انا مخطوبه وكنت عايزه اسيب خطيبى بس كله ضدى وشايفين أنه كويس واهله كويسين جدا وهما كدا فعلا وخايفه اظلمه أو افترى عليه
اول ما اتقدم شوفته اقصر منى وكله يقولى لا طولك أو اقصر حاجه بسيطه بس انا كنت عايزه شخص اطول منى واحس بفرق الطول بس بقيت محتاره لانه شخص كويس بس المشكله ف الطول بس ف استخرت ولقيت اهلى موافقين جدا وانا محتاره جدا فقالولى فتره الخطوبه فكرى برحتك ووافقوا،يوم الخطوبه مكنتش مبسوطه خالص ويوم ما وفقنا مكنتش مبسوطه ولحد دلوقتى مش مبسوطه مع أنه مهتم وبيحبنى وفيه صفات كويسه ومتدين بس مش عارفه احبه زى ما بيحبنى ومش عارفه اديه زى ما هو بيدينى،انا حسيت بنفور من ناحيته لما قرب منى ف الخطوبه ومبحبش أقرب منه ولا يقرب منى وببقى متوتر جدا معرفش ليه وبحس أن انا وحشه بسبب كدا ،دمه مش خفيف ولو ضحكت على حاجه يكررها تانى ،بيحور ف الكلام وانا شايفه أن دا كدب بس بيقولولى دا شخص عنده مرونه وانتى محتاجه واحد كدا علشان انتى شخصيه قويه ،بيريح اللى قدامه بس بيمشى اللى ف دماغه ف الاخر،بحسه خواف بس بيبين عكس كدا تماما وقال كذا موقف كان خايف فيهم بس بيقولها بضحك واكتشفت أنه فعلا خواف بس بيغير الصفه دى ف نفسه،حساس جدا ،وبحس فيه صفه النديه ،لو حس ان انا ضعيفه بيستقوا عليا ويحسسنى أن قد ايه هو شخص كويس ومفيش زيه وانا المفروض احمد ربنا عليه ،ولو حس ان انا قويه بياخد باله من كلامه وبيتفق معايا وبحسه بيحب شخصيتى القويه اكتر ،زوقه مش نفس زوقى عكس بعض ولاحظت واحنا بنتكلم أننا مش متفقين ف نقط وقت النقاش بس بيريح دماغه ف الآخر ويقول انتى صح او عايز انام المهم يقفل النقاش ومبيحبش وجع الدماغ وكل الرجاله كدا تقرببا،بيحبنى ومهتم بيا واتعلق بيا ومليه عينه وعجباه جدا وأهله كويسين وكل الناس بتشكر فيه وفي أهله ومحدش مقتنع بكلامى وشيفين ان انا بفترى عليه وانا موسوسه و عندى قلق زايد ،ومن كتر ما كله ضدى بدأت اشك ف نفسى وكله يقولى أن انا اللى فيا المشكله مش هو وان دا حسد وعين
بقول يمكن لو كان طويل وكنت متقبله كل حاجه فيه بشكل مبدأى كنت بلعتله العيوب دى وخايفه اكون بتلككله بردو ،والفكره أن فيه مميزات عارفه أن انا ممكن ملقهاش تانى ومميزات حلوه زى طبته وحنينه واهتمامه وحبه ،انا في حيره
انا لسه محتاره جدا والموضوع بفكر فيه كتير اوى وانا بقالى شهرين مخطوبه وتعبت ونفسيتى تعبت ومش عارفه اعيش حياتى من التفكير ومش عارفه اسيبه واندم ولا اكمل بلا مشاعر ولا الموضوع مش هيطول وازاى دى البدايات الحلوه وهل انا اللى وحشه فعلا وفيا المشكله ولا المشكله فين وايه الحل
يا حبيبتي، مشاعرك طبيعية ومش غلط. الخطوبة فترة للتفكير والتأكد، مش التزام أبدي. إحساسك بالنفور، التوتر، وعدم القدرة على الحب أو التقرب ده إشارة مهمة، مش مجرد "وسوسة" أو حسد. الطول والتوافق في الشخصية والراحة النفسية أمور أساسية في الزواج، ومش هتتغير بسهولة. كل الناس اللي ضدك بيشوفوا الجانب الظاهري، لكن أنتِ اللي هتعيشي معاه يوميًا. لو استمريتِ وأنتِ مش مبسوطة، هتتعبي أكتر. خدي وقتك في الصلاة والاستخارة، واكتبي إيجابيات وسلبيات بوضوح بدون تأثير من الآخرين. لو محتاجة دعم إضافي من متخصصة في العلاقات أو الاستشارات النفسية، شوفي صفحة الخبراء على فدني: https://www.fedni.net/experts . وابحثي كمان عن أسئلة مشابهة على فدني عشان تلاقي تجارب أخرى تساعدك. قراركِ قراركِ، وهتكوني أقوى لما تثقي في نفسك.
تم النشر الأحد، ٣١ مايو ٢٠٢٦
لعرض السؤال في فدني اضغط هنا