وعليكم السلام ورحمه الله وبركاته بصي يا بنت الناس إنتي مش ضعيفة ولا حاجة إنتي بس محروقه من كتر الضغط النفسي والتراكمات القديمة ودماغك جابت أخرها وقفلت عشان تدافع عن نفسها والمطلوب منك دلوقتي تهدي على نفسك خالص وتقفي عن جلد الذات وما تقارنيش نفسك ببدري ولا تضغطي على روحك عشان ترجعي زي الأول مرة واحدة ابدئي خطوة بسيطة جداً زي إنك ترجعي تصلي الخمس فروض بس في اليوم وتدعي ربنا يهدي سرك وخلي بالك الكلية مش هتغير والتأخير مش نهاية العالم والأهم من المذاكرة ممكن تشوفي دكتور أو أخصائي نفسي يساعدك تفكي العقد والصدمات القديمة دي لأنها هي السبب في كل اللي إنتي فيه دلوقتي وافتكري إنك شاطرة وذكية وحقك على نفسك تحني عليها وتستعيني بالله وتخديها واحدة واحدة من غير عافية. وجد والله ربنا يحفظك ويوفقك لما يحب ويرضى
الشكر لله ربنا يحفظك ويوفقك لما يحب ويرضى..بالتوفيق باذن الله اشوفه انجح براند ربنا يوفقك ويكرمك
تم النشر السبت، ٢٦ سبتمبر ٢٠٢٦
والله ، بجد شكرا لحضرتك جداً كلامك مريح وواقعي وانا بأذن الله هحاول اعمل كدا (البراند بتاعي بادي اسبلاش ،كل فتره هضيف حاجه ف الكوزمتكس سواء للبشره او للشعر بس ادرس كل حاجه كويس )
تم النشر السبت، ٢٦ سبتمبر ٢٠٢٦
بصي يا بنت الحلال إنتي مش مضغوطة بس إنتي شايلة جبل على كتافك ومستغربة ليه مش عارفة تجري صيدلة وسكاشن ومواد قديمة ومحاولة تعافي ونفسية تعبانة وفوق كل ده فتحتي براند جديد يعني إنتي طاحنة نفسك في خمس جبهات في وقت واحد وده الطبيعي جداً إنه يخلي أي بني آدم في الدنيا يفرمل ويجيله شلل شغف🙄 ويوقف كل حاجة عشان كدا أول حاجة لازم تعمليها حالياً هي إنك تدي لنفسك هدنة وتشيلي من على دماغك إحساس الذنب وتقتنعي إن اللي حصل ده رد فعل طبيعي جداً لجسمك ودماغك بيقولولك كفاية كده عشان مش قادرين بالنسبة للبراند اعمليله وقف مؤقت رسمياً وريحيه خالص الفترة دي وما تفكريش فيه واعتبريه متأجل لحد ما الميه ترجع لمجاريها لأن البراند محتاج طاقة إنتي أولى بيها حاليا عشان دراستك وصحتك النفسية وبالنسبة للكلية والسكاشن امسكي الأهم فالأهم احضري السكاشن اللي فيها غياب وعملي عشان ما تضيعش منك والمواد القديمة والجديدة بلاش تفتحي فيها جبهات كتير امسكي مادة واحدة بس ركزي فيها ولخصي العملي بتاعها ولمي أسئلتها الصعبة وحلي امتحانات سابقة وانسي الباقي مؤقتا ولما تخلصيها ادخلي في اللي بعدها وما تحاوليش تعافينا من كل حاجة مرة واحدة التعافي بييجي بالراحة ومن غير استعجال ومستحيل يتعمل تحت الضغط ف بسطي الدنيا على نفسك وركزي في خطوة واحدة صغننة كل يوم وما تقارنيش طاقتك دلوقتي بطاقتك وأنتي في أحسن حالتك وقومي خديلك بريك وبراحه خالص والدنيا هتتحل بالتدريج. وجد شوقتيني اعرف البراند 😊
تم النشر السبت، ٢٦ سبتمبر ٢٠٢٦
وكمان انا فتحت براند ،بس الضغط خلاني اوقف كل حاجه عايزه اعملها
تم النشر السبت، ٢٦ سبتمبر ٢٠٢٦
عادي ضغط نفسي وضغط بداية الدراسة والسكاشن بتاعت المواد سواء السنه اللي فاتت او السنادي وكمان الفترة دي بحاول اتعافي شوية من حاجات كتير ف حاسه بضغط حبة
تم النشر السبت، ٢٦ سبتمبر ٢٠٢٦
بصي فاهمك وعارف إن حمل مواد صيدلة ثقيل ورخم بالذات لما يكون معاكي قديم وجديد وحاسة إن الوقت بيجري بس العافية والضغط العالي هيفصلوكي أكتر وهيخليكي تقفي مكانك وما تنجزيش أي حاجة خالص عشان كده الحل مش إننا ندش المناهج كلها مرة واحدة الحل إننا نعمل خطة ذكية تلم المواد وفي نفس الوقت ما تاخدشي البقي من طاقتك ابدأي بحاجة اسمها طريقة التقسيم والتفريغ يعني امسكي الورقة والقلم ورتبي المواد القديمة والأولية حسب أقرب امتحان أو أسهل جزء يفتح نفسك وابدأي بإنك تلمي الحاجات المحورية اللي بتيجي في الامتحانات والأسئلة الشائعة وسيبك من المذاكرة التفصيلية الدقيقة اللي بتاخد وقت طويل دلوقتي اقرأي ملخصات أو اسمعي تسجيلات سريعة على سرعة عالية وكفايه بإنك تحلي أسئلة وامتحانات سابقة لأن حل الأسئلة هو اللي بيلم المادة في أقل وقت ممكن وبيعرفك المهم من غير ما تحسي إنك بتغرفي في بحر ملوش نهاية وما تقوليش لازم أذاكر 8 ساعات في اليوم ابدأي بساعتين مقسمين على فترات كل فترة نص ساعة وريست خمس دقايق هتلاقي نفسك في آخر اليوم جمعتي كم محترم من غير ما دماغك تقفل وتفصل منك وتقبلي إنك تلمي المقبول والمرضي دلوقتي عشان تعدي الزنقة دي وبعد ما تطلعي من المحنة دي تصفي حساباتك النفسية والدراسية براحتك إنتي قدها بس امشي بتكتيك الذكاء مش بتكتيك الدش ...انتي عندك امتحانات الفتره دي او ضغط ولا في بدايه السنه عادي ؟؟
تم النشر السبت، ٢٦ سبتمبر ٢٠٢٦
بس انا ف صيدلة ،وزي ماقولتلك عندي مواد من السنه اللي قبلها يعني لازم ابدأ بطريقه تلم المواد مش بحاجه بسيطة كدا 😑
تم النشر السبت، ٢٦ سبتمبر ٢٠٢٦
النهاردة مش مطلوب منك غير حاجة واحدة بس صلي الخمس صلوات في وقتهم... انزلي هاتي ورقة وقلم واكتبي فيها سطرين اثنين بس عن أكتر مادة عاملالك قلق أو افتحي صفحة واحدة بس واقريها وبعدها قفلي الكتاب وقولي لنفسك عاش كده أنا بدأت وما تفكريش في اللي فاضل ولا باللي فات واعملي لنفسك كوباية شاي أو أي حاجة بتحبيها وقعدي ارتاحي ولو حاسة إنك مش قادرة تروحي للدكتور وتتكلمي عادي جدا صوري السكرينات دي على موبايلك وحطي الموبايل في إيده واقعدي ساكتة وهو هيتفهم كل حاجة إنتي مش سباق ولا في امتحان مين هيوصل الأول إنتي بس محتاجة تاخدي الموضوع حتة حتة وبراحه خالص والدنيا هتفك تدريجياً وافتكري إن الخطوة الصغنونة دي هي اللي بتبني كل حاجة بعدين قومي دلوقتي اعملي أصغر حاجة تقدرين عليها وسيبك من الباقي
تم النشر السبت، ٢٦ سبتمبر ٢٠٢٦
والله انا بحاول حته لو معنديش باور لدا ،وكلام حضرتك فرق معاية جداً بس الفكرة كلها انا مش عارفة ابدأ منين
تم النشر السبت، ٢٦ سبتمبر ٢٠٢٦
بصي الموضوع مش إنك مقصرة ولا إنك كسلانة إنتي دماغك ونفسيتك عاملة زي جهاز حصل فيه Overload من كتر الضغط والتراكمات فدخل في مرحلة الشلل والتبلد وده رد فعل طبيعي للمخ لما يحس إنه خلاص مش قادر يشيل أكتر من كده عشان يحمي نفسه فتلاقيكي مش عارفة تتكلمي ولا تعبري ولا تعملي حاجة الضغط اللي إنتي فيه ده بيكبر لما تبصي للحمل كله مرة واحدة مطلوب مني أتعالج ومطلوب مني أذاكر ومطلوب مني أصلح علاقاتي🙄 كل ده مع بعضه يهد أي حد فالحل الوحيد إننا نقسم الشيلة دي خالص ومفيش حاجة اسمها أصلح كل حاجة في يوم وليلة أول حاجه بالنسبة للدكتور النفسي لو مش عارفة تتكلمي ده طبيعي جداً ومش مطلوب منك تكوني مرتبة كلامك ولا شاطرة في التعبير ممكن المرة الجاية تروحي وتطلعي السوال اللي إنتي كتبتيه ده أو تكتبي في ورقة كل اللي حاسة بيه أو حتى تقوليلو أنا حاسة بتبلد ومش عارفة أتكلم وهو دوره يعرف معاكي وممكن تغيري الدكتور لو محستيش معاه راحة تاني حاجه بالنسبة للدراسة شيلي من دماغك فكرة أنا لازم أعمل اللي عليا بنسبة 100%"🙄 سيبي فكرة اـ Everything or Nothing واقبلي دلوقتي ب 10% أو 15% بس لو وراكي كمية كبيرة خدي منها صفحة واحدة أو فيديو واحد لمدة 10 دقائق وبس واقفي لو مش قادرة المذاكرة القليلة المتطوعة أفضل ألف مرة من القعدة يجلدك الضمير طول اليوم ثالث حاجه والأهم ارحمي نفسك وبطلي تلوميها إنتي مريتي بتعنيف ومشاكل مش سهلة وده خلى طاقتك صفر فمن حقك تحسي بالضعف واللخبطة شوية ماتحمليش نفسك فوق طاقتها وابدئي بأصغر خطوة ممكنة النهاردة حتى لو كانت مجرد إنك تغسلي وشك وتقعدي في بلكونة تشمي هواء من غير ما تفكري في اللي وراكي رحلة التعافي والدراسة بتبدأ بخطوات صغيرة مش بقفزة مره وحده..
تم النشر السبت، ٢٦ سبتمبر ٢٠٢٦
طيب منا دلوقت مطلوب مني حاجات كتيره سواء دراسياً او نفسياً وحاسه بضغط ،ثانياً انا عارفه ان مقصره جداً في دراستي ومش بعمل اللي عليا ،بس انا مش عارفه اعمل حاجه ،وحاولت قبل كدا مع دكتور نفسي لقيتني متبلده ولا عارفه اتكلم ولا اعبر ولا اساعد نفسي
تم النشر السبت، ٢٦ سبتمبر ٢٠٢٦
لعرض الإجابة في فدني اضغط هنا