السلام عليكم ورحمه الله وبركاته. ده انت جميل جدا جدا ما شاء الله عليك تفتكر البني ادم التايه فعلا بيبقى بيدور كده زيك وبيبقى بيتساءل كده زيك لا التايه ده اصلا مش دماغه حاجه فعلا حرفيا مش في دماغه غير حاجه مش في دماغه يعمل حاجه. فا انت مش تايه ولا اي حاجه ممكن تكون واقف قدام حيطة. وانت محتاج بس تكسر الحيطه دي طب هي الحيطه دي ايه الحيطه دي هي عدم ايمانك بقدرتك الشخصيه انت فاكر انك ما تقدرش تغير الوضع اللي مش عاجبك بس ده مش حقيقي انت فاكر انه الظروف المحيطه بيك مش هتتغير لاحسن من كده يعني لو هو الموضوع صعب قوي قوي شبه مستحيل انه انا تكون ظروفي احسن من كده وده مش حقيقي انت فاكر انك ممكن لما تاخد قرار في الاغلب هيطلع غلط طبعا عشان انت بقى ضايع زي ما انت فاكر كده وكل اللي حواليك كمان بيقول ولكن برده ده غلط ليه بقى علشان انت مش لوحدك. ده احنا كل البني ادمين احنا كده كلنا عندنا قرارات صح وقارات غلط كلنا بنخبط كتير جدا جدا جدا في الاول لحد ما نبقى عندنا شخصيه بتقدر تاخذ بشكل اكبر قرارات صح اكثر يعني تبقى قراراتنا الصحه اكثر من قراراتنا الغلط. فانت مفيش عندك اختلاف غير انك بس وقفت قدام الحيطه وافتكرت انك كده خلاص في الطريق بتاعك سد لكن الحقيقه الطريق مش سد ولا حاجه كسر الحيطه دي انسى الكلام ده كله وانطلق يكمل طريقك. شوف نفسك فعلا بني ادم هتكتسب شخصيتك الحقيقيه من تجاربك بالقرارات الغلط فابدا اعمل ده ابدا خد قرارات اقف قدام البياع كده وقول اشتري ده ولا اشتري ده وانت اللي قرر وما تسيبش يقول لك لا خذ من ده ده احلى لا انت اللي قرر تقرر ازاي لاحظ كده وشوف وفكر بنفسك وهاته طلع وحش مش مشكله مش مشكله دي تجربتي الشخصيه اللي انا هبني عليها قراراتي اللي جايه فانا بعد كده هقرر يا ترى انا بقى هجيب من نفس الراجل ثاني بس هنقي حاجه كويسه ولا انا هبطل اجيب من الراجل ده عشان انا خلاص قررت انه المشكله والعيب والغلط كان في حاجه الراجل وهروح لحد ثاني اشتري منه قرر جرب واغلط. وبوظ، حياتك وانت حر فيها قراراتك وانت حر فيها. الجزئيه دي ممكن تكون محتاج فيها شخص يكون قدوه ليك ودي من الحاجات اللي بتساعد جدا جدا في بناء الشخصيه وفي انك تعرف تاخذ قراراتك شوف شخص تكون معجب باللي هو وصل له او معجب بالمركز اللي هو فيه او معجب بشخصيته وبحكمته وخلي الشخص ده قدام عينك طول الوقت ولو هو شخص حواليك او قريب منك وبتتعامل معاه كتير خليه يبقى هو بالنسبه لك الشخص اللي بتثق فيه اللي تروح تساله بعد ما تقعد تفكر وتقرر القرار روح واساله قول له انا فكرت في 1 2 3 وقررت كذا رايك ايه؟ ده بيساعد جدا جدا جدا جدا جدا جدا في انك تعرف تتخذ قرارات في انك تبدا تكون شخصيتك اللي انت مفتقد وجودها علشان انت مش بتطلع معاك في افعال ان شاء الله هتلاقي تغيرات كثيره للاحسن اتمنى ان شاء الله انك بعد فتره تبص في المرايه وتبقى مبسوط بنفسك جدا جدا وما تبقاش زعلان تاني.
شكرا جدا جدا جدا ليكي ويارب تكوني دايما في نجاح وكلامك اكيد هيفرق معايا وهعمل به شكرا
تم النشر الأحد، ٦ يوليو ٢٠٢٥
لعرض الإجابة في فدني اضغط هنا