وعليكم السلام ورحمة الله وبركاته انت يا اخويا بتقول انك مسلم ف إزاى بتأمن بالأبراج دا شرك مش حاجه هينة يعنى لما حكاية انك عمال تقول على نفسك حجات سلبية فدا فى حد زاتو بيخليك سلبى انتى بتقول من الابتدائي وانت بتشتغل فدى حاجة حلوة يعنى لتساعد فى أمور البيت وغيروا وبعدين مش تقول أنا عندى وانا عندى وفى نفس الوقت مش تسمع للناس لأن الناس يا اخويا مش بتسيب الميت فى حالو فأن بس خليك إجابى وقرب من ربنا اكتر انت بس ناقصك حتة الدين دى جرب صلى مرة قيام الليل وادعى ربنا كدة ولا اشكيلو اللى تاعبك لأن ربنا اقرب حد لينا احنا مش بينا غيرو جرب اسمع برودكاست دينى للشيخ احمد العربى أو اسمع الشيخ سمير مصطفى ولا اسمع قران لشيخ انت بتحبو وكدة فاهم ونصيحة من اخوك الصغير فكك من كلام الناس ومش تخلى الشيطان يوديك ويجيبك ولازم تعرفى محدش بيعيش الحياة اللى بيتمناها ولازم تثق فى ربنا انو كاتبلك الأحسن ليك هوا مش هيضرك ابدا وربنا يفك عنك كربك ويوسع رزقك ويشرح صدرك ويغفر ذنبك اللهم آمين 🤲 🤍
اقسم بالله ما عارف اقولك اي انت حد جميل اوي ودا بجد كلامك حاسسني اني لسة مخلصتش ولسة احنا فيها وحتى طريقتك حلوه اوي مش عايز ابالغ لكن انت انسانة بجد عشان كدا حساتي بيا يارب يحققالك كل اللي بتتمنية وانا مبسوط جدا بتعليق دا ونفسي تشاركني رايك في حاجات تانية كتير دا لو مش هيضايقك وشكرا بجد من قلبي ❤️🙏
تم النشر الأحد، ٢٩ يونيو ٢٠٢٥
خليني أقولك حاجة... ربنا سبحانه وتعالى قال في كتابه: "وَلَقَدْ كَرَّمْنَا بَنِي آدَمَ" عارف يعني إيه؟ يعني قبل ما حد يقولك إنك مش نافع، أو مش طبيعي، أو ما تستاهلش... ربنا نفسه قال: إنت مُكرَّم... إنت ليك قيمة... إنت مش زي باقي الخلائق، مش جي علي الحياة دي سبهلله ليك دور فيها، إنت إنسان. اللي خلق السما والأرض شايف إنك تستحق كرامة... يبقى ليه تاخد برأي بني آدم ذيك ذيه؟ ربنا كرمك، متسمحش لأنتقادات من حولك تأثر على إنك تشوف مقامك عند ربنا. إنت مش ساذج. إنت مش مجنون. إنت مش فاشل. وإنت مش أقل من أي حد. إنت بني آدم، ليك قلب وعقل وروح بتدور على معنى... بتدور على مكانك وسط الدنيا. كل اللي إنت فيه طبيعي جدًا لإنسان شال أكتر من طاقته وهو صغير. اشتغلت من ابتدائي؟ يعني كنت راجل قبل وقتك. كتمت؟ يعني كنت بتحمي نفسك من نظرة اللي حواليك وعدم تفهمهم لمشاعرك واللي حاسس بيه. محدش فهمك؟ لأنك أعمق من إنهم يشوفوا اللي جواك بسهولة. إنت شخص حساس بزيادة، وده مش عيب، ده دليل على قلبك النضيف. إنت مش بتعرف تتعامل مع الناس أوي؟ يمكن... بس مش لإنك ضعيف، علشان الناس بقت بتجري بسرعة، وإنت محتاج ناس بتمشي على مهل. إنت بتجلد نفسك؟ لأنك فاكر إنك المفروض تكون أقوى... لكن الحقيقة؟ إنت فعلاً قوي... بس بطريقتك طيب تعمل إيه دلوقتي؟ 1. إعرف إنك مش لوحدك في ناس زيك كتير، بس ساكتين. إنت شجاع لأنك بتتكلم. 2. تصالح مع نفسك بلاش كل يوم تعيش في جلد ذات. قول لنفسك: "أنا مش مثالي، بس بحاول. أنا تعبان، بس عايز أرتاح. أنا إنسان، وده كفاية علشان أستحق فرصة تانية." 3. حاول تطلع من الدايرة دي اقرأ – اسمع حاجة تهديك، زي القرآن أو بودكاست ديني أو بودكاست تطوير ذات وفهم العلاقات (زي ياسر الحزيمي). اكتب اللي بتحسه على الورق، وسيب مخك يفضي علشان تقدر تعيد ترتيبه. 4. طوّر نفسك بهدوء، واحدة واحدة اتعلم حاجة بسيطة، مهارة على الإنترنت، كورس صغير، حاجة تفرحك. مش لازم تبقى كبير فيها... كفاية إنك بدأت. 5. لما الدنيا تسود خالص متخليش دماغك تقفلك على نفسك. في دكاترة نفسيين محترمين بيسمعوك ويعينوك. ده مش ضعف... ده أول خطوة في القوة. وبخصوص كلام الناس؟ عارف؟ الناس بيحبوا يحكموا من غير ما يعيشوا يوم واحد مكانك. بس اللي يعرفك بجد؟ مش هيقولك "إنت مش طبيعي"، هيقولك "أنا معاك". لما تلاقي نفسك، وتعيش على حقيقتك، الكلام هيبقى هوا، لا بيهزك ولا يلمسك. وأختم بحاجة: إنت مش تايه... إنت في طريقك تلاقي نفسك. ولإنك رغم كل اللي واجهته، لسه واقف. اللي جواك ده مش ضعف... دي مشاعر متلغبطة ومشوه تفكيرك عن ذاتك،... بس محتاج يتهدى، ويعرف طريقه
تم النشر الأحد، ٢٩ يونيو ٢٠٢٥
شكرا اخويا بجد بس حوار الابراج ما هو إلا أن عايز اقول اني شخصيتي فعلا زي صفات برج كذا انا عارف ربنا يمكن بعيد شوية بس عارف الصح والغلط وان فلان قال كذا عليا وزعلاني منه هو حصل فعلا واللي م علني اني مش عارف احل هذة المشاكل دا لأنها فعلا صح
تم النشر الأحد، ٢٩ يونيو ٢٠٢٥
لعرض الإجابة في فدني اضغط هنا