معليش انا عندي مشكلة انا مخطوبة من خمس شهور والدنيا تمم بيني وبين خطيبي ولما بيحصل مشكلة او خلاف بينا بنحله سوي بس انا اكبر مشكلة في حياتي اني بنسي كتير اووي وفين وفين لو افتكرت بعد ضغط علي اعصابي الدماغية عشان اقدر افتكر. وعندي مشكله تانية ان خطيبي هوا اللي بيتكلم وانا ديما ساكته ودا حاجه مضيقاني ومضيقاه بس انا خايفة لما اتكلم معاه في حاجه كلامي يزعله هل دا ليه علاقة بثقتي في نفسي او ليه علاقة بالخوف من اني اخسره او نسيب بعض انا عارفة ان كل شئ نصيب بس انا بحبه وهوا بيحبني ف مش عايزة الموضوع يكبر مابينا اتمني انكم تفيدوني وازاي اقدر احل المشكلة دي لاني بجد قلبي واجعني اوووي 💔
طيب انا همشي معاكي في اللي انتي فيه .. وهقولك خلاص افضلي زي ما انتي علشان متخسريش خطيبك. بس هل انتي ضامنة انك ممكن متخسرهوش بعدين؟ هو بقى او اي حد! فترة الخطوبة معمول خصيصا علشان الطرفين يعرفوا بعض .. يعرفوا شخصيات بعض؟ بيحبوا ايه ومش بيحبوا ايه؟ تعاملهم مع بعض هيبقى ازاي؟ تصرفهم مع بعض بيبقى ازاي؟ لما حد فيهم بيزعل من التاني .. ازاي بيتخانقوا؟ وديه حاجه مهمه جدا، انك تعرفي الشخص اليل قدامك ازاي بيتخانق بيمد ايده؟ بيشتم؟ بيحل الامور بالعقل؟ انتي ازاي هتعرفيه ولا هو هيعرفك طول ما انتي متحفظة على كل كلمة قدامه؟ طيب بعد كده هتعملي ايه؟ هتسكتي برضه؟ طيب هتتعاملوا ازاي مع بعض؟ ده عيب خطير جدا في اي شريك وممكن علشان العيب ده اساسا يقرر ميكملش، اصل هتعرفوا تعملوا حياة وتبنوا تواصل مع بعض ازاي؟ ل لازم يكون فيه تواصل .. ع الاقل لو خسرتي دلوقت هتبقى الخسارة بدري شوية عن بعدين. وده مع اي حد انتي لازم تعبري عن اللي جواكي .. مش لازم تكبتي في نفسك ده هيضرك اكتر ما هيضر اللي قدامك.
تم النشر الأحد، ٢٨ يناير ٢٠٢٤
تمم ماشي حاضر شكرا لمساعدتك 🥰🤍
تم النشر الثلاثاء، ٣٠ يناير ٢٠٢٤
مش لازم الحرق لما بتكتبي في مشاعر جوتكي بتتحرك زبتطلع اثناء الكتابه المشاعر دي ف علم النفس اسمها كبت مشاعر ف انا بدون فلسفات كتير قلتك علي تمرين بسيط بحيث يساعدك ان تطلعي جزء من داخلك علشان تحسي بخفه وراحه و بخصوص حرق الورق مش لازم لو حابه تشركيها اشركيها و في طريقه غير دول انك نجيبي كوبايه ميه زجاج و تحطي ماء فيها و بعدين تغطسي الورقه دي و تشوفي كل كلامك بيتبخر ولا كان في حاجه كل دا هيساعدك ان تتحرري منه اعملي اللي يريحك
تم النشر الثلاثاء، ٣٠ يناير ٢٠٢٤
ربنا يسعدك يارب ويجعله في ميزان حسناتك انا بس النهارده مسمحتليش الفرصه ان اطبق الكلام بس ان شاء الله هطبقه في اقرب وقت باذن الله عشان بس اهلي ميسالوش اي اللي بحرقه وكدا وانتي اكيد عارفه الاهل واسألتهم
تم النشر الثلاثاء، ٣٠ يناير ٢٠٢٤
الشكرلله ان جعلني سبب ف حل مشكلتك ولو ف جزء بسيط.. طبقي اللي مقتنعه بيه ولو في اي حاجه واقفه معاكي اساليني ولو قدرت اساعدك + تاكدي ان طالما كلامي ريحك اذن هو المناسب ليكي و الكلام اللي من خلاله هتشوفي قد اي ربنا بيطمنك و بيقولك حل مشكله ف انك بس و ستغفري عليه و تحاولي متكررهوش تاني مش اكتر خليكي واثقه ف ربك وظني فيه خير هتلاقي كل حياتك خير و سلام + اتمنالك حياه سعيده ربي معاكي
تم النشر الثلاثاء، ٣٠ يناير ٢٠٢٤
شكرا بجد ليكي ياسمر ربنا يسعدك علي كلامك وتشجيعك دا بجد انا حاسه ازي سعيده اووي بعد كلامك دا وان شاء الله هعمل بيه واول حاجه هعملها اني اعمل زي ما بتقولي كدا ربنا يحازيكي خير علي كلامك الجميل دا يارب
تم النشر الثلاثاء، ٣٠ يناير ٢٠٢٤
حببتي انتي عايشه تأنيب ضمير بيحرق فيكي من جوه اقولك ع الحل جيبي ورقه و قلم واكتيب كل الذنوب اللي ارتكبيها ف الماضي و خايفه انها تتكر ف المستقبل اكتيب وانتي بتكتبي وحستي تفسك هتبكي يكون افضل ابكي بس كملي كتابه لحد ما تخلصي كل اللي جوا عقلك و ابداي احرقي الورق دا قولي ل نفسك باسمك مثلا اسمك سمر قولي يا سمر يا سمر يا سمر انا مسمحاكي علي كل اللي عملتيه ف الماضي كان بدون وعي منك مكنتيش ناضجه ف الوقت دا قولي ل نفسك انا مسمحاكي و متخفيش انا معاكي و باءذن الله اللي حصل مش هيتكرر رددي كلمه اللي فات مات خلاص ابداي صفحه جديده حاولي تعيري حتي من حياتك الخارجيه غيري ف شلك اوضتك غيري خلفيه تلفونك اي حاجه قادره انك تنهيها و تبدليه ب حاجه جديده اعمليعا غيري تسريحه شعرك لو مش ملتزمه ف الصلا ابدائي حطي الصلاه ضمن جدول مهامك اليومي و صلي وانتي ع السجاده استغفري ربك وكلك ظن ان سامحك و نتنسيش كلام رسول الله قال خير الخطائين التوابين مقلش خير الناس اللي مبيخطؤش كل الناس بتأءذن و الكل بيخاطي بس مش الكل بيتوب كوني فخوره بنفسك انك معترفه بغلطك رددي استغفرك ربي واتوب اليك واستغفرو ربكم انه كان غفارا حاولي تتخلصي من الماضي و تعيشي حياتك كفايا كدا احذفي اي زكري بتعيقك ان تعيشي حياتك باستمتاع وربي رحيم و غفور رحمته وسعت كل شي متاكدي ان هيغفرلك ذنبك مهما كان كبره بمجرد انك تستغفريه و تسامحي نفسك
تم النشر الاثنين، ٢٩ يناير ٢٠٢٤
انا فعلا عملت حاجات كتير في الماضي مؤذية ليا اووي ويمكن لحد الان معلقة معايا مش قادرة اتخطي اللي كنت بعمله لدرجه اني بقارن نفسي دلوقتي بالماضي ساعات بحس اني عايزة ارجع للماضي تاني بس بحاول امسك نفسي عشان ماذيش نفسي تاني وبقول كفاية كدا. بحاول قدر الامكان اني اعيش كل لحظه بلحظتها بس خطيبي ملهوش ذنب اني متواصلش معاه ولا نتكلم انا بس اللي خايفة منه اني اأذيه بكلمة ولا اغلط ولا اقول حاجه تزعله انا بخاف اووي اني لو اتكلمت اقع بلساني واقول علي الماضي بتاعي وغير كدا اللي عشته وكان في الماضي ميشرفش بحاول اني اتصالح مع نفسي واقول ماضي وراح لحاله بس سمعت ان الواحد لما يفتكر الماضي بتاعه او يقول ربنا بيعاقبني عالماضي يبقا كدا ربنا مسمحهوش ولا غفر ليه اللي كان بيعمله 💔
تم النشر الاثنين، ٢٩ يناير ٢٠٢٤
بصي حببتي بتنسي كتير بسبب هروبك من الماضي اظن ان في ذكريات سببتلك مشاعر الم انتي بتتجنبي انك تفتكري المواقف دي علشان متحسيش بالوجع مره تاني ف دا بيعني هروبك من الماضر تحليه ازاي انك تتصالحي مع المواقف دي و تسمحي للمشاعر بانك تعيشيها لو حابه تبكي ابقي قوه علي قد ما تقدري ولو عندك مشاعر غضب اتعصبي لو حطي المخده ف وشك وصرخي بكل قوتك و بخصوص ان مش بتتكلمي خطيبك هو اللي بيبادر بالكلام دايما دا بيعني ان عقلك و مشاعرك مش ف حضور يعني مش عايشه ف الحاضر ياما شاغله تفكيرك بالماضي او المستقبل و دا بيعيق تواصلك مع خطيبك و كمان مع باقي علاقاتك الحل انك تفصلي عقلك قولي ل عقلك دايما ان مفيش حاجه اسمها ماضي و مفيش حاجه اسمها متسقبل عيشي اللحظه دي وبس لان اللحظه دي هي الشئ الوحيده الحقيقي لفتري و بعدين هيتبقي ف وهم الماضي فهماني ف ركزي ف كلام خطيبك و بادريه اساله العبو سوي خليه يقلك نكت واضحكو لو شفتي موقف مضحك من فلم احكيهوله عيشي معاه بحضور لوقدررتي تفصلي نفسك من الماضي و المستقبل و تعيشي الحاضر اغلب مشاكلك هتتحل مش مع خطيبك و بس مع كل علاقاتك و الاهم مع علاقتك بنفسك هتنطور و تكوني اكثر ثقه بنفسك لان النقطه الرئيسيه ف انك تكوني انثي كريزما ان يكون عندك حضور اتمني يكون افادك كلامي و تقدري تطبقيه + ربي معاكي واتمنالح من قلبي حياه سعيده
تم النشر الاثنين، ٢٩ يناير ٢٠٢٤
عادي سؤال زي اي سؤال قبلكدا كنت بحرق ورق تبع الماضي وكدا ف سألوني ورق اي دا وبتحرقيه لي بس دا الاي بيحصل
تم النشر الثلاثاء، ٣٠ يناير ٢٠٢٤
اهلك بيسالوكي اي ممكن توضحي النقطه دي
تم النشر الثلاثاء، ٣٠ يناير ٢٠٢٤
لعرض السؤال في فدني اضغط هنا