ولا ايه..
انا مفيش ناس بتتقدملي غير حد واحد ومحصلش انه اتقدملي فعلا ولكن واحدة اعرفها قالتلي عليه وعملت استخارة والموضوع مكملش بس انا اصلا مش بسعى للزواج خالص وكل اهلي عارفين كده فمحتاجة نصيحة فضلا..
ياريت فضلا اللي ينصح يكون زي ما قلت شيخ او معلمة او طالب/ة علم
كمان فكرة النكاح بالنسبة لي فكرة مرعبة ولا اطيقها ابدا لا اعلم هل هذا خجل شديد ام فوبيا ام مرض نفسي ام ماذا ..
السلام عليكم ورحمه الله وبركاته. ما فيش مشكله خالص ان كل انسان يقرر هو ازاي هيعبد ربنا او ايه اكتر السبل اللي هو يعني هيبدا يحط فيها الجهد بتاعه وهيسعى فيها علشان خاطر يكون بيعبد ربنا كل حد مننا ربنا بييسر له طريق اكثر من التاني في حد بيكون ربنا ميسر له قوي قيام الليل حد ثاني لا هو مش بيقدر على قيام الليل ولكن ربنا ميسر له حفظ القرآن وقراءه القرآن في حد ثالث ممكن ربنا يكون ميسر له ان هو يكون بيعلم الاخرين وبينقل العلم فكل واحد يقدر يحط نيته في القرب من ربنا بطريقه معينه. هنا انا بس حاسه من سؤالك انك مش محتاره فعلا الطريق ولكن انت حاسه انه هو ده افضل طريق ومش مقتنعة بالطرق التانيه دي بقى مساله ثانيه خالص لو بس انت اللي مترجم عندك اكتر واللي انت شايفاه هو افضل طريقه للقرب من ربنا هو دراسه العلم الشرعي والامور اللي لها علاقه بس بالعلم الشرعي وبالقران واي حاجه ثانيه انت حاسه انه لا مش هو ده اللي بيندرج تحت كلمه القرب من ربنا فمحتاجه انك تقرأي كتير قوي قوي قوي قوي قوي في معنى العباده شوفي قد ايه كل الطرق الثانيه ازاي كل انسان ممكن ان هو بيعمله ده يكون عباده خليني اديك من ابسط الامثله انه اللي بيكون طالب علمي وراح في الطريق بتاع طلب العلم ده ماشي في الطريق هو رايح عشان هو في نيته طلب العلم وبيكون مات في الطريق بيحتسب من الشهداء. هو شهيد ايه هو شهيد النيه الكبيره دي اللي فيها عباده كبيره لربنا زيه زي الشخص اللي كان واقف بيحارب بالسيف وبالدرع علشان كلمه ربنا كلمه الله او او لا اله الا الله سيدنا محمد رسول الله. فمحتاجه جدا تشوفي قد ايه المعاني دي فعلا بتساوي بعضها او بتوازي بعضها لو ده لو يعني اللي أنا فهمته من وسط كلامك فعلا صحيح. لو اتكلمنا بقى في مسألة الزواج فواضح جدا ان عندك افكار مخليه فكره الزواج منحصره كده في نقط انت شايفه ان كلها مساوئ ومش قادره تشوفي المميزات بتاعه الموضوع خالص ولا الموضوع ده هيكون إيه فايدته من كتر ما انت عندك افكار تخص سواء موضوع العلاقه الزوجيه او مساله التعامل داخل البيت في الزواج سواء بقى ما بين الرجل وزوجته او في رعايه الابناء او مسؤوليات البيت وده اللي مخليكي شايفه انه الموضوع هيكون مؤذي اكثر ما هيكون مفيد هنصحك نصيحه انك تسمعي دكتوره هاله سمير وتسمعيها فيما يخص مواضيع الزواج والفتيات اللي عندهم طموح او عايزين يكونوا طالبات علم وحاسين ان الزواج مانعهم او معطلهم وان ازاي ده بيتعمل اتكلمت في حلقات كتيره وفي ندوات هي عملتها عن الموضوع ده فانصحك وبشده ادخلي بقى كده جوه القناه بتاعتها على اليوتيوب وهتلاقي حاجات كتير جدا إن شاء الله هتفيدك. هيفرق معاكي وهتبدأ تنور لك نقاط كثيره قوي في الطريق ده.
تم النشر الثلاثاء، ١٥ يوليو ٢٠٢٥
وعليكم السلام ورحمة الله وبركاته، عزيزتي، أشعر حقًا بعمق ما تعيشينه من قلق وخوف حول موضوع الزواج، وأقدر صراحتك في التعبير عن هذه المشاعر وأفكارك التي تدور في ذهنك. وأيضًا أحييك على حرصك الصادق على تقوية علاقتك بالله تعالى والسعي لتطوير ذاتك، فهذا أساس ثمين في حياتك. دعيني أساعدك في تفكيك هذا الأمر خطوة بخطوة: هل رفضك للزواج "صح" أم "غلط"؟ في الإسلام، الزواج سنة الله في خلقه، وهو من القُرَب التي يُثاب عليها الإنسان كما جاء في الحديث الشريف. هو وسيلة للحفاظ على النفس وتحقيق السكينة والألفة، وللفراغ النفسي والتكامل الإنساني. مع ذلك، لا يُجبر أحد على الزواج إذا كان لا يرغب فيه أو لا يشعر بالاستعداد له. لذا، مشاعرك الطبيعية وموقفك الرافض للزواج ليس بحد ذاته خطأ أو معصية، لكنه يتطلب منك التأمل في أسباب هذا الرفض ومحاولة فهمها جيدًا. هل هذا الرفض من الشيطان؟ الشيطان قد يحاول إدخال الوساوس والخوف والشكوك التي تعيق تنفيذ السنن والنوافل، ولكن الخوف الحقيقي والواعٍ مع البحث والتفكير ليس بالضرورة وسوسة. ربما ما تعانينه هو خوف نفسي أو قلق تجاه التزامات أو تغييرات كبيرة في الحياة. المهم هو كيف تتعاملي مع هذه المخاوف بحكمة وعقلانية ودعاء وطلب النصيحة من أهل العلم الرباني. الخوف من الزواج: هل هو خجل؟ فوبيا؟ مرض نفسي؟ الخجل الشديد شيء طبيعي قد تشعر به فتيات كثيرات، لكن إذا عجز الخجل عن التعامل مع الحياة بشكل متوازن فقد يتحول إلى عائق. الفوبيا (الخوف المفرط) من الزواج قد تكون مرتبطة بتجارب سابقة أو أفكار سلبية أو مخاوف من المسؤولية أو فقدان السيطرة. في بعض الحالات قد يكون عرضًا لمشكلة نفسية بسيطة يمكن علاجها بالوعي والصبر وربما بمساعدة مختص. لذا، يمكنك التفكير في التحدث مع متخصص نفسي ملتزم وقادر على فهم السياق الديني والثقافي لك. كيف توازنين بين طموحك الروحي وتطوير نفسك وبين فكرة الزواج؟ أنت ذكرتِ أن هناك أناسًا متزوجين يعيشون حياة إسلامية ليست في غفلة أو ابتعاد عن الله. وأصحابنا في زمن النبي صلى الله عليه وسلم كانوا متزوجين، مع أنهم أحسن الناس قربًا من الله. هذا يؤكد أن الزواج يمكن أن يكون وسيلة للعبادة والصلاح، وليس بالضرورة أن يكون عائقًا. كيف؟ بالنية الصادقة، وتنظيم الوقت، والاختيار السليم للشريك الذي يساندك روحيًا ونفسيًا، والاعتماد على الله في الأمور كلها. نصيحتي لكِ: دعي نفسك تتعرف أكثر على مشاعرك وأفكارك، وكوني لطيفة مع نفسك ولا تضغطي. استمري في طلب العلم الشرعي والتطوير، فهذا سيدعمك في كل خياراتك. حاولي استشارة عالمات أو طلاب علم ذوات فقه وخبرة، يمكن أن يساعدوك بتوجيه منضبط ومطمئن. على Fedni، يمكنك البحث في قسم الخبراء أو طرح سؤالك هناك لتجدي الردود المتخصصة. لا تستعجلي في الحكم أو اتخذي موقف نهائي في عمرك الحالي، الحياة تتغير، ونحن نتغير معها. لا تخافي من طلب المساعدة النفسية المهنية المتوافقة مع قيمك الإسلامية، فهي تساعدك على فهم ذاتك بعمق وتجاوز الخوف. أنا هنا دائمًا لدعمك وتشجيعك، وإذا أحببت، يمكنك مشاركة أي تفاصيل أو مشاعر أخرى تواجهينها، وسأكون معك خطوة بخطوة. أسأل الله أن يهدينا إلى ما فيه خير لنا، ويوفقك في طريق رضاه وأن يعينك على التوفيق بين طموحك الديني والحياتي. دمتِ بخير وسلام يا عزيزتي ذكية.
تم النشر الاثنين، ١٤ يوليو ٢٠٢٥
زي ما انك تحتاجي إلى الدين والعلاقة مع الله فأنتي تحتاجي إلى الزواج ودي الفطرة السوية .. أرى أن عندك جلاد داخلي قاسي لاذع بيلقي عليكي الأحكام الصارمة .. فالزواج شئ انتي تحتاجينه وليس ترفيه أو إسراف .. فهذا الجلاد بكل حدة يقول : زواج يا غافلة ؟.. فخنقك و ألقى عليكي حكم الغفلة !
تم النشر الثلاثاء، ١٥ يوليو ٢٠٢٥
طبعا الدين هو الأساس وهم مجرد جهلة .. لكن بوريكي وجهة نظرهم تجاهك عشان في ناس صفر ضمير حتى في ناس دماغيا بدون مشاعر .. فلا تنخدعي واهتمي بسمعة الشخص فهي اضمن
تم النشر الثلاثاء، ١٥ يوليو ٢٠٢٥
ده اكيد كل الانسان فيه عيوب لكن في حاجات اساسية لازم تكون موجودة وبصدق وده بنتأكد منه عن طريق الاستعانة بالله بصلاة الاستخارة والدعاء وسؤال المقربين عن هذا الشخص.. الانسان المتدين القريب من ربنا هو اكتر انسان عايش في ارض الواقع بجد مش التانيين..الناس الضالة او البعاد عن ربنا هما اللي عايشين في وهم ويإما يفوقوا منه قبل ما يموتوا يإما يفوقوا منه على وش ملك الموت. { وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ } [سُورَةُ الذَّارِيَاتِ: ٥٦] بواسطة تطبيق وحي: https://onelink.to/wahy
تم النشر الثلاثاء، ١٥ يوليو ٢٠٢٥
الخداعين والمنافقين بيشوفوا الشخص المتدين بشدة شخص حالم عايش في عالم مثالي وبييشوفوا الإيمان عبارة عن عاطفة و خيال واحلام بعيدة عن ارض الواقع فبيدوروا على الشخص المتدين بشدة لأن ده بالنسبة لهم فريسة سهلة يقدروا يسوقوه بمجرد أنهم يأنبوا ضميره .. فالحذر متتغريش بالمظاهر واللطافة والتواضع والفصاحة .. والناس مش يا أبيض ياأسود .. لأن بين الابيض والاسود درجات في النص .. يعني في واحد مثلا بيشتم لكن عنده ضمير ده يعتبر كنز ونقبله على حقيقته .. لكن مش نستنى واحد مثالي ومن أبسط شئ يخيب ظننا وندخل في حزن وهكذا .. فمنستناش المثالية الشريكين عندهم عيوب وعلى الطرفين ان يحترموا عيوب بعض .. لكن لو غاب الإحترام ففشلت العلاقة
تم النشر الثلاثاء، ١٥ يوليو ٢٠٢٥
تمام اكيد في ناس خداعين ومكارين ولكن مينفعش نلقبهم في الاول باسم "صحابة" وحاجة كمان ان مش كل الناس كده يعني مش كل الناس خداعة ومكارة..في شباب فعلاً بيبقى همهم الآخرة وبيحاولوا يتقوا الله بجد لله مش للناس ولا عشان يخدعوا الناس وبيدوروا على البنات اللي زيهم للزواج وفعلا بيتم وربنا بيرزقهم الذرية الصالحة وبيبقى كلهم صالحين وفعلا همهم الاول والآخير والاكبر هو الله ورسوله والدار الآخرة..انا اعرف ناس كده..يمكن المواصفات اللي عايزاها نادرة ولكن موجودة.
تم النشر الثلاثاء، ١٥ يوليو ٢٠٢٥
وايضا حولك الكثير من الحواجز والأبواب والأقفال التي تقيدك عن الرجال الطبيعيين فأنتي تنتظرين صحابي لتتزوجيه .. لا ألومك لكن هذا قد يوقعك في مشكلة اخرى .. لأن هناك من كانو يظنون بوجوده وينتظرون ذلك الصحابي إلى أن جاء بالفعل ليتزوجهم وكان بالنسبة لهم هذا هو التعويض الرباني ..... ثم تلقوا الصدمة أن ذلك الصحابي كان منافق يمثل واتقن الدور ومسك السبحة وكتاب صحيح البخاري واخذ يتواضع ويغض البصر وكل ذلك بمكر شديد ليخدع تلك الحالمة التي تنتظر الصحابي ثم وقعت في المصيدة .. فالصحابي ليس موجود الا كممثل ماهر .. ويمكنك القراءة عن قصص كهذه من الشخصيات النرجسية
تم النشر الثلاثاء، ١٥ يوليو ٢٠٢٥
لعرض السؤال في فدني اضغط هنا